اهلا بيك ... السؤال ده محتاج واحد شغال فى مطبعة كبيرة وخبرته عاليه وممكن يكون مش بيحسبها كدة لان كل شغلانة بتاخد حبر حسب التصميم وكثافة اللون الموجود ...شكرا
احمد باشا اشكرك اصغر مقاس في الأوفست هو الدوبل تقريبا مقاسها ٣٢ في ٤٦سم واللي اكبر منها على طول ربع فرخ ٣٥ في ٥٠ سم وسعرهم بيعتمد على الحالة وهل هي استعمال خارج ولا استعمال محلي... وطبعا فيه ناس كويسة جدا للتدريب.. لو انت جاد في الشراء قولي.. و هجيبلك السعر.. شكرا
ازي حضرتك.. المونتاج العادي للعلب او كروت.. فلاير.. بروشور ممكن يعمل على اليستريتور او انديزاين... لكن طباعة الكتب او المجلات بتحتاج برامج متخصصة في المونتاج زي preps. او أكروبات... او انديزاين وممكن يكون فيه برامج حديثة للمونتاج تانية.. اشكرك
حضرتك عايز ماكينة واحد لون بمقاس ايه؟... دوبل ولا ربع ولا نص ولا فرخ...؟ كل مقاس ونوع وكمان حالة الماكينة لها سعر قولي وانا اعرف ناس متخصصة جدا في بيع الماكينات.. شكرا 🌹
لو خارج مطبعة في مصر من ٨٠ ل ١٠٠ الف حسب حالتها و لو استعمال الخارج استيراد من ١٣٠ ل ١٨٠ الف تقريبا ولو فعلا حضرتك هتشتري انا هسهلك الموضوع وحد خبرة في الصيانة والتركيبات هيكون معاك.. شكرا
استاذ كريم اشكرك على اهتمامك ولكن الترتييب المعتاد يكون البداية بالازرق والنهاية بالاسود لان الاسود يحدد الصورة بعد نزول جميع الالوان الاخرى وفيه حد تانى يبدأ بالأسود عشان يشوف التصميم افضل من أول لون ... وفى بعض الاحيان حينما تكون الصورة المطبوعة لها الوان معينة طاغية يمكن تبديل الالوان ولكن تعتمد على خبرة من يقوم بالطباعة وتقديره للنتائج وايضا عدد الوان ماكينة الطباعة..شكرا
