أنا بديعة من الجزائر عندي 5 اولاد الله ابارك عليهم جبت لعروسة الاولى جابتلي زوج ابنيتات الله ابارك عليهم تقولي أن لجبتهم من كرشي سبحان الله كنت حابة تكون عندي طفلة يصلح ما كتبليش ربي وحمدتو
*💕💕نفحات إسلامية💕💕* *. .🌟حكمة رجل عجوز ..🌼🌼* قال جد لحفيده : لا تكثر من مديح من تحبه ، ولا تماشِ من لم يطع ربه ... لا تثرثر بالمجالس ... ولا تسلم وأنت جالس ...!! الصديق الذي تخلى عنك لا تسعى لقربه ...! لا تهون ... ولا تتكبر ... لا تلين ... ولا تتجبر ... !!! الصادق لا يحلف ... والواثق لا يبرر ... والمخلص لا يندم ... الكريم لا يمن والمحب لا يمل ... !!! كن كما أنت ولا تكن كما يريد غيرك ... ﺍﺣﺘﺮﺍﻣﻚ ﻟﻠﻨﺎﺱ ﻻ ﻳﻌﻨﻲ ﺃﻧﻚ ﺑﺤﺎﺟﻪ ﺇﻟﻴﻬﻢ ... ! ﻭﻟﻜﻨﻪ ﻣﺒﺪﺃ ﺗﺘﻌﻠﻤﻪ ﻣﻦ ﺩﻳﻨﻚ ﻭ ﺗﺮﺑﻴﺘﻚ ، احترم ﺗُﺤﺘَﺮﻡ ... ﻓﻜﻦ ﺛﺮﻳًﺎ ﺑﺄﺧﻼﻗﻚ ﻏﻨﻴًﺎ ﺑﻘﻨﺎﻋﺎﺗﻚ ﻛﺒﻴﺮﺍً ﺑﺘﻮﺍﺿﻌﻚ ... !!! ﻻ ﺗﻨﻈﺮ ﻟﻤﻦ ﻳﺘﻜﻠﻢ ﻋﻠﻴﻚ ﻣﻦ ﺧﻠﻔﻚ ﻻﻧﻪ ﻓﻲ ﺍﻻﺻﻞ هو خلفك وليس أمامك ... !!! لا تخبر الناس كم تحفظ وكم تقرأ من القرآن .... بل دعهم يرون فيك قرآنا، أطعم جائعاً ، اكس عارياً ، ساعد محتاجاً ، ارحم يتيماً ، سامح مسيئاً ، بِرَّ والديك ، ابتسم للجميع ...!! فليس العبرة أين وصلت في قراءة وحفظ القرآن ، إنما أين وصل القرآن فيك .. ! *🌺المرجو ممن قرأ تعليقي هاذا ان يساهم معنا في نشر الخير وذالك بزيارة لقناتي الدينية ومشاهدة ولو مقطع واحد لعلك تحصل على خير ينفعك فننال الاجر معا.🌷🌹😊*《♡♡》*
والله غير مازالت كاينة ،ومازالت،عمتي عايرة ماما كنا حنا3بنات ،واش قالتلها راكي اتجيبي في لبنات كذا..... . كذا....... ،ردت عليها ماما،علما ان عمتي كانو عندها غيرالذكورا،وانتي جبتي الذكورة ويدوهملك النسا ،ودار الزمان والله غير الكبير الداتو المرا على امو،وحنا رجالتنا يخمو على ماما تقول ولادها ،ومورة 3بنات جاوها ماما 2 ذكورة ،كاين لي تبكر بالبنات وكاين بالذكورة
انا بنت وحده لماما جابتني بعد خمس ذكورة و انا جبت زوج بنات و زوج دراري ماما تقولي كون معنديش طفله غير يبكيو عليا صبح و عشيه لعطانا ربي كله مليح التربيه الصالحه
يحكى أنه في اليوتيوب ولدت قناة رائعة وغاية في الجمال مبدعة ومميزة متمكنة ومحترفة وتستمر الحكاية وتستمر إشراقتك عزيزتي سلمتي وسلم وجودك الراقي تحياتي من القلب لك حبيبتي دداح اذكريني في فيديواتك أم رزين
انا والله عندي عشر السنين زواح ما عنديش الدراري وهكاك نساء لواسي هما لي اغيرو مني وانا والله قنوعة و الله الحمد الله رني مهنية في داري وانا وراجلي الحمد الله احبني وهما كي اشوفو هكاك اغيرو وعجوزتي تحبني وهكاك زادو الغيرة ادعولي ربي يرزقني
@@cuisinedadah انشاء الله ، رني محروقة من الذرية و زاد توفا بابا راني محروقة بزوج جوايح راني مغبونة راح عليا لي كان اعوضلي واقولي بنتي واش اخصك رني هنا والله انتي لي تنحيلي الغمة بحكايتك و وصفاتك و ددبيراتك ربي انورك
سبحان الله نحير فهدو الناس أنا لما تزوجت مرة لوسي كان عندها طفلة و كي تزوجت رفدنا كيف كيف تمنيتلها الولد ليها و أنا كنت حابة طفلة لخاطر الطفلة صحبت يماها و ربي كتبلي الولد ليا و الطفلة ليها والله والله محبيت و كي عرفت بلي عندي طفل محبيتش نقوللها غاضتني لاخاطر كانت حابة طفل و ربي انشاء الله يرزقها بطفل لبناتها و تفرح بيه و صفي لقلوبنا هدا مكان.
