سوالف عراقية مع استبرق الربيعي .. احد اشقياء النجف الاشرف رزوقي كوبرا | 2022/4/4 

الرحمة والنور على أرواح شقاوات العراق الأبطال تاريخهم جميل ومواقفهم عظيمة

رزوقي كوبرا من واحد يسمعه يحس بطيبت اهل كبل اووووف الله يطول بعمرك انشاءالله

ابن منطقتي انت انسان محترم وشريف والله صدك غيور ربي يحفظك ويسعدك ويوفقك يارب لقاء جميل جدا

رحمة الله على والديك حجي والله ماحجيت إلا صدك عراقي أصيل بس هذا الزمن اندار ع الكل شقي إلي يعيش عائلته

ونعم من العراق وأهله الشرفاء

ايام و اوائل شهر رمضان المبارك تستضيفون هكذا شخصيات وتتركون العلماء والادباء والمفكريين والانسان الناجح مبروك على هيج قناه عود هاي قناه عليه عتب وتعتبر قناه مميزه بعد وبعد

احلا حلقه شفتها بحياتي والله كلبي رتاح

عجبني من يكول الشقي اليجيب علاكه لاهله ربي يحفضه

رزوقي انسان محترم واني من المعجبين بسوالفه

وحق الله ماقال الصدق اصلا الشقاوات كانو السرسريه بالمنطقه لاغيره ولا اخلاق ويعتدون عالرايح والجاي وتسليب وخاوات اذا اكو ناس زباله حشا القارئ هم الشقاوات والجماعه بالتعليقات يمدحوه الظاهر معايشين حقبة الشقاوات والشقاوات تره موشخص واحد عباره عن عصابه مال سرسريه واي شقي سهل يبنسط او ينظرب لكن وياه عصابه تحميه وكلهم عايشين عالخاوات اني عايش ذاك الزمن وماشفت ولا سمعت شقاوه خوش ولد نعم ممكن يساعدون المظلوم احيانا لكن الهم نسبه اذا ما اخذو كامل حق الشخص لانفسهم واتحدى واحد بكل المتابعين يكول اكو شقي مو سكير كلهم سكر وعربده واعتداء عالناس ومع الاسف وصلت السخافه بقنواتنا تلتقي بهيج شخصيات ويبنوهم للناس على انهم شريحه صالحه بالمجتمع

العراق تمكن وتوفق بالبرنامج التربوية والاخلاقية والقيم والدراسة ومكافحة الفقر والجوع وكفالة اليتيم والأرامل ، وبدا ببرنامج الشقاوات. لا حول ولا قوة الا بالله العلي العظيم

وين ايام زمان ايام الخير الجار يحب جاره والناس كانت ع الفطره؟؟ تحيه الكادر القناه؟ وايضا احيي الاخ رزوقي كوبرا الرجال الطيب واتمنا له دوام الصحة والعافية؟؟ ايام من الجيل الجميل موضوع من تراث العراق 🌺👉

الله يحفظك يارب نحن بالموصل كان عدنا واحد اسمه إبراهيم عنتر الله يرحمه همات مثلك كان أنسان رائع جدآ ويوكف وي الفقير هسه أهل الموصل تقريبآ كلها تعرفه

زمن جميل ربي يعطيك الصحه وعمر مديد يارب

اني عمي حسين لفته احد شقاوات الناصريه والحمدالله حي يرزق ربي يحفظه ويطول بعمره😍🤞

وعدنا بلبصرة المرحوم البطل فايز مشاري ابو علي رحمه الله عليه يصير صديق ابوي والله انسان شريف وشهم وصاحب نخوه

مره رحت اشتري سچينة حتى اصير شقي رددت افتحها وتعورت ايدي وذاك يوم وهذه يوم .كمت اروح بدربي واجي بدربي اشتغل واطلع فلوس العلاكة والخبزه الحلال 💐

الله يحفظك رزوقي.. اجمل شيء بالحلقه ابتسامات الست استبرق وبالأخص الابتسامه الأخيره 😊😉 والبدايه ههلاً بيكم

برنامج رائع واختيار رائع جدا من استاذه استبرق.. اعتني بنفسك جيدآ استاذه.. وهذا الإنسان شريف وخلوق يدافع عن أبناء منطقته بارك الله فيه. كل ساعة وكل يوم وكل إسبوع وكل رمضان وكل عام وانتم بخير بمناسبة شهر رمضان المبارك اعاده الله علينا وعليكم بالخير واليمن والبركات ان شاء الله... هذا انا رزاق معلم لمادتين التاريخ والجغرفيه ومحاضر في علم النفس.. ابن العراق وبغداد.. وان شاء الله لقاء قريب ياعراق 😔🕊️🌹💓مشتاق

