نتكلم في حاجة قبل المقادير
بالنسبة للشربات التقيل يمشي معاكوا ايه
كنافات بأنواعها جلاش بقلاوة هريسة وهكذا
الشربات الخفيف
بسبوسة طبعا بس قبل ما استخدمه ليها اسخنه البسبوسة تطلع سخنة الشربات سخن تمام ممكن بردوا الناس اللي بتحب الكنافة طرية تستخدمه بس يكون بارد
طبعا شغل البصمة غير بيبقي عود تاني وده مش بيوت بتعملها لأن مكلفة
ده شربات تخزين اللي المحلات بتجهزه الوقتي علشان شغل رمضان كل سنة وانتوا طيبين ورمضان كريم عليكوا يارب 🤲❤️
(الشربات التقيل )
المقادير
نص كيلو سكر مايعادل 2كوب ونص
250جرام ماء كوب وربع
100جرام عسل جلوكوز ربع كوب
عصير نص ليمونة
لوهشتغل شغل تجاري نص كيلو سكر بياخد نص جرام ملح ليمون بس انا عملت لإمكانيات البيت
(الشربات الخفيف )
نص كيلو سكر 2كوب ونص
نص كيلو ماء 2كوب ونص
معلقة كبيرة مليانة جلوكوز
عصير نص ليمونة
لوهشتغل شغل تجاري نص كيلو سكر بياخد نص جرام ملح ليمون بس انا عملت لإمكانيات البيت
يتحط الاول في وعاء يبرد ويعبي في البرطمانات مينفعش بتغطي عليه إلا مايطلع البخار علشان البخار ده لونزل عليه كفيل أن يخليه يسكر
يتحفظ في مكان مظلم احنا في الشتاء في الصيف في التلاجة في الباب وليس الرف علشان مش يطول الشربات درجة تبريد عالية
20 авг 2024