یااختی الله یبارک علیک وعلی القلب لی عندک انا لوکان نحکیلک علی مرت لوسی تتشوکای کی جیت انا عروسه هی کان عندها خمس سنین زواج وماعندهاش دراری وانا غاضتنی ولیت نشرب فالکاشی باش مانسبقهاش ونجیب قبلها وهکذاک کتبلی ربی ورفدت قبلها وکی سمعت دارت فیا المنکر وزادت عرفت بللی ولد زاد هبالها والله غیر سوفریت معاها وکنت دایما ندعیلها باش ربی یرزقها وکیما کان الحال قبل مانولد بشهر رفدت هی وجبنا فی زوج اولاد فی عام واحد و امبعد هی زادت العام لاخر جابت طفله وهکذاک ماحمدتش ربی وقعدت حاقده علیا کی سبقتها المره الاولی وانا مازدتش حتی لهاد العام ولیدی عندو سبع سنین باه زدت علیه ونهار سمعت بلی رانی حامل دارت مجهودها وکامل واش تقدر باش تطرحنی تخیلی مالغیره والحقد حبت تقتللی الطفل فی کرشی وهذا مازال ماسمعتش بللی عندی ایضا ولد ولو کان تسمع ربی یستر والله غیر ربی یهدیها راهی فاتت ربعین سنه ومازالها ماعقالتش وماتابتش لربی والله غیر حرت کیفاه ندیر معاها لوکان نعاندها یزید هبالها ولوکان نسکت تقول بللی خافتنی وتدیر فیا المنکر والله ماعرفت نتعامل مع هذا النوع مالعیباد
صح قصة رائعة ..والله جامي الزوخ والفوخ يجيب الخير ..والي تواضع يرفعو ربي ......لا فرق بين البنت والولد ..لانو كل شئ مكتوب ...من هذا المنبر. اريد ان اقول .....**** لن يخذل الله قلبا ظن به خيرا ...****
سبحان الله هكاماماولدت ربع بنات رانا مفشينها الله الله مرت لوسها ولدت ربع الدراري خلاوها كل واحد بدارو مسكينة عايسة غير مع وليدها المعوق الدنيا نحمدو ربي على كل نعمة كاين نساء يبكو يالدمعة علاجال الذرية يا رب ارزقهم ا
الحمد لله رزقني ربي بزوج بنات منكذبش و حبيت الطفل لكن كيما جاتني الطفلة الثانية نساتني اصلا في لولا حلاوة و عذوبة و سكر احمد الله علي هذه النعمة باباهم فرحان بيهم و كل العايلة لانهم كل ذكور معندعمش اخت وانا تاني طفلة واحدة الف نعمة ربي يحفظهم وويقدرنا علي حسن تربيتهم امين
الله يحفضك انا عندي نفس الحكاية بصح حكايتي وحدة جابت اربع اولاد وماجابتش لبنات كانوا حمياتها يزوخو عاليها احنا جبنا لولاد وجبنا لبنات بصح كي كبروا اولادها وتزوجوا ربي اعطاها بنيات اليماجابتهمش كرشها وحدة تحط لخرا ترفد وحدة تغرش لخرى تخطي وهيا فى وسطهم كي سلطانة يستناو غير ترضى عليهم ولاو قاع غايرين منها وحاسدينها على عرايسها ااي كيما بمتها ولا كثر وصدق الله يرزق من حيث لاتدري
السلام عليكم اختي دداح فرحتيني بهذه القصة انا عندي 6 بنات وحامدة ربي العالمين كلما نزيد طفلة يقولولي مسكينة جابت طفلة و هذي الكلمة تجرحني.. رديتي لي الروح بهاذ القصة ادعوا لي ربي يخرجهم لي صالحات.
