شنو ذكرياتكم بمطعم الساعه ومنو زايره قبل *ملاحظه اضافيه صاحب المطعم كان المرحوم سعدون البلداوي وكان يديره شخص مصري والمطعم اغلق بعد وفاة سعدون البلداوي سنه ٢٠١٥ هالمعلومات هلى لسان ابنه
اخي ساري اذكر هذا مطعم واذكر كل زين واحد اقربائي ساكنين قريب عن المطعم واذكر بشارع المطعم كان توهم مستولين ع البيوت انذاك كانو قوات بدر واعتقد كان مكانه والارض من طبيعي اخذو كانو ياخذون ابيوت وشقق داير مادير المطعم اذكر والله العظيم كنت صغيره واقربائي مره جبيره مقعده واخذو بيتها حسبي الله ونعم الوكيل ماخلوو شي بالبلد قصة المطعم غامضه
يا الله جان مطعم راقي واكله طيب امي كانت تكافئنا كل شهر نروح نتغدا هناك وبعدين نروح ناكل ايس كريم من الرواد ماتت امي من أشهر وهسة رجعتني للذكريات الحلوة الله يرحمك يا أمي
الله. يرحم. الوالدة. يا. يا ال. ب. بوسي. ادعيلي. اخلص من مرض السكري. يا ب بوسي. يا حبابة اقراء سورة الفاتحة اليوم. بالصلاة. واقراء سورة الاخلاص ادعيلنا. يا. ب. بوسي. لا اله الا الله
للمرة الثانية اكتب تعليق عن مطعم الساعة ذكريات لي مع صديقتي ندى التي تركت العراق ١٩٩٣ كانت محطتها الأولى عمان وبعد ذلك انقطعت أخبارها ياريت لو تشوف تعليقي وتتواصل معي لازلت اعيش في الحلة واعمل في دائرة صحة بابل
الله يرحمه صحيح المهندس حسين ماعنده اولاد والورثة باعوا بثمن جدًا قوي اولاد اخوه اجاهم ورث بالملايين لكن ياريت ماينسون عمهم يذكروا بفاتحه بثواب بصدقة جارية
نشكرك على هالحلقة بس احب اوضح انه الساعة مو اول مطعم يقدم الشاورما و البرگر سبقته كثير مطاعم ما استمرت للاسف مثل المشوار ، الساير، الملتقى، السندباد و غيرها
اخي مطعم نبيل مقابل مضمار سباق الخيل قديم جدا ربما الستينيات كان يقدم الكونتاكي والهمبركر والفطائر المحشية باللحم وونبي قريب على نبيل لكنه كان في فرع كان هذا ماركة عالمية ايضا يقدم الكونتاكي والفنكر
شكرا لجهودك المتميزة والله امتعتنا بموضوع مطعم الساعة لنا ذكريات جميلة جدا كنت انا وصديقاتي نذهب لمطعم الساعة بعد ان ينتهي دوامنا من معرض بغداد الدولي في التسيعنيات ونأكل الكنتاكي كان طعمه جميل جدا والأجواء فيه حلوة بداخل المطعم وتصميمه كان جدا جميل بحيث تحس بأن كل الموجودين في المطعم هم نفس مشاعرك وروحهم الحلوة يعني كانت المرحلة في تلك الساعة جميلة لمطعم الساعة خلود للاعظمي بغداد
كان صاحب المطعم الجار العزيز المصري ابو الوليد ( سعيد جاد الله) و كان ابنه ثامر من اصدقاء الطفولة الى ان تم قتله عام ١٩٩٨ و من هناك بدات امورهم تتخربط… لا اذكر انني ذهبت الى مطعم الساعه و دفعت فلوس لان ما يقبلون ياخذون من عدنا… الله يرحم ثامر و يرحم ذيج الايام و ذكرياتنا الحلوة
@@مهندعادل-ع6ث المرحوم كان يريد يداوم كلية هندسة و كان اكو حلاق في ساحة عنتر كله اني اعرف جماعه يساعدوك بالموضوع و طلب من عنده فلوس و المرحوم اعطاه الفلوس اكثر من مره إلى ان الحلاق قال له ان الجماعه الي تسوي الواسطة يريدون يشوفوك و انت تفاهم وياهم… المرحوم اخذ الحلاق و اخذ جندي في حماية بداله الاعظمية و طلعوا وياه بسيارته على طريق بعقوبة و غدروا بي هناك و شكروا جثته و اخذوا سيارته الاولدزموبيل ثم احد رجال التحقيق شك بالحلاق إلى ان اعترف وره يومين ووراها تم اعداهمهم
