شكرا يا حرب | دراما سودانية | جديد 2023 تمثيل هاله مصطفي وعائشة كتاحة وعبدالرحمن الحاج وعمار محمد تأليف وإخراج علي الهادي بشير #دراما #قناة_لقطة #السودان #دراما-سودانية
الناس ديل نحنا ناس الخرطوم قبل الحرب كانوا بجونا للقرايه وللعلاج والحمدلله ربنا ادانا واكرمناهم والله و دايما بنظهر الحاجه السمحه ليهم ولكن في ناس مشت لاهاليها في الولايات وكانوا متخيلين نفسهم يومين تلاته لكن الحرب جرت بمشيئه الله وماف زول كان متوقع لا نازح ولا زول بيت وبقا الحال صعب وشافوا انهم مضايقين الناس ديل في بيتهم لكن الايجار ما غالي الايجار بصل لمليار واتنين وارقام خياليه لدرجه انو في ناس نزحوا في المدارس لكن الحمدلله على ما ارادحال الحرب كشقت ناس كتيره لكن مهما كانوا كعبين سمحين وكان الله اراد ورجعنا الخرطوم جونا تانيي احنا نبقى احسن منهم لاننا اتربينا على الحاجه دي وربنا يصلح الحال ويعودنا لبلادنا سالمين يارب
الناس تتعاون لاكن فعلا في نسوان خبيثات. عندنا ضيوف واهل من الخرطوم ما شاء الله عائله مكونه من ٨ اشخاص. قسمنا شغل البيت بيناتهم . البيغسل العده واللي بيعمل الفطور والي بيعمل الغداء. مرت اخوي خبيثه ما تخليهم علي راحتهم يدخلو المطبخ عشان يطبخون تراقبهم . يغسلو الهدوم تراقبهم . هي اصلا ما كانت بتشتغل. يوم ما شافتهم نضاف وظراف 😢 وطباخين خلاص الحسد والفتن اشتغلت بقت تحرش امي عليهم وتقول ما قعد يشتغلو وهي بتعمل اي شي . رسلت ليها رساله صوتيه عشان تتعلم الادب 😢 لاكن الله يستر في ناس الخباثه في دمهم
غايتو بغض النظر عن القالتو الضيفة لكن ست البيت والله العظيم كعبة عدييييل وعينها ما ملانة 😢 فعلا والله الخرطوم كانت شايلة السودان الا السودان كلووو ما قادر يشيلا😢😢
شكرا يا الحرب.....صراحة الحرب ....ادبت الناس. لاجل الناس تعرف....خاصة ناس الخرطوم......هجروا بيوتهم وناسهم في البلد..وهناك من باع بيته.....لاجل الخرطوم وفي النهاية جابتهم الحرب......يعرفوا قيمة البيوت والناس......
نكون واضحين اي دي ظروف مابيد زول لكن في ناس كتااار للاسف قاعدين زي الضيوف ٥ شهور معقوله بس لا تساعد في البيت لا تسأل عيالها كانو قاعدين في فندق !! الموضوع مشاركه قعدتو مع ناس وماعندكم قروش دي مامشكله لكن تقل الدم في البيت نايمه صاحيه ماكله شاربه ساااي كدا الرجال مابحسو بيها لانو اليوم كلو بره لكن صراااحه المره ماعندها اي ذنب تتحمل دا وانا متأكده لو حصل العكس ماكان رضو الناس بس لو اتعاملت على يتعاملو زي مابحبو ان يعاملو الدنيا بتمشي وربنا يرجع لينا سودانا وخرطومنا ويرجع كل زول لبيته
الاتكاليه وعدم التربيه مافي داعي الناس تتشايل ماعشان جايه من حرب تنومي قفا مافي مره ضيفه مفروض لو ماشه لي زول زياره ماتقعدي ساي بالزات وانتي عندك اطفال مابالكم قاعدين بالشهور ربنا يصلح الحال وكل زول يرجع بيتو
@@juliamonroe5324 بالضبط هي شريكة حياته ومسؤل منها في المقام الأول لانها زوجته وما مسؤل من زوجة صاحبه الي زعلت واتكلمت كتير وقررت تمشي كأنهم ملزمين وواجب عليهم يتحملوها بالطريقه الترضيها وناسبن انو النفس البشريه ليها تقلبات وجوانب كتيرة
اول شي دة ما سبب لامن يحصل الطلاق بالبساطة دة وثانيا الضيفة المفروض تكون مربية أولادها وما تخليهم يفتحون الثلاجة وهي بنفسها لما بجوعو تعمل ليهم الاكل تساعد ست البيت وتحترم نفسها هي قائلة نفسها في بيت امها وأبوها انتي جاية ضيفة لازم تحترمي نفسك وتكوني مأدبة اولادك وتعليميهم يستنوا في مكانهم لحدي ما يجهزوا ليهم الأكل
المفروض ما يطلقها لانه الضيفة كمان غلطانه في حقها ..ما قاعد تساعدها في الشغل البيت وتركت لاطفالها الحرية التامة في البيت ما صح منها ..مهما كان الضيف يكون حذر لما يكون قاعد في بيت ما بيتو