اكو هم شقي بالبصرة فايز المشاري ..اللي جسد شخصيته الفنان احمد طعمة التميمي بمسلسل مناوي باشا

هذا الشخص ابن حلال وتربيته نظيفه .وابن اصول

لازغرن بي اول مره اشوفه بصراحه انسان طيب ومحترم ربي يطول بعمره

أني راح أتوب ألى لله رب العالمين بعد لا أتعرك ولا أطب بعركه والسجينه ام الياي راح أشمره ولله لأن أثرت بيه كلمه كاله رزوقي كوبره كال هسه الشقاوه الصدك يجيب علاكه لهله يجيب خبزه لهله اني هاي الاثرت بيه

الى من يتهم القناة بسخافة الموضوعية يجب ان يعرف ان هذ الموضوع يتناول فلكلور عراقي قديم يعني من التراث واجمل مافيه التعريف بشقاوات العراق ومواقفهم البطولية لنصرة الفقير تحياتنه الك رزوقي

الشقي الوحيد الذي لن يتكرر هو خليل ابو الهوب .ابو سرحان .من منطقة الفضل في الأربعينات يسمى حامي الفقراء

... الروح هي التي تقود العقل في الحقيقه. اما العقل فدوره فقط تبرير ما ترغب به الروح فهو دائما يبحث عن المنطق الأخلاقي في الحياة... فهنا لا تستغرب من بعض التصرفات النبيله من بعض الأشخاص في زمن كثرة به التصرفات التافهه والتافهين.... ف باختصار دقيق ان كل تصرفاتنا وافعالنا هي ناتجه عن ما ترغب به الروح..... ف الف تحيه إجلال واحترام وتقدير لكل الذين أرواحهم وتصرفاتهم بقيت وما زالت نبيله...

الله يحفضك خالي ويطول بعمرك يارب

الله يرحم اشقياء العراق الي كان الهم دور بلدفاع عن مناطقهم في زمن المقبور

حياك الله خويه شلون احوالك سلامي لك وللعائلة الكريمة ….ورمضان كريم عليكم اخوك احد مقاتلي لواء 66 قوات خاصة سابقآ من اهالي الناصرية

لا حول ولا قوة الا بالله....اللهم لاتؤاخذنا بما فعل السفهاء منا

رزوقي كوبرا بطل وشهم وصاحب نخوة

وداعا نخوة المحلة والشرف والوطن والدار ورجال عراق الزمن الأول

والله العظيم اذا اكو بالمنطقه او جيرانه مثل هيج ناس اشيل من هاي المنطقه يجب ان يكون الانسان كما ارد الله ورسوله واهل بيته الطيبين الطاهرين

اهلا وسهلا بحضرتك استبرق الربيعي ❤❤❤❤❤❤❤❤❤❤رمضان كريم وكل عام وانتي بالف خير ست استبرق الربيعي

حياك الله ابو احمد ابن منطقتي انسان شريف ما يحب الاذيه الاحد محترم

احسنتم الإختيار

ربي يحفظك رزوقي كوبرا مدرسه المراجل والغيرة والنخوه ربي يحفظك

اول مره اشوفه حبيته مبين انسان راقي وكلام حلوه

تحياتي للطيبين جميعا الله يحفظكم بحق الحسين عليه السلام برنامج اكثر من روعه

هاذ الشخص مو شقي ولاكن عاش في زمانهم

طاح حضكم اشلون قنوات اسلاميه خايسه

عاشت ايديكم ع هالبرنامج الفريد من نوعه وجديد ع ساحة الفن العراقي والله يحفظ القائمين ع البرنامج واخص بالذكر الست الخلوقة استبرق الربيعي والله يحفظ رزوقي كوبرا يطول بعمره.

