الله ينور عليك يا ابني ويفتح عليك حاجه والنبي ويوسع عليك كمان وكمان وينور لك مخك كمان وكمان ويعلمك من حيث لا تعلم ولا تحتسب انت نورتنا والله وفعلا انت ونعم الادب ونعم الاخلاق وبص انا راجل فلاح بردك يعني انا من الجيزه من الهرم اخوك محمد فيصل بصراحه انت الله اكبر عليك ما شاء الله عليك يا حبيبي وربنا يبارك لنا في اولادك ويديك الصحه وينورك ويجعله ميزان حسناتك باذن الله تعالى وده طبعا اللي انت بتقول عليه والكلام ده كله صح ولا غلط اخوك محمد فيصل الهرم 57 سنه عندي اكبر منك السلام عليكم
أقسم بالله أنت راجل محترم وشكلك جدع وأبن بلد . وأنا نظرتى عمرها ما بتخيب فى حد أبداً . إن شاء الله هييجى يوم وهنتقابلوا عالرياح التوفيقى . هنتشرف بيك بجد . معاك دكتور أمير من الشرقيه ودايماً بصطاد عالرياح وعالجزيره فى كفر شكر وغاوى صيد بالحى الكركور ودايماً ربنا بيرزقنى بالبياض والدقماق لكن عمرى ما أخدت قشر بياض وأمنية حياتى أجمع على سمكة قشر . بصراحه الڤيديو ده شرح ليا وكمل ليا الناقص فى معلوماتى لتجهيز عدة القشر . ربنا يبارك فيك ويسترها معاك ويرزقك دايماً وتفضل تمتعنا كده على طول . وأحلى لايك منى على كل ڤيديوهاتك وتستاهل أكتر من كده والله . وياريت لو أمكن رقم موبايلك عشان لو كان لينا نصيب نتواصل معاك لتحديد يوم نتشرف بيك فيه ده إذا سمحت طبعاً .