مدين لك باجمل سنين الغلا وان رحل
ومدين لك بالغرام اللي حوته الظلوع
ومدين لك بالعفو قبل احتكام الزعل
يامن عليك انعم المولى بسمح الطبوع
اخذت جرحك وجرح العشق مايندمل
واعطيتني قلب عن كل الخلايق قنوع
من عينك الفاتنه يشرق علي الأمل
ياعلها ماتظام ولاتفيض الدموع
انا لهذا الشموخ المبهر المكتمل
عاشق واسوق الغلا من كل وجهاَ ونوع
وانا لهذا النقاء اللي بصدرك نزل
محب مايعرف العوده ولاله رجوع
خذني الى اخر اللحظات والمرتحل
قلبا عليك انبت اغصانه وامال الفروع
وخذني اذا زادت جروحك وقلبك ذبل
مواقف انسان مايقنط ولاهو جزوع
جزاك فيما عطيت من العطايا الجزل
روحاً تميزك وتداريك وتجيك طوع
وغلاك وان جيت اقيسه باختلاف المثل
مثل غرام النصارى بالمسيح اليسوع
ماهي عباده ولا بدعه ولاهي جهل
لكن هذا الغلو اللي يجيب الخضوع
لاينهز الخوف يدك ولايجيك الوجل
انت ابلغ العشق وايامي لدربك شموع
وانت اجمل اللي حصل لي رغم ماقد حصل
باقي بقلبي ولك في كل عتمه سطوع
وباقي الى اليوم يلحقني علي اسمك خجل
حتى لو ان صدري المزهر لحبك ربوع
9 окт 2018