شهريتي نعطيها للصايغ ❌️الحدايد للشدايد✅️والدهب يتلف المدهب ⁉️وينتة نشري الدهب 

بنات المغرب العربي ليش تقولو الحدايد للشدايد هذا القول مش صحيح لانه يجلب الشدة والفقر احنا في العراق نقول الذهب زينة وخزينة والله والله عن تجربة الذهب يزيد ماينقص

عجبتني النصيحة لي مديتيها للاخت ....انا عن نفسي ذهب ندير فقط الامور تاع كل يوم اما الحاجات لي نلبسهم فال ما نديرهمش لاني اصلا مانروحش للاعراس ....من رايي الانسان يعيش حياته و يستمتع ياكل يشرب ويحوس..استمتعو بالصحة و عيشو كل يوم بيومه ..اما الغد امره عند الله وحتا لو قدرلك مشكل او محنة راح يبعثلك رزق و ينصرك ...وتمنياتي بالتوفيق والصحة للجميع

بصراحه انا نحب الذهب ربي يرزقني ويرزق الجميع ولكن كلامك اختي مقنع الوسطيه مكانش كيفها نهار نشري حاجه ونهار آخر نفرح عمري.

ربي يبارك في رزقك حبيبتي. بالنسبة للذهب فعلا خزينة .و عن تجربة كان عندي ماشاء الله و نهار حبيت نشري سكن بعت ذهبي وزدت بعت شريت سيارة. و بعد مدة بقيت بلا ذهب و اصبحت نشري في المعان و اشياء ما عندها حتى قيمة.و في يوم صرالي مشكل كبير و مالقيت منين نسلف و ماعندي ذهب ادركت ان الذهب عنده قيمة كبيرة جدا في حياتنا ، و افضل نشري الذهب و نخبيه خير ما بذر دراهمي في الصحون و البرستيج تاع اشياء لا قيمة لها في وقت الشدة . ننصح كل من تمر على تعليقي خبي دراهمك وحافظي عليهم تلقايهم. كي تكبري .و شكرا

الذهب قيمتو فيه وكيتزايد ثمنو يوم بعد يوم. عكس العملة (الدراهم) قيمتها في تراجع بسبب التضخم..شريو الدهب بلا ما ترددوا وما تخبيش فلوسك في البنك

انا بنسبة ليا الدهب من الكمليات انا نبغي ناكل مليح ونلبس مليح ونحط فراش مليح ونعيش خير من نقص من المصروف وناكل لعجين ونشري دهب يلبسه الكوفر نموت ونخليه للورات يدوه بارد

كما يقول زمان ذهبي هما اولادي في تربيتهم وصلاحهم

بكري صح كنت نحب الذهب لكن ضرك عندي الذهب ومانلبسوش غير مرة في الزمان راني مخبياتو للزمان بالاك روح بيه للحج ولاللعمرة انشاء الله

انا تاني معنديش ديك الفكرة تاع نشري غي نبغي نعيش حياتي ناكل غاية نعيش غاية نحوس غاية دي دنيا معرفناهاش لا رانا نعيشوها ڨاع و مجاياش نكنز الذهب و نخلي روحي مستخصا في كلش

شكرا الفكرة وصلت و لكن اذا حبيتي قولينا كيفاش شريتي ذهبك و شرحيلنا الغرامات مع الأسعار من فضلك و نقولك ما شاء الله تبارك الرحمن.

حقيقة 100% الحدايد للشدايد نصيبوه وقت الشدة الوقت صعيب بارك الله فيك اختي♥️

انا معك و ضدك ، عن تجربة عشتها مع الذهب توظفت لسنوات قبل زواجي و لميت صندوق ذهب حتى ان لما انخطبت لم اشرط الا القليل القليل سلسلة رقيقة و قومات رقيقة فقط و بعدعام زواج من أجل الشقة بعت كل شيء لم يتبق لي الا خاتم الزواج و لم اندم لأنني كسبت منزل باسمي ، لكن بعدها التهيت بتعميره و الديكورات لم اشتري ذهب من جديد ، من 2006 - 2024 لم اشتري الا سلسلة و زوج مسايس، لم استطيع و كنت موظفة و افتكرت انه سيأتي يوم و اعوض بعض الذهب الغالي مثل الذي كان عندي ميزان ثقيل ، للأسف كل مرة اجمع فيها مبلغ محترم يخرجلي طاريء أنفقهم فيه، لذا لا انصح البنات او نساء ببيع ذهبهن كله و إنما الاحتفاظ بما هو ثقيل الوزن و مستحيل شراءه ثانية

