{{ رحلة الأشواق }} يارحلة الشوق والغرام ماعرفته لي وين الذهاب لا بدر ساطع في سماي لا نجوم تضوي ولا شهاب ياربي تهديني السبيل 👐 ضليت وطال بي الضهاب ظمأن وللأسف الشديد دفقت مويتي على الرهاب ياالجاري حبك في دماي لي رضاكي خليت العقاب زي ضلي عهدك ماش معاي والعهد دين فوق الرقاب الحشمة والزوق والوقار نظراتك التحت النقاب كم خلفن في فؤادي نار مشتعلة من دون عود ثقاب يابهجتي ويا سر غناي ياوردة من مدن الضباب انا في رجاك يا ست هواي أفنتيو ريعان الشباب فتشت في دنياي براي الفرحة مالقيت ليها باب أحلامي ظنيت يامناي مزروعة في أرضاً يباب رسلت شوقي مع الطيور راجيها ترجع بي الجواب عانيت من الهجران دهور كاد عقلي يفقد للصواب في سلطتك لو لي مصير عزالي بعملو إنقلاب إلا القوافل يوم تسير ما بضر كتير نبح الكلاب ياقلبي قولي زكاتو كم ؟ شوقاً بلغ حد النصاب اوعك تشيل للدنيا هم أتذكر المؤمن مصاب العارفو ما بدوم الحنين في المابتدوم دار الخراب لو عشنا الاف السنين لابد نرجع للتراب ✍ خالد البطحاني
