انا لي تجربة مريرة مع الوكيل ….. كلنا نعرفه اشتريت يوكون جديد وثاني يوم اكتشفت باب الراكب الخلفي مرشوش المهم رحت الوكيل وابتدأ معهم مشوار طويل من المماطلة والتصريف وبعد شهر قالوا نغير لك باب السيارة باب جديد وقتها رحت لمدير الوكالة اللي هو من ابناء الوكيل ويوم شرحت له المشكلة وانا كنت متعشم فيه الخير كان وده زي وجهه قال هذا اللي عندنا واذا تبغى تشتكي هذي المحكمة والتجارة قدامك !! بعدها رجعت البيت والدنيا تدور فيني من القهر ويوم عرف اخوي بالسالفة ارسل ايميل الى جنرال موتورز في امريكا شرح كامل للموضوع بالتفصيل وبعدها بيوم جاني إتصال من القاهرة المكتب الاقليمي طلبوا مني شرح يبغون يسمعون التفاصيل بعدها بيومين جاني اتصال من المدير الاقليمي الشرقية جنرال موتورز واحد كندي طلبني اجتماع ورحت له وكان معه مترجم استمع لكلامي وتضايق حيل من تصرف الوكالة معي وخاصة رد مدير الوكالة بعدها قال بنستلم السيارة منك للتحقيق في الموضوع واعطوني سيارة جديدة بديله مع كروت بنزين لحين انتهاء الموضوع وبعد اسبوعين جاني اتصال من نفس الكندي قال بعد الفحص والتاكد ثبت هناك خلل في البويه و جنرال موتورز يعتذر لك وارسلوا ايميل بالشي هذا وقرروا يعطوني يوكون جديد .. انا رفضت وقلت مدير الوكالة اللي هو ولد الوكيل اخطاء في حقي وهددني ولازم يعتذر قال هو اللي بيسلمك السيارة ويعتذر لك وفعلا هذا اللي حصل .. الخلاصة ان الوكلاء عندنا ما يخافون الله والشركة المصنعة ما ترضى باي خطا وهذي تجربتي المريرة مع الوكالة إياها وسلامتكم ✋
الوكيل ما يخاف إلا من الشركة الصانعة. وزارة التجارة للأسف لا تملك السلطة لإجبار الوكيل على القيام بواجبه تجاه العميل ويكتفون بكلام الوكيل. انا حصل لي مثل ما حصل لك ولكن في وكيل نيسان في الكويت مع أن سيارتي سعودية ووارد السعودية. نحن بحاجة لتوعية المستهلك بحقوقه من خلال الشكاوى وإيصالها لأعلى سلطة سواء حكومية او الشركة المصنعة..
11:37 معه حق والله ابو ساره انت مقعده 😂 يعني بالعقل بتدفع حدود خمس الاف او اكثر علشان تنزل النور!! وفوق كذا راح تلعب في وزنية الوكاله واحتمال كبير يصير الموتر معك قاسي ومزعج
@@محمدالامير-ع4ل للأمانه كثير شفت نفس موتر باقيرا وكلهم يطفون اللمبات عشان ما يعمون الناس ولا تنسى ان المرسيدس وكثير من سيارات السيدان من بعيد تعميك وحتى بعض سيارات الجيوب الحديثه تعميك انوارها لين تقرب منها
@@MGSS-zt5hq غير صحيح كان عندي سلفرادو استعملته 3 سنين ماكان فيه ولا شي وبعته والحين خذيت كمارو بسنة وثلاث شهور ماشيه 40 الف والحمدلله امورها تمام وللعلم انا من الكويت وانا بوضح لك فرق تعامل الوكيل انا مجرد ما اشتكي من صوت بسيط جداً ماتطول ثلاث ايام عندهم ويحلونها ومع العلم انا الي مخرب الديكور بسبب اني مغير الحزام وماركبو الديكور عدل
تقدر تخلي السيارة ما تطفى (علق على زر التشغيل) بعد تشغيل السيارة ... يعني ضغطة وحدة مطوله نزل الانوار بمفك تنزل النور يزين صوته ما شاء الله والكلام صحيح ان المقصات الخلفية غلطة (غلطة الشاطر بعشرة) وش تبي بلمبة الضباب ؟ هل نحتاجها فعلا ؟
بعد اطلاع شامل على التاهو واليوكن الجديد اتضح لي أن السيارة تناسب فقط الطرق المعبدة بسبب المقصات الخلفية وإذا اردت استخدامها للطرق الوعرة وانت من عشاق الشفر عليك بانواع البيك اب سلفرادو وسييرا لارتفاعها عن الأرض.