صدقوني يالبنات والله لاذهبي كامل نسرق وحزنت عليه بزاف بعد سنوات فقدت لامل مناقش ومنساعهمش ربي عوضني وعاودت درت اكثر ملي كان عندي بصح بالجهد ولارادة وحسن التسيير واكيد زوجي عاوني ربي يخليه ليا تاج راسي نهار ربي رزقو عوضني وجازاني

هاد المرا الي قالت شهريتي كلها تروح عند الصايغ بالاك راهي كي حالتي، فالآونة الاخيرة وليت للخدمة بعد ما حبست لخمس سنوات و بما انو زوجي هو الي يصرف على الدار و يزيد يمدلي مبلغ من المال نضيفو لشهريتي و نشري حاجة عند الصايغ، يعني مارانيش حارمة روحي من الحياة، الحمد الله عايشة كيما يلزم.

أنا نبغي ذهب لكن يومي يعني متمنية ندير ذهب لي نلبسه كل يوم أما لي يندس كيما حزامة و كرافاش بولحية نفضل نتصدق بيهم أو نزيدهم فالدار و كماليات كيما لاف فيسال أو روبويات يسهلو الشغل الله يرزقني و اياكم سكنة و لوطو و ذهب ههههه قولو امين لعلها ساعة استجابة

شكراً جزيلاً حبيبتي علي نصائح ديالك ربي يجعلها في ميزان حسناتك ويحفضلك ولادك ويفرحك بيهم ربي يرزقك ويزيدك من نعيموا ويكتر عليك لخير نموت عليك يازين

صح عندك الحق انا دهبي مخبي منلبسوش خلاص ودرك عاد البلاكيور احسن متخافيش عليه وتكرهي منو تبدليه

دراهم مع مرور الوقت القيمة تاعهم تنقص والذهب راهي تستثمر فيه اكبر الدول والوقت اللي راه جاي القيمة النقدية تنقص ودخلي وشوفي المستثمرين بشرط تصبري من 3 سنوات وطلع تربحي فيه بزاف غير الواحد يعرف كي يتصرف في المزانية تاعه وربي يرزق الجميع

صح مكاش كما الصحة دا الوقت قليل لراهم يلمو رنا حاصلين غي فكروشنا هههه كلشي راه غالي ربي يجيب الخير وان شاء الله ربي يرزقنا من بابه الواسع🤲لايك

مشاء الله حبيبة ربي يزيدك من خيرة اختي

يعطيك الصحة هدرتك كلها صح

مساء الخير انا ذهب تاعي كل مانكون في الضيق انبيع ذهبي خاصة في قراية بناتي حمد الله ياربي

انا ذهبي بعته وشريت ارض وحمدلله على كل حال ذهبي هو وليداتي ربي يحفضهملي🤲

يعطيك الصحة على الموضوع

واش نقولك يا اختي الذهب اللي كان عندي 3 أضعاف الذهب انتاعك وبعتو كامل باش بنيت وزوجي باع الطنوبيل تاعو تاني على البنيان وخسرت دراهم كبار على جال الدار وفي الأخير شيخي بغا يخرجنا منها من هذا المنبر ننصح كل وحدة متبيعش ذهبها تخليه العاقبة نتاعها مديروش لمان في حتى وآحد وربي يفرج عليا وعليكم

اهلا حبيبتي والله كلامك حكم حكم عندك الحق في كلمة قولتبها

سلام صديقتي كلامك موزون و رزين شكرا، بنسبة لذهب لي داره داره بكري دوكا بنسبة ليا طفرت مسؤولية كبيرة و واسعة وشهرية مدير والو . ولازم ديري ميزانية تخبيها وديري تاويل بإذن الله كيما قلتي بالوسط إذا أماكن.

