سيارات كهربائية صغيرة من شركة الذهب في البصرة _ Gold Electric Cars 

يابه لو يحولون التكاتك بهاي السيارة اله الشارع يصير يخبل منو يتفق

والله فكرة حلوة اولا صديقة للبيئة وراح تخفف من نسبة التلوث و منتوج وطني و اهم شي اتمنى من اصحاب التوكتوك تصير عدهم امكانية شرائها لان شوارعنا صارت فوضى من التوكتوك ، مو قصدي انتقص منهم لككن ذاك مابيه اي مواصفات امان و خطر على ركابه

دفع مقدم وانتظار فترة شهر لاستلام السياره هذا جعل الكثير يرفض الشراء لانه خوفا" من النصب والاحتيال كما حصل سابقا" لذا وفروها في معارضكم بكل احجامها وليكون البيع مباشر ان كنتم صادقين للوعد ليطمئن المشتري هذا لوطبقتموه سيزيد المشترين الناس تحب كل صغير جميل

كلش كلش حلوه بس عوزهه شغله وحده تمشي اكثر من ٨٠ الى ١٢٠ تصير احلا واضبط من السايبه واتصور راح تترس العراق اذا بهيج سرعه

العراق قادر على اصدار قرار تبديل كل التكتك بهذه السيارات في حال لو رادت تدعم الفقير الحقيقي ماكو واحد يشتري تكتك الا وهو معوز السيايات الكهربائية اللي بيها صندوق مفتوح مثل البيكاب في مصر وصلت وممتزاة وسعرها 16 ورقة العراق مفروض بسرعة ينتبه لمشكلة الشلريحة الاكبر وتدعمها بتمويل ويخلي شوارع العراق من التكتك وكثة حوادثها اصحابها ماساكين امام سيارات الفارهة اولكبيرة والجكسارة ظلم اجتماعي ناهيك عن انو هاي سيارة جميلة يعني الاطفال يفرحون بيها عندنا في اربيل عوائل كثيرة من نشوفها بالتكتك تلثم وجهها خجلا استغرب الساسة والبرلمانيون بيش ملتهين لو بس اعرف

مقطع 9 من 10 بدون موسيقى يصير 20 من 10

خلي بالك العراقي الرجل خاصه يحب حجم السياره أكبر فكرتها حلوه بس تحتاج وقت تدخل بالسوق العراقي

لحد الان محد ماسال العراقيين ليش بنية سياقتها مو كلش او رجل عجوز موظف او شاب امكانيته المادية بسيطة ليش يرغبون بسيارة عملاقة يحجزون الشوارع وهم كل حاجتهم بيها هي فقط الدوام والتسوق وداخل المدن اذا كان داخل المدن فقط فليش يشتري سيارة عملاقة وعالية؟ حتى تركين مايعرفها يركنها بالازدحام يعلق الصغيرة على قد الحاجة لبعض الناس ثقافة ورضا وقناعة وفائدة وانتماء وطني 400 كم وبالشحن الكهربائي بدون سرة بنزين روعة 60 كم سرعة وتبريد وشاشة ؟ العوائل الصغير وذو دخل المحدود ومشاوريهم تسوق ودوام مابيها مجال بقت فقط عالشركة ان تحرص علىا لجودة وماكز الصاينة وانتشار المراكز ولو العراق انضبط الكهرباء مالتها فهذه السيارة روعة وجودة حياة وتواضع وانتماء

يا اخي كلش حلوة واقتصادية بس احنه كثقافة شعب ما يحب سيارة بهيچ احجام لو على الاقل كان الحجم مثل حجم السايبة كانت شي ممتاز

حبيبي حمودي ضروري تئكد عليهم بالسعر وأن يكون ما يعبر الخمس ملايين دينار عراقي حتى اصحاب التكاتك يكدرون يشترونها ويخلصون من التكاتك وخطورتها وتعبها، ومو بس اهل التكاتك حتى الناس البسيطين يكدرون ياخذوها وتخلصلهم شغلهم وطلعتهم، واكيد سرعتها لازم ما تقل عن ال80 كيلو بالساعة وأن تمشي ما يقل عن 400 كيلو للشحنة الواحدة مع مساعدة خزان البانزين الصغير.

