(( شعر شعبي .. ياخاطر على )) 

الله الله دنيا فارغه . اندندن بيها في 2009 اني وحياة عبد الهادي عقيلة البراني السبيعي.. جامعة سرت اسال الله لك المغفره ياصاحبي والرحمه ولك الجنه.. امين امين

ياخاطر علـيّ... زعما كي يجيك النوم ... نخطر عليك ياخــاطر عليّ ؟ نجي في بـالك ..... والا نسيتني ماعاد عليّ سوالك أنظاري اجعنه حالهن ماو حالك .. بعد غلاك صفت صياف .. بعد غلاك يانا اللي ياخاطـــر علـيّ ............ ياخاطـــر علـيّ كي تجي لمنامك .... ولمّـد مهاليعك النوم ورامك زعما صورتي تحضر تجي قدامك ..زعما شاغلك مطراي ياعزيز .. وإلا نسيتني؟ ياخاطـــر علـيّ ............ ياخاطـــر علـيّ ياقديـم اللـوعه ..... على لوعتك ترقد العـين وتوعى وهي فوق نيران الغلا مفروعه .. رقيقة على مسداك .. على رميص يانا كبيدتي ياخاطـــر علـيّ ............ ياخاطـــر علـيّ اللي دردرها ..... لعب سيلها وهيّض أمواج بحرها قهرت عدوك في الغلا قاهرها ..الموح والرجا الطويل..إذبلن حال عيني وخاطري ياخاطـــر علـيّ ............ ياخاطـــر علـيّ خطورك علّـه ..... وأمرار وشقا مزّع افادي كله حلب العين ماخلّى عليها بلّه .. ملدوعة غلا ميخود .. يشيب هذب عيني ومايجي ياخاطـــر علـيّ ............ ياخاطـــر علـيّ تخطـر ديما ..... ابعدك خاطري مالـه قرام عزيمه بكي بعين من يوم لفراق عديمه .. وإن كاني بكيت بكيت.. سبايب دموعي لوعتي ياخاطـــر علـيّ ............ ياخاطـــر علـيّ ديما خاطـر ..... ونبكي عليك وماجبرلي خاطـر دمعي اللي ديما تقول قواطر .. متبوع خاطري في الصوب .. ياخدوه وين ماياخد عليا ياخاطـــر علـيّ ............ ياخاطـــر علـيّ

الشاعر مهدي بشير التمامي من قبيلة اولاد سليمان بيت التمامة من سكان مدينة سبها في محلة المنشية.

قداش ليا ناسيتها تهبل ماشاءالله دمرتني ٢٠١٠

اااه يالله لا تسامح يوم صار لقانا يا غلا سم حايل ع الخواء سفيته

ياخاطر على؟ نوضت لمواجع الله يسامحك يعطيك الصحه والعافيه صح لسانك

الله الله ذكرتنى بى 2010😢

بعدك خاطري ماله قرام عزيمه🎼🖤

مااجمل الاغني والشعر الشعبي انث لديك احساس جميل يجميل

انت دايما خاطر عليا يا خوي الله يفرجها عليك

صح لسانك ياتمامي

صح الصح وهدا الفن اللي نفتخر بيه

انعم انعم

الله يحفظك يا صاحب الإحساس الراقي

ابداع يا شيخ ربي يحفظك من كل مكروه

أبداع أبداع أبداع قصيدة يخاطر عليا

احلاص صوت ربي يحفظك يا والد عمي

يسلم السانك

هيه يا باب هيه 🥺

حلو منك احساس الحب

ابداااع

اااااه يا قلبي

ربي يحفظك

الله الله

نشهد بالله خاطر عليا

إبداع

انعم زيد اقهرهم ياولد سيدي اشماته ولحسديه

من قايلها الكلام السمح عدا

هلها

صح الصح وهدا الفن اللي نفتخر بيه