اذكر مسكت خط بيشة رايح للجنوب الطريق سايد واحد رايح جاي وكان وراي يوكن الشكل الجديد قسم بالله من مسكت الخط وهو مأذيني بالنور حقه لدرجة قعدت ادعي عليه من القهر والغبنه وكان جاء ببالي انه حاط النور العالي بس بعد هذا المقطع اتضح لي ان المسكين راعي اليوكن ماكان له ذنب وكان حاط النور العادي فانا اسف من كل قلبي ي راعي اليوكن❤️
و الله لو انه موترك و دافع فيه مبلغ مو اي شخص بالدنيا يقدر عليه إنك لتنغبن على كسر مقبض الدرج لموتر آخر موديل خصوصاً أنه من المواتر اللي تقلط، تراه مو علبة ملح بريالين اي عامل أو أي موظف يقدر يشتريه
الله يعوضك خير اخوي رائد ويعينك على جشع وسوء تعامل الوكلاء عندنا وكأنك ماخذها ببلاش .. عموما الغالب في جميع السيارات اذا نزل لها أول موديل لابد يكون فيها عيوب مصنعية ويتلافونها في الموديلات اللي بعدها .. للأسف المتضرر المستهلك
تسلم اخوي ويسلم خويك ابو سارة قسم بالله تغطيه روعة والله و ابو سارة لا تفكة لازم يكون معك في كل تغطيه لأن خبرتة ممتازة وكلامة منطقي جداً وأسلوبة اكثر من رائع تشرفت بمتابعتكم استمرو
صراحه قيمة السيارة ماتدع مجال للتهاون بالجوده والخدمه ما اخذت سيارة صينية او كورية عشان اخلي الوكيل يزحلقني غبنه وصلت اقيامها ls نفس قيمة الدنيالي زمان وبربع الجوده هل يعقل !
اللَّهمَّ أنتَ ربِّي لا إلهَ إلَّا أنتَ خلقتَني وأنا عبدُكَ وأنا على عهدِكَ ووعدِكَ ما استطعتُ أعوذُ بكَ من شرِّ ما صنعتُ أبوءُ لكَ بذنبي وأبوءُ لكَ بنعمتِكَ عليَّ فاغفِر لي فإنَّهُ لا يغفرُ الذُّنوبَ إلَّا أنتَ فإن قالها حينَ يصبحُ موقنًا بها فماتَ دخلَ الجنَّةَ وإن قالها حينَ يمسي موقِنًا بها دخلَ الجنَّةَ”.
هو مريح وفخم وفيه عزل قوي والمكيف ماشاءالله والسواقه فيه حيل مريحه لكن مافيه الا عيبين بس مشكلة النور لو حطين تحكم فيه افضل والمساعدات لو تشيل اي شي تنزل من ورا علطول
الله يعطيك العافيه والله يكثر من امثالكم وبصراحه مقطع الفيديو الي قدمته انت وصديقك وابو ساره جدا جدا مفيد وصريح استمروا يا ابطال والله يوفقكم واذا امكن سيارات العائليه اخرى تبين لنا عيوبها ومميزاتها وشكرا جزيلا
للمعلومية تقدر تلغي خاصية إطفاء المحرك التلقائي و الطريقة كالتالي : لمن تشغل السيارة عن طريق زر التشغيل تكون معلق عليه لمن تشغل السيارة الين تطلع لك رساله فس الشاشة الامامية تم الغاء خاصية إطفاء المحرك التلقائي..
الله يعوضك خير والله كان عندي هاجس اني اشتري اليوكن الجديد لاكن بعد كلامك تغير الهاجس وتغير النظر فيه .. واهم شي سيئ فيه هو نزول الموتر من ورا وقرب المقصات او المساعدات الخلفيه للارض وانا لي طلعات كثيره للبر بحكم اني في بريده .. اشكررك ع المقطع المفيد صراحة وننتظر منك المقارنة و اذا فيه تحديث من المصنع بخصوص نظام التعليق الخلفي افدنا فيه. وشكرك على هذا المقطع من جديد لاهميته بالنسبه لي . هذه المقاطع المفيده للناس والتنوير لهم في جميع المجالات . الله يسعدك دنيا واخره
بصراحة افضل مراجعة لسيارة شفتها. غطيت كل التفاصيل من ايجابيات وسلبيات للسيارة والتعامل مع الوكالة كانت من اهم النقاط اللي تكلمتو فيها. يعطيكم العافية فيديو جباار
الله يعوض عليك فعلاً شيء يزعل كل اهتمامك في السيارة من يوم اخذتها وليس القفاز وقت السواقه واخر شي يقولون سوء استخدام شيء غريب صراحة وشيء ثاني الجرح اللي في الدركسون من تحت يزعل برضه اتمنى ما تسكت عنه
كلام أبو سارة جداً منطقي وواقعي وكلامه على متمه هذي ضعف بالجودة وليس سوء إستخدام وأجمل ما ذكره ليه تزحلقون العميل طالما الوكيل ما يتحمل ريال من فاتورة الإصلاح كلها يغطيها المصنع، وللعلم شريت سيارة من الوكالة بأمريكا كمارو زد وضيعت مفتاح السبير يوم رحت الوكالة تأكدوا أني مستلم الأثنين لأن الورشة بلغتني لو عطوك مفتاح واحد هذا إهمال من البائع اللي سلمك السيارة ولا تدفع شي لكني خبرتهم أنها غلطي وبعدها عطوني مفتاح جديد بتكلفة 80 $ مع البرمجة ، فما بالك تجيب لهم سيارة بهذي العيوب أكيد بيعوضونك بجديدة ولي تجربة مريرة مع المتحدة للسيارات يطول شرحها كل ما اذكرها ألوم نفسي على شراء أي سيارة من عندهم ولك تحياتي.
