شخشوخة مسيلية حارة 😋😋😋 بمناسبة عقد قيران مع بعض الصور 

ادعولي خوتاتي نهز لكرش الله يعطيكم واش متمنين اول مرة نعلق غير على جال دعاء ربي يخليكم ⁦😍😍😍. شكرا على تعليقاتكم اقسم بالله رآه عندي ثمانية شهور ولعقوب ليكم خياتي عندي طفل وراح نسميه سليمان 💕💕💕

شهيتيني توحمت عليها العام لي فات وكانت ديرهالي مسيلية مرت صاحب الزوج تاعي ادعولها ربي يرزقها الذرية الصالحة انشاء الله

دقيق رطب و ملح وماء دافئ نلم العجينة تكون يابسة ونغطيها بكيس بلاستيكي ترتاح نصف ساعة ومبعد نرجعوا ندلكوها ونضيفوا الماء حتى ترجع طرية ولينة ومبعد نغطيها بكيس بلاستيكي ونحليوها ترتاح ندهنوا السنيوة بشوي زيت ونلوزوا العجينة نشكلوا كريات ونحطوها ونمسحوا فوقها بالزيت ونغطيوها بكيس بلاستيكي ونخليوها ترتاح نحلوا العجين نحطوا وحدة فوق وحدة ونفتحوها ونحلوها بالزيت ونركزوا على الاطراف نرققوهم كي طيب نفتتوها ونخبيها في اكياس بلاستيكية في الثلاجة طريقة تحضير مرق الشخشوخة: نرحوا البصل خشن شوي وطماطم وثوم كسبر فلفل احمر وحلوا وحاار نتبلوا اللحم اولا بزيت ثوم كسبر فلفل احمر حلوا وحار وملح وطماطم مصبرة وطماطم حب مرحية نتبلوا اللحم ونحطوه في الكوكوط فيها زيت ونحط باقي التوابل المتبقية ونمرقوا ونضيف كمية من البصل مقطع. خشن ... ونتبلوا بنفس الطريقة الدجاج ونحطوه فكوكوط فيهل زيت ونضيف البصل مرحي خشن ونمرقوا بشوي ماء في كوكوط اخرى نضع بصل وطماطم ونفس التوابل وكمية من الشحمة ونخليها تغلي ومبعد نستعملوها كي نمرقوا الدجاج نحطوا الجاج في الفرن يتحمر في الاخير نحطوا المرق في كوكوط ونحط فوقوا الفتات ( الشخشوخة)ونخليوه يتغلى على نار متوسطة ونضيف دبشة ومبعد كي تغلي شوي نكبها في صحن طين ونكبوا فوقها شوي من المرق ونزينها بالكسبر والفلفل مقطع والبصل المقطع والدجاج ... تعبت وانا نكتب😴 بصح الوصفة تستاهل 😇

مسيلية وأفتخر🤗 لي من مسيلة خلي جااام 😍

والله يعطيك الصحة جات روعة أنا درتها فالمولد جاتني هكدا سواسوا عندي ختي تسكن في مسيلة علمتهالي راجلي يأكل أو يعاود أحسن شخشوخة هي شخشوخة مسيلة اللي مادقش راهو يراطي .

معاك سطايفية كانت عايشة في مسيلة.. نموت على مسيلة و شخشوخة لمسيلة ♥️♥️♥️نتفرج في الفيديو و نتفكر في ياماتي في مسيلة. كنت مرتاحة فيها. للأسف رحلت منها. تحية عطرة لكل اهل لمسيلة

جيراننا من المسيلة جامي طيبوها باللحم والا دجاج ولا شحمة وتجي شخشوخة هااايلة ، يعطيكم الصحة ، والله نموتوا عليها في تبسة .

درتها وجربتها جات تهبل في ظرف شهر ملي درتها عاودتها 4 مرات 😋😋😍😍😍 بنتها لا تقاوم لكن درت كلش الا شحمة

معاك قبايلية عاشت في مسيلة 15 سنة ملي شفيت على روحي و انا تمااا دوكا ولينا لبلادنا بصح بصراحة ليامات لحلوين خليناهم تما بقااو غير لي سوفونيغ و كي نشوف حاجة متعلقة بمسيلة نتونس بيها توحشتها و توحشت ناسها لحلوين يااربي لاقينا في ساعة الخير يااارب

اييييي يمي علا شخشوخه انا مسيليه وعندي شحال مدرتهاش غدوه بربي نوض نديرها تستاهلي الف من جام لي من مسيلة يخبط جام

نموت عليها صراحة.بنينة بنينة بزاف كليتها عند اختي لانو راجلها مسيلي ماشاء الله .تعلمتها منها صراحة موليتش نستغنى عليها .تحية كبيرة لاهل لمسيلة .و تحية لاهل الجزائر لانو تقاليدنا في الاكل متنوعة .