الناس المفترض م يقول لسانها غير الكلمه الطيبه ماف داعي للوم بعضنا ،بعدين الناس البتقول انو الولايات م قادره تشيل الخرطوم ،الخرطوم من ناحيه كبر المساحه والبني التحتيه م مثل الولايات بعدين ناس الولايات لما يمشو الخرطوم لغرض ما ،بيمشو فتره محدوده ،وربنا ان شاءالله يصفي النوايا ويصلح حال البلاد
الضيف رحمة ونعمة وبركة على البيت والملائكة بتدعو بالاستغفار والرزق وتسبح لمكرم الضيف. لمن بدت الحرب عندنا قريبنا كدا النوع المنعزل اجتماعيا ما جابتهم لينا الا الحرب وكان يومنا كلو ونسة ولمة شاي جبنة وجبة نص فطور وغدا وعشا (عيش عصيدة كسرة) وصابون حمام وغسيل.. اقسم بالله لمن جو يمشو قعدو يبكو... كنا لمن بنشوف منهم حاجة غلط طوالي بنوري انو انت غلطت في كذا بتقبل التوجيه وبحاول يعدل من نفسو المره الجاية. ما ممكن زول جاي من مجتمع مختلف وبيئة مختلفة عنك وعايز منو يتصرف بالطريقة المناسبة معاك... كيف دي... مافي توجية ولا نصيحة طبيعي يتصرف بطريقة تزعك وتضايقك. عموما في نسوان ما مربيات وأولادها ما مربيين وعايزه من الناس تقبلهم وتستحملهم بمبرر انهم اطفال وما عايزة زول يتكلم معاهم. ربنا سبحانه وتعالى ابتلانه الحرب والحمدلله طلعت معادن وعرفنا اصلهم شنو
ما كفاكم يا سودانين قولكم شكراً حمدوك حتى جلبتم لنا هذه البلاوي والآن شكراً يا حرب أعوذ بالله من اعتقاداتكم لماذا تشكرون الحرب قولوا دائماً شكراً لله الذي كشف لنا معادن الناس بالحرب، نهوذ بالله من سخط الله واني بريئة مما تقولون، اللهم لا تؤاخذنا بما فعل السفهاء منا، وحسبي الله ونعم الوكيل ☝️
التمثيل بتاع البتين خرافي لكن النهاية ما منطقية .. ليه يطلقها ؟ هي وجهة نظرها مهمة برضو .. بجد في ناس ما قادرة تربي عيالها 😂 في ضيوف بكونو تقيلين على قلبك ..
فعلان الشافع مابتخلي يخرب كن في بيتم ولا في بيت الناس وانت ياهالا البخل خلي الضيف بي خيرو بس صفي النيه عشان كدا اي واحد يكون قاعد في بيتو الدانا ولا الإيهان
عمل جميل والله وشكرا لي الحرب عرفتنا حاجات كتيرة شديد وكولنا سودانين مفترض نقيف مع بعض ونسند بعض وكمان البجو لي الاهل مفترض يكون في احساس تساعدي في عمل البيت ولو بسيط ويكون في جو ونسة وضحك عشان الزول ينسي الحرب وتفاضيلة وانا بشكر اهلي كانو سند ليا في الحرب واولاد عمتي وبناتة وشكرا لي الماوقفو معانا وجرحونا في الظروف دي ايام وبتعدي ونرجع لي ديارتنا يارب الحرب تقيف لاللحرب ونعم لي السلام وبي حضوص الاطفال مفترض يعرفو حدودم والام تفهمم انة الوضع مختلف وانا احي اولادي الانة ماازعجو اهلي بي وجودم كل الاحترام والتقدير لي زوجي
لو قيتو للحق الأتنين غلطانات ست البيت مفروض تكون كريمه وتعمل الواجب والضيفه كمان مفروض تساعد وتخلي الرقاد وتشوف أولادها بالنسبه للرجال كمان غلطانين مفروض يحاولو يحل المشكله موش يطنشو .......... الحمدلله على كل حال وربنا يصلح حال البلد ويجيب الإستقرار والأمان
والله ده كلو كلام فارغ الضيف كان قعد حول بمش ، عندنا زوجه اخونا ود خالتنا بتجينا زياره بتكون عندها مقابلات عند الدكتور انحناء اخواتنا كلهم متزوجات و اي حاجه حقه شاي موجوده ف المطبخ ، لكن الزوله دي ربناء يرحما ويغفر ليها بتصحي بدري تمش تجيب بسكويت لمن نسالا تقول انا ما بحب الباسطه بحب البسكويت هي تكون شربت وعملت لينا في السرامس ، خضار الغداء في الحجه تطبخ وهي راجعه بتجيب الحاجه النفسها فيها بتقول لي امي ي الحجه جييت بالسوق نفسي دخلت في البيرقر قمتا دخلتا البقاله قلتا نتعشا بيهو والله عمرها ما قالت انا ضيفه
دراما ممتازة و معبرة . ناس الخرطوم زعلانين من بعض سكان الاقاليم استغلوا الوضع و رفعوا الايجارات الى مليار و زيادة و قالوا ناس الاقاليم نسوا انهم كانوا بيتعالجوا و يكونوا معانا في بيوتنا و اولادهم يدرسوا في الجامعات معانا في بيوتنا .و لما جات الحرب عرفوا معدن بعضهم . و لكن البعض الآخر صبر على الضيوف و ربنا يجزيهم خير.
