الپولندي كونراد ميهالَك لاعب إمكانياته كويسه جداً وهايضيف للزمالك ، لكن رئيس نادي أُحد لا بيحب الزمالك ولا بيكرهه ولا بيصحى كل يوم الصبح يبوس صورة حسين لبيب من مناخيره، الراجل ببساطة لقى نفسه متدبس فى لاعب راتبه السنوي ١,٦ مليون دولار ومش عارف يخلص منه إزاي بعد ماتعاقد مع لاعب أخر فعرضوا على الزمالك اللي كان بيتنشق على أي صفقة يفرح بيها جماهيره الغضبانة بعد صفعة بوپيندزا والزمالك وافق ، الموضوع زي مابيقولوا بالإنجليزي ( أهرش لى ضهري أهرش لك ضهرك) أو زي شعبولا الله يرحمه ماقال إعملي مصلحة أعمل لك مصلحة ، أنا مصلح وانت مصلح .. وإحنا الاتنين بالنص …بس خلاص