بصي حبيبتي الناس دي اللي زي الحاج صاحب الشقة بيفتكرو الناس مش فاهمة اللي يخليني ادفع مبلغ زي ده في شقة قديمة ما انا ادفع نصفه في جديد واقسط الباقي وكمان يكون في منطقة احسن
الشقه ده لا تتعدي ال ١٠٠ متر مبنيه في السبعينات لا تتعدي ٢٧٠ الف . للي عاوز يشتري لازم يفورها بالكامل انا اسف اني اقول ده شقه زباله . انا من زين العابدين ومولود فيه
شكرا لتعبك يا منة و بصراحة الشقة حلوة جدا بس المبلغ المطلوب فيها عالي جداانا اخدة شقتي قريب مبقاش لها سنة في منطقة بحري لالانفوشي خلف جيلاتي عزة علي الترام والفيو يطل علي البحر وم ساحتها ١١٦ متر دور ٤و٢ اسانسير والمبلغ المطلوب٦٥٠الف جنية لان المباني من٢٠١٠ فيها عدادات مياة وكهرباء وغاز اوالله ياعيني علي الشباب اليومين دول يعملوا ايه بس الرحمة حلوة
انتى حبيبتى والله وبشكرك بجد على تعبك ده معانا انتى عملتى اللى عليكى بس جشع التجار والسماسرة واصحاب الشقق بقى فوق الفظيع ادفع فى شقة زى دى ليه 950 الف جنيه ؟ هو انا بشترى فيلا ؟ حرام والله اى شاب دلوقتى يعمل ايه طيب لو عايز يشترى شقه ؟ والله يا قلبى صدقينى مقصدتشى حاجه طبعا الشقة دى ما تتدخل بزمتى بنص التمن ده حتى دى عايزه مصاريف شغل فيها لوحده هايدخل فى 30 او اربعين الف كمان .. يعنى تقريبا بنتكلم فى مليون جنيه الشقه بجد ... لا تعليق والله يسامح اللى كانوا السبب فى ان الاسعار تبقى بالشكل ده
@@انتىوبسمعهبه اقصد كل واحد بيزود على الناس تمن الشقق عن سعرها الاصلى بدون رحمه او ضمير اقصد سوق الشقق اللى بقى عامل زى الغول بيبلع البنى ادمين واللى معهوش يسخن فى علبه صفيح اما النهارده تسمعى فى شقق اصحابها كانوا شارينها بملاليم وبدل ما يبيعها ويكسب فيها بما يرضى الله بيغلى اضعاف تمنها يبقى ده عدل ؟ يبقى دى رحمه ؟ عرففتى دلوقت انها اقصد مين ؟
شكرا يامنه علي تعبك استمري في العقارات وعاوزينك تخلصي منطقه ...منطقه خليكي في محرم بك فيها حاجات حلوه قوي وافضل بكتييييييييييييير وحتشوفي بنفسك ان شاء الله .
انا ساكنه في الشارع اللي ورا العماره الشقه غاليه اولا مدخل العماره من داخل المحلات ثانيا 2 غرفه ثالثا مطلاتها على عمارات لو اتبنت يبقى العماره اتدفنت رابعا الشقه قديمه ومحتاج شغل كتير لو حضرتك مشيتي شارعين بس حتلاقي عمارات جديده رائعه بنفس السعر
ميرسى جداً يامنى لتعبك بس قولى للحج ان السعر عالى جداً انا من محرم بك شارع المأمون واخدت شقتى من قريب وطبعاً برج جديد والاسعار ما وصلتش لكده قولى لعم الحاج كده الشقة دى مش هتتباع بالسعر ده لان العمارة قديمة والشارع سوق وشكراً مرة تانية على تعبك وحلوة جداً فكرة التصوير للشقة
تعبك وتصويرك يحترم طبعا بس وانتى بتقولى يعنى حتى موصلتش للمليون كأنك بتتكلمى ع 100 الف مثلا وان قد ايه سعرها مناسب انا عارفه انك ملكيش دخل بالاسعار والكلام دا بس اللى هو احنا بقينا فين يا جماعه مناسب لمين بالظبط يا جماعه في ايه 😂😂💔💔💔💔
لي ملاحظات عن مدخل العمارة والسلالم قبل الاسانسير ، زقائق ضيقة ، ثم لو تم بناء أمام العمارة ، لأن المباني قديمة ، هايسد الهواء ، والشقة تكون مجروحة ، حبس حرية ، ومساحتها لاتناسب السعر ممكن شقة بالمندرة وعلى البحر نمرة ٢ ومساحة أكبر وسعر ااقل بالتقسيط ، مين بعد كورونا ووقف الحال يدفع مليون جنيه . ولايك جميل لك وبالتوفيق .