@@مهندعادل-ع6ث كان يحتاج واسطة في جامعه المستنصرية و الحلاق الي يحلق يمه كله اني أدبرها و صعد وياه بالسيارة و اخذوا شرطي في حراسات بداله الاعظمية و طلعوا بي باتجاه ديالى و غدروا بالطريق… الحلاق ظل ٣ ايام يدور ويا اهله ( عساس هو خوش ادمي) و تالي شك به احد رجال الشرطة و استجوبه و اعترف
ياساري ذكرتني طبعاً بيت أهلي بالمنصور ونروح ناكل ونشرب بمطعم الساعه ولاكن كان الأكل والعصائر غاليه وبعدين هاجرنا لأوربا وأول مره أسمع تهدم أنا خمسه وعشرين سنه مازايره العراق ولا بغداد الحبيبه ياربي الفرج
للتنويه والايضاح ليس مطعم الساعه اول مطعم يقدم البرغر والشاورما بل سبقته مطاعم كثيره وقبله بسنوات عديده جدا من السبعينات كانت مطاعم وهمبرغر ابو يونان الشهيره عالميا وكان حتى الاجانب في العراق يزورو ابو يونان ويشترو منه 🍔 🍔 وكثيره من المطاعم كانت هناك. وان العراق كان متطور في تلك السنوات ونظيف جدا حتى افضل من فرنسا في كل شي تحياتي ليك ياغالي 🌹 🌹
السلام عليكم اخي العزيز معلوماتك تقريبا مضبوطه من ناحية الشركاء لكن اكو شيئ لازم ينذكر اهم شي بالموضوع والنجاح المستمر طوال هاي الفترة لمدة أكثر من ١٨ سنة وانا احد موظفين المطعم قسم الشاورما لمدة ١٢ سنه...اما مؤسس ادارة مطعم الساعة وصاحب مطعم الساعة الفعلي والحقيقى هو الحاج السعيد محمد جاد ابو وليد الله يحفظه مصري الجنسيه كان انسان خلوق وطيب القلب له نجاحات كثيرة ومواقع من المطاعم في بغداد وسامراء ومنها مطعم الساعة كان افضل مطعم على مستوى العراق والوطن العربي أيام التسعينيات الحاج ابو وليد المؤسس الأول للمطاعم السياحيه في بغداد
هو يتكلم عن صاحب البناية و ليس عن مالكي المطعم و المشغلين و المصري كان واجه و لكن كانت الحكومة لديها يد و صدام كان يجتمع في الطابق الثاني في حرب 2003 . تحياتي
@@حنونةوطيبة مواليد جيل الطيبين وانتي اي مواليد يا اجمل حنونه وطيبه ياربي دومك حنونه وطيبه 💐🙏مواليدي ثمانين احلى ايام عشناها وانتي اي مواليد ومن وين حضرتك 💐
طبعاً للمعلومات مطعم ركن العزائم والساعة ثنيناتهم بشارع ١٤ رمضان حي المتنبي واكو بناية قريبه على مطعم الساعه اسمها رابطة أصحاب الحق اعتقد للبدون الكويتيين وكذلك معرض الزهور بالركن صاير طبعاً هذا لازال موجود. ونادي الصيد ايام زمان مو هسه صاير.... مااكمل والخاصكي والبقيه كلها لفو على المنصور اقصد البنايات اللي موجوده ب ١٤ رمضان
اجمل اعلامي مومجامله والله مواضيعه حلوه تنحب ولما تشوف الفديو تكمله من شدك اله عمره مالفض الفاض بذيئه مثل بقيه العلامين يدورون بس ترند باي طريقه ساري يبحث عن التطور بس واثبات ابداعه
لازال العراق موجود والحمد لله وسيبقى موجود إلى الأبد شامخا بعز برجاله ونسائه وشبابه بلد الشهامه والرجوله بلد الأنبياء والصالحين اللهم أحفظ بلدنا عزيزا آمنا😇😇🤲🤲
شكرا جزيلا على هذه الحلقة الحلوة وشكرا لتوضيح المعلومات...ا تذكر كنا نأكل أنا وزوجي بمطعم الساعة أيام خطوبتنا وايضا كانت تطلع كروبات من الكلية لهذا المطعم......فعلا الحلقة حلوة جدا
كان في السبعينات٠٠في تقاطع الكرادة٠٠مطعم(همبركر ابو يونان) وفي المنصور مطعم(نبيل روستر) يقدمون بي كنتاكي، همبركر،،فنكر جبس٠٠يعني هذه الاكلات موجودة ببغداد قبل مطعم الساعة٠٠
فقط للتصحيح اول مطعم في بغداد كان يقدم الشاورما اللبنانية وباقي الاكلات الجديدة مطعم لمشوار في ثمانينات القرن الماضي،مطعم الساعة نهاية الثمانينات افتتح ..
