كلام معقول. نتمى لكل خواتاتي يخموا للغد ويلموا دورو على دورو باش ما يبقاوش تحت رحمة اي شخص لأن هاد الدنيا دوارة و المجتمع صعيب و النهار تكون عندك مشكلة ماكانش ليعاونك . شكراً على القريصة ، وعاوديها لنا مرة مرة باش ما ننساوش .
معنديش القانة ندير حصالة بصح شهريتي كيما نخلصها نديها قبالا عند البيجوتري ونحصل روحي معاه هكدا قدرت نشري شوي ذهب والحمد لله يعني ادا كنت بشهريتك حطي مبلغ كبير مباشرة عند البيجوتري حصلي روحك معاه في ظرف شهرين ولا 3تقدري تكملي حاجة ذهب انا هدي طريقتي
مدة تسع شهر لميت باه نشري بارير كلش خصني خليت روحي نحتاج ابسط حاجات وصبرت شريت بارير هذا شهر والله كان حلم بالنسبة ليا باه نلبسو فرحت فرحت نهار شريتو بسك نستاهل نفرح ❤
أنا من وجهة نظري ما تشريوش الذهب ضرك،إذا هبط نشريو كامل وإذا ما هبطش خلاص رانا أوكل كيف كيف ،يعني تحرمي روحك وولادك من بزاف حوايج باش تشري الذهب والله ما عندها معنى،يكبرو لولاد ويندم الواحد لي ما وكهمش مليح وما لبسهمش مليح،الدنيا هاذي ماشي ذهب برك
لالا حنونتي انا كنت نخمم كيف بصح تبدلت علاه لحاب ولادك خمي لمستقبل تاعهم أضعف الإيمان كيحب يقراو ولا تكوين بعيد فايده لهيم خير متتحاي للاقرب الناس يضحكو عليك
حبيبتي فرحت بزاف كي شفتك حطيتي فيديو ان شاء الله تكوني بديت العمل وتكون بداية موفقة ربي يعطيك القوة والصحة وتقدري توفقي بين العائلة نتاعك وبين العمل والقناة مانخافش عليك شاطرة وتقدريلها بإذن الله راح تجيك شوي صعيبة السمانة لولا برك مباعد توالفي ويتنظم وقتك المهم ماتفرطيش فينا حنا والفناك وحنا معاك حتى واذا تحطي غير مرة فالأسبوع فيديو المهم نسمعو صوتك ونطمنو عليك ونبقاو على تواصل معاك دعواتي ليك بالسعادة والهناء والرزق والخير الكثير .... متابعتك أمينة من أم البواقي ❤❤
عندك الحق حبيبة❤ انا ثاني قبل كنت مبذرة بامتياز 😢دراهمي تروح غير في الشكيل بالصح الحمدددد الله فقت مع روحي بفضل الله وفيديوات الاخوات لكيما تاعك المحفزة🎉 في ميزان حسناتكن ان شاء الله ❤❤❤❤