ربي يحفظك انا جيجلية ورايحة نتزوج ان شاء الله لمسيلة جات في وقتها هههههه .....ممكن ثبتيلي تعليقي مشاركة في مسابقة اميرة ادعمووني بلايكات

يعطيك الصحة وبارك الله فيك من فضلك حطي علم الجزائر على فيديوهاتك لنحمي وصفاتنا خاصة التقليدية من السرقة

تهبل هاد شخشوخة. تعلمتها لأني كنت نسخف عليها. دكا كل ما تنفحلي نديرها راءعة راءعة سبرتو فالشتا حويرة الله الله. عاصمية مرت من هنا

الفيديو عندو عامين لبارح وين كتب ربي و درت شخشوخة مسيلية حارة جات وحد البنة ماشاء الله العجين درتو انا والمرق دارتو امي بنة على بنة من ليوم نظن ماش حنستغنى عالوصفة تاعك ماشاء الله

هذا تراثنا وعاداتنا وتقاليدنا ماشاءالله تبارك الرحمن 🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿

ياعمري كلامك شحااال حلوووو ربي يهني خوك وتكون عروسة مربوحة وبنت فاميليا تطمكم ومتفرقكمش ربي يفرحك كم فرحتينا بهاد.طبق لنموت عليييه

مشتركة جديدة هذا وين شفت قناتك واشتركت فورا وانا عشت في بوسعادة ثلاث سنوات وعشت في المسيلة عامين وكانت اجمل ايام حياتي حسيت روحي بين اهلي والله ناس جود وكرم واخلاق عاااالية وشخشوختكم ما ننساهاش نموووت عليها وعندي رقم واحد بين انواع الشخشوخات ماذا بيك تعملينا كامل اطباقكم المسياية نتعلموهم وخاصة النقليدية ربي ينجحك اختي وبالتوفيق

سخفتيني اقسم بالله عدت نترعد على الواحدة تاع الصباح قلت لراجلي سخفتني المسيلية روعة روعة والله مممم بنينة اقسم بالله سخفتيني اه اه

ننصحكم تجربوها كنت ساخفة عليها و انا مانيش مسيلية تبعت الطريقة خطورة بخطوة جات كيما هي و كيما تمنيتها بالضبط يعطيك الصحة

الله ابارك خرجت روعة او تشهي بالبركة عليكم، والله عجبتني طريقة شرحك او رزانتك في الكلام ما شاء الله تخلي الانسان يتبعك حتى النهاية وباريحية

شخشوخة رائعة بارك الله فيك ، عملتها و طلعت روعة ، ربي يبارك في زواج خوك و يهنيه و جميع المؤمنين آمين يعطيك الصحة و العافية

يعطيك الصحه تهبل كليتها روحنا ضياف لمسيله طيبوهانا فطور تهبل خيار الناس يفرحو بضيف ربي يخليكم ♥️♥️♥️♥️

ماشاء الله ربي يحفظك أختي عندي بزاااف وانا نحوس على الوصفة الاصلية تاع مسيلة نموت عليها ربي يعطيك ماتتمناي وعندك طريقة واضحة وبسيطة ومفصلة فالشرح ربي يوفقك اختي

انا بسكرية وسلفتي نايلية من بوسعادة طفلة لويز مشاء الله ربي يخلينا لبعضانا احنا في بسكرة نطيبو كيفها مي ماشي باللحم تشبهلها برك ونسموها مرخوص أو محكوك...واكيد عندنا شخشوخة الأساسية تاع بسكرة ربي يبارك عليك يا فحلة

هذه هي الثقافة وهذا هو اصلنا انا فرحان الحمد لله مزال عندنا فحلات

كنت نتشهاها وكانت جارتنا ربي يحفظها مسيلية مسكينة طيبهالي وجيبهالي كنت ندعيلها فكل صلاة ربي يرزقها الذرية الصالحة ان شاء الله للاسف رحت بعيد عليا

سبحان الله ليا مدة و انا نعمل هذي الوصفه من عندك .. وكل ما نجي نكتب شخشوخة مسيليه نرجع غير عندك الله يفتح عليك و يفرحك الحق الحق كل لي كلاها عندي عجباتو ماشاااء الله الف شكر ليك