🤏⌚👈🤲️ اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ اللَّهُمَّ لاَ تَدَعْ لَنا ذَنْباً إِلاَّ غَفَرْتَهُ، وَلاَ هَمّاً إِلاَّ فَرَّجْتَهُ، وَلاَ كَرْباً إِلاَّ نَفَّسْتَهُ، وَلاَ مَيْتاً إِلاَّ رَحِمْتَهُ وَلاَ حَاجَةً هِيَ لَكَ رِضاً وَلَنا فِيها صَلاَحٌ إِلاَّ أَعَنْتَنا عَلَى قَضَائِهَا ، بِرَحْمَتِكَ يَا أَرْحَمَ🙏🤳👉👍💞

هسه يجي واحد يضحك علئ رزوقي مع لعلم قبل ناس تتفاخر بشقاوتها وشجاعتها ويكله اذا بيك خبر افتح ساحه وسجينته اذا طلعها ما يرجعها اذا مابيها دم هسه من ٢٠١٠ ولحد لان شبابنه تتفاخر بصديقه الجرو الي وياه ويتماوع جنه بنيه سبحان مغير الاحوال.

لقب الشقاوة يحسبه البعض صفة ممدوحة والحقيقة هي صفة مذمومة مأخوذة من الشقاء الذي هو ضد السعادة

يارزوقي ياحسين لم يمر من هنا سوا رجل واحد رحمه الله فقط واحد لايتكرر ...خضع دول مو بشواربه ...بشجاعته ...وكتب اسمه بجبهة التاريخ

سلام عليكم ست استبرق رمضان كريم عليك وكل عام وانتي بالف خير وعافيه

فد يوم من الايام في النجف الاشرف في شقاواتها كان مؤذي فسأله المحقق وضابظ خفر من اهالي النجف الاشرف من شقاوتاها كلش صلف فكال ضابت خبر في حينها قال الى المساجين هذا الكم نيجو فهبت عليه الفرخجيه وناجوه كل السجناء وهسه هو حي يرزق هذا من شقاوات النجف يعرف نفسه اسود ابيض

احلى شي من يگلهه ست سبره 😂😂

الاعلام يستضيف عالم، رجل دين، خبير،، دكتور، مهندس، مؤرخ، مو شقاوات وسلابه وين راح توصلونها لخاطر الله

ابوي جان من شقاوات الحكيميه البصره فلاح حسن العبيدي والي مناك يعرفه الف رحمه ع روحه

شقاوات قبل عدهم غيره وأخلاق يساعدون الفقير وشجعان عدهم خجل من الجار يحترمون الناس وأهل المنطقة وما يتحرشون حتى بنت المنطقة ــــــــ مو هسه أشقياء هل وقت جبناء غدارين يسرق من الفقير ويعتدي على جميع الناس وما عنده غيره أي لا دين ولا اخلاق ولا ضوابط،، ابو كوبره رجل صاحب اخلاق ومعدل من كلمة

احب كوبره سوالفه حلو بس اكو ناس بل فيس بوك جاي سب وتغلط ليش شمسوي هوه رجال طيب

عندما يغيب القانون بدولة الاقانون تظهر هذه الأمور!!! شكرا للمتحدث ولكن!! لو كان القانون هو السيد..لايوجد أحد فوقه..تحياتي!!

إنسان بسيط مو مبين علي شقي جنه واحد يوتيوبردمصري 😂😂 الله يحفظك

انسان شريف ومحترم

اخليك على رزاق..القوة الربانية ... ياست سبره ههههههه طبعاً ست سبره ميتة من الضحك بداخلهه

والله انسان طيب القلب وماعدي اي اذيه ويه ناس

ذو العقل يشقى في النعيم بعقله ..... واخو الجهالة في الشقاوة ينعم

كان عندنا في البصرة شقي اسمه فايز مشاري الله يرحمه هذا الرجل كان بطل حقيقي في أحد الأيام في سنة ثلاثة وسبعين كان عمري 15 سنة وكانت البصرة تعج بالشركات الأجنبية في ذلك الوقت فكان خمسة رجال أعتقد كانوا امريكان تحرشوا بفتاة وذا بجية فايز الله يرحمه ماطول عليكم سواهم خرفان لا شنو خرفان سواهم جريذية وهاي القصة صارت امامي أنا شاهد عليها

اني من الحله واعرفه رزوقي كوبرى خوش زلمه واخو اخيته وكدها و ابو نخوه

والله اشرف الشرفاء هو رزوقي كوبره هاي حاضرينه المشيه الله يحفضك ياصكار شقاوات النجف البطل

انسان طيب

الله اكبر لقاء عظيم في شهر عظيم وشخصية عظيمة. الله يطيح حظچ على هيج لقاء

مع كل الاسف عايفين العلماء و اصحاب الخبرة و الانجازات ملتقين بواحد شقاوجي شوف ماذي كم واحد