الأهم الصيانة وقطع الغيار ولو كانت سرعته 100 كيلو متر أفظل حتة تكتسح السوق وتسحل السايبا والله وتصير هي الأكثر أقبلآ وانتشار ولو كانت الشركة العامة للسيارات بالعراق تفتهم تفقت وياهم وفتحت خط أنتاج بالعراق بمواصفات تناسب العراق وتكون أرخص أيضا لأن أنتاجة بالعراق والعراق من أرخص الايدي العاملة بالعالم

حبيتها وأكثر شي عجبني سعرها جدا راح تفيد شعبنا العراقي ❤

حلوة لاكن شعبنه بي جفاف للثقافة لان راح تذب ٥٠ ورقة وتبقى مضحكة لليسوة والميسوة 💔

حلوه هاي تفيد والله بدال تكتك بس كون صيانه و قطع غيار 🇮🇶 اني تفيدني كلش مدارس و مسواك و غيرهه مشاوير قصيره

والله احسن من السايبة مليون مرة سيارة داخلية للكسبة وغيرهم شي حلو واقتصادية بشكل مثالي👑👑👍👍👍

زين الهورن اكدر اغيره😂

فاعل خير :الأسعار من ٤٠ إلى ٥٧ ورقة.

شكد حلو من يرجع العراق ويصنع لو بالقليل ان شاء الله التطوير بالمستقبل.

أتمنى تكون هناك ميزة الشحن عالطاقة الشمسية لتعويض البطارية أثناء السير واعتقد هذا مو صعب

اخي العزيز هنالك اسئلة اود اجابتك عليها ١- هل المحرك والبطارية يقاومان درجات الحرارة العالية لدينا 55c فأكثر …؟ ٢- كم هو العمر الافتراضي للبطارية …؟ ٣- كم هو سعر البطارية منفردة ….؟ ٤- هل تترقم السيارة في مديرية المرور اصوليا …؟ وكم تكلفة الترقيم …؟

خطوة بالاتجاه الصحيح لكن الافضل التعاون مع شركات اكثر رصانة واعلى جودة في هذا المجال مثلWuling Motor وBYD وحتىChangan Automobile

بسم الله ماشاء الله الله يبارك للعراق ولأهله

شكرآ لك اخي محمد وفقك الله

كلش حلوة السيارات ما شاء الله ان شاء يوم تصير عندي مثلها

هاي السيارات أفضل بمليار مرة من التكتك و غيرها من الدراجات ذات العجلات ال3 او ذات العجلات ال4 أتمنا تنتشر بالعراق لان التكاتك وصل سعرها 5 مليون ومابيهن تبريد ولا أمان

السيارة حلوة وتخبل بس لو حجمه شويه جبير عاشت ايدكم اتمنه القادمه حجم اضخم وشكلها مثل لاند كروز لو سوناتا العالم راح تحبهه

بعد ماكو تكتك ولا سايبا ولا كيو كيو هذي افضل بهواي ومواصفاتها تخبل واذا تجي بيك اب بيهه حوض مثل الستوته تقضي على الستوته الي سنه وتشمرها وخطره

اغلب تعليقات تريدها تصير مكان تكتك واحنه ما نعرف هل هي سيارة عملية تقاوم الاستمرار في الشغل مثل التكتك وسايبا ام شغلته تكظيه وقت وشغلات بسيطة نتمنى من أصحاب الاختصاص الإجابة والتوضيح

اني اسف علة تعليقي الي البعض محيتقبلة بس بالبداية احييك علة جودة التصوير والصوت والمونتاج شغلك كلش حلو وادواتك مطلعة المحتوى بشكل مرتب انتقادي هوة شنوة المحتوى الي مصورة والطريقة اول شي سيارة بهل نوع ماعتقد تحتاج او حلو انو يكون الهة مراجعة بهذا الحجم لان اساسا هاذا النوع يستخدم لشركات التوصيل الداخلية للمطاعم او توصيل مشتريات السوبرماركت وليست للانتشار والاستخدام الشخصي وباجر عكبة اشوف شخص مصعد اهلة ويفرفرهم بيهة مع كل احترامي لكل الناس الي حالتهم ضعيفة ثاني شي لازم شرحك يكون معلوماتي اكثر من ما ترويجي مذكرت لا نوع السيارة وشنو حجمهة ولا ذكرت تفاصيل الشحن او تفاصيل البطارية وحتة موضوع محرك البانزين الي يشحن البطارية جنت تكدر تاخذ مثلا شركة نيسان حتة توضح شلون دتصير العملية يعني من طبيت للفديو جنت منتظر شي يغير تفكير الناس بالسيارات الكهربائية وهالشي مشفتة بالاخير انتقادي بناء الك وحتة نثقف ونوعي الناس شنو يختارون ❤