الله يبارك روعة تبان بزاف بنينة والوصفات تاعكم يعجبوني بزااف لكان غير تزدي دريلنا المڨطعة تاعكم بالتوفيق

الله يبارك عجبتني طريقه كلامك ورزانتك والشرح المفصل..نموت على شخشوخه مسيله سخفتيني ..متتبعه جديده من قسنطينه واصلي حبيبتي

ماشاء الله انا من الجزائر العاصمة ولها زوجي من المسيلة وحضرت عرس روعة الله ابارك يا أهل الكرم والجلد انا قبايلي

كي درتي غير كسبر عرفتك مسيلية تأع صح عادو يدير راس لحنوت ويزينونا بالبيض عادو يخلطو يعطيك صحة يا لمسيلية حرة ربي يخليلك ميمتك

هاذي الشخشوخة بنتها لا تقاوم يعطيك الصحة🌷🌻بصح تاني بلا لحم وبلا دجاج تجي رائعة خاصة بالبصل الاخضر ياما ياما على البنة🥀❤️

يعطيك الف صحة جامي درت تعليق لوحدة حطت الشخشوخة الا نت لانك طيبي قبالوحدة ونا نفضل هذا نوع منحبش لفوق بعضاها

انا مسيلية يعطيك الصحة شهيتيني اختي ما أجمل مأكولاتنا التقليدية والله لقيت عليها وحد الاعجاب من عند ولايات اخرى واحب كبير لشخشوختنا والمهراس

درت الشخشوخة تاع اليوم جات ماشاء الله يعطيك الصحة ❤❤❤

ماشاء الله أنا قسنطينية وهذا الطبق يشبة شوية لشواط عندنا بصح حنا منحطوش توابل بصح روعة سخفتيني يعطيك الصحة😍😍😍

بكل صدق وأمانة نموت على الشخشوخة المسيلية وفتشت بزاف في اليوتوب وانت الافضل بعد ام زكي

احسن وابن شخشوخة في الدزاير شخشوخة مسيلة بدون منازع😌😍

يعطيك الصحة يا اختي ، انت حلوة و اطباقك عسل

الله يبارك عليك بنت ولايتي اول مرة نشوف قناتك خموس عليك حنونتي تحياتي من مستغانم واحلى جام 😍

يعطيك الصحه عجبتني شواطه كي تبقى مدوره كي تحطيها في طاجين تقول خدمتيها بلمول

اللهم صل و سلم و بارك على سيدنا محمد و أهله و صحبه و من تبعهم إلى يوم الدين زواجا مباركا إن شاء الله و الذرية الصالحة ☝️❤🤲

اختي حبيت نشكرك على الوصفة راني جربتها اليوم وجات هايلة بارك الله فيك اختك من تبسة

السلام عليكن عجبتني بزاف الشخشوخة اول مرة تعجبني الوصفة تاعها وابوني على خاطرها مزيدا من التألق إن شاء الله

يمي يمي الله يبارك اول يوتيوبورز توري الوصفة من الالف للياء وبكل مصداقية نموت على الشخشوخة المسيلية ناس الهمة والشان واصلي

أنا شاوية اوعايشة في بسكرة ونحب نتعلم الطياب لي مانعرفوش هذه الشخشوخة مانعرفهاش نشاالله نجربها سخفتيني وزاد راني صايمه

جارتنا راحت للمسيلة بكري كي كانت صغيرة و درك راهي كبرت وما زالت تهدر عليها وأنا تزيد سخفتي خصوصا في هذا البرد والله غير درك نعملها وعجال الشخشوخة درت لك اشتراك وجام ليلى من عنابة

يعطيك الصحة وربي يحفظلك الوالده وربي يكمل فرحكم بالخير ان شاء الله ادعيولي خياتي 🤲 ربي يوفيلي مافي قلبي ⁦☺️⁩ .. طريقتك في التقديم زادت حببتني 🥰 نتعرف على تقاليدكم اكثر وأكثر ماشاء الله عليك⁦❤️⁩🥰

يعطيك الصحة على هذ الشخشوخة لكن تعليق صغير فقط : الشخوشخة المسلية حتى تكمل البنة نتاعها لازم تتجمر في القسعة نتاع الطين باش تكمل النكهة

مشاء الله تشهي وعجبتني طريقتك فشرح كانت واضحة وضوح الشمس وكانت بسيطة

اتحدى العالم باسره ان اجيبونا امرأة واحدة من دول الخليج العربي تطبخ و تعجن العجينة و تورقها و تطيب بهذه الطريقة الصعبة بهذا المقدار الذي تعمل به المرأة الجزائرية في بيوتها و فى عصرنا هذا و في نفس الوقت امرأة عصرية و متعلمة و مثاقفة مجتهدة و تعرف تهدر بهذا العقل و ذكاء والله نعطيلكم الكابريس و حديد قياس