من احسن المطاعم بغداد ايام الزمن الجميل وجنه دايمن انروحله وجان اكله ايجنن وجان رقم واحد ويسون همبركر ماكو وكاله او مطعم حالينآ ايجيب نفس الطعم واخر مره اكلت يمه سنه ٢٠١٠ تقريبا ومع الاسف جان فارغ مابيه اي احد وطلبت همبركر وجانت نفس ت الطعم القديم ونفس الخدمه الراقيه بس التوفيق من الله محد يعرف ليش رزقه قل مع انه ظل محافظ على مستواه الأخر ايامه
سلام عليكم استاذ ساري. كان أول مطعم للوجبات السريعة انفتح قبل مطعم الساعة هو المشوار بالمنصور وكان مخبز العيش بصفه وكان شئ مرتب وراقي اعتقد كان الكادر لبناني
الله خسارة كان مطعم كلش راقي سنة 1994 كنت متواجد بغداد لعدة أشهر وكنت دائما احب اروح لهذا المطعم رغم بعد المشوار من فندق فلسطين إلى المنصور لآجل استمتع بشرب كوب الكابتشينو بالذات كان عندهم غير اي كابتشينو ذقته بحياتي ذكريات جميلة لا تنسي😔
والله حجيه كله صح اني شغلي بل عقار وهاذ لعقار نعرض عليه بل ٢٠٠١٧ من ناس مزورين لعقار وتحديدن من تكريت بس رحت للعامه جيكته وطلعت أولياته طلع بسم المهندس حسين الشمري ورثته أخوته وخواته من الحله بابل ناس مرتبين
الله يبارك بيك ياابني اشكد حلو وجميل سردك للموضوع بحيث تجعل الشخص المتلقي للشرح ان يستمع اليك بك تاني روعه روعه استمر بهذه المواضيع الرائعه اجمل واروع برنامج ظهر لحد الان لانه يتناول مافي وطننا الحبيب بارك الله بجهودك واتمنه لك النجاح والتفوق في مجال عملك وحياتك ومن الله التوفيق امك العراقيه من بغداد
مبدع ياساري ومتجدد في كل مره تضهرنا قصه جديده او حكايه اؤ لقاء متحصر نفسك في زاويه واحده اؤ موضوع محدد شكرا لجهودك المبذولة ويارب المليون مشترك لان تستاهل كل خير.
اذكر يم هاي البنايه حاليا بمكان دورية الشرطه ولو هي من زمان موجوده ..كان يجيبون مسرح ويجون مطربين وتصير احتفالات بالشارع وبشكل عام كل مناسبه كانوا يسوون احتفال والله ايام حلوه جانت
اخي ..ملاحظة الشورمة يعني بالعرقي كص وهذه الوجبة موجودة في العراق قبل بناء مطعم الساعة باوقت طويل جدا .. يجب ان تكون المعلومة لديك دقيقة قبل التسرع في النشر وشكرا
سلام عليكم اخي الكريم ساري موضيعك جدا جدا رائعه وشيقه بحيث اكو مواضيع من تطرحها اذكرها واكول اي والله كنت اتمنى شخبار فلان او قصه فلان احيييك واشكرك راوي اسطوري وصوت مريح صوتك جميل في سرد القصص اتابع انته والراوي ابو طلال الحمراني واستاذ فارس عاشور ربي يحفظكم وان شاء الله استاذ ساري توصل عشره مليون اختك من البصره👍
ااي فعلا مطعم الساعة الفكرة مالتة كانت رائدة بوقتها علا الطريقة الغربية وديكورة علا فكرة يجنن احلا من مطاعم الوقت الحالي كراسي برتقالي اللون وتصميمي حديث مريح للعين وكاشير والاكل يجنن الهامبغر ,,اني رايح مو هويا مرتين فقط من كنت معهد الفنون كان قريب علينا وفعلا كان من اشهر المطاعم الراقية ودائما مليان ناس خصوصا بالشباب طلاب المعاهد والكليات القريبة شكرا ساري علا الحلبقة الجميلة
اولا البركر موجود بالعراق قبل مطعم الساعة بسنين وعلى رأسهم بركر ابو يونان ، ثانيا صاحب فكرة مطعم الساعة كان شخص مصري و بعد السقوط ترك المطعم و سافر خارج العراق لذالك انكسر المطعم وكل الي اجو بعده فشلو و خسرو .
