عييت ما نوصي فيهااا حسبت روحها كي حكمت بوصت في بلدية تخلص زوج دورو (2ملاين) رجعت هي الوالي وانا كنت نحوس نخدم ليل مع نهار باش نديها بعد 11 سنة قاتلي متحوسش عليا و كل واحد يروح في طريق معييت معاها ليلا نهارا واش بيك واش بدلك علاه رجعتي هكذا فينالمو تزوجت وانا فتح عليا ربي الحمد لله مال و جاه و سيارة في تالي فهمت بلي ضيعت ربع حياتي معاها و عوضني ربي بمخير منها بصح راها تخلص طلقت وراها من دار لدار كي جماعة شيخوخة و مزال ربي يخلص
ربي يرزقك ان شاء الله.احمدي ربي راكي دتيه.ياو انا حبيت واحدة مووور و موووت 6 سنين و هي معايا و كانت تقرا كي كملت قرايتها و تخرجت والله مفقتلها ڨع كيفاه راحت و ليوم عندها 4سنين ملي خلاتني ولله منسيتها.نوكل عليك ربي يا.ب.ع.
هذا مشاعر عطفية يستغلوها ناس لازم تكون واقعي هذيك ولا هذاك مشي مخلوق ليك انت تاعك يجيك بالحلال و عز لا تذل نفسك تحت شعار الحب كون رجل و كوني مراه و كون عندك ثقه في ربي لن تخيبك
ردتني ل 3سنين لوراء طلقنا بعد ماتعاهدنا نكملو لاخر دقيقة مع بعض سوفرينا لكن عمر الخدعة ماتصلح مع الوفاء ربي يهنيه ويسهلو وانا ربي ينسيني فيه وينحيه من قلبي كل يوم راني كي الجمر نطفأ والحمد لله على كل حال
نوكل ربي على ميمتي لي سمحت فيا رماتني في شارع انا عندي غير نهار في هدا ذنيا والله منسمح ليها لا ذنيا لاخرة ...راني معدب في هدا ذنيا لا حنين لا رحيم يا ربي تصبرني 😟😟😪😪🤲🤲
كنت نسمع فيها في تيزي وزو كنت طايح في وحدة ثما نهار شفتها أول خطرة حسيت بحاجة ماشي نورمال الزين لي عطاهولها ربي وحدو بدات تمشي ليام وكنت نخدم ثم كل مانشوفها قلبي يولي يضرب نحسو راح يحبس حتى عقب شهر جبت نميرو ونضالو نحكو مع بعضانا كي نولي نحكي معاها نحس بوحد السعادة غير طبيعية ونبات راقد وفرحان 😊 المهم عقبو شهرين وحنا الاز خطرات نتوحشها نهبط نشوفها ثم ثم ونولي باش ميشوفينيش خاوتها خطرات نلقى روحي سكران على جالها نهار لي متهدرش معايا عشت معاها أسعد لحضات عمري وكي نهبط لدار نتوحشها بزاف ثم ثم نعاود نولي باش نشوفها عقبنا عام مع بعضنا فالتالي الصوارد هوما لي يقرو المصير انا مكنتش لاحق خطبها واحد ميgري عيطتلي فتيلفون قاتلي تبكي قاتلي خطبني واحد حسيت الدنيا تسكرت عليا كوبيت ديراكت فوجها نهار عقب عليا أكحل الخدمة وموليتش نككسونطري فيها وداخلها غير دخان وشراب ومنين نتفكرها تزيد تخلى عليا مزالت لذك في بالي وكي نسمع هاذ الشونصو نزيد نتفكرها المهم نتمنالها ربي يهنيها ونشالله ربي يبدلنا على حساب قلوبنا ❤😢
تحياتي ليك شاب أمين ولد بلادي بطيوة يحسراه زدت فيها وتربيت....والمكتوب خرجت منها وبقات فيها ذكريات ......تحياتي لولاد وبنات بطيوة .....نسمعك بزاف خويا أمين بعد المرحوم الشاب حسني
😭😭😭😭 مسمحتش الظروف حتمت والمكتوب مزالني لليوم نبكي عليه ونتعذب غير ربي لي عالم بحالتي مذا بيا لوكان هو الي راني معاه اليوم وهو الي نكمل حياتي معاه بلاصتوا فقلبي واحد ميديها ربي يصبرني ويقويني على المعيشة بلا بيه فراق 10 سنين والجرح ينزف تقول البارح القلب 💔
ماكتابش نكون معاها نهار تفارقت معاها خرجت من العلاقة ياااءس أول وحدة اقترحو عليا العاىلة قبلت بلاما نعرف شكون اولا كيف دايرة 7 سنين وانا كل نهار نفكر فيها مانسيتها لجسم مع وحدة و القلب معلق بيها حاولت نساها مقديييتش ❤FLora❤...
يوسف رميدي مر من هنا يا سارة يابنت بني سليمان نحبك نحبك نحبك مالقري قاع شا صرا نحبك ربي يهنيك ونقولك راه عندي طفلة وطفل كيما كنا متمنيين ربي يهنيك في حياتك ونقولك مازلت نحبك ونبقى نحبك
خاين متزوج مزالك تحبها الله يلعنكم يا رجال مافيكمش أمان تلقيقلكم غير خيانة ملا مام مرتك راهي تحب لي كانت معاه ماشي حلال عليك وحرام عليها و لا علينا 😉😉😡😡
اصعب حاجة تدمر الانسان هو انو يتخان الخيانة التي تكون مقابلها حب وثقة وتضحية من طرف صادق وللاسف هذا الطرف الصادق دائما ما يتعرض لطعنة من الخلف التي تجعل الانسان حياته جحيم وحزن بائس ربي يبعد علينا هاذوو العباد يا رب
نهار يديك واحد فحل يبكي هو هادي كاليتي يقولو زعم كون منتزوجوش بيها مراحش يتزوج حشاها روحه أنت بالاك كنتي باغية تتزوجي وتحافظي عليه بالتجربة نعطيهالك إذا راه متزوج حاليا اقسم بالله مرته غير تكون دخل من موراه بتجربة كاين لي يقول منديش لي كنت معاها زعم من تكون تخرج مشكلة راح يدي مدامة واحد لاخر ربي يعوضك نطلع ليك مورال شوية افرحي ونحي كلش من حياتك أنت ربي سبحانو يبغيك كون جا فيه الخير كون كمله ليك ربي سبحانو بالضبط أنت فرحي
23.11.2023 مزال ما نسيتها تسيبارينا 19.12.2019 وال غلطة منها طماعة عشرت ثمن سنين كي شغل منام لا سامحها الله ولا عفى عنها ادعولي تتسڨم حياتي ونلقى لي تكاتفني
