.
[ شبيه الحسين ]
------------
• شبيه الحسين | الملا مح...
------------
أداء | الملا محمد يوجبارة
كلمات الشاعر | اسامة العامر
------------
مخطوطة - سيد حيدر البراهيم
مكساج - جهاد الحداد
مونتاج - علي حسن ، علي سمير
------------
وفاة الامام الكاظم (ع) 1445 هـ - 2024 م
موكب_الكاظمية
------------
شنودعك إذا انريد لوداع
ونشوفك نعش مرمي عالگاع
السلاسل .. بدال .. الأكاليل
ولذراع .. تكبّل .. بلذراع
-------------
ترجينه يوم اليطِيب الگلُب
ونصيح اعله هَمنه كِفَانا نَحِب
وَداعاً بعد لاتمر هالدرب
انهظمنه
إجه ( الهَم ) لگانه ، ونداء اعتلى
نردد: ( وَداعاً ) ، إلك ، مو إله !
ولِمْوادع ابلا…نضمك ، ولا …
تضمنه
خَذوك لسجن حاسر الـرَّاس
وطِلَعت ابنعش حُوله حرّاس
لِـقَـاءك يـ ( كاظم ) ولفراگ
سِوَه اعله الجسر صاروا ابساع
-------------
ياجاعل عُسرنه ابنظرتك يسر
وضعنه ابغيابك ابد مايسر
منو ابعيشه يهنى و رَهين الأسر
إمَامـه
ارتدينه لظهورك وِشَاح الصبح
ابفرح مادرينه الليالي تِشح
وتجيبك جنازة ونظل ابجرح
يـتـامى
يـ ( باب الحوائج ) يـ مهيوب
ابوجهنه ترا انسدت الـبُـوب
تِضَمد الجروح انتظرناك
وعلينا ضحك ناب لاوجاع
-------------
(الحَمِد عالسلامة) ، قِرتها ( الحمد )
و رِمَت من اديها غُصون الورد
توَذْرت - يـ(موسى) ابمواسي - الچبد
مَـراره
اشكثر شُوق زِرَعنه ، وحِصدنه شِگـَه !
السگانه ابحنانه ، سُموم انسگه
وثلاثة اعله جسر الرصافة بگه
مَـزاره
ابهِباتك نِبَت لحم لاچـتاف
وعليها نحط نعشك انخاف!
لَحَد بابك اتشـيّع الضيف
ووكت دَفنِتك ماكو شَـيَّاع!
-------------
لْنَجاتك دعينه ابفروض الخمِس
يا نور الله يالطاهر امن الرجس
غريب ابسجن ماتلوحه الشَمِس
اْغترابك
سألنه : عَسنَّه الفرج بالعجل؟
( أَجَل ) جاوَبتنه .. ونسينه الوجل
أثاري الخلاص ابحلول الأجل
جَوَابك
گضيت الزمان ابرزاياه
ونقش خاتمك ( حسبي الله )
حياتك سَـفَـر بالطوامير
وسجودك (يبن جعفر ) امْـتـاع
-------------
حَياره وعلينه استضاگ الفضا
يعين الله گلب الامام الرضا
إذا ايعاين لساگك امرضرضه
وتصُب دم
شَبيه الحُسين واخوه الگمر
وابوالجامعة المدمي صدر وظهر
جنازة وصورها بعض من صور
مُـحـرَّم
يـ چَنَّك عريس الوگع شاب
ولگيود إلك سوَّت اخضاب
على مصابك اليبچي مَلزُوم
ابطويل البَچي اينازع انْـزاع
20 сен 2024
