طبعا شكرا على الشرح ... طريقة الالقاء حلوة والصوت واضح واكو اشياء شرحتهة الكل يعرفهة بس للاسف الاشياء الي غير معروفة شرحك الهة غير دقيق المفروض تدرس وتبحث وعلى هذا الاساس تنزل المعلومات اول شي ال turbo يستخدم لزيادة سرعة التبريد انت ماوصلت الفكرة صح راح اوصل الفكرة فرضا انت هسة اجيت للبيت وشغلت المكيف ومستعجل تريد تبرد الغرفة بسرعة لان الجو حار فبدلا ماتنتظر ربع ساعة حتى تبرد الغرفة اذا ضغطت على ال turbo اول متشغل التبريد راح تبرد الغرفة اسرع انت كلت منحتاجهة لا احنة نحتاجة خاصتا بالعراق لانو تبرد الغرفة خلال خمس دقايق بدلا من ربع ساعة بس هاي الخدمة يفضل بعد برودة الغرفة تنطفىء لانو راح تخليك تصرف كهرباء اكثر لان هي كلمة تيربو تعني زيادة قوة سواء بالمروحة او المحركات او الخ لذالك بعد متبرد الغرفة طفيهة واذا تلاحضون من تستخدمون يصير صوت التبريد مزعج او ضوضاء عالية اما بخصوص ال moda فهي اختياك للوضع واول اختيار الي هو اسهم ثلاثة على شكل مثلث مو معناها مروحة معناها auto moda يعني تشغيل اوتماتيكي يعني جهاز التبريد هو يتحسس درجة حرارة الغرفة ويشتغل على هذا الاساس اذا حس الغرفة بردت ينخفض واذا حس الغرفة صارت حارة يرتفع وهكذا واني اعتبر هذا الوضع من افضل الاوضاع ممكن نستخدمهة للتدفئة ايضا .هذا الاختيار راح يخلي الجهاز هو الي يتحكم باختيار الدرجة المناسبة للغرفة الوضعية الثانية شرحتهة صح هي وضعية التبريد يعني الغرفة راح تبرد وانت تتحكم بيهة وبدرجة برودتهة الوضعية الثالثة الي هي شكلهة قطرات ماء هاي متعني تستخدم للحرارة لا بالعكس هاي تستخدم للمناطع الي بيهة درجة الرطوبة عالية تشغل لمدة معينة لكي تخلصك من الرطوبة بالغرفة ويفضل اطفائها بعد التخلص من الرطوبة والشعور بالانتعاش يعني العلامة الي على شكل ثلاث قطرات تعني التخلص من الرطوبةوتسمى dry تجفيف اما الوضعية الرابعة فشرحك كان صحيح هي وضعية المروحة (fan ) هاي الوضعية راح تخلي الجهاز يشتغل بس مروحة بدون اي تبريد وكآنه مشغل مروحة وصرف الكهرباء راح يقل ومااعتقد بالعراق نحب نستخدمهة لان متفيدنة الوضعية الخامسة الي تشبه شكل الشمس هذي للتدفئة يعني تحول الى التدفئة هسة نجي على اهم شي وللاسف الي الكل لم ينتبه له ويعتبر جدا مهم للجهاز وخاصتا للناس الي تشكي من رائحة مكيف الهواء عند التشغيل مهم الي هو (X_FAN) مهم جدا ويجب على الجميع استخدامه وضيفته هي هذه الخاصية موجودة لدى بعض انواع أجهزة التكييف وليس كلها، وتقوم هذه الوظيفة بعمل تجفيف ذاتي لجهاز التكييف عند ايقاف تشغيل التكييف ، فعند الضغط على ايقاف التشغيل سوف يعمل المكيف بشكل تلقائي على وضعية dry لمدة خمسة عشر دقيقة تقريباً، مما يساعد بعدم تكون روائح كريهة وفطريات مع الوقت داخل جهاز التكييف، ولذلك يوصى دائماً بتفعيل هذه الخاصية. ملاحظة: هذه الخاصية لا تجعل المكيف ينطفئ مباشرة بشكل كلي بعد الضغط على زر ايقاف التشغيل، بل تمتد فترة التشغيل لمدة تصل إلى خمسة عشر دقيقة قبل ان ينطفئ المكيف بشكل كلي، وذلك بعد ان يكون قد اتم وظيفة التجفيف للتخلص من التعفن والبكتريا في التكييف . اما ال (Timer on و Timer off) اني شخصيا كلش احبهم شرحك صحيح بس منبهت على التايمر اون الي هي تشغيل طبعا اول مرة لازم تتآكد من ساعة التكييف مشتغلة صح ومضبوطة حتى تستطيع استخدام هذان الخاصيتان تكلمت انت عن التايمر اوف صح ومضبوط بس التايمر اون كلش حلوة استخدامهة بعد ما تتاكد انو ساعة التكييف صحيحة مثلا انت جنت بالشغل وترجع للبيت ساعة 2 فمن تجي تريد تلكة الغرفة باردة حتى تنتعش بالتبريد