لازم تضعين العلم الجزائري لان السراقين جيراننا سرقولناوكاع تراثنا مشكورة الاخت روعة الله يعطيك الصحة

يعطيك الصحة نفس طريقتنا في دارنا حنا برك منديروش جومبو بردتيلي قلبي درتيها على حقها وطريقتها👍

احسن وصفة انتاع شخشوخة لمسيلىة راح نعاودها باذن الله

شكرا علي هذه الوصفة كنت نحوس عليها وربي يخليلك امك ويطول في عمرها بارب

الله يبارك ماشاء الله تبارك الرحمن حتا انا اصلي مسيلية وساكنة بديار الغربة 😍😍😍👍👍👍

اول مرة اختي نشوف قناتك ما شاء الله فالسلام عليكم ورحمة الله و بركاته اختي في الله الله يوفقك الف الف مبروك على عقد قران خوك والله يهنيه و يسهل له و زواج سعيد مليئ بالافراح و السعادة والله يرزقه بأولاد و بنات صالحين حافظين لكتاب الله وتفرحو بيهم يارب قناتك روعة و هاني من متتبعاتك باذن الله و شكرا اختي اختك في الله من باتنة نحبكم في الله

ما شاء الله شرح في القمة 😊 يعطيك الصحة حبيبتي سطايفية ونموت على الشخوخة لمسيلية إن شاء اللّه نجربها ونتعلمها

انا سورية اليوم راح نجرب نديرها ان شاء الله تزبط معي😊

خسااارة انا من تلمسان منديروهاش .مي راح نجرب وصفتك أن شاء الله دايما كي نشوفوها تشهيني 😍

فديو هايل حسيتك غير متكلفة و صادقة ما شاء الله ربي يبارك لأخيك الف مبروك و عقبال كل وليدات المسلمين

الله يبارك الله يبارك الله يبارك وأخيرا لقيت وحدى طيب الحار و الحمر وماكلة كيما تاع ماما شهيتيني دك نقول لماما طيبهالي

لي من مقرة ومقراوية تحط جامم

ممم شكلها يشهي ومشمخة مليح وزيد بالحار😍ان شاء الله كاش يوم نزور مسيلة و نذوقها 🥰🇩🇿 تحياتي لولايات بلادي كلها

شهيتيني ..امممم امممم والله كوغير كنت فم راني كليت بردت قلللبي .😆😆😅😅😄😂😁😀😉

جربتها لأول مرة من عندك و جات ماشاء الله يعطيك الصحة❤️❤️❤️❤️

درتها قبل يومين ليلة المولد، واش نقولك ربي يزينلك السعد ويحفظك ويحفظلك ميمتك، جات 🔥ووووعة

مشاء الله خدمة نضيفة ومتقونة ..بصح واش نڨولك شعرة كليت تلفون من سخفة...ههههه.بربي نجربها.من باتنة .

هاكي ربحت على الشخشوخة المسؤلية ابونيت وجام ويعطيك الصحة

شخشوخة الميسلية، اروع واجمل وارق شخشوخة، وشهية، طيبة

شخشوخة المسيلة ولايتي لعزيزة هي أحسن وابن شخشوخة في الجزائر 😍😍😍وتكون حارة الله الله يعطيك الصحة اختي 👏

اوووووا الله الله على ذيك. الشخشوخة ماشااااء الله تبارك الرحمن الفحله بنت الفحله بصحححتكم

تهبل مشاء الله عجبتيني صح اختي تواضح وضرافه وتربيه مشاء الله انا سوفياا وعجبتني شخشوخه تاعكم مشاء الله بربي نديرها في داري

بارك الله فيك أختي، جربتها و خرجتلي ماشاء الله، والله رائعة فرحت بيها عائلتي ، شكرا جزيلا على الامانة و الوصفة الناجحة ❤

ماشاء الله ربي بارك ،راجلي كلاها عند صاحبو هبلني بيها راني نتفرج باه نديرهالو ،وربي يحفظك 🥰

و الله فكرتيني فالشخشوخة لمسيلية الحارة غدوا بإذن الله نوض نطيبها. ربي ينجحك و يوفقك و نستنا منك طيبي الحسوة 🔥😜😂

