ملخص: ١- مستوى الدوبامين بالحالة العامة ثابت، يتغير بـتغير الحالة والحَدث وكل مرة يرتفع بيها بـشكل مبالغ، راح ينخفض الى أقل من المستوى الثابت الأول. ٢- حَماس البِدايات نِهايته يروح، فـاذا كان الشخص بدأ بـمستوى عالي وتَدرج الى ان رجع على ما كان عليه مسبقًا، مثلًا بـالتمرين، فـمستوى الدوبامين ماله راح يصير اسوء واقل من مستوى الدوبامين قبل ما يبدأ تمرين، وهذا يسبب احباط ومشاعر سيئة ٣- حتى يكون عندك ارادة قوية، لازم يكون الإنجاز مع المستوى الثابت لـتلافِي الإرتفاع المُفاجئ بـمستوى الدوبامين ٤- لازم تحدد قيمة الهدف بالنسبة لك، فـأي شيء مُهم عندك لازم يكون عندك صورة واضحة عنه وعن قيمته وأثاره على حياتك ٥- أرادة قوية = صورة واضحة للهدف ٦- حتى تنجح في شيء، لازم تخلي روتينك اليومي يتجه نحوه، تُكيّف يومك علمود هدفك اللاحق، وأُضيف على أخر جُملة، تكيّف الواقع والروتين اليومي، أهم من اخذ خطوات واشواط طويلة بالمَرة الواحدة، فـكُل مرة يأخذ الشخص القرار أنهُ يسوي كذا "مثلًا يتمرن" وما يسوي كذا "مثلًا يأكل اكلات سريعة" فـهو جاي يُكوّن رصيد كَامن، فـمع مرة بعد مرة راح يوصل لـنقطة يلاحظ بيها النتائج، ما راح يلاحظ التطور البطيء، لكن راح يلاحظ النتيجة النهائية من يرتفع مستواه ، لأن عادات اثرها تراكمي، مو ١+١=٢، بل ١*١*١*١*٢*٢*٣*٣، وهذا الامر الي يخلي اغلب الناس تتراجع قبل ما توصل للنتيجة، لأن يكونون فترة طويلة بـحالة "ماكو نتيجة" ويجهل أصل العادات وتأثيرها التراكمي وأنهُ كل شيء يسوي هو عبارة عن ضربة على حجر كبير، مع تكرار الضربات راح ينكسر الحجر بالكامل مرة وحدة.
عله كواتهم ركز على مايقول وليس على من يقول وانت لا هاي ولا ذيج , تركز على وين ديقول ... والله يالله , هيه صح حلوه بس مو مهمه اذا هوه غيرها فا اكيد لسبب ما
صراحه هاي الفتره خاصه احنه طلاب السادس الارادة مهمه بهل فتره والإرادة تحتاج شخص قوي وميهمه أي شي عقله وكل حواسه مركزه لازم على شي واحد بس بالنسبه الي من كثر الناس سلبيه الداير مدايري وكلام الاهل الي يجرح انت هيج وانت هيج خاصه من أجلت همه ميفهمون عليه ابدا بحيث اني صرت عبارة عن طاقه سلبيه من كثر ما اسمع كلام واني بنيه عاطفيه زياده وحساسه مع العلم جنت من المتميزات وشاطره حيل بس حالياً كلما ابدي وابلش ماكدر اسيطر على عقلي من كثر تفكير وكلما اكول معليج ولاتهتمين وخليج عندج إرادة قويه لازم تنكسر هل اراده بس كل هل شي اني مستمره واقره وشنو يجي من رب العالمين احمد الله واشكره بس بنهاية اريد شي يعوضني عن هالتعب وافرح وهم افرح اهلي صح همه هيج اسلوبهم وياي بس أعرفهم لان يخافون عليه ويعرفون بيه شكد اتعب بس يبقه هذا اسلوبهم ولازم اتحملهم ،اني ماريد يوم من الايام اتندم واكول ليش ماسويتي هالشي من بداية وليش ..الخ من الكلام اني اريد اقره واشد حيلي لاخر لحظه اكول بس! خلص سويتي الي عليج زينب ورب العالمين هوه يدبر هالشي ماريد من ربي بس ينطيني القوه والصبر حتى اجتاز هالفتره بدون اي خربطه لان ماريد اكون فاشله وماعندي هدف بالحياة من صدك اربد انجح هيج بمعدل يفرحني لان من صدك تعبت 🥹
