شريتهم و خسرت دراهم كبار فيهم و ندمت 😭 بالاكو تغلطو و تشروهم نصيحة من اخت 

حبيباتي زعمة نديرو تحدي 400 جام؟ زعما تقدرو تلحقوهالي؟

و فجأة تذكرت علامة م و ص ك م ، عاشت معانا 40 سنة و ما قالتش يا راسي،،،،شكون كانت عندهم كيفها😂😂😂😂

ما تقوليش ماعنديش الزهر بل قولي قدر الله ماشاء فعل ربي يعوض عليك ما خير

الحمد لله عندي 3 سنين ملي شريتو اوكازيون وهااااايل نجحلي و مايديرش غلاصون و مايسيحش الماء هاااااايل الحمد لله

هاد المنتجات ولات بالزهر في نفس النوع كاين اللي رائع و كاين كوارث. حاولي تشوفي الضمان بلاك يتصلح بسهولة. حظ سعيد

ربي يعوض عليك بصحتك وصحة ولادك وزوجك

الحمد لله خرجت على خير، ثلاجة لوسي من نفس الماركة دارت ماس وهو و مرتو غايبين، شعلت النار و نحرقت دارو

صراحة انا عندي براند مدة سبع سنوات ما شاء الله و شريته ب اربع ملايين ف 2016 حجم متوسط

بارك الله فيك علي كل النصائح شكرا

ختي ربي معاك علاش مغيهش لڨارونتي تقدري تعيطيلهم وتشوفي واش يقولولك مادارش عليه لعام من حقك

ربي يعوضك خير منهم ان شاء الله و شكرا على مشاركتنا للفايده

صحيتي على النصيحة ربي يعوضك خير

تبارك الله عليك اختى الله يعوضك فى الثلاجة 😘😘😘😘

ثلاجة قبل متشروها رقبوها من وراء لازم يكون شباك لبرا كاين لي شباك من وراء مغطي ويجي كوفاغ هاذي أكبر غلطة

كان عندي كيفك بيتران condor القديم بصح كي تكون كمية العجين أو البيض قليلقة الفووي ما يوصلش للقاع و ما يطلعش .

J'ai eu le même problème appeller le service après vente si vous avez la garantie ils vous envoient un technicien pour le réparer à domicile

اعطيك الصحة ربي يحفظك راكي مديتلنا فوائد كبيرة الله يسترك

يعطيك الصحة على هاذ النصائح اختي بالنسبة للحريق نتاع الكويزينيار راهو من الفور عندي كيما هي كي نطيب في الفور نلقاها تحرقت من ثم ونفس المشكل لي عندي نتاع الغسيل نضل نغسل فيها وليبرودوي يفسدوها.

سلام يما عندها نفس الثلاجة وكانت متبردش عيطت لسرفيز ابري فونت وسقموها دكا راي هايلة الله يبارك لقاو واحد الخيط من للوراء ماشي راكب

شكرا على النصيحة بارك الله فيك اختي

براند أصبحت الاسم فقط حنا غير تمشي السلعة ينقصو في النوعية ما حبوش يتعلمو من الأوروبيين في هذا الأمر فاتونا للاسف تاوعنا يشوفو عند نيفهم ربي يعوضك

أنا أيضاً شريت مطبخة 5 رؤوس، ماركة Raylan عندما فتحتها وجدت بعض أماكن مقشرة

نفس المشكل كي شريتوا عندها ٤ سنوات شريتوا ودارلي لكلاس عيطتلهم جاو اداوه ورومبورسيت دراهمي شريت lg زدت الدراهم الدوبل بصح الحمدالله

اختي البرند روحي لا ميزو في روسو يخدموهالك لاميمواغ تكون محروقة نفس الثلاجة لي عندي او كان عندي نفس المشكل

شفت قتلتك صدفة كل كلامك صوالح ونصايحك في محلها بالنسبة الثلاجة عندي نفسها ونفس المشكل تاع لاقلاص مشتركه جديدة