تحيه طيبه الحظرتك بس احب اصحح معلوماتك مطعم الساعه كان لشخص مصري اسمه ابو وليد وعنده اخ ثاني يمتلك مطعم بالسعدون والبيت كان يسكنه ابو وليد وعائلته لانه اشترى البيت والمطعم من صاحبه الشرعي لفتره طويله لحد يوم سقوط بغداد ترك المطعم والبيت لانهم كانو لاجئين بأمر من الرئيس العراقي وكانت لهم مميزات تميزهم حتى على العراقيبن ولكن الحق يقال كان ابو وليد من اطيب الناس كان يساعد الفقراء والمحتاجين وكل يوم يعمل وجبات غداء كامله ويوزعوها للفقراء والمحتاجين اضافه لذبح الاغنام والابقار وتوزيعها في ميزان حسناته يارب لكن لم نعرف بعدها اين ذهبو لاننا انتقلنا من بيتنا في المنصور خلف مطعم الساعه قبل السقوط بفتره لكنني اذكر جيدا كم هوانسان محترم ووقور ويحب مساعدة الناس جميعا بدون استثناء عذرا للاطاله لكنني اردت ان اصحح المعلومات تحياتي
هو الدكتور الأجتماعي العلامة (علي الوردي ) همينة جان بسنة 1950 رايح بعثة دراسية في أمريكا وكذلك المرحوم العملاق (مؤيد البدري ) وغيرهم الخ اذن معناه أنه جان أكو عراقيين رايحين بعثات دراسية جامعية في أمريكا منذ ذلك الوقت . بعض النظر عن البعثات والزميلات الدراسية الل دول أوربا ومنها جامعات أكاديمية بريطانيا المتعددة (وورة ما يرجعون للعراق ) اللي عدهم أمكانات مالية وأفكار رالعة (وخصوصا في مناطق راقية ستراتيجية وممتازة وموقعها في وسط العاصمة ) راح يبادر الئ فتح مثل هذه المطاعم الطاكة .(الدرجة الممتازة والأولئ )......
