شعر زفة عروس عام 💍👰🏻‍♀️ 

يارقيقة طلّتك فيها جمال
من حلاتك غارت عيون الحضور
ابتساماتك قصيدة من خيال
حيّرت كل المعاني والشعور
في هدوئك ياجميلة انفعال
انفعالات المطر بين الزهور
القمر في حضرتك ماله مجال
في وجودك ينطفي من كل نور
البدر يستأذنك، عنده سؤال
انتي مثل الخلق والا من عطور ؟
بنت ذوق وبنت دين وبنت مال
ماتحبّين المكابر والغرور
----
الأناقة والثقل لايق عليك
والورود اليوم من ذوقه عطاك
السعادة حظّها لمّا تجيك
يفتخر أنه يوّصل مستواك
النسايم يا أنيقة تحتريك
انتي اعجوبة زمانك ياملاك
الحلى ودّه تدلّع بين ايديك
يانهر كلك عذوبه من حلاك
الكواكب والنجم .. كلٍ يبيك
كل شيٍ صار مُذهل في سماك
ياعسى وجه السعادة يحتويك
ياعسى كل الفرح دايم معاك
كلمات نوح حسين
٢٠٢١