@@a7mr5839بالضبط كلش صح بس الواحد ميكدر لو حتى يدري هم يتأثر لان بهاي الفترة احنا نزعل من اقل شي ف شلون اذا سمعنا كلام سلبي وجارح ومن الاهل احس انو حمل زايد فوك الامتحانات اني هم صراحة اهلي حجوا واتأثرت ف هو مو بيدنا
😅😅داتمنى اخلص سادس اليوم قبل باجر حتى ارجع اشوف فيديوهاتك كلها خلصت ست سنين طالبة متميزات مشفت ثقافة ورُقي بطرح المعلومات مثلك يا علي وفقك الله وسدد خطاك بحق حبيبه محمد وآله
حرفياً هذا ينطبق عليه بامتحانات السادس وقبلها جنت هيج يجيني واهس بعد ما اشوف فيديوهات اللي مطلعين معدل اكعد اسوي جدول وانظم الوقت واحس خلص حجيب معدل وبالاخير يمكن حرفياً بس ساعة وحدة ادرس والجدول كله يخرب مفكرت هم شكد تعبوا وسهروا ودرسوا فوراً طفرت عالنتيجة وهذا استمر لحد الان بالامتحانات هم نفس الشي ارسم خطة وما اكملها واروح أاجل حرفياً الارادة صفر كمت اخاف اخطط واتحمس شنو الفايدة اذا ما اكمل بس هم اني ما اوكف اضل احاول لاخر فرصة والله كريم الله يهديني التزم وما اضيع وقت
اما هذه فنظرة ابن خلدون اما نظرتنا الأيام الصعبه تخرج رجال اقوياء الرجال الاقوياء يصنعون ظروف عصيبة الظروف العصيبة تصنع رجال اقوى الرجال الاقوى يصنعون ظروف اصعب
الفيد كُلّشششش بوقته صار تقريباً سنتين كاملةةةة من فقدت الارادة وحياتي صارت عبارة عن عشوائية من كُل النواحي أي اهداف ماكو حرفيًا وصلت مرحلة اروح لأُختي أكُللها اختاريلي هدفي😐 گعدت حچت وياي هوايي حچي صحاني تقريبًا 70% بس هالشي مشى وياي لأن اتعودت علي صرت مَ أقتنع ذيك القناعة بأي حچي يفيدني😂! والسبب الحقيقي لهذا الشي هو الانترنيت👍🏻 ليش؟ لأن جت فترة گضيتها بدون أي انجاز وبس تليفون ولعب لحد م وصلت لفقدان الشغف بكُل شي ومالي واهس اسوي أي شي لحد م صارت الارادة 0🦦.
احس فيديوات بوقتها حرفيًا ، انا اريد اسنان، اجلت ٦ مواد دور ٢ و حايرة شلون ابدأ ، جان كُل امتحان أجلة احس من روحي يروح شيء احس بألم ادعولي هالسنة ما أخسـرر يا ربِ🤍. شاركوني شلون مُمكن ابدأ للدور الـ ٢ ، ٣ مواد دارستهم و ٣ مدارستهم
ابدي بل تراكمات او الافصل الي مادارستهم بس تخلصين راجعي المواد راح تكون مراجعة اسرع لان ماكو تراكمات واني هم أجلت 6 بسبب المعدل بس ميخالف اعتبر دور ثاني كأنو دور اول بس اكون مضبطة اكثر
يقول الشاعر احمد بن الحسين (المتنبي ): وَأَن تَرِدَ الماءَ الَّذي شَطرُهُ دَمٌ فَتُسقى إِذا لَم يُسقَ مَن لَم يُزاحِمِ معناه ان الماء الذي تريد ان تشربه وليس هذا الماء (يقصد الغاية التي تريد الوصول لها ) لن تصل لها الا اذا صار شطرك (نصفك) دمُ (يعني ستخسر شيئا في الطريق الى غايتك ) ولن يشرب منه من لم يفعل ذلك .
مقالات أنسان مريض: إهمال ساعة قد يفسد نجاح عام ،استغل الوقت للوصول الى حلمك. -بينما أنت تحارب قلقك، يحدث الآن تدبير لقلبك لو علمته لبكيت من شدة الفرح. لا تُركز على إتجاه الريح ،ركز على كيفية التحكم في الشراع.