انا تاعي برند فريجيدار وماشينا لافي عندهم 4 سنين راهم يمشو هايلين مشاء الله

صح عندك حق ربي يعوضك ختي

سلام اختي جربي طفيه 24 ساعة كاملة ساعة من بعد اشعليه وشوفي اذا يولي يخدم عادي

سلام خوتي بلكوا تشرو هذه الثلاجة انا شيبتني هذا المركة تع الثلاجة مشي مليحة انا رني ننصحكم في وجه ربي

احسن ثلاجة متوسطة السعر هي بيكو

ختي المنظف خليتيه فوق 5دقاءق والفونت صح واعر في التنظيف واش نقولك تغفلي راحت عليك والثلاجة تتسڨم

والله اختي نفس الشيء بالنسبة لاختي سرات ثلاجة نفس الماركة خسرتلها وراني تلقاها الماء وراني عاد جديدة 3اشهر

لازم تعرفي بلي brand ماهيش كما brandt الاولى ب d والثانية ب t والحقيقية ب d

اختي صرا لنا نفس المشكل وفي النهاية خرجت فيه فويت في التارموسطا وخدمناها وراهي ما شاء الله

ختي نصيحة على المقلاة الهوائية أنا عندي ختها الجاج باش ما يجيش ناشف ديريلو الماء من تحت يجيك هايل

كلامك صحيح رانا بنفس المشكل

J'ai le même réfrigérateur brandt et j'avais le même problème il faut l'éteindre pendant 24 heures et laisser la porte ouverte il va redémarrer le plus normalement possible

ربي يعوض عليك المهم تكوني بخير وصحة وسلامة

يعطيك الصحة يا اختي على صراحتك

كيما تاع عجوزى مدارش العام ورجعتو لميزو عدلوه مفاتش لقرونتى اديه لميزون يعدلوه يعود خاصو الغازوربى معاك

تقدري تتصلي بالمحل لشريت عليه ويصلحوهلك لان عندك الضمان لمدة معينة

البرودة تهبط ملفوق للتحت ماشي العكس. عندهم مشكل في ادابة الجليد هاديك البرودة هي لي تهبط للتحت على العموم المشكل ماهوش كبير. يلزم تتصلي b service après vente

انا ايضا شريت وحدة 4 كوانن باللون الرمادي كارثة وخلاص لازم تغسلي طول ...

كيما تاعنا ثلاجة حبستنا خطرة عيطنا تع شركة خطرة جاو داوها سقموها و دوك راي تمشي عادي عيطيلهم حتي ماشي مشكل

يعطيك الصحة على صراحتك و محبتك للناس بالنصيحة،الله يبارك لك يبارك عليك

تكون ماركة مقلدة الاصلية براند رايعة من ثلاجة او فرن او مكيف الله يبارك في ايادي ولاد بلادي و يزيد للعالمية ان شاء الله

صباح الخير احسن لامرك hair خصوصن الثلاج او غساله اذا مزالة

اشترته عائلتي اكثر من 5سنوات ويخدم مليح ماشاء الله

انا شريت كويزينيار جيو 4 فور قعدت سمانة طرطقت الزجاج الدخلانية وحدها والذرك مالقيناهش زجاجة وقالونا ماهيش داخلها فالضمان راني حاصلة فيها وكرهتها وكرهت الماركة تاع جيون

انا عندي ثلاجة لمارك بيكو ماشاء الله وعندي كوزنيار جيو ماشششاء الله والله حاجة ماصرات فيها عندها 7 سنوات

شكرا جزيلا على النصائح

Ya3tik saha nsiha mliha

انا شريت machine à laver Brandt و ندمت عليها على خاطر les programmes تاعها طوال بزاااااااف، ندير الحوايج على 8 تكمل على 1.30،

كان عندنا نفس المشكل و لقينا البوبينة تع الرياشة لتحول البرودة من المجمد للثلاجة . خدمة تع 5 دقائق