دجيبو انسان مفكر كاتب ناقد عالم مثقف حتى لو رب اسرة تستفاد الناس من تجربته جايبيلي شقي مايعرف الله ولا نبيه ومسوين ويا لقاء اشنستفاد منه هسة من تكعد العائلة العراقية وتشوف هذا اللقاء شنو راح تستفاد طيح الله حظكم

أبو الغيره والنعم منك وكفو

المذيعه والله حلوه تخبل فديت بنات العراق

الله ينطي الصحه والعافيه ويطول بعمرك رزوقي كوبره المفروض يكون عنوان البرنامج.. الشجعان

الشقي. هو رجل خارج عن الطاعه.. الناس حبت الشقاوات مال العراق في زمن العشرينات ولحد التسعينات. لانهم كانو ضد طاعه الانظمه الدكتاتوريه. والشقي المحاصر يمتيز بخصال جيد وعنده شخصيه مميزه. هذا الرجل ما اتصور بيه كاريزما الشقاوات مع احترامي للكوبرا.

منور يا طيب ربي يحفظك ويطول بعمرك لأنك كنت نعم الرجولة ولأنسانية

ونعم م̷ـــِْن العم (حسن كريم. ) احد اشقياء الكياره

اكول الله يطيح حظج على هذا اللقاء

منوره ست ابتسرق الربيعي ♥️💐🌺

من الاشقيا المعرفين على مستوى بغداد ناصر گياره الله يرحمه ول شهيد حجي مهدي الله يرحمه جان الهم تاريخ مشرف

السبع الذي يجيب لقمت العيش إلى اطفالة والعبادة إلى الله وحب محمد وعلي وجميع ا اهل البيت حب الدين من يتعدى الناس شقي بلاخرة ماكو شقي ولسلام

ليش برامجكم سخيفه استضيفوا مدرس مهندس طبيب طالب مجتهد عامل أو عامله مجتهدين في عملهم خلوا الجيل الجديد يستفاد

اللهم عجل لوليك الفرج الشريف 🖤💎🖤💎

حي الله رزوقي كوبرا

منور يا بطل اهل النجف الاشرف يحبوك

اشكد كانت للدوله قبل ٢٠٠٣ هيبه اذا رزاق كوبرا جان خاتل بحفره سبع سنوات لعد اشكد جانت للدوله هيبه مو مثل هسه يهددون رئيس الوزراء بقص اذانه ويغلس ويسكت

ارزوقي تتذكر من كتلتك بلكراده هاااااا من جنه ملتحقين للجيش تذكر من اخذت افلوسك خاوه ودخلوو أهل بغداد وعفيت عنك

لعراق فارغ من الادباء ولشعراء ولفنانين ولرياضين ولعلماء رحتو ع هذا الشقي ابوالعرك لكان يدور جراوي ولله مهزله ههههههههههه

طلعوا قصص شهداء الحشد الشعبي أو ابطال الجيش العراقي .. رزوقي مخترع الذره

رزوقي كوبرا كان وياي بسجن ابو غريب زلمه شهم ومعدل انا من سماوه

الله يحفظك حبيبي بحق محمد وال بيته الطيبين الطاهرين

برنامج يشجع الشباب ان يكون شقاوات

بارك الله بيك

معدل ابن ولايتي رزوقي ربي يحفظك ويخليك ❤️

الله جاي اشوف العراق

احلى رزوقي صاحب الضحكة و الابتسامة

اكثر الشقاوات قبل الي معروفين على مستوى العراق كانو يحمون الفقراء والهم مواقف مشرفه وهاي المواقف هي الي تسويلهم صيت

تكله سولفنه على بطولاتك السابقه كأنو ملتقيه ويه عنتر ابن شداد هههههه

في حالة جانت مواقفهم مشرفة فمن الافضل كون تسموهم شجعان بدلا من شقي لأن كلمة شقي معناتها معنى سلبي عكس كلمة شجاع معناها معنى ايجابي

وشنو الفايدة من هذا اللقاء متستحين على هيج لقاء والله تردون ترجعون الفوضى للعراق وترجعون العصابات للشارع

كول وفعل ابو احمد

ابو الغيرة ابن ولايتي

من اشقياء محافظة الديوانية قضاء الشامية وقضاء عفك هما (( فلاح شامية ،، ظاهر آل برقي شقي عفك )) وبس

والنعم من رزقي كوبرا رجل شهم

أللهم صل على محمد وآل محمد