معلومة * الدوبامين هو هرمون الدافع مو السعادة يعني الدوبامين من ينفرز بالجسم راح يخلي الانسان يتحرك ويسوي الاشياء الي ميريد يسويها لان ينطي دافع السيروتونين هو هرمون السعادة وهو الي حينفرز بعقلك بعد تحقيق انجاز معين او مايدعو للسعادة بالنسبة للشخص مثل انه ياكل حلويات او غيرها +انت سابقا كلت اني درست ب٣ اشهر وانطيتنا امل نكدر نكمل وهسة تكول درست ب٤ اشهر هسة احنة منين نجيب اربع اشهر هو الي باقي ع الدور الثاني شهرين برأيك اكدر اكمل بيهن ٣ مواد؟! ✨ 😔💕
حبيبتي تلحكين وزياده اني اجلت ٥ مواد العربي بسبب فرعين ادب وانكليزي لان موزينه بي فمرحت اصلا رياضيات بسبب فرع واحياء بسبب سؤال ولكيميا لان ممضبطتها وعندي امل اخلصهن وارجع اراجعهن فه تلحكين لتخافين
@@user-bh9pn1bq9t عمري اسال الله العظيم ان ينطيج على كد فضلة وان تطلعين معدل انتي نفسج مامتوقعتة وان يبجيج من الفرح بيوم النتائج ❤😔😔😔🥹 اني اجلت ٤ الفيزياء قاريتها بس الانكلش والرياضيات والكيمياء اصلا ماقاريتهن بالدور الاول وعندي هواي تراكمات بيهن هوووواي
هواي تخربطت بفترة المراجعة كلش هواي جنت ما اسيطر على تسويف ولا جان عندي انضباط وصلت لنهايتها وانه على هذا الحال رغم جنت بالدوام ادرس حيل واسهر وتعبانة على نفسي وجنت بس اريد اوصل وانجح واخلص بس بفترة المراجعة تعرضت هواي شغلات لحد اخر ١٠ ايام صارت عندي حالات غريبة الكتاب ما اطيق افتحة وجسمي يضل يأذيني والله جد صرت اشوف الموت ولا احد يكلي درسي جنت اتمنى انو يرجعلي حيلي بس علمود اكمل العربي والاسلامية بهاي الفترة لان جانن همة باقيات عندي بس غلبتني نفسيتي ومادري شنو صارلي ورهمت نفسي ضليت اقرا شوي شوي في سبيل الحك على شي وقريت الادب كل يومية شوي شوي وجنت اساير نفسي في سبيل اوصل سلامات وهم بعد ٣ ايام للامتحانات واجتني هاي الحاله وضليت الطم وابجي وجان باقيلي اسلامية واجلتها وصار عندي برود مو طبيعي بدراسه كمت ماكدر اقرة كمية جبيرة بالدراسه وانقهر اموت قهر من هذا شي وتعايشت وي الانه بي وحاولت بهاي طاقتي القليله بلكي بس انجح نجاح حتى وهسه ولأ أمتحان مجاوبه واحتمال اعيد وكلش خايفه بس الصار وياي جبرني😞😞 حبابين الي يشوف يدعيلي انجح وارتاح واريح اهلي لان همة تعبانين اكثر مني يشوفوني بهشكل 🫶🏻😞
@@znopa خايفه هذا الشي يبقى ملازمني وما الكالة حل😞بس الله يساعدنة ويقوينة كلشي الة حكمة الله مستحيل يضرنة بشي مابيدنة غير الدعاء ونتعلق برب العالمين لان هوا وحدة قادر يبدل احزانة وضروفنة الصعبة لفرح بس يحتاج صبر ودعاء واصرار🫶🏻 الله يوفقج نشالله
قرأت مقتبس جميل لديفيد جوجنيز في كتاب لا يمكنك ايدائي قال(انا لا اؤمن بالتحفيز لان التحفيز يجلعلك تعمل شيء معين فقط لأنك تحفزت وعندما يذهب هذا التحفيز سترجع الى ما كنت عليه وبالتالي لن تنجز اي شيء)
شكرًا ع هذا كلام غير من قناعاتي وان شاء الله اكدر اضبط نفسي وارادتي واكدر اجيب معدل العالي الي تستحقه نفسي واني اصنع لنفسي حافز ان شاء الله واحقق اهدافي واصل الطموحاتي 🎀✨.