أنا عندي غير الذكور و تمنيت البنت و ماشاتش و لكن الحمد لله حمدا كثيرا على رزقه. اللهم لك الحمد كما ينبغي لجلال وجهك و عظيم سلطانك. ان شاء الله يرزقني عرايس يولوا كي بناتي يارب
اختي دداح قصتي تنجم تفيد كل بنت مقبلة على العقد انا في عمري 22سنة ادرس 3جامعي راني في يومين ملي عقدت لكن صرالي مشكل انو الزوج رفض اني نكتب في العقد القراية و الخدمة بحجة انو لا داعي لكتابتها و اذا اردتي يوما الخدمة تنجمي تخدمي اذا ساعداتك الظروف قبلت و مكتبتهمش لكن والله يا طاطا غير بكيت الجمرة يوم العقد حسيت سنيني راحت و في الحقيقة مقدرتش نأمنه من فضلك احكيلي على هذا الموضوع في اقرب وقت و انشاء الله يجبر لي خاطري و يصبرني وماتنساينيش انصحيني و انصحي البنات المقبلات على الزواج ميغلطوش كيما انا
حبييتي انوي الخير ان شاء الله تلقاي الخير والله الدنيا هدي فيها اشياء توحدي ربي خليها على ربي ما تعرفي هو يقولك روحي تخدمي الدنيا فيها مفاجأت والله توحدي ربي خليك متفائلة و اطلبي ربي هو مقدر و مكتب كل شي حبييتي وسعي بالك
انا كملت قرايتي21 سنةوتزوجت في 22سنة كان هدفي نبني اسرةونربي اطفال عشت ما شاء الله نحب بزاف زوجي نديرلو كل مايحب في بيتي ورزقني ربي 3 اولاد نربي فيهم ماعنديش وقت كامل نفكر نخدم برا ونتخلى على اولادي وهذيك القراية درك لقيتها انامعلمة في البيت باتم معنى الكلمة.يعني ماتحصريش السعادة غير في الخدمة
السلام عليكم *أنا أستاذة فتحت قناة أضع فيها دروس السنة الأولى والثانية والثالثة ابتدائي بطريقة شرح سهلة وبسيطة تدخل لذهن التلميذ كل ما أتمناه منكم المساهمة بنشر القناة حتى يعم النفع والفائدة فالدال على الخير كفاعله*
اختى طلتي في قلبي والله غير قلبي راه محروق اخو راجلى عيرني لمعنديش الاطفال ومرت اخو راجلي واحد اخري زاد عيرها عندها لبنات والحمد الله ربي ريح يرزقها الولد زاد فرق بين الاخوة حتى واحد مراه يشوف فيه هو مرتوا ادعولي خياتي ربي يرزقني بالذرية ربي كرزقو بالطفل عيرنا شاف روحو عندو كولش دعيت عليه حسبيا الله ونعم الوكيل والله مدرتلو والو قبل ما تخرج مرتو من سبيطار عايرنا وقال غورنا منها ومنو
قال رسول اللّٰه صلى اللّٰه عليه وسلم لا تكرهوا البنات فإنهن المؤنسات الغاليات ، ، سبحان اللّٰه مؤنسات للوالدين وللأزواج من بعد وللأبناء وللأمة جمعاء ، ولا أنس في الدنيا من غير البنات يوجد الأنس بوجودهن وينقطع بإنقطاعهن بل هن الأنس ذاته وغاليات بما وهبهن اللّٰه من رقة وحنان واحسان وقدرة هائلة على التربية برفق ومودة وعفة وغاليات لمن أحسن إليهن ودخل الجنة بهن والجنة غالية ،،، رجل كان عنده تسعة أولاد والعاشرة كانت بنت ولما قالوا له انها بنت قال يا ليلي الأسود وبعد سنوات صار أعمى وكل أولادو الذكور تزوجوا وانشغلوا بحياتهم ونساوا أبوهم المريض إلا البنت ما نيست أبوها فدخلت عليه في يوم من الأيام تعطيه الدواء فقال لها من انت قالت له انا ليلك الأسود يا أبي فقال لها ياريت اليالي كلها سوداء دام الهناء بسواد الليالي لو الزمان يرجع ويعود سوف أحبها أولا والثاني تسعة رجال كلهم غايبين ولا واحد جاني كل غلاهم وبرهم مفقود غير ريحة المسك والعود وبنتي كل يوم أمامي ما تتعب وتعمل عمل عشرة رجال يارب يا مالك يا معبود قسم لها الرزق الحلال هذه كلمات قالها الاب في بنتو اللي غضب وقال يا سواد ليلي رجع يشوف أثر الهنا بسواد الليالي 🌹🌹💜💜
