الحريرة لازم تحطي فيها القرعة عندها ذوق رائع والفرينة كي تحليها حطي فيها ملعقة خل ابيض ولازم اجوزيها في صفاية فوق المرقة و هي سخونة هذي نصائح ثمينة و سر الحريرة
انت يا ام وليد حليتي مشكل الطبخ و استرتي علي بناتنا ربي يسترك فالدنيا او في الاخرة درتي واش ما درناش احنا الاماهات يا بناتي الزواج طبخ ماشي جهاز او تصديرة ام وليد دارتلكم الجهاز تاع الصح بارك الله فيها
Douniazed 63 سمحيلي نخالفك الرأي الزواج ماشي طبخ ، الماكله مهمه لمن ليست الاهم ، و كل رجل يختلف واش يحب في مرته كاين اللي يحب الدار نقيه كاين اللي يحب الماكله كاين اللي يحبها هي متهليه في روحها و الماكله ماشي حاجه كبيره عادي يقدر يشريها من برا بصح مايقدرش يجيب وحده من برا تولي مرتو ، للاسف كبرنا على هاد المفهوم الخاطىء ، شكرا
اتخيل انني الشامية الوحيدة التي تتابعك لأن الدمشقيات لابفهمن اللهجة الجزائرية لصعوبتها..واحاول ان اقرأ تعليق الاخوات المغربيات والجزائريات فأرى نفسي كالاطرش في الزفة..لكنني والغريب في الأمر أني احب ان اتابعك...شيئا فيك كالسحر ياست ام وليد..من الله سبحانه وتعالى يجذبنا اليك..علما ان القنوات تعج بالكثيرين والكثيرات الا انك الافضل عندي او كما يقولون بالانكليزية you are the best.
ملاحظة طماطم مصبرة كي تفتحوها نزعوها معلبة الحديد لانها دير تفاعلات بعد ماتفتح وفنفس الوقت متقدوش تغلقوها و يدخلها لهوا و تيبس ....ديروها فعلبة مايوناز و زيدو شوية زيت هاكا تحافظو على النوعية تاعها
يعطيك الصحة ام وليد والله درتها لمره لي فاتت هبلو عليها جات بزاااف بنينة راجلي عجباتو وليوم عيطلي قالي سخفت على هذيك لحريرة ادا طيبيهالي ليوم ودوك راني معاها ربي يحفظك او والله غير ماكنت نعرف نطيب تزوجت فصيف هدا وزيد صغيرة لقيت روحي بين لقراية وطياب كنت مقلقة مجيهة الكوزينه. ونتي فرجتي عليا ربي يفرج عليك
طرف لحم غنمي و القصبر و الجرافس و 2 حبات طماطم و حبة بصل و 3 فصوص ثوم و 2 حبات جزر و حبة بطاطا . نضع القدرة فوق النار تسخن و ندير شويا زيت و شويا مارغرين و مورصو لحم و نقطع حبة بصل و بطاطا و زرودية و فصوص الثوم و طماطم و الحشيش و نخليهم يتقلاو مليح و التوابل نصف مغرف زنجبيل و فلفل اسود و قرفة و فلفل أحمر و راس الحانوت و كركم و كروية و الملح مغرف كبيرة و مغرف ك و نصف طماطم مصبرة و نخلط و نخليها على نار قليلة حتى تتقلى مليح و كي تتقلى نمرقها بماء ساخن و نغطيها و نخليها حتى يطيب اللحم و نطحنها و في طبسي نضيف مغرف ك فرينة و شويا فلفل كحل و شويا كروية و شويا زنجبيل و نخلطهم و نزيد الماء غير بلعقل و نضيفها الا الحريرة مباشرة و نفرغ بلعقل و نخلط منحبسش
أنا صراتلي مع شربة كانت عندي 11 سنة خدمت لمرقة غاية كي جيت باش نزيد شربة ماعرفتش شحال سقسيت خويا قالي ديرير نص باطا جات تحسب سباغبتي والله كلاوها ههه كنت غي أنا وخاوتي وماما وبابا ماكنش نضت نخلط
يعطيك الصحة.انا من سيدي بلعباس نقولك الحريرة كي تطيب:_تقطعي 2او3 بصلا ملاح تزيدي تاني طماطم 2 حبات كبار تقليهم مع الزيت و اللحم او دجاج ثم نضيف ملح ،حرور،عود قرفة و شوية زنجبيل و زعفران او كركم و نقلوهم شوية ثم نقطع 2 جزر و 1 بطاطا مضيفهم و حفنة حمص و تلقليل من العدس و من الافضل العدس الاحمر و نضيف قضبة قسبر و شوية كرافس و مغرف كبيرة طماطم مصبرة و نمرقوا مليح القدرة اي نضيف كمية كبيرة من الماء و نتركها على النار حتي تنضج. ثم كي تطيب ننزعو قصبر و اللحم و عود تلقرفة و نطحنوها بميكسار تو طحانة تقليدية .ثك نضعها على النار مرمي غيها شوية نشيشة لي هي الزرع المطحون ،كروية،راس الحانوت.زريعة البسباس و حبة الحلاوة مطحونين حوالي كل توابل ملقة صغيرة و نخلوها طيب حوالي 8 دقاءق ثم نضيف الفريمو مخلطة بالماء و نحرطوا و نتركهافوق النار 5 دقاءق اخرى .و كي نطغي النار نرمي في القدر قصبر مقطع صغير حتى يطلق البنة .نصيحة من الافضل خلط الفرينة مع الماء و قطرة من الخل و تركها في اناء مغطى يوم قبل تلاستعكال و شكرا .
اليوم وقوف عرفة 19juillet 2021.رانا صايمين. تواحشت ماكلة ام وليد.انا بالنسبة لي انت الافضل من بين كل الطباخين.المليح فيك البساطة و السهولة و بدون تكاليف.ربي يكملك
حبيبتي ام وليد انا مالغرب اشري الكيري تاع الحريرة تجي بنينة بزاف و ديري فيها السانوج مطحون تجي حلوة الله الله و بنينة ملاحظة :تاني علابالي كل واحد و طريقتو انا الفرينة نحلها بالمرقة تاع الحريرة في پلاصة الما تجي خير
باين هايلة لكن الاهل مستحيل يتقبلو حريرة بلا تشيشة و بالنسبة للتوابل احنا في صحرا نستعملو توابل كثيرة باه نقولو عليها حريرة اما بالنسبة لراس الحانوت نخلوه حتا نطحنو خضرة نديرو راس الحانوت مع قصبر و ثوم و ماجيك و طماطم مصبرة و اكليل الجبل يعطيه بنة هايلة و من بعد نخليوها طيب و نرمو قرطوفة و في الاخير كي تقرب طيب نرمو كروية و زريعة البسباس و تحياتي
الله يعطيك الصحة ام وليد راني درتها و جاتني شابة بزاف حتى راجلي عجباته قالي جامي درتي حريرة شابة حتى هذي الهجرة راكي حمرتيلي وجهي الله يجازيك و نطلب من لبنات ديرولها والله متندمو
اول مرة راح نحضر لحريرة وأكيد منيش راح نلقى أحسن من ام وليد لاني جربت كل وصفاتها ما شاء الله عليهم بنة على بنة نتمنى نتوفق في تحضيرها اخواتي صح فطوركم وربي يفرحكم
السلام البنات غادي نعطيكم وصفة الحريرة الخاصة بالغرب الجزائري هي وصفة أفضل طباخة في مدينة مغنية اسمها ميلودة البنات ليمعانا من مغنية يعرفونها والله و الله و الله ماكانش لي مهبلش