حتى انا شراتهالي ماما كادو ، كي كملت عامين و خلاصت la garantie حبسلي ، رحنا عندهم و فريناها معاهم

والله نفس الحاجة صراتلي نفس لامارك بروند انا من الفوق الكونجيلاتور قاع ماتمشيش سخونة اون نديري فور من تحتها كيف كيف حصلت فيه وزيد الظروف ماتسمحش باش نزيد نشري واحد اخرى

يعطيك الصحة على النصائح القيمة اكيد استفدنا

إن شاء الله ما تخسريش صحتك وليداتك ومولا بيتك ، ولا كل شيء مخلوف ،الله يعوضكم ما خير.

ربي يعوض عليك

قناة راىعة ابدعت❤❤❤

عندك الحق حبيبتي نفس المشكل تاع الثلاجة تاع خساره كبيره انا عجبني كي عاد كبير لكن تكلحت رب يعوضك اختي

ربي يعوضك ختي ومام انا شريت ماركة كيوا شريته 9ملايين و يخسر كل عام نعاوضوه وربي يعوضنا للأسف و شكرا على النصائح

Yatik asaha machalah 3lik rabi yahafdak

بالنسبة لبروند اختي عيطي لخدمة ما بعد البيع يجوك لدار ويسغموهولك حتى وتكون فاتت مدة الضمان

ختي سمحيلي هذ الالات مستخدمين عند الماليهم و يبيعوهم (عند هدك اللي يجو يشرو قاش قديم)و يسبغوهم و تبالك جديدة توب!و هي غير خدعة !

اشتريها هذه ماركة تاع الثلاجة براندت روعة و جميل جدا و لكن لازم يبتعد من المكان الساخن في المطبخ .

عندي من مدة و مافيهش هذا المشكل. و شراو قبلي ونصحوني به. كان شفتي مع سرفيس بعد البيع. انا موالف نعيطلهم ادواتي كامل من عندهم ( ماشينالافي. فريدج و كويزييناغ و كليم)

انا ليلكتروميناجي نحب LG صح غالية شوية بصح مليحة في كلش الثلاجة غسالة الملابس والاواني هايلييين عن تجربة

Y’a pas de garantie? normalement un an de garantie automatiquement sur les produits électroménagers, je pense qu’il faut vraiment voir avec le magasin. Pour les marques même ici en Europe parfois mayasdkouch c’est pour ça il y’a une garantie

الحاجة لتحرق كويزنيار المقلة والطاجين مالزم تستعمولهم

شريت كوندور 360 راه الحمدلله مجرب عجوزتي و ظارنا تاني عندهم كوندور و شريت ماشي لافي كوندور6 كغ و زيد ضمان 10 سنين

المهم الصحة و الهناء ان شاء الله

اللهم صلى وسلم وبارك على محمد وعلى ال محمد وعلى أصحابه اجمعين

يا اختي الكريمة. الثلاجة يمكن أن تنحلها الكهرباء و اتركيها حتى يروح كل الجليد لمدة 48 ساعة و مسرحيه و عاودي مشيه و متغلقيش الثقوب تاع المجمد اتركي البرودة تتحرك داخل و الله الموفق

عندك الحق انا شريته جديد و قعد عندي شهر و نص حبس مبغاش يخدم اختيار فاشل بصح عندهم مصداقية

فريجيدار كيما تاعي روعة عندو عام عندي مليح في كلش ولكويزينيار عمرك ميطيبي عليها الكسرة يتحرق لاينوكس تاعها

نصيحة ما تخليش الحليب بدون غطاء يفوح فيه الاكل

انا شريتها ثلاجة بروند نفس هذي والحمد لله هايلة ماشاء الله ماندمتش عليها خلاص

ننصحك باش متطفاش رجعيها تمشي بالغاز ونحي ترموكوب انا درت نتعي هكا وتهنيت وعندك الصح مكان مكان

يوقفو الاستيراد ويحتمو على الشعب المنتوج تاعهم الرديء وبأسعار خيالية باسم تشجيع المنتوج الوطني. لكن كترجع لهؤلاء المسعولين يجيبو واش يحبو من الخارج. حلال عليهم وحرام على الشعب.