كلام هالة صاح الحرب ماعملتها هي والمرة تادب اولادها ديل اولاد بفهمو ماشفع حتى لو شفع ماتخليهم يزعجو ويخربو ومامفروض ترقد ليل نهار والمفروض هالة دي ماتقوليها ماتنضفي معاي وماتسوي المجاملات دي مابتنفع كل زول يعمل نص بالنص والله احنا لمن نزحنا شندي كلنا بقينا نرشرش ونبخر ونسوي الغداء والقهوة ومرات الفطور للمرة القعدنا معاها غير القروش البنديها ليها اسبوعيا فالبداية اكرمونا شديد والله كتر خيرهم وكناا حاجاتنا بنشتريها برانا وبنديهم معانا يعني الحالة واحدة لكن لا بنهبش حاجات زول ولا بنعتدي على الناس ونشحدهم الحمدلله بعدة كلو اتضايقت مننا وبتقول للغاشي والماشي انها بقت مطلقة عشان قعدنا ليها في بيتها مع اننا جينا بمونتنا وقروشنا وحاجاتنا على اساس عندهم بيوت للايجار لكن سمبكونا وقعدونا معاهم وراجلها حالف طلاق مانطلع لكن طبعا المرة اتضايقت وليها حق لاننا اتغشينا لو مااكدو لينا انو بيوتهم راقدة ماكان اتحركنا شبر من بيتنا والحمدلله ان شاءالله ما نقع تاني وقعة زي دي عقبال نرجع بيوتنا بالسلامة فعلا شكرا للحرب
شكرررراً يا حرب كشفت الكتيررررررررررررررر لي خيررر يا ناس الحرب دي ؟؟؟ كشفت الناس علي حقياتها الداخل الخرطوم كانوا والطلعو بره الخرطوم سبحان الله وكشفت لينا العملاء والخيانة داخل الوطن وخااارجه الله يصلح الحااااال إلي الأفضل ان شاءالله 🤲🤲🤲🤲🤲🤲🤲🤲🇸🇩
هي بتلوم صاحبة البيت في شنو؟ والعلاقه انو راجلها صاحب راجلها يعني مافي صلة رحم ولا سكنه شرعيه .. الناس تكبر دماغها وتكون واعيه و الضيفه ما قصرت و قالت ما مرتاحه . والراجل مسؤل من مرتو ما من مرت صاحبه عشان يطلقها.. مشكلتنا عايزين الناس تكون مثاليه ونحاسب ونعاقب ونلوم ونغلط لا حول ولاقوة الا بالله.. هن الاتنين ممكن يكونن غلطانات لانو كل واحدة منهن ما ماخدة راحتها وطبيعي بيت ضيق شايل أسرتين
انا رأيي الضيافه مااكتر من اسبوعين اوشهر وماكل زول ترك الخرطوم يرمي حمله علي ناس الاقاليم اصلا ناس الاقاليم اكثر طيبه وكرم وصبر من ناس الخرطوم بالرغم من اغلبهم حياتهم بسيطه وماعندهم وفي المقابل ناس الخرطوم ديل ربنا ماطفشهم الا لانهم ما بيكرموا الضيوف لاطلبة العلم في الداخليات لحدي ما تنحرف الطالبه من الفقر ولا المرضي عندهم ليهم صبر ولاحتي المغترب الجاييي شايل ليهم ومشتاق ليهم اصبح يقضي اجازته في شقق الايجار بالف دولار وفلاحة اهله يجوا يقيلوا معاه ويقدم ليهم العنده انا شايفه بعد كده المفروض ياجروا ليهم ذي ما ناس الخرطوم بيعملوا ليهم والسودان كله متاثر بالحرب وده من حق ناس الاقاليم
من قبل الحرب معروف اهلنا في الأقاليم اكلهم وشرابهم بضيوف او غير ضيوف كتير واحسن من ناس الخرطوم اللي وجبتهم واحدة وعشاهم شاي لبن بي بسكويت إلا من رحم ربي انتي جيتي ضيفة تحترمي نفسك بخدمتك لي صاحبة البيت من كل شي وصاحبة البيت مفروض تكون صبورة وكريمة ايام وبتعدي والحكاية مابدات من الحرب الكريم كريم والليئم ليئم
