هناك مقولة لعالم آثار الماني " و انت تمشي في العراق و تعثرت في حجر فأعلم انك عثرت على لوح طيني " الف تحية للأستاذ صباح و مرافقيه الرائعين على التوثيق الجميل🤍
فعلأ كل متر مربع في العراق تجد تحته معلم اثري وخير مثال هذا الشارع العريق وجهودكم مشكوره لتوثيق المعالم والأحداث اللتي جرت في هذا الشارع وكل الشكر للكادر من مصورين ومخرجين ومتكلمين والله الموفق والمعين وشكرا لكم ونتمنى للجميع الصحه والعافيه باذن اللة وبركاته
دائما الإبداع يفيض من اهل بغداد الطيبين وبالخصوص الاصلاء منهم .. اساتذتي المحترمون وبالخصوص استاذ صباح السعدي انتم عيوننا التي نشاهد بها ازقة بغداد وآثارها وقصص بيوتاتها الله يحفظكم لبغداد والعراق ككل تحية حارة لكم جميعا .. 💖💖💖 .
الله يبارك بيك استاذ صباح واستاذ ياسر ايها البغداديون الرائعون بس نريد منكم تبذلون جهود لدى امانه بغداد لتطوير شارع وجعله تحفه واحلى من شارع المتنبي بما يليق بشارع الرشيد والله يوفقكم
طبعا كل التقدير والاحترام إلى الأستاذ صباح السعدي والكادر على هذي الجهود الجميلة لي تخلي واحد يرتاح لما يشوف تراث بغداد الجميل والحب التاريخية لي مرت بيها بغداد والذكريات الحلوة الجميلة من ذالك الزمن الجميل بس نريد الفديو يطول أكثر لن ما نشبع من الذكريات وتاريخ بغداد الجميل كل التوفيق الكم والي جهودكم الجملة ولازم الأستاذ صباح يكون وزير الثقافة والتراث لن هذا الرجل صادق وتحية لكم جميعا
شارع الرشيد شارع تراثي والمفروض يهتمون بي الحكومه اكثر لو يزرعون بي اشجار يصير بداعه مشكوره جهودكم كادر قناه البغداديه على هذا التقرير الرائع ام سامان الفيلي
عشتم ودمتم بالف خير ايها الاساتذة التراثيون واللذين توثقون وبوطنية عالية وعشقا لتراث العراقي الاصيل بهذه الفديوات الرائعة التراث العراقي واليوم شارع الرشيد واللذي اعتم لنا ذكريات الطفولة والشباب في اربعينيات القرن الماضي حيث كنا نعيش وولدنا في هذا الشارع جادة خليل باشا وكنا نتجول في هذا الشارع ونستمتع بالسير من باب المعظم حتى الباب الشرقي ولنا اجمل ذكريات العمر في هذا الشارع التراثي والذي كنا نعشقه ويسير في دمائنا جهودكم مشكورة وممنونين منكم واستمروا رجاء في توثيق كل ماهو تراثي في عراقنا العزيز والغالي وبكيت على وضعية شارع الرشيد ومبانيه المهدمة والمهملة من قبل الحكومة والجهات المسؤلة خاصتا البنيات التراثية في هذا الشارع لقد بكينا على هذا الشارع . متابعكم من فينا - النمسا
طبعا هذه الحلقة روعة! اتذكرت واني امشي للمدرسة من البتاوين الى عقد النصارة واني عمري ٥سنين الى ٩ كنت اقرء كل القطع المكتوبة اسمي دكاترة و محامين وغيرهم . واخيرا اوروزدي باك واللة كان اكو بواب واقف برة لابس زي جميل . وكان بيها قهوة على الطابق الثاني او الثالث والمنضر كان احلى هو دجلة و جسورا . شكرا على جهودكم .
بارك الله فيكم استاذ صباح وبكادر التصوير على توثيق هذا الشارع المهم والجميل ولنا ذكريات جميلة ايام الجامعة كلية الهندسة والقسم الداخلي في العيواضية في الثمانينات حيث كنا نتجول في شارع الرشيد الى الباب الشرقي دون تعب وقد نواصل السير في شارع السعدون
عاشت ايدك تسلم ذكرتني بسنوات الطفولة والشباب الي عشتها في الدربونة المغلقة حسب ذاكرتي تسمى العاقولية برأس الدربونة معرض احذية باتا والركن الآخر محل عبد الأمير الخياط ثم حمام الرشيد للرجال ثم مقهى الحاج خليل القيسي
انت الوحيد الي تنشر وتوضح للأجيال الجديده الي متعرف بتاريخ بغداد واني واحد منهم ولدت بالعراق وعشت بأستراليا، وشكد انقهر من اشوف بغداد شون جانت وشون صارت 😔 ف الف شكر وسلام الك يابغدادي يا اصيل❤
كل الحب و الاحترام لكادر قناة البغدادين و شكراً على هذا المجهود الي جاي تبذلو في سبيل توثيق اماكن العراق التراثية و اتمنة تسوون تقرير عن سينما الزوراء و طبون لداخلها و شكراً الكم 🤍
لنا ذكريات جميلة مع شارع الرشيد.. والان نحن خارج العراق منذ ١٤ سنة.. ان شاء الله نرجع والعراق في أمن وأمان.. تحياتي لكم وشكرا لجهودكم الجبارة في توثيق تاريخ وتراث العراق... واقترح عليكم.. الالتفات الي تراثنا في الازياء الرجالية والنسائية...وكذلك الحرف البغدادية القديمة... تحياتي🌹
اعشق بغداد القديمه اني من مواليد شارع كفاح احلى ايام جانت بمنطقتنا القديمه والله شفنه بيها كل خير والعافيه والرزق بس انتقلنا لبيت اخر وياريت منتقلنامشفنا اي خير بي ودائما احن لمنطقتنا
بارك الله فيكم يا أبناء بغداد العزيزة. واشيد بجهودكم الجبارة لتوثيق معالم بغداد الحبيبة،الله يحفظكم ويبارك فيكم، وإنشاء الله تستجيب الجهات الحكومية لمطالبكم لتحقيق ما يحفظ تراث بغداد القديمة..