أحنا عندنا ماركة رايلان ڨلاسي عندها أكثر من أربع سنوات راههي ما شاء الله،ربي يجيب الخير.

ماما والله غير عندها كويزينيار كيما ديالك نجحتلها كل يوم تشكر فيها خاصة الفور يطيب مليح سخون

كويزنيار كيما تاعي اغسليها بلملح و خل تولي تبرق و متطفاش 🤔 بصح شريتها في 2019 ب تلات ملاين و تسعميا دك راهي دور فسبعة

السلام انا عندي فريجيدار brandt خسرتلي وهي جديدة عيطتللهم après vente في ثلات ايام جاو سقموهالي ودوك راه عندها عام الحمد لله ومتديرش لقلاص

ثلاجة تاعي بروند في ست سنين ماشاء الله تبرد روعة ماشفت منها حتى غلطة

يعطيك الصحه اختي على الفيديوهات تاوعك في التلاجات بيكو هو المخير عن تجربه

من غير كوندور وبيكو هوما ناجحين في الجزائر أنا عني ثمنطاش السنة ولباس بيها الحمد الله هاذو لي سول مارك ينجحون مئة بالمية

عادي طفيه ليوم واشعليه هذا النوع مايتحملش السخانة. اذا المطبخ ساخن حطيه في الهول راهم غاليين بزاف وربي يقدرك

بعيهالي الثلاجة اني قعدة بلا ثلاجة ومنقدرش نشري وحدة جديدة

ختي نحيلو لابريز خمسة أيام او عادي شعليه يشعل مليح كل متشوفيه يعاود يحبس ميبردش عادي ديريها العفسة

أنصح الجميع، pour le froid, أشرو LG

خسارة انا تاني شريت وحدة مشي جييو عند قفالي نتاع قرن تحرقت وتقشر وتصدت مشكل بغيت تنقي ولالا من تكون نوعية مقودة تطفر فيك

من طجيبن تاع لحديد هو ليحرق ويصفر la plaque. ولا la cuisiniere لا لا اختي الكسرة في الطابونة لان درجة الحرارة تاع محاجب مسمن مطلوع تفسد la cuisinier

تقدري تعيطيلهم يجو يخدمو إذا عندك la garantie

صح صح والله غير لامارك بروند ماشي حاجة مليحة انا الثلاجة منجحتش مام ماشنة لافي حبست

عندك الحق مام دار خالتي نفس الشيء كندور مليح

اختي عندي نفس الثلاجة ب 9 ملاييين وراهي بخير عليها ربي يبارك وتمشي مليح ما شاء الله

سلام عليكم اختي شفت قناتك صدفة هكذا حنا نفس الثلاجة ولا مارك لقينا فيها نفس المشكل نتاع ثلج من فوق عيطيلهم على رقم الخدمة الي في شهادة الضمان يجيو هوما ليك يصلحوهالك في المنزل اذا احتفظتي بشهادة الضمان من المحل الي شريتيها منو لقاونا بياسة مكرسة لفوق عليها دير ثلج ولازم هذوك ثقابي الي داخل الثلاجة تخلي الاشياء بعيدة عليهم باه يمدو لبرودة وان شاء الله تقراي تعليقي شفت قناتك صدفة ربي يوفقك إن شاء الله

ختي حبسيه يومين 3ايام وشوفي اذا الماء راه يخرج من للوراء ويسيل في القابسة واذا ماكانش يسيل انت دئري الماء البارد واشعليه وان شاء الله فيه خير وماتغسليهش غير امسحيه انا صرالي هاكدا والحمد لله

شوفي بنتي هذوك الفتحات باش تدخل الهوا وتشعل الفور من تم يخرج الصهد الحمان لوكان تغلقيهم تطفى الفور