www.gamid.com/v...
ولد غامدي صغير ينصى الشاعر بن ثايب الشهراني لعتق رقبة ابيه من القصاص لمعرفتة بعلاقة بن ثايب الحميمة مع صاحب السمو الملكي الامير خالد الفيصل " أمير منطقة مكة المكرمة " و عسير سابقا
الله يجيرنا و أخوآننآ المسلمين من المصائب ويعتق ارقابنا من النار
أنه على كل شئ قدير .
...............
كلمات القصيدة التي اعطاها الشاعر ابن ثايب الشهراني لـ الطفل الغامدي
ياسلام الله على أميـر وأمـارة عسيـر//عد هبـاب الـذواري وهتـاف المـزون
ياحسين الخُلق والخلق ياصافي الضميـر//ياجمل زومان بـزال حمـران العيـون
بأسم أهالي بيشه أحمل لك الـود الوفيـر//والجماعة كـلبوهـم عليـك يسلمـون
ياطويل العمـر لا دعوجـي ولا خبيـر//ناشيٍ مستور ماني من اللـي يشتكـون
والحوايج والنوايـب وتحديـد المصيـر//تدخل الرجال من حيث ربعـه يدخلـون
واقعي خلاني انشر عبر موجـة الأثيـر//شعر وانا ليس شاعر ولاهـم يحزنـون
يالأمير ان سني صغير فأن أمْلـي كبيـر//فيك يامـن فيـك كـل القبايـل يمّلـون
جايك اطلب بوي عطنيه تكفى يالأميـر//وش يطيق أبو ثمانين من ريـب المنـون
بويه انقى من حمام الحرم لـو مايطيـر//لاتصدق فيه راعـي النمايـم والظنـون
فيه مافي ذيب يوسف يصير أو مايصيـر//ياعوين الذيـب وأبـوي دايـم يتهمـون
أرحم الله يرحم أبوك وأفعـل فيـه خيـر//وأعف يابو كف بيضاء وبو قلبٍ حنـون
أكسب أجري وأجر غيري وجير المستجير//عزك الله من مزبّن وعزك مـن زبـون
فرح أخوانـي وفـاج البواكـي بالبشيـر//لا تحزّن بأمهـات الطرابـش والقـرون
الله اللي بيـده الخيـر والشـر الشريـر//مايعذب هـل بـلادٍ وهـم يستغفـرون
مادام انه يستحـي مالـك الملـك القديـر//من عذاب الشايب الناس برضه يستحـون
الله الله فـي وداعتكـم الشيـخ الضـريـر//لابكيتك خلص ابوي من عـوج الشبـون
لاتخلـي بـوي دون النبشتـي يستديـر//والملف يدور بيـن المحافـظ والسجـون
والـولـد والعود والعـلـم الأول والأخـيــر//ملك أياديك الكريمات جعلك مـا تهـون
دمت لي يادايم السيف ولغيـري نصيـر//والسلام ختـام واللـي يريـد الله يكـون
15 окт 2012