هل الذي فهمته ان السيارة يحركها موتور كهربائي ، مع وجود محرك بنزين ذو رأس توليد وظيفته شحن البطارية التي يعمل عليها الموتور الكهربائي ؟ هل ان التصميم هو بهذا الشكل؟

ما شاء الله تبارك الرحمن اللهم بارك، اتمنى من صاحب القناة تقديم المزيد من التعب على المحتوى

تخبل نشالله اخذ وحده ❤😊

هي حلوه بس لو يشتغلون ع شكلها بحيث يخلوها ملائمة . حالياً شكلها تحسه بي خلل + صوت الهورن

ننتظر الرفيو الثاني بعد تجربتك للسيارات

سيارة حلوة والله اتمنى اشتري وحدة تخلص شغلي عجبتني ❤❤

روعة❤❤❤

ياريت تكون حل بديل للتكتك، لان منظر التكتك خصوصا في بغداد سيء جدًا هذا غير المخالفات المرورية والربكة الي يسويها التكتك بالشارع.

موفقين يارب ويزدهر المنتج الوطني ويقظي على التكتك 😊

صور بالنهار افضل ياعزيزي شكرا الك ورحم الله والديك 👍👍👍🌹🌷⚘حلوه بالتوفيق انشاء الله

والله اهل التكاسي كلش تفيدهم بالداخل

تنفع داخل المناطق المزدحمة و داخل المجمعات السكنية و الدوائر الحكومية

بعيدا عن السيارة، الموسيقى المتقطعة مزعجة كلشوية أسد الصوت 😔

لطيفه جدا ورح تكثر بالشارع

احسن من الستوتة والتكتك

تگدر تگول تكتك بس كهربائيه لان من صعدت ونزلت انته منه بصعوبه نزلت حته ابتسمت لانك خجلت بس شي حلو انو يصير تطور وياريت صنعون سيارات ضخمه وفخمه بنفس الوقت كل مواصفاته حلوه بس لو مدارينه بلحجم شويه اضخم وصعدو سعره حسب صرفياتكم عليه وشكرا

كون نشوفهة بمكان التكتك افضل هواي بس اعتقد مو خدمية بلشغل

روعا السيارة كون اضل السيارة يبيعون بيهة علمود بعدين اشتريها خاصتا البيضا الثالثة

موفقين عاشت ايدكم

كلش زين إذ تمشي 80 يعني سرعته نفس سرعة التكتك واعتقد هاذ الشي افضل

ٱلسلام عليكم، عرض جيد للسيارة. لكن ٱسمح إلي بأن أفيدك بأنه محركات ٱلٱحتراق ٱلداخلي هي عبارة عن ( ميكانيك + كيمياء ) و ٱلمحركات ٱلكهربائية هي عبارة عن ( ميكانيك + كهرباء ) كل شيء هو ميكانيك لكن تختلف ٱلطاقة ٱلمستخدمة ليعمل.

زين وحراره البصره بالصيف تعبر 55 السياره تصير مفخخه بالشارع... لازم الشركه تخلي ببالها حراره البصره

والله حلوه وتسوه واني تمنه شكله يدغير يكون احدث ويتم تطويره من ناحيه المحرك ويخلون بيه باتريات اكثر حتا يطول المدي مالته ٧٠٠ كيلو

اخي الكريم اذكرلنا التفاصيل التاليه اولا هاي كهربائية او هايبرد ثانيا نوع البطارية ليثيوم زنك اسيد ثالثا عنوان الوكيل

اهم شي تكون رخيصة حتى تكون للجميع

جان الاحسن شوية يكبروهة ويزيدون ساعة شحن ومئة كيلو متر ازيد وصندوق خلفي اكبر ماينفع لطرق المحافظات كالسفر بين المحافظات والسرعة تعبر المية وعشرين

السلام عليكم السيارة حلوة بس اكو شي ما شفنا بالفيديو اكو ماسحات جام لو لا و اكو مانع تزحلق لان انتو تعرفون شوارعنا ‏‪ و شكرا جزيلا