@@oumayoub7040 كنت يالعزيزة نهدر مع خاوتي ويما راكي تعرفي فهد الضروف غير تلفون يخبط ، يسقسي عليك الخير الحمد لله فاق من العملية لا اكل لا شرب مازال باش يخرج ،🙏💜💜💜💜💜💜💜 الحمد لله دعواتكم يالغالية الله لا يفجعنا في حد يااااارب و ربي يقوينا و ربي معانا فهد الغربة ، ما تعرفيش شحال تونست بيكم ربي عالم ربي يحفظك و يحفظ لعزاز عليك وعلى كل اخت دعات معايا يارب العالمين
Oum Ayoub kif halak habibati Nchallah raki mliha anti wal 3ayla yahbibti labnate 3az wa dalal lwaldihom wal walad esm wa satre rabi yahfadhom o yastorhom o yarzak kol mahrom manhom ma3a ani manhabch had lkalma leanou koul mayji man 3and rabi khir
انا عندي 3 أولاد الحمد لله و يضلو يقولو لي كلام جارحة لي ما عندو البنات ما عرف وين مات و الي ماجد الطفلة كلي ماولدش يعني المعايرة فيها فيها نقول الحمد لله و نرضاو بما أعطانا الله و نحترمو الحكمة في عطاء الله 😊
انا والله يا طاطا غير عجوزتي هي الي تفرز وتخبي دراري نتاع بناتها ومتحبنيش ندخل عليهم وتعايرني علي خاطرش مزال معنديش دراري ولكن الحمد لله علي ما اعطاني ودعولي ربي يرزقني ربي الذرية الصالحة
ياريت المرة الجايه تحطينا حكاية على النسا الي تزوج بناتها وتجي تزوخ قدام سلفتها الي عندها طفله وحدة وماتزوجتش والله هدي حكايتي نسا عمومي يحبو تبينو ديما بلي بناتهم خير مني توما تزوجو وانا لا.... انا والله ماتهمني هد القصة و علابالي بلي ربي راه مخبيلي المكتوب الشباب والي راني متمنية الحمد لله راضية بالقضاء ديالي وخدامتي والمنصب انتاعي جيد جدا لكن الام انتاعي تتأثر من هدرتهم وحابتني نتزوج حتى لوكان الانسان هدا ماشي مناسب و ماراحش يريحني نصيحه ارجوك
شوفي ختي انا مريت من نفس المرحله و كما راكي تقولي تزوجو بنات خالاتي بنات عماتي و تزوجو ولادهم و جابو عرايس صغار عليا بزاف في السن و ولدو و انا صابره ماقبلتش نتزوج و برك و الحمد الله ربي رزقني كما كنت متمنيه الحمد الله كانو يقولولي تتزوجي تاكلي أولادك في كرشك و خالاتي يقولو ليما دوك تبور عندك يما مرضت مسكينه بصح اليوم هيا ولات تزوخ عليهم ديتو إطار في الدوله منصب عاقل وليد فاميليا كما كنت متمنيه و انا تاني لاباس بيا و رزقني ربي بطفله اللهم ما لك الحمد و الشكر و العاقبه لك يا ختي العزيزه بالاكي ماتقلقيش علابالي ماتقدريش كاين مواقف يقلقو بصح لازم الثبات و كاليوم تبشرينا كما اليوم جاني لوسي بشرني في عمرو خمسين سنه مسكين عرضني باش نروحو نخطبولو السمانه الجايه راني فرحانه من قلبي و ان شاااله فال عليك امين يا رب
@@cuisinedadah تعيشي ختي ديريلنا موضوع علا الخطبه موالين الراجل نهار الشوفه شكون لازم يروح و واش لازم نهدرو و كي نروح ما عجوزتي نقعد ساكته و لا واش نهدر حصلت مارانيش حابه نروح بصح حشمت كي خطبنا لخاوتي يما هدرت...