الله يبارك يعطيك الصحة ختي وربي يدوم لفراح انا نموت عليها وتعلمتها الله الله بصح انا نزيدلها راس،الحانوت تاع تونس وحد البنة فيه الي من سطيف وتحب تشري منو راهو يتباع في المرشي،تاع ماليزيا

كل واحد وطريقتو، بصح شخشوخة لبساكرة ولا اروع سييوها ورجعولي لخبر 😍😍😍

الله يبارك عليك خدمة تهبل و هدرة كي لعسل بالصحة و الهناء و مبروك على خوك لعقوبة لكامل الي يحوس على الحلال صراحة عمري درتها و لكن تبارك الله شرحتيها بالتفصيل انا من سطيف و احنا نديرو لمفرمسة بنفس العجينة و لكن رقيقة و نسقوها منغلوهاش بصح عجبتني الي درتي يعطيك الصحة

يعطيك الصحة وبصحتكم والله جرالي الما في فمي انا من قسنطينة خصارة جيت بعيدة عليكم😭😭

احسن شخشوخة هي تع مسيلة جيت نسكن فيها وتعلمتها مكاش لي ماذاقهاش و مهبلش عليها

أنا أختك من برج بوعريرج نموت على شخشوخة المسيلة من فضلك ديرينا الزفيطي حبيبتي وألف مبروك وربي يهنيه

شخشوخة مسيلية لا يعلو عليها ولكن ميجيش الحومبو بصحتكم

الله يبارك يعطيك الف صحة حنونة تعيشي ديريلنا قيس عايلة صغيرة في أقرب وقت قنااااتك تهبل وشرحك رااااءع نتمنا لك توصلي للمليون أن شاء الله

انشاء الله بالصحة والهناء على خوك وربي يحفضك على طريقة شرحك للفيديو واصلي اختي ربي يوفقك راني مشتركة جديدة من البرج

شهيتيني انا مسيلية نديرو شخشوخة بساكرة هاذي مدرناهاش كامل لكن نجربها تبان بنينة بزاف اصلا ماكلة نتاع المسيلةكامل بنينة خاصة الزفيطي ناكلوه ونموت عليه ربي يحفضلك يديك وصحيحتك امين

ننصح كل وحدة ماتعرفش الشخشوخة المسيلية نقلها هذي نوع من الشخشوخة وهذا النوع يقهم خاطر مخدومة بالزيت . اصل الفتات يكون محلول بالماء احسن تجي خفيفة واحسن بنة وزيد قد ماتغليها ماتتحلش انا هذي لي خدمتها غلية زوج تلصق في بعضها

هذا وين شفت قناتك شفت هذيك شخشوخه يديرها جيراني نموت عليها علمتيني نديرها لراجلي وولادي شكرا

يعطيك الصحة ناكلها دايما برا و كنت حابة نتعلمها طريقتك هايلة شهيتيني جات ماشاء الله

جات هايلة يعطيك الصحة نتيا و ميمتك الحرة، بصح أنا نفضل تاع الما قد ما تغلي تبقى شادة روحها، أما تاع الزيت تمتم تتحرحر. تقديم الله يبارك و نظافة و إتقان، حمرتولنا وجهنا ❤❤🌷🌷

الكوزينا نتاعك تشبه الكوزينا نتاوعنا وريهالنا كيفاش تشوي فيها الدجاج فيهافلفور هذي الكوزينا لا ي علا عليها👍👍👍🤗🤗🤗🤗

ماشاء الله عليك اختي العزيزه كلامك عسل وطريقة التقديم انتي بنت أصول ربي إفرحكم

يعطيك الصحة يا لمسيلية الحرةانا مشتركة جديدة من باتنة سخفتيني انشاء الله نجربها

الله يبارك اختي شخشوخة تشهي انا من الشرق الجزائري، أن شاء الله نجربها، كليت الزفيطي تاع لمسيلة ومزالني منسيتش بنتو

كليتها برا في سطيف كانت سخونة وحارة وفوقها دبشة وزبدة عرب وفلفل حار مقطع تحفة في البنة بلا لحم وبنيييييينة طريقتك عجبتني نجربها ونرجعلك بالخبر

يعطيكم الصحة و الف مبروك و ان شاء الله ربي يسعد العرسان الشخشوخة توب و الله شهيتينا الله يصحح يدياتك

10:54 يبدا الفيديو فاعل خير

ولات وصفتي المعتمدة صرااااحة انا بجاوية و وليت نديرها بااحترافية و كل جمعة ناس بيتي يطلبوها مني...يعطيك الف صحة

يعطيك الصحة يالمسلية الحرة وربي يطول في عمر ميمتك ويحفظك