استاذنه اكو كنيسه بشارع السنك اسمه كنيسه القديسه تريزا من اروع الكنائس يرجى التركيز عليها لان بداء نهب الكنيسه وسرقه حتى جرس الكنيسه يرجى اجراء فديو مباشر على الكنيسه لانقاذها من استحواذ اصحاب المحلات والسراق
مواليد ٢٠٠٣ واني احب بغداد هواي وبفضلكم اني جاي اتعلم ع تراث العراق بهاي الشوارع لين جنت اطبهة ماعرف شنو هاي البنايات والأشياء جنت اعرف بس اسم بغداد القديمة
هواي اشياء موجوده بلدنه بس اللي يطلع ويقرا التاريخ يعرف بلده ماكو اجمل من بلدنه شارع الرشيد هواي صارت بي احداث واني احب شبابنا خاصه جيل الالفينات بعدهم ما عدهم معلومات المروض احنه نطلع ونقرا لان حصانه الانسان القراءه وثقافته
شكرا على جهودكم الجبارة لتوثيق شارع الرشيد وبغداد والعراق بشكل عام، يجب على امانة العاصمة العمل معكم في اعادة تاهيل شارع الرشيد وجعله بحيث يشبه شارع الاستقلال في اسطنبول، والرب يباركم ويحفظكم 👍🙏❤️
ماأجمل شارع الرشيد في الستينات والسبعينات كان يضج بالحركه 🔸وكنت امشي من باب المعظم الى ساحة التحرير وكانت مصلحة نقل الركاب رقم ٤ تنطلق من ساحة النصر الى ساحة الميدان 🔸ياريت العمر يرجع بينا الى تلك الايام 🔸
موفقين ان شاء الله وجزاكم الله خير على جهودكم المبذوله لتوثيق ارث الحضاره والرقي وتسليط الضوء على معالم تراث مدينة بغداد وتأريخها المشرق الذي لايخفى على كل متتبع للتاريخ ولايمكن ان يجتاز مدينة بغداد بالخصوص والعراق بالعموم فتحيه لكم من القلب من اخيكم من البصره ميثم العيداني
السلام عليكم اخ صباح انت والي معاك طبعا احنه عايشين بامريكا صارلنه سنوات والفيديوات مالتك نشوفه ونستذكر ايامنه الله عليك تخبل فيديواتك طلب من والدتي العمره فوق السبعين ادكولك اذا ممكن صورنه منطقه صالحيه الازرملي بيتهم هناك القديم لحد ستينات وتحب شوف منطقتهم قديمه الولدت بيه وعاشت وزوجت حد ماطلعت منه
عاشت ايدكم استاذ صباح والكادر الي معاك ومثل ما گال استاذ حمزه فعلا حضرتك استاذ صباح تستحق ان تكون وزير الثقافه والأعلام احييكم احلى تحيه يابغداديون 🌺🌺🌺🌺🌹
سينما الزوراء بالمربعة، اجه بيهه فيلم 'العالم تحت اقدامهم' ١٩٧٠، چنت بمتوسطة الأمل (الپاتريپير) كلنه ضربنه دوام اجينه انشوف الفيلم، او ليش ما مدير المدرسة آنذاك الاستاذ فريد مضبوط ينتظرنه جوه بالسينما او كل واحد اكل عودتين بس همزين بعد انتهاء الفيلم، مدرستنا ضمن الكنيسة مال مربعة وتقع بالضبط بصف شركة الدخان العراقية آنذاك وتتعامد على نفس الفرع مال ثانوية النضال، شكر وتقدير الى صاحب القناة والمرافقين على هذا التقرير المهم
اكثر ما يعصر القلب هو كلام العراقيين الذين كانوا يمرون بهذه الاماكن وهم الان في بلدان اخرى واشعر ما يشعرون به حين مشلدتهم لمعالم واثار وتراث بلدنا العزيز
ماشاء الله عليك استاذ صباح، انت باحث تراثي أصيل، ومطلع على الخطط البغدادية القديمة، ولديك من الثقافة والإلمام بالبغداديات مايلبي نهم الباحثين، كل ما قرأناه في خطط بغداد ومحلاتها القديمة وما تجولنا في محلات بغداد وثقته لنا بهذه الحلقات الممتعة، أطلب منك ان تعمل لنا جولة في محلات صبابيغ الال والصدرية والهيتاويين والدهانة وجامع المصلوب وسوق حنون والمهدية والتوراة وقنبر علي… وتمنياتي لك وللأخوة الباحثين بكل التوفيق والنجاح