يعطيك الصحة على الكلام الزين واللي فيه بزاف عبرة وربي يوفقك وينجحك ان شاء الله 👍👍👍👍👍

لالا هذا ماشي راي الوحد يشري الذهب على الشبعة ويشريه يخبي فيه الدراهم الزايدة ماشي ديرو هو الاساس الواحد ايدير السكنة والطوموبيل امبعد يجي الذهب ماشي تتشهاي شحال من حاجة ودراهمك عند الذهاب الوحدة فقط تخبي الذهب فقط خوفا من غدر الزمان أما هو حاجة زايدة

اللهم صلِّ وسلم وبارك عليه

انا مع شراء الذهب و نبيعو على جال قراية ولادي ولا زواجتهم

اللهم صل و سلم و بارك على نبينا محمد ♥♥♥

عندك الحق كلامك في الصواب يعطيك الصحة يا المرى الفحلة 👍🏻👍🏻👏👏💪💪🌺🌺🌺💞

لماذا تغسليه أنا ذهبي عندو 22سنة مزال يبرق على حالو

بعت ذهبي ودرت سكنة من نهار الي سكنت وانا مريضة حتى راجلي استشفى فيا ونصحوني زميلاتي قالولي اقعدي كاريا واشري طومبيل وندمت الي ما خذيتش رايهم فعلا مرضت نجري كي الكلبة اعزكم الله من طبيب لطبيب ردو بالكم .

سلام اختي ام ياسر كيراكي الله يباركلك ويرزق كل محروم ويرزقنا جميييعا

انا بالنسبة ليا ندير الذهب الخفيف الي نديره يوميا احسن من ديك حزامة و كرافاش بولحية الي تبقى سنوات و هي مخبية يعني واش الفايدة من ذهب نديرو و هو مدسوس برك نحب نشريه باه نديرو باه نتمتع بيه اما هذوك ثقال الله لا يحوجني نشريهم ان ساء الله ندسهم دراهم و لا نسري كرافاش 70 مليون و من بعد ينسرق و نبقى خايفة عليه و نخرج من الدار و انا قلبي عندو عجبني بزاف رايك الله يبارك

اختي الذهب في هاد الوقت استثمار الذهب يطلع ودراهم يطيحو قادرة بالذهب تشري اللوطو والسكنة وربي يرزق كل وحدة تشري القرام بمليون عامين تلاتة تربحي 2ملاين

هههه بقيت نتسنى ربع ساعة نتفرج على الذهب وفي الاخر خرجت بلا فراجة بصحتك واخة ماشفتوش

عندك.الحق.يعطيك.الصحة

و الله اختي بعت كامل على البنيان لكن كبعتو مجبليش كيما شريتو احلفت منزيدش نشريه لانو غلا بزاف ذرك الذهب كامل لمن استطاع اليه سبيلا انا حلفت معادش نديرو

احلا بصمة رءي معك الاولاويات هيا الدار و بعد طنوبيل او بعد عمري دارك بي قاش او ستمتعي في حياتك او بعد دري ذهب

محزمة مليحة حنا فالشرق المحزمة هي الرسمي لضرك نديروها حسب دراهم كاين لي تشبكها او كاين لي سلسلها برك و كاين لي ديرها فبي خيط عريض كحل و لي ماعندهاش خلاص اللّه غالب دير بلاكيور

شكرا على الكلام الزين شوفي راي عليا انا راني نبيع في ذهبي على المء و الضو والكرش الزوج مريض بدون عمل بقالي مناقش راني بديت نتهدد عليهم مع العلم كنت دايرتهم كفن في و ذني نبعهم وريح

واش متيقنة بان هاد الحلي ديالك دهب .. باينين جودة ضعيفة أو مخلط او بلاكيور. او ماشي دهب حر..صياغة رديئىة . سمحي ليا على رأي ديالي

انا من عشاق الدهب الدهب زينة وخزينة

صح حبيبتي لحدايد لشدايد .في الوقت هاذا صعيب باش ديري ذهب.حنا درناه بكري ضرك باناتنا صعيب باش ندرولهم كيما حنا .ربي يعطينا الصحة ولهنى

هدرتي على كلشي و نسيتي باش تورينا الذهب و تقولينا الأسعار ههههه

الذهب مليح والله تلقايه بصح يا اختي باش نحرم روحي من كلش و نحطهم عند الصايغي هاذي بزاف بصح الوحدة اذا شافت روحها تفسد دراهما بزاف و ما تقدرش تصبر عليهم انا ننصح نفسي و ننصح كل وحدة تخبيهم في الذهب خير تخسري 500 الف كي تبيعيه خير من تخسري الملايين في الماعن و اللبسة و المكياج و اللروايح

المشكل لوكان نڨلع الهوس من لماعن يوليلي هوس في الذهب 🤷

عندك الحق اختي انا بعته شويا وسريع طونوبيل و راني هانيا مع الغربة الحمد الله

اقعدو تورو في ذهبكم وكي يسرقوكم قولو علاه استري ما ستر الله

علاه. الضعف الايمان. الويزة. كل مرة وحدة. وربى يرزق.