سرعه 80 او90 يكون مناسب لشوارعنه

يشتروها من المصنع بعشرين ورقه ويبيعوها بخمسين ورقه ،،،،

نصيحة يجب تبديل مكان الشحن في السيارة الاوله بحكم الأمطار الغزيرة في العراق وغرق بعض الشوارع فأنه يصل الى مكان الشحن ومما يسبب في تلفه

تسارع من 0 لى 100 ب 5 ايام ونص توصل نشالله …… موفيق نشالله

عاشت أيديكم ❤❤

سيارات المستقبل

حلوه بس لو لسرعه 120بمكان ل60 تكون رهيبه

اخي العزيز بس كلي السعر كم والتبريد بس فان او تبريد حقيقي وكذلك المواد الاحتياطية موجودة لو بعد ماكو مواد احتياطية وكذلك ورش صيانة هذه الامور من الاولويات

4:24 تناسب البنات ، تفيد خط طالبات صغار

حلوه بس سرعته بطيء جدا وحجمه شوي يراد يكبروه

والله بعت تكتك ب٦ ملاين وحاخذ هاي وشتغل بيه عباب الله كيووووت

فول عاجبتني ❤

‏‪6:39‬‏ الهورن طرب

فدشي مراتب❤

السيارة فردشي كلش حلو

يا المصور لو مخلي فلاش بالكامرة مو احسن؟ الدواخل ملات السيارات ما شفت منهن شي!😑

حلوة البيضه ابيش جيبو منها بلانبار ديحتنا السيارات البانزين وعطلاتها الهوايه

عجبتني بدل التكتك ونسائية مع الأطفال

ان شاء الله خطوة جيدة لصناعة موديلات افضل

فرد شي كلش راقي ❤

جيد هي اكيد سيارة صينية وعنوان الشركة وين بالبصرة حتى الي يشتري يندلهم

هذا التوجه السليم ، وتكون بديلة للتك تك والستوتة ، شكلها حضاري ، منظرها جميل ، وبإستطاعة العراق انتاج كميات كبيرة وتكون جاهزة للتصدير الينا في دول مجلس التعاون الخليجي لأننا نحن ايضاً نعاني من الازدحامات وقلة مواقف السيارات .

بيها ايرباكات؟ اهم شي الامان

احسن من التكتك ... انشاء الله ينتشر يمنه ونخلص من التكاتك

عزيزي انت انسان فاهم و هواي ناس تثق بيك ليش تسوي اعلان لهيج شركات تعبانة وتروج لشي غلط انت سألتهم عن الامان شفت الها اختبار تصادم جربتها بالحر لكيت الها قطع غيار انت خوما تورط العالم ياخوية

المفروض تكون بنزين بالكامل و يكبرون حجمها و سرعتها و متانتها

كون اهل التكاتك يبدلون التكاتك بهاي السيارات هم تبريد وهم جماليه وعمليه

انا اخاف يسرقوها بستوته

الكير دكم ❤🎉

هاي حقها ٣ ملايين شدعوة ٤٠ ورقة

أكو بالأقساط ووين راح تتوفر للبيع ومتى والله روعة للدوام

هاي كوبي بيست من BYD دولفين بس ذيج 50 مليون وهاي ب 5 مليون ، وانت قيس! ما اعتقد هاي Road legal بغير بلدان !

السياره حلوه لكن شويه اهتمام بالشغل حتى تكون مرغوبه اكثر

لو تصور النه كورلا هايبرد

حلوه بس ماتسوه 40ورقه يعني لو 20ورقه انا متاكد انو تنجح بل عراق بدل التك تك

السلام عليكم بالثالث من نصر بالثالث اجى استلمها❤

هي حلو بس لو اشوي اكبر ولله

حبيته

حلوة 👍🏻👍🏻👍🏻👍🏻👍🏻

هل يوجد فيها مكيف

تكون السياره اكبر بل موديلات الجديده ❤

هاي ممنوعة تمشي بالشوارع عالميا لان مو سيارات حقيقية تعتبر العاب أو استخدام داخل كمبوند مجمعات سكنية

إن شاء الله تصير مكان التكتك

يعني اذا محرك اضافي يشحن البطاريات فد شي ممتاز