الساعة في منطقتي وبالفعل كان شريك رسمي في ذكريات الصبا. ولكنه ليس اول من قدم البرغر على ما أظن ان مطعم ابو يونان في عرصات الهندية هو من قدم ساندويتشات البرغر ثم تلاه مطعم نبيل (صاحب منتجات نبيل) وكان موقعه بجانب أثاث گوديا في شارع المنصور
جان اتذكر حصار وهالمطعم الوحيد النظيف بينهم جنت طفله كلشششش ضعيفة ومن صغيرة اني نازكه وما احب الزفر فجنت مستعده اكل اي شي مال مطاعم او حتى من جانو يجيبون مارتديلا من يسافرون الاقارب خارج العراق اكل الاشياء الغريبة واللذيذة فقط تمن ومركات وتشاريب ما اكل ...اتصور لو العراق بي خير وموفر الرفاهيه كان عالاقل اصبح غدايه وعشايه كله من الساعه😆 بس جنا نتمنى نشتري منه الفقر مو عيب بس وضعية البلد الي يملك ثاني اكبر احتياطي مخلين شعبهم ميت جوع ويتحسر ع لفة شاورما .... الحمدلله على كل حال راحت ذيج الايام.. طبعا جان اكو خطأ جدا فادح ان المطعم المكان لي بي الطبخ صاير وره الكعدات وبالمدخل بحيث لي يكعد ياكل عنده ينملي ريحة طبخ ويطلع وكان حتى اول متفاحون الباب تكب الريحه 😅 اتذكر بنت خالتي مره جايبين للبيت علبة الحمص بطحينه وكاعده تاكل كدامي ومنطتني ولا كلتلي جربي جنت رح اموت واكل منه🤧🤧🤧🤧 علمود هيج ما احب العراق واني متبريه منه لان معشت بي طفولة حلوة ومن كبرت مليانه صرت عقد وخجل اجتماعي وكأبه هذا بس حبيت اشارككم قصة بسيطة واغلب العراقيين مثلي اذا مو اكثر
@خارج من الرماد اي طبعا الارض شلها علاقه ... الصوج بحكام العراق اولا والشعب احسه هم دماغه ثخين يجون هسه يحكموه وهما كل حياتهم كضوها ببريطانيا لكن كل واحد دماغه خرابه لا قيم لا دين لا عادات مجرد حرامي جاي ياخذ شكد ميكدر ويطلع وتونسو على سالفة البرلمان علمود كل واحد عنده فترة مؤقته للغف والفلته دون عوده ..نجي عالشعب تحجي وياهم ماكو علم ماكو فهم مع احترامي الاغلبيه مفترسين يكبون بوجه الواحد ميقبلون نقد يتخيلون نفسهم اعلم العلماء واحكم الحكماء وهما املاء ميجيدون يكتبون كله( لاكن ...وشكرن) ..استحي منهم صرت
بعيدا عن قصة المطعم والظروف الي صارت له حابة اقول معلومة من معلومات علم الطاقة وأثر بعض الرمزيات الي نضعها ببيوتنا : رمز الساعة دائما ينتهي بنهاية الشيء وعدم استمراره احذر انك تهدي احد ساعة لأن العلاقة رح تنتهي
من سمعت تم هدم مطعم الساعه حيل انقهرت اكثر اهل بغداد جانت عدهم بي ذكريات حلوه واني واحد منهم وجان يعتبر معلم من معالم بغداد الحبيبه … اخر مره اكلت بي قبل ما اسافر 2004 لان جنت اعرف بعد ما ارجع للعراق جان عنده الكنتاكي طعمه خرافي وجان يسوي اطيب كابتشينو ونكهته مميزه ماكو الها مثيل
استاذ ساري عليك الله اتناول هذا الموضوع بوحده من حلقاتك لان هاي ذكرياتنه😢 ١ قناة الشرقية قامت بأنتاج سلسلة من الاعمال منذ تاسيسها وهي( المواطن جي و بغداد ساعة صفر والحواسم وثمنطعش وغيرها الكثير ) ولم تقم القناة باعادة عرضها وتم اخفائها الى الابد ولاتوجد على اليوتيوب سوى حلقات قليلة او مقاطع قليلة . ٢ هناك مسلسلات مثل( الملاذ امن وايام التحدي والايام العصيبة وارجوحة النار والجرح و وينك ياجسر ) اعمال انفقدت بعد ٢٠٠٣ . ٣ اني ماافقد الامل لازم يجي يوم ونشوف كل هاي الاعمال الذكرتها لان اكو اعمال فقدنه الامل منها وبعدين طلعت موجودة مثل مناوي باشا الجزء الثالث انعرض ٢٠٠٦ وماشفناه بعدها الى قبل سنة السومرية عادت عرضه وانرفع على اليوتيوب ومسلسل رجال الظل كثرت الاشاعات ان المسلسل لاتوجد له نسخة وبعدين قبل سنتين انعرض على اليوتيوب وحاليا دجلة زمان عرضته واكو نسخ من رجال الظل عد تلفزيون الجزائر وتلفزيون ليبيا وشركة العنود الاردنية . ٤ يقال ان بعض المسلسلات التي نعتقد انها مفقودة هي بالحقيقة موجودة اما عد مخرجين او منتجين او ممثلين او اشخاص وشركات كذلك تلفزيون الكويت يمتلك جزء من ارشيف الدراما العراقي . ٥ مسلسل الايام العصيبة موجود عد قناة البغدادية انعرض ٢٠٠٥ وعد قنوات سلطنة عمان والكويت وو مسلسل الملاذ امن يقال ان العمل لاتتوفر اي نسخة منه نهائيا حتى لدى المخرج😭😭😭 واسف على الاطالة
ارجوحة النار كانت ايناس طالب بأول ظهور الها وانعام الربيعي وبهجت الجبوري - الجرح هدى هادي و المرحوم عبد الخالق المختار و هند كامل __ اضافة اكو تمثيليات مفقودة مثل تمثيلية الحمام حياة حيدر و ستار خضير وتمثيلية بلابل هم مفقودة يوسف العاني و عواطف نعيم و ازادوهي صاموئيل للاسف هوايه اعمال عراقيه حلوه انفقدت من الارشيف
فيما يخص .. الهمبركر .. أول الناس الذين أدخلوا هذه الأكلة الى العراق منذ الستينات هم عائلة المرحوم .عوييش يونان ..بأسم همبركر أبو يونان . وفروعه حاليا مكانه جسر السنك والثاني قرب ساحة كهرمانة والثالث قرب ساحة النصر والرابع مقايل عمارات زيونة
@@mkwrmkfkfmkfmk5677 الله يعافيك شكراً جزيلاً لحضرتك 🙏 فعلا لوحة الكتابة غدارة تضيف كلمات وتعدل عليها من يمها.. صح المطاعم مكثرها هسه بس مو نفس طعم قبل... فرحت كلش من قريت تعليق حضرتك انو فروع ابو يونان مفتوحه حاليا.. وبما اني مشتاقة جدا لبغداد صارلي ١٨ سنة مشايفتها ومقرره ازورها السنة الجايه ومن قريت تعليقك كبل خليت مطاعم ابو يونان هدف من اهداف السفرة... بس طلع ماكو 😅 الله كريم ان شاء الله يرجعلنا هالبلد الحلو وتنفتح مطاعم بقوة ابو اليونان والساعة وغيرها...
اني اشتغل مهندس في مدينه تورونتو بكندا وبوسط الداون تاون باقوى منطقه....رغم انو شركتنا اشترت البنايه وهدتها ودنبني بنايه جديده عملاقه ...لكن البلديه فرضت علينا اني نبقي الواجهات الارضيه للبنايه القديمه ودتكلفنا ملايين الدولارات لابقاءها وارجاع الطابوق القديم نفسه الها واسنادها بهياكل عملاقه حتى نكدر نبني البنايه....كنت اتمنى بلديه بغداد تعتبر مطعم الساعه معلم من معالم بغداد وتشترط على المشتري ان يبقي جزء كبير من الواجهه وللمرمر الابيض مالتها ويمكن اللوكو ...ال S
سوال لو تكرمت.. للعمل مهندس في كندا هل يحتاج الواحد الى لايسنس ويكون مهندس معتمد ومسجل ومرخص ام يمكن العمل استنادا للتخرج من اي كلية هندسة مثل الموصل القاهرة الخ؟
اي والله ايام زمان جانت الكليه مالتي قريبه كليه المأمون ودائما انروح نأكل ...بس الي اعرفه كان مديرها واحد مصري خطفوه وقتلوا ابنه والي قتله صديقه فترك المطعم وسافر بعدها بدا يتدهور هاي ب٢٠٠٠
الله عليك يا ساري رجعتنا الى ذكريات الزمن الجميل فعلا كان اجمل مطعم و الاكل بي لذيذ و الموقع كان اجمل مكان كنت اذهب مع اخواني و اخواني و نقضي اجمل وقت شكرا لك يا ساري على اختيارك لقصص تعيد لنا اجمل الذكريات
ساري ياريت اسوي حلقة عن المغدور وسيم نجل الفنان الراحل رياض احمد الله يرحمهم ويسكنهم فسيح جناته وتبين ليش انقتل لان دورت كثير بالكوكل ملكيت اي معلومة ولك جزيل الشكر والتقدير على مجهودك
سلام عليكم كلمة الشاورمه هي تعني عندنا في العراق كص واكلة الكص بالستينات كان مطعم الاخلاص في شارع المتنبي ومطعم تاجران يعمل الكص والكباب مومطعم الساعة هو الي دخل الشاورمه هي اكله قديمه بالعراق