@@nnnnnnnxcv66oعندي فكرة كل ما تذكرين أنو تردين تسمعين تعوذي من الشيطان وإذا تحبين سمعي قصايد بالنهاية يگلبي كلحنه جنه نسمع أغاني بس من عرفنه حرام تركناهن
هذا تعليق ماله انتهاء صلاحيه ومستقبلا حرجع اله هذا الشخص اثر بيه لا مو بس هيج واني متاكد اكو هواي اتعضوا وحسوا عله نفسهم كل ثانيه من كل فديو بقناته مفيده فاا احب اكله كلمه (You ambitious man) و كل تحياتي الك وان شاء الله تستمر من نجاح الى نجاح
اني طالبة خارجي بس اشوف نفسي محاربة من تكون طالب خارجي انت لازم تحارب نفسك لان راح تحس دائماً انت تمشي وره سراب تحارب اهلك او اخوانك بالأخص خصوصاً إذا تفكيرهم مختلف تحارب كلام الناس السلبي اني جنت ممكمله ثالث بسبب ضروف معينه وكملت ثالث خارجي ورغم لا عندي كتب ولا اعرف شلون ابدأ وأساسي ضعيف حاولت ودرست ونجحت (رب العالمين ميضيع تعب انسان يسعى بكل ماعنده طاقه ويسلم امره اله ) كملت ثالث ومجان عندي اي فكره عن سنوات الانتضار لان لو اعرف جان رحت مدرسه لان يحقلي بس كلت اكمل سادس خارجي للاسف مجنت مثل ممفكره انو الوضع سهل ومتخيله سنوات الانتضار هيه تكمل ٣ سنوات وسنه رابعه تقدم وحالياً خلصو واني يحقلي اقدم ويه دفعه ٢٥ وما اجذب كل سنه جنت أتحطم وانقهر او واهسي وشغفي راح صرت احس نفسي اقل حماس من قبل احس صار عندي فتور ورغم هل شي اكو مشاكل ونفسياً تعب بس اني مستحيل استسلم ابداً واحاول ويه نفسي وصح صار اشهر واني وضعي مخربط بس احاول اعدله وخليت بداخلي حدود لازم وضروري شهر ٧ يكون هوه شهر البدايه بكل اصرار ومراح اسمح الشي حتى نفسي انو تتوقف لان عندي معتقد الإنسان بدون حلم او هدف هوه ميت داخلياً ماعنده اي دافع للحياة وفرحتي متنوصف لان الوقت راح يخلص وراح اكدر اوصل للي اريده واحس نفسي استحق شي كلش حلو واعرف عوض رب العالمين راح يكون جبر خاطر وشي عضيم
ما شاء الله اول مرا اشوف شخص نفس تفكيري بس انا عندي دفتر وادون الاشياء الي اسمعهة بالنت (اشوفها تفيدني واطبقها) وافكاري هم وجدًا جاي استفاد لان افرعهن واشرحهن ياريت بالمستقبل اخطط وافتح هيج قناة حتى غيري يستفاد شكراً 🩷
يا ريت تشوف تعليقي... إذا الشخص كان عنده إرادة جددددًا قوية لكن وقف احد الوالدين ضدك بأحد الخطوات و هذا الشي يحتاج موافقتهم 1000% فما تگدر تتخطاهم و لا تگدر تترك الهدف الي تريده... و الهدف بعد لسه اله طريق طويل، و خلال فترة الرفض ...تحصل حالة من التوقف و إنكسار بسبب تأثير و رفض أحدهم...الحل شنو؟ جدا محتاجة حل او طريقة.
طبعا صارلي شهر من دخلت سادس ايامي عبارة عن روتين ثابت كل يوم نوم دوام دراسة ماسوي اي شي ثاني ف جنت اتوقع ان هالشي مو صح واحتاج شي يحفزني او مادري احتاج شي واغير روتيني كل فترة او كل يوم اسوي شي جديد ، بس هسة اقتنعت ان لازم اثبت على هالشي لان هالشي صح 👏
اني هم راح اعيد نصيحة اذا قررتي قرار كوني كده ولا تختمين لاي واحد مثلا اذا كال الج ما أريد الاعادة راح ماتعيدين؟ اذا لا ف شنو الفكرة من سؤالج واذا أي ف انتي قرارج مامدروس لازم تكعدين وي نفسج تسألين روحج اكدر اعيد كلشي عندي ارادة؟
اني طالبة سادس د 24 امتحنت 4 مواد ومعدلي بيهن تقريباً ب 90 قررت اعيد السنة سويت جدول وراح التزم بي ان شاء الله ارجع اسوي تعديل للتعليق واني من الاوئل ع العراق