اختي انا داخلة عروسة درت سلسلة خشينة و زوج رقاق بزاف و درت ربع خواتم و زوج مناقش تع كل يوم خشان شوية اعطيني رايك إذا نزيد ولا صاي بركات

الله يعطيك الصحة ختي

وكاين عندها هوس نتاع ذهب

بعت محزمتي على جال الدار ادعيولي نرجعها

ربي يعطيك ماتتمناي

ذهب تاني غدوه تشريه سكنة ولا لولو ذهب مليح خير من دراهم

عندك الحق ختي 👍

والله انا دهبي بعتو علاجال السكنة يجعل ربي يعوضني سوسو الجزائر

حنا الشرق الذهب من الضروريات

انا والله عندي زوج خواتم باغي نبيع خاتم ونشري مشينة لافي ستاراسيو لتنحل من تحت خايفة نندم

ألذهب مليح كيطول أكيد رايحة تربحي فيه

بالتوفيق لكم يارب🌿💫

سلام عليكم أخت وحبيبتي لحلوى كيراكي الله يرزق كل مؤمينات معنديش ذهب بصح كنشوف روح راني بصحت نحس روحي غنية لحلوى الله يعطيك صح والعافية على هد نصائح المفيد ولكلام الموزون 👍 مليار

شحال عندك اطفال

أحنا نساء نحبو الذهب و الكذب ههه

نصيحة لاخواتي في الله الذهب يضيع المذهب

Merci beaucoup pour le partage

ذهب عقوبة حق ربي يعمرك ذهب

اصلا الذهب تبيعيه بالخساره ذهب تاعك غير الرق حاجه مشي عليها القيمه

ام ياسر كلامك ذهب راني معاك فكل كلمة قلتيها برك انتبهت لحاجة مهمة بزاف بزاف القضية مهيش الذهب القضية راهي كبيرة وخطيرة فالمجتمع الجزائري وهي كي تخدم لمراة تروح النية بينها وبين راجلها والله عن تجربة لوكان متكونش النية الصافية بين الطرفين عمرهم مينجحو ولا يتقدمو خطوة للامام في كلش...حبت تخبي الدراهم ولا الذهب كيف كيف.....

ذهب تعاوني بيه وليدك في بروحي ولا تقري بيه ولادك

أختي رأيك صحيح الله يبارك أنا شخصيا مستحيل نخبي دراهمي عند الصياغ يستثمربيهم وإذاكان لي ظروف مستعجلة تحتم عليا نروح نطلب دراهمي من عند الصائغي أنا نفضل دراهمي نخبيهم عندي ولما نحتاجهم نلقاهم نشري واش نحب

بالارادة تقدري ديري ذهب الوحدة تتوكل على ربي وتنوي ونشالله مكش الي متقدرش دير لان الذهب كاين لخفيف الرخيس والكبير الغالي كاين جميع لي شوا

انا كلشي بعتو وبنيت بيه

و الله يا اختي كلامك زين، بصح لمعلوماتك نسا تاع زمان باش دارو المحزمة تان سوفراو. كانو ينقصو من مصروف الخبز و الحليب باه داروها، احنا كي كبرنا لقيناها واجدة بانتلنا ساهلة. زيد بكري كانو يشرو 21 كارة و لويز المطبع ماشي تاع ذرك مهوش لويز

جام واش راكي

تهدري بزاف

يا حبيبتي خليتيني في موقف تساءل ومعنديش هوس للذهب ولا الاواني نحب نلبس لكن كي نتخص نشري حاجة سامبا ل وانطول صح ما كانش يمدلي ماكنتش ندي دورك بناتي مبارات نقول غير لبناني لكن مالقيت روحي كي يكونوا صغار زي خلاف درك نحب نحوس ماش معناها نبذر هل انا عادية حتي السكن حبيبتي تكلح ولصقنا مع البنك قليل لي يقدر يدير الزائدة درك والله الصحة عندي هي الاهم ماني حابة حتي حاجة غير نكبر بناتي 😢😢

😋😋😋😁😁

انا مشتركة جديد وام ياسر كيما نتي