نصيحتي تستدرجيه بكلام وأنت تسجلي كلامو حتى بعترف بكامل واش نصب عليك وحطيه في أمر لواقع وإن شاء الله غلطة ومتكريهاش وهو واهلو يدفعو ثمن وحتى اهلو ستدرجيهم للاعتراف
سلام اعليكم اختكم ارملة وعندي أطفال صغار. ومنهم واحد رضيع لقد اجي عندنا ويعونا بشي مواد غدئية الله ارحم ولدين حالتي ضعيفة بزاف .والله لا يضيع اجر المحسنين
نوصيكم خياتي الراجل عمرك ماتعونيه خليه يدبر راسو لخاطر الراجل لي تزيدي على روحك باش يديك والله غير يدور عليك لازم تعريه باش يحس بلي خسر عليك دراهم كبار تما يعزك ويفشك حاجة باطل دايما جي رخيصة
اغلطي غلطة قد راسك كي اعطيتلو الورث تاعك 500 مليون دج لوكان حطيتهم في البنك و لا اشوفهم ، حكاياتك ما عندهاش حل ، انت اعطيتلو كنز باباه او ما يعطيهولوش .
يا اختي انتي غلطت مين تزوجت بهاذ الغدار بلا رضايت والديك وزدت قعدت تمديله في دراهم بوك اسمحيلي اختي على هاذ الكلام علاش هاذ الثقة العمياء على العموم قولي حسبي الله ونعمة الوكيل وان شاء الله ربي يعوضك
لا حول ولا قوة الا بالله الثقة العمياء هذا وين توصل حسبيا الله ونعم الوكيل تقربي من ربي وادعيه ربي يفرج عليك وحاولي ترجعي شهرية الأب نتاعك بعد متطلقي وعيشي وجدك هانية خير من الذل
حسبنا الله ونعم الوكيل في راحلك الخداع بصح كيفاش تامنيه الخطرة الاولى لعب عليك و بنيتي فوق دارهم و زدتي عطيتيه 500 مليون هذا هبال اسمحيلي ، اذا تقدري تسجليلو في التيليفون اهدريلو على الدراهم لي دالك قوليلو علاه خدعتني الدار تاعي بدراهم بابا و انت ساكن فيها انت مرتك المهم باش تحكمي عليه الدليل روحي عند محامي سقسي كيفاش ديري ، اذا قدرتي تصبري على هاذ المعيشة صحا اذا مكانش اكلقي رايحة تسوفري شوية بصح يعطوك المنحة تاه باباك
صاحبة القصة اختي والله هذا الشيء بزاف بزاف بزاف كيفاش بفيتي ديري فيه الثقة كامل ولكن فات الفوت وماليك غير ربي قومي في جوف الليل صلي وادعي وابكي لربي وربي راح يأخذ حقك من الظالم تأكدي من ذلك ومتتوقفيش ابدا وهذي راهي مجربة الدعاء والصلاة مش تدعي عليه ادعي برك ربي يفرج عليك ويردلك حقك وربي معاك ❤❤❤❤
رمضان مبارك 🎉عليكم جميعا ❤تحية ليك صفية أختي الكريمة نحن في أيام مباركة الدعاء مستجاب والليل طويل إجتهدي أختي في التقرب من الله تعالى وأسأليه أن ينتقم لك من زوجك وإستعادة أموالك وأكثري من لا حول ولا قوه الا بالله العلي العظيم ربي يفرج عليك
يعطيك الصحة اختي صفية اما في مايخص هذه القصة الانسان لايجلب شيء هو ليس مكتوب له وهي تنازلت عن كرامتها فوق المعقول الله يعينها على الظلم وتدعي ربي ياخذ الحق فيه
هذه نتيجة البحث عن الزواج باي طريقة و الزواج ماهوش كل شيء واش استفدت منو وزيد مديتيلو رزقك علاه يدخلك للجنة الراجل ما فيهش الامان ما عرفتيش تتصرفي تحملي النتيجة
انت حكايتك كما وحدة بصح هي اعطات الراجلها 3 ملاير الورث تع باباها كيفكيف ما عندهاش ادراري معاه ، شرا فيرما او دار او طوموبيل او ادزوج عليها في الدار لجديدة او هي خلاها في الدار لقديمة .
الحل الوحيد طلقي منه و شوفي منحة التقاعد تاع والدك وخلصيها ودبري كرية تاع بيت وكوزينةوما تقعديش عندهم وكلي ربي عليهم ربي يخلصهم ان شاء الله اخرجي من عندهم اربحي صحتك وهو ربي وكيلوا و حسبنا الله ونعم الوكيل فيهم
حتي انا وشريت الرجل بش تزوج بي و وعاونتوا بش بناء المسكن وولدت مع بنتين ونهار تالي غبني وطلقني زوجه خوه جبتلو اختها المطلقة ولان عمرو ولا يجي يزور بنتوا حتي مرة ماتضحك علي مراة
ربي ينتقم من هذا الراجل....الخدااااع...لازم توقفي على حقوقك و تقاتلي و تكوني مرا فحلة و تغلبي راجلك بالقانون ...رجعي حقوقك و استخيري..البقاء او الطلاق.....و عيشي حياتك من جديد و ربي يعوضك خيرا
يا اختي عشتي الذل مرة و علاه صابرة مرة ثانية اطلبي الطلاق و ترجعي تخلصي دراهم باباك ربي يرحمه عيشي معززة مكرمة عيشي حياتك العمر راهو مرة نعيشوه علاه تغبني روحك انا راني بنت محاهد 44سنة عايشة على روحي حاجة ما تخصني يا اختي الحياة ليست رجل دائما ارضي بواش كتب ربي تعيشي مرتاحة عيشي في رحمة ربي ما تعيشيش تحت رحمة رجل ما عرفش قيمتك
باش تدي دراهم باباك لازم تطلقي منو و اخدمي كواغطك بلي مطلقة يعطوك بنسبو من دارهم باباك وعيشي بكرامة وزيد شوفي محامي و اهدري معه و ردي ورثك و ربي يسهل ان شاء الله