اول متوصل فتضغط على التايمر اون وتحدد شوكت تريد السبلت تلقائيا يشتغل فمثلا تريد تشغلة قبل لا توصل للبيت بنص ساعة فتضغط على تايمر اون يعني وقت التشغيل وتحدد ساعة وحدة ونص مثلا وبهاي الحالة راح يشتغل التكييف قبل لا توصل بنص ساعة وراح تلكة غرفتك باردة والعكس صحيح بالنسبة للتايمر اوف تحدد شوكت تريد يطفة وهوة يطفة اما ال (sleep ) فعمله يشبه الى حد ما التايمر اوف ولكن الفرق مثلا انت نمت بال12 وتريد السبلت بال 5 الفجر يطفى تضغط كلمة sleep وتختار الساعة خمسة وكآنما دة تنبه ساعة وتختار الوقت وراح السبلت تلقائيا ينطفئ عند الساعة الخامسة والفرق بين sleep وtimer off هو انو الاخير يبقى يومية بنفس الوقت يطفئ اسبوعيا بينما ال sleep لازم تحددة يوميا هذا هو الفرق لذالك اذا تلاحظون بعض الناس يشوفون جهاز التكييف ينطفئ وحدة ويبقون حايرين يعتقدون انو الجهاز به خلل بس الحقيقة همة ضاغطين على كلمة sleep او timer off ومحددين وقت بدون مينتبهون اسفة مرات احجي بالفصحى ومرات احجي بالعامية لان الاسياء الي مااكدر اعبر عنهة بالعامية اكتبهة بالفصحة واسفة اذا طولت عليكم وتحياتي للاخ صاحب القناة ....استمر اخي شفت فديوهاتك السابقة واستفاديت هواية تحية الك من القلب اختك نور
Noor Almbark اخت نور اني اشكرج ع جهدج للشرح بس اني من سويت الشرح مو للناس الي تعرف سويته للناس البسطاء الي صعبة يفهم هاي الوضعيات وكل الكلام الكلتي اني اعرفة لان اني موجود عندي الكتلوك واذا تحبين انطيج الكتلوك تدللين
يعيني اخوووية ربي يبارك بيك ويزيدك والله هسة دخلت ابحث عن طريقة استخدام ريمونت السبلت التوسوت ولكيت شرحك واللهي لما انت كان ولا عرفت استخدمه لان اطفالي لعبوا بيي واني مااعرف ارجعه .... اشكرك وعاشت ايدك وربي يوفقك
قائدي وافتخر والاخت نور بارك الله بيكم على هذا الشرح المفصل اني عندي سبلت توسوت جنت مااعرف استخدم الريمونت بس من خلال الشرح مال الاخت نور والاخ قائدي وافتخر استفاديت من الشرح مالتهم وعرفت استخدم الريمونت بارك الله بيكم.
ما شاء الله شرح مفصل 😂 هاي فان وهاي هم فان وهاي فان اعلى من الفان السابق و هاي دكمة زعانف السمكة وهاي دكمة تطفي وتشغل السبلت هاي الدكمة وهاي هم متحتاجونها والسلام عليكم ورحمة الله وبركاته وهاي اكز فان دوسها راح تشتغل الفان
@@user-am95 وررده والله الحمدلله والشكر والله حيل استفاديت منك قبل شويه خربته ماعرفله وابويه گال اخابر ولد يجي يسوي گلت بلكي باليوتيوب الگي شرح والحمد لله لگيت شرحك مفصل ورجع مثل ماچان الله يوفقك 😍
+قائدي وافتخر خويه الريش عم يوقفن والعلامة تختفي من الريموت بس من أوقف على مكان مناسب واطفي السبلت وارجع اشغله يرجعن على المكان الي انا ما أريده ويتوقفن عن الحركة؟
عاشت ايدك حبيبي الغالي علمتني هواي شغلات على الرمونت كنت ما اعرفها الله يوفقك استمر على هذا العمل ننتظر منك المزيد من الفديوات أنريد منك تحجي على رمونت سبلت كنتوري عامودي شلون نستعمله تحياتي 👋🏻🌹👋🏻 …
مشكور على مجهودك طبعا القائك و حبك للمساعدة، بس اي واحد قاري الكتالوگ قبل لا يشوف الفيديو رح يعرف انه نص حجيك غلط، شوية بحث بسيط قبل ما تسوي الفيديو مارح ياخذ منك ساعة و تتاكد من الكتالوگ هم و بعدين فيد الناس مثل ما تريد بس هيج انت دا تفيدهم بشغلات خاطئة و گاعد تگول هاي الشغلات ما نحتاجها احنا و هي كلش مهمة ياريت لو جان الفيديو مسويه عن علم
مرحبا ممكن تساعدني ابني ما اعرف شنو داس هسه الرقم بدل 16 صار 61 وكتوب يم الرقم كلمه WiFi فدووه ساعدوني الله يخليكم شلون ارجعه مثل مجان دوست كل الدكم وماكو