الله يعطيك خيره و يكفيك شره و غريبة جداً من الوكيل!! وغريبة من جنرال موترز ذا الأخطاء مثل المساعد شي غبي جداً مع اني احب السياره و نمتلك منها 2 الحمدلله لكن يعوضك خير و يسعدك و يسعد ابو ساره 😂❤️
انا عندي تاهو سقنتشر ٢٠٢١ طلع لي نفس الصوت بالخلف ووديتها الوكاله بالكويت وصلحولي ياه والشي الثاني كان عندي صوت بالمعاون الامامي وتم تبديله ولله الحمد حاليا ممتاز ماشاءالله
الله يعينك يا رائد ياحبيبنا صراحة معاناة مع هالوكلاء لكن استغربت من تمسكك ماتبي تنزل النور عن طريق مسمار الوزن اللي انت تقدر تسويه بالبيت ومافيه تكلفه وتريح المسلمين من ازعاج نورك وتبي تغير مساعدات ويايات علشان ترفعه من وراء وتحوس وزنية الوكاله ويمكن يسبب لك مشاكل بعدين ومكلف منطق غريب بس باقيرا ماشاء الله بطل وحلو الله يبارك لك بحلالك يارب
رايد ياخي صوت القزاز الخلفي كنت تصوره بسناب ماكان يلقط زين الصوت اما الحين والله توني انتبه انه مؤذي للاذن اقسم بالله والله يعينك والله يعطيك خيره ويكفيك شره يابعد راسي🙏🏼💙
يبلغون الموظفين بترديد هذه الجملة (سوء استخدام ) مع التدريب حتى تجد موظفي التوكيلات ينطقونها بسرعة واحترافيه من كثر مايرددونها . تقوله سلام عليكم يرد عليك بجملة سوء ستخدام .
ما انصحكم في هالسياره ١- وكيل سيء ٢- مراتب قاسيه وتسبب انزلاق غضروفي ٣- انوار مرتفعه عن الحد بمراحل تزعج العالم والكفاءة معدومه ٤- تبلع بنزين ٥- المقصات الخلفيه نازله ٦- جودة البلاستيك والاكسسورات بعد ٥٠ الف تتفكك ٧- تعليقات الكمبيوتر الكهربائية تأتي فجاه وتحتاج لبرمجة ٨- سعر المركبه غالي جدا جدا جدا ٩- قطع الغيار غاليه وعدم توفرها وخاصه في المدن الصغيره ١٠- قلة المهاره والفنيين في خطوط السفر للنوع الجديد انا بصراحه تعبت في الكتابه لذكر العيوب ، ودي اكمل بس عورتني اصبعي انسوووو جنرال موتورز للأبد انتهت 🌹
اكبر فوائد الفيديو : ١-لاتشتري الشكل الجديد الين الناس تجربه ٢-اذا بتوقع على اوراق الصيانه قبل خروج السيارة ضروري تشيك عليها خاصة بالصيانات الكبيرة ملاحظة اخيرة : رداءة تصنيع الكثير من القطع بالرغم من استمرار ارتفاع سعر السيارة 🔥 ماتستاهل والله يارائد وان شاء الله تنحل مشاكل السيارة 👍
@@D7TM تفضيل الشخص للموتر يفرق من شخص لآخر انا مثلا عندي الخيارات اليابانية افضل بكثير ممكن آخذ بايلوت عالاقل جودة من جميع النواحي لكن الكلام هنا عالجمسات عيوب مصنعيه وجودة عادية جدًا وارتفاع بالاسعار مستمر