ما ديريش عليهم لوكان تتزوجي غير اللي جا و من بعد كاش حاجة واحد ما يعاونك ولا يستعرف بيك هديك الغيرة اللي راكي تخدمي و ما تقلقتيش و راهم خايفين تدي واحد خير ملي داوه حمدي ربي و توكلي عليه هو الرزاق انا تاني كيفك و نسمع الهدرة من البراني و اللي توجع لافامي اللي نورمالمو هوما السند و مانديرش عليهم علا خاطر ما نقدرش ندي واحد ما مقتانعاش بيه من ناحية العقلية او شيء آخر غير باش يقولوا تزوجت
@@user-jb3qj4nv9y شوفي اختي انا في عمري 22 كي جاو خطبوني جات عجوزتي و عجوزتها و 2 خالاتو و عمتو وحدة و و 2 عماتو و اختو ...كي جاو جمعو عادي تعارفو علا بعضاهم و بداو المواضيع تع الحياة هذا مكان اسمحيلي علا التدخل حبيت نفيدك
إيييييه يا ددوحة. الدنيا يا ما فيها.. إنا تاني عندي الذكورة و علابالي راني نر بي فيهم للنسا و للنسيبة.. المهم ربي يحفظهم و يخليهملنا للدنيا ونس و الآخرة اجر
@@monsetmono3577 لالا بعيد الشر عليك ما تقوليش هكا انا تان كونت انقول لوكان غير انموت واش راني اندير في هذي الدنية كل يوم كيف كيف وفي لعواشير ما نقولكش خياتي يشرو كامل لحوايج لولادهم وانا نشوف غير بعيني و زاد مات بابا لي كان في لعواشير هوا لي اجي عندي مع صبح انحيلي هذاك الفراغ تاع الدراري و امدلي الدراهم واعنقني واروح واقولي يا بنتي واش تسحقي قوليلي يا بابا لعزيز شكون لي اجي اطل عليا هذا العم والله راني كي المهبولة عليه مي واش انديرو ما لزمش تقولي راني حاب نموت ربي راه يمتحن فينا انا كونت نبكي على حاجة وضوك رني نبكي على زوج حوايج مي انقول الحمد الله والله راني نكتب و الدمعة راه تسيل مي الحمد الله واش اعطانا ربي
كي نشوف الزوج تاعي يشوف في الاولاد قلبي يتقطع .و علا بالي مش حاب يتزوج . ولي زادت عليا عجوزتي تقول نزوج وليدى الاخر و يجيبلى الاولاد .نتوما ما تجيبوش . بالرغم راني بعيدة عليها
مساء الخير للجميع النعمة تحتاج الى شكر والبﻻء يحتاج الى صبر والذنب يحتاج الى استغفار فمن شكر وصبر واستغفر نال الاجر ...ولكن تعليق الصباح لم تأخديه بعين الاعتبار للاسف ♥
تعيشوا يااخوتاتي ادعولي ربي يرزقني ذرية صالحة أنا وكل محرومة ان شاء الله 😭 ربي يحققلكن وش تتمناو يشدلكن في لعزاز عليكن 🌸 ربي لا تذرني فردا وانت خير الوارثين يارب العالمين أنا وكل من قال أمين 🤗❤️💎🌸😍
اللي بيدو يمد يدو ،مساء الخير أختي داداح مساء الخير أخواتي بكري بالاك كان لولد يقعد مع يماه و باباه لكن الأن كل واحد يدوح على نفسو 😢😢😢الا من رحم ربي ودائما نلقاو لحنانا عند البنت 💕💕💕
انا عندي زوج ولاد وراني متمنيا طفلة والله يا داداح خوفتيني وعمري ما زوخت على اي وحدة من معارفي بالعكس راني متمنية ربي ير زقني بطفلة على خوتها هذا نصيب المهم التربية الصالحة والقناعة بلي عطاهنا ربي
ايه يا طاطا نجاح فكرتيني في ماني الله يرحمها كانت كل ماتجيب طفلة تدي طريحة وهي نافسة وكي كبرو ولاو كي الوردات ورفدوها ومرت لوسها كانت محبوبة تجيب الدراري وتعايرها وكي كبرو خرجولها طريق وقتلوها بالضغط الله يرحمها