محرم بك عمرها ماتتغير ...معروف عنها الاصاله والرقي وبعدين هي معروفه من قديم الازل بأنها لموظفي الدوله فنحس انها كلها ناس راقيه ومثقفه .... بس حقيقي السعر علي العماره دي والشارع ايضا في اماكن في محرم بك ارخص وافضل واجدد والفرق في السعر مش كتير ذي شارع منشا مثلا
صلى على رسول الله... مالك ياحاج.. ايه الرقم اللى انت طالبه ده... هو احنا من الهند😂😂😂😂... عليتلى ضغطى الله يسامحك.... بس انا اديتك لايك يامنوش،والمصحف علشان تعبك بس...😍😂😂😂
اقسم بالله انا مشتركه ف قناة عقار والله في خالد بن الوليد نفسه والفيو البحر والمساحه٢٠٠متر متشطبه الترا لوكس ومفروضه فرش كامل وفخم والفرانده فيو بحر ٤٥متر والاثاث والاجهزه والمطبخ يجنن وتطالب الاسانسير وانتي ف الشقه بكم؟؟؟٧٥٠الف لكن لان شقتي بسيدي بشر والفيو بحر فما احتاجها لكن والله لو ما عندي شقه لشريتها لكن دي صراحه ٤٠٠حلو عليها كاش
السعر دا اشتري بيه نص اسكندريه والي عايز يستثمر يشتري الشقق الجديدة الي هي غرفتين وصالة 80الف وياجرها يعني لو عشر شقق800000الف واضرب ايجار الشقة 800*10=8000جني دي عمرها ما تجيب 8000جنية وايه الشقة روحا حلوة كلام فاضي
أول تسلم رجل وربما يقويكى بس الشقة متستهلش المبلغ دة لان البيت قديم والمنطقة زى السوق وغرفتين بس أنا وحدة شقة قريب فى خالد ابن الوليد بمليون وهحط لايك علشانك بس
@@googlealexandriamennayahyaUAE ممكن تليفونك للتواصل عندى شقتين مفروشين للبيع فى سيدى بشر بحرى شارع محمد نجيب والتانية في ميامى شارع خالد بن الوليد للاستفسار 01006235131 معاكى ام احمد
الشقه فى اسيوط إللى هيه اغلى شقق فى مصر كلها ب٣٥٠ الف وحضرتك بتقولى ان الشقه دى ب ٩٥٠ الف وكمان فى اسكندريه إللى فيها ارخص شقق على مستوى مصر ليه يعنى على ايه مش فاهم محدش بتشترى ابدا ابدا بالسعر دا
حبيبتى انا ساكنه فى اخر الشارع وحضرتك تعلمى ان الشارع دا الصبح بيبقى كله سوق خضار ومبنعرفش نمشى بالسيارة ولا على رجلينا من الزحمه لا يمكن السعر دا يكون طبيعى دا غير انها محتاجه توضيب شامل
انا اشكرك جدا علي مجهودك وياريت مزيد .انا. من القاهره.وعايز شقه تمليك علي البحر مباشره.تكون مصيف للعاءله اللي شفته أسعاره نار نار . ياريت تكون معتدله السعر.ومش مهم التشطيب.
منه عامله ايه ربنا يقويك قدر خيركى على الجوالات بس اول حاجة هى اخر دور لأنها العمارة كلها ست ادور تانى حاجى المبلغ كبير هو بيع منطقة مش شقة ربنا يوسعها عليكى وعليا يارب بس بصراحة حلوة اوى جوالات الشقق عجيبنى اوى استمرى على ذلك ، واستمرى فى حى محرم بك فى شقق حلوة كتير ربنا معكى
اولا دخله العماره سويقه محلات في الدخله وناس بتبيع وداخله وخارجه ثانيا العماره قديمه والشقه عاوزه تتوضب من اول وجديد ثالثا الشارع عباره عن سوق بياعين ومشاكل يعني سكنه كلها قلق والشقه دي آخرها ٢٥٠ الف وكتير عليها
احنا بايعين شقتنا من كام سنة ع البحر في بحري ومتوضبة سوبر لوكس وثلاثة غرف وريسيبشن كبير وكلها بتطل ع البحر ب 450000 ألف الحاج صاحب الشقة بقي شقته بتطل علي ايه وكمان عاوزة توضيب جامد
مدام منه/ شكرا لتعب حضرتك ولكن الشقة غير متناسقه مع سعرها لأن سعرها+ توضيبها+ مصاريف السمسرة ونقل الملكية سوف تكلف المشتري حوالي مليون جنيه بالإضافة إلى أن العمارة قديمة مبانى بداية الثمانينيات أي أن عمرها يقرب من40 سنه وفى منطقة شعبية. ولا مؤاخذة المتر في شقق المناطق الراقية هذه الأيام في مناطق مثل جليم أو جناكليس ومتشطبه وقريبه من البحر لا يتعدى عشرة آلاف جنيه مرخصة وحديثه.
أنا بثق فيكى لكن الشقة غالية جدا وزين العابدين مش زيزينيا وبتقولى استثمار مليون جنيه يجيبوا فى البنك فى السنة ١٥٠ألف أحسن من إيجارها لا كده كتيرررررررر يا منة أقوى لاشرحة ولا برحة و لا تسوى أكثر من مائتي ألف بكتير وكده هنزعل منك لأنها مش ديه ألى تحكى عليها كله ده
950 الف جنيه ليه ده سوق زين العابدين دي متسويش 100 الف اصلا هو جايب الثقه دي منين انا بعدها بشارعين وفوق جزاره الخوجه برج سيمون الشقق في برج وعلي الترام باقل من كدا وفي برج كمان انتم ازاي بتتكلمو في كدا وجايبين الثقه دي منين انها هتتلهف وتتخطف وتتباع انتم بتهزرو صح دي محتاجه شقه عشان تكون شقه انتم بتتكلمو في ايه بجد
احسن منطقه في اسكندريه ٣٠٠ الف تعبني ولا وكمان دور عالي ومنطقه شعبيه متسواش ١٠٠ الف وكده كتير عليها مفبش بحر منشكحين علي ايه كان لازم تفهميه بدل ما ما شبه معاها مش بالحجم الشقه بالشارع والبحر ورقي المنطقه