قولوا لبرهان ادمج الدعم السريع بالجيش وطهر الدعم بحكمه والخرطوم ما يدخلوها الا اللى معاه الجواز السوداني ويطورها الجيش وتكون فقط للسودانين وبور سودان تكون العاصمه لان اهلها قوين يعرفوا كل حاجه امين يارب العالمين
الناس ترضى و لا تابى، صاحبة البيت ما قصرت، و لو كانت الضيفة قدرت الضيافة ما كان حصل ده، المفروض يدها في يد صاحبة البيت و تربي أولادها الما متربيين ديل، ما ممكن تدخل على ناس و داير تفرض عليهم همجيتك باسم الحرب، أنا مع صاحبة البيت ترضوا و لا تابوا،
اي هذه الاسماء اكثر انتشارا في السودان؟؟؟ سامي قفطان ام محمود أبو العباس ام جواد الشكرجي ام كريم محسن ام بهجت الجبوري ام محمد المنصور ام عبد المحسن النمر ام غازي حسين ام عبد الله ملك ام حبيب غلوم ان طالب البلوشي ام عبد الكريم الاشموري ام عاكف نجم ام رشيد عساف ام بيير داغر ام حسين نخلة ام محمد مفتاح ام عيسى بالقاسم ام عبد الباسط بن خليفة ام فتحي الهداوي ام خالد زكي ام مكي سنادة ام سلمى ضو البيت ام سمر محمد ام اسيا كمال ام عواطف السلمان ام هناء محمد ام انعام الربيعي ام ليلى محمد ام حياة الفهد ام ليلى السلمان ام هدية سعيد ام لطيفة المجرن ام سميرة احمد ام شمعة محمد ام مديحة الحيدري ام جولييت عواد ام كريستين شويري ام كاميليا فاضل ام امل عرفة ام سميحة ايوب ام فاطمة خير ام بهية راشدي ام لمياء الورتاني ام خدوجة صبري ام ؟؟؟
الضيفه متحيلة ...وفصيحة..لقيتي ليك بيت تختي فيه رأسك ... أحمدي الله واصبري وبعدين الشفع بتخليهم كدة يبهدلوا الدنيا...والام تعاين..وبعدين ايش حكاية الجيب الفاضي....انتو الزمن دا كله ماوفرتوا للزمن والا شغالات شراء عفش وعدة وملابس واسواق شكرا يالحرب...تعلمينا نوفر الزمن ونجدع مبلغ للزمن بعيد...... شكرا ياالحرب.....علمتيناأن السودان بلد جميل وناسه جميله....بساندوا بعض..... لكن هناك قلوب مريضه......سوداء احيانا احس اني في حلم وحا اصحى منه......اللي حصل غي تلخرطوم والجزيرة فوق الخيال.....بين يوم وليلة يوم السبت ١٥ابريل يوم غير السودان قبل الحرب وبعد الحرب.....اتمنى ان نتعلم الدروس
بعد العله التحملتها دي كلها تطلقها المفروض الضيفه تساعدها عشان المراة م ضيفه عملت شنو خسرا بيتك وشتته اولادك كان انت مشيت الخرطوم الراجل بطلق ليك مرتو ي احمق😢
بصراحه انا لا أؤيد كلام عبد الرحمن دا زمن مافي زول بيستحمل زول لا اخو ولا اخت .الناس قلوبها مانظيفها والنفوس ما طيبه احسن كل زول يسكن لحالو .الحرب حصلت كل زول يدبر نفسه ولا الكلام الكعب والشين البيطلع من ناس البيت
الاولاد قليلين الادب وانتي ياختي مفروض تقومي وتتلحلحي شويه تنظفي وتطبخي مع ست البيت دي ٦ شهور ما ضيفه والله لو كنتي ظريفه وبتتونسي معها وتقسمي الشغل معها ما كان ح تزهق منك لكن دمك تقيل