مساء النور عليك وعليكن انا والحمد لله عندي ثلاث بنات وولد واحد بصح نحمد ربي ونشكروا تمنيت نجيب لوليدي خوه بصح كل واحد يدي قسموا في هاد الدنيا والله فرحانا ببناتي ونموت عليهم حتى وليدي لعزيز نحبوا كيما تقول يما لحنينا عندك فرد عوينا ههههه المهم البنات راهم رزق من عند ربي ولازم نستحفضو بيهم كيما يقول المثل الطفلة حبيبت امها
و الله بكيت متصوريش. انو عجوزي لعام الي فات محبتش تهدر معايا كعرفت عندي طفله 4و خواتاتي راجلي قالولي كنا نستناو فالباروك تاع طفل و هذا اكل كيشوفوني مره فالعام و نقعد غير 10ايام بصح الحمد الله عطاني ربي القوة و مساحتش دمعتي قدتمهم بصح قلبي تجرح و دار نزيف و حبش يرتاح لضك ادعولي ربي يفرحني بيهم
سلام أنا عمري 29 سنة عندي 4بنات باباهم فرحان بيهم الدنيا و عمرو ما جهل قالي ربي يقدرني على تربيتهم تربية حسنة و قالي معظم الانبياء خلفتهم بنات و الله يهاب لمن يشاء ذكورا و يهاب لمن يشاء اناثا و يجعل من يشاء عقيما و الله الحمد لله بناتي دائما الاوائل في المدرسة ربي يهدينا ان شاء الله.
السلام عليكم و رحمه الله و بركاته والصلاة والسلام على رسول الله صلى الله عليه وسلم اختي الغاليه نجاح عندك الحق ادعولي رب يرزقني توأم بنات صالحين عاجلا غير اجلا امين يارب العالمين الاخوات الغاليات نحبكم كامل ليلة سعيدة😘😘😘😘😘😘😘😘😘😘😘😘😘😘😘😘😘😘😘
هدي حكاية ماما جابت 5 بنات والحمد الله زوجتنا قاع وشحال سمعت الهدرة تع نتي خايبة جيبي غير البنات بصح الحمد الله رباتنا وكبرتنا وخرجتنا نسا وحتى رجالاتنا يحبوها وربي يطول في عمرها وعمر من جميع أم
والله غير قصة وعبرة من جد وجد ومن زرع حصد مكاش كيما التواضع وانا ولا راجلي معندناش فرق بين الولد ولا البنت هدا مكتوب ربي والواحد لازم يقنع بالشيء اللي يمدهولنا ونحمدوه على هاد النعمة اللي بزااااف راهم يحلمو باش يكون عندهم ولو ولد ولا بنت ربي يهدينا نشالله وربي يعطيك الصحة
السلام عليكم من فضلك دداح رمضان قرب و محتاجين طاقة إيجابية للبداأ بترتيبات البيت خاصة احنا نساء العاملات ان كان ممكن برنامج تنظيف افكار لتحضير بعض الطبخات لتسهيل المهام في رمضان و ان كان ممكن ما رأيك في الحلويات لتتخبا في المجند
نمووووت على حكايتك واستفدت منهم بزااااف و بفضلي ربي و بفضلك استفدت منك بزااااف والله صح مام انا اخت راجلي تعيرني بسكو هي جابت الذكورا وانا طفلة هبلتنا قلبي راح يتفلق و حابة يرزقني ربي بطفل غير بنقفللهم فمهم
انا والله كونترار انا عندي 2ولاد ا مرت لوسي عندها 3 بنات تكرهني لاادم دارتلي مشاكل كبار او وسختني ماعندي ما نقولك بصاح انا خليتها لربي او ندل ندعيلها او نقول ربي يرزقها بولد
طاطا دداح عندي زوج بنيات هو ما الحياة وعندي طفل واحد وديما نقول لوكان نعرف روحي نزيد طفلة والله غير نزيد .الطفلة والا الولد والا ماكانش كلوا من عند الله والحمد لله.حبيت نطلب طلب واحد فقط هو الدعاء لانسان وانسانة وعزاز على قلبي عندهم 19 سنة زواج ومازال ما رزقهمش الله تعالى .ادعولهم بالذرية الصالحة يارب وشكرا مسبقا
والله غير جات فوقتها هاذ الفديو انا عندي زوج بنات ربي يعيشهملي زيديلنا قصص كيما هاذو وقوليلنا على هاذ الموضوع يا طاطا داداح يعيشك والله هدرتك تدخل للقلب ربي يحفظك ويحفظ وليداتك ربي بعتك ليا
