الف رحمة على والديك جناب المقدم والله شالعه اگلوبنا هاي السالفه وشگد مزعجه ونتمنى من جنابك تسعى في منع هاي الظاهر المزعجه وخصوصا اصحاب السيارت الجارجر وغيرهن الرياضيات والله صوتها مينجرع انوب من اتصيح عليهم يسوون اعناد ويزيدون 😐
مقدم عزيز الله ينطيك الصحه والعافيه زين الي اسوونه وتمنعون الي بيه صوت بس لكن اكو هواي ناس ع باب الله وتطلع بليل والحجز جاي يشمل الكل ياريت يعني اتخلون الي ما بيه صوت ومسجله عند المرور اتخلونه يطلع بيه بليل يقضي حاجته وشكرا❤️
شگد احب تواضع هذا الظابط الله يحفظه بحق محمد وال محمد. ياريت كل الشعب يمتثل لاسلوبه من عسكريين ومدنيين . بس هاي امنيتي بالحياة. اذا تريدون السبب انه اگلكم ليش (لان كل الناس راح تعيش بسلام وامن وأمان ومحد يبقه محتاج)
الله يبارك بيك ويعطيك الصحه والعافيه ويطول بعمرك وينور حياتك سيدي اختيارك رائع في خدمة الشعب للراحة والهدوء في أثناء الليل من دراجات خطأ في اصواتهم الله يبارك بيك سيدي
والله يا استاذنا العزيز اليشر اتغير وللاسف النفوس الضعيفه هي سبب بخراب البلد ماكو انسان ميعرف تصرفه يرعب الناس والخلل باهلهم الي ينطوهم فلوس وميدرون ولدهم شنو ديسوون
جد والله التفاتة رائعة جد مجننينا اصحاب الدراجات على الرغم من انو اخواني يمتلكون دراجات الا انهم ابد ميضايقون احد او يزعجون احد بصوتها وياريت الكل يلتزم بهذا الشيء الي كلته وربي يوفقك ويحفظك
موتونا والله ...اني قبل فترة طلعتلهم اترجاهم مايوكفون بركن بيتنا واكتشفت انهم يبيعون مخدرات بالتكتك ولزمت الموبايل بالچذب كلتلهم راح اخابر الشرطة راحوا بعد ماشفتهم
قال النبي صلى الله عليه وآله وسلم من أراد أن يكثر خيـره فليتوضأ عند حضور طعامه :قال النبي صلى الله عليه وآله وسلم الوضوء قبل الاكل ينفي الفقر وبعده ينفي الهم ويصحح البصر :قال النبي صلى الله عليه وآله وسلم من غسل يده قبل الاكل وبعده بورك له في أوله وأخره وعاش ما عاش في سعة وعوفي من بلوى في جسده :قال النبي صلى الله عليه وآله وسلم من غسل يده قبل الاكل فلا يمسحها بالمنديل , فأنه لا تزال البركة في الطعام ما دام النداوة باليد :قال الامام عليه السلام اذا توضأت فأمسح عينيك بفضل ما في يديك فأنه أمان من الرمــد كان أبا الحسن عليه السلام أذا توضأ قبل الطعام لم يمس المنديل وأذا توضأ بعد الطعام مس المنديل كان النبي صلى الله عليه وآله وسلم أذا فرغ من غسل اليد بعد الطعام مسح بفضل الماء الذي في يده وجهه وقال ((الحمد لله الذي هـدانـا وأطعمنـا وسقانـا
ادري هوه كشاب من حقه يرفه عن نفسه يعني اشتريلي دراجه ب٣٠ورقه وضمهة بالبيت يعني فوك القهر الي عايش بي والحر والكهرباء فوكاهة تحاربونه عله هل شي شسوون بعد بالشاب العراقي؟
بارك الله فيك يا سيادةالمقدم هي الظاهرة منتشرة هي التصرفات تعتمد على التربية والأخلاق لان همه مو أطفال صغار بل شباب واعي بس همه يفرحون ويتلذذون بايذاء الغير
{ إنّ الله وملائكته يصلّون على النبي يا أيها الذين آمنوا صلّوا عليه وسلّموا تسليما } ، فقال (ع) : الصلاة من الله عزّ وجلّ رحمةٌ ، ومن الملائكة تزكيةٌ ، ومن الناس دعاءٌ ، وأما قوله عزّ وجلّ : { وسلّموا تسليما } فإنه يعني التسليم له اللهم صل على محمد وآل محمد انك حميد مجيد 00000000
بارك الله يامقدم عزيز شكد مهتم بمشاكل الناس بس تدر اهل كربلاء اليوم زياره ودرجة الحراره عاليه والحكومه تحارب اهل كربلاء والله من الصباح للساعه ٥ ماكو وطني حت ابو المولده تعب كطعها نصف ساعه ليش تحاربون الشيعه ياحكومه
صح كلامك عاشت ايدك لكن اني صاحب دراجه اول شي ابدل صالنصة ب كاتم واكيد الصوت يفرق اما دراجه تستخدمها بطيش وغلط هذا واجب توقفه استخدامي للدراجه فقط للعمل وبدون ما اوصل سرعه 70 في اغلب الاحيان
هسه انتو لو تحاسبون على كلشي لو لا تحاسبون اصلا يعني لو تحاسبون على اصوات السيارات والدراجات الرياضية وبنفس الوقت تحاسبون ع الهورنات اللي بالزفات وبالازدحامات لان كله ازعاج لو لتحاسبون اصلا
سيدي فدوة اروحلك و اتمنئ تشوف التعليق انه واحد من الشباب الي نحجزن دراجاتي وما طلعتهن لمن دفعت غرامات 200 الف غير هاذ طلعن مكسرات بينما ذني الدراجات ام الصوت او الجمبزة يستعرضون ع السيطرات وما يلزموهم يجون بس ع الفقير الي يحترمهم يحجزون دراجته تعبنا الله وكيلك تعبنا من مراكز الشرطة الي مليانة ظباط ما يخافون الله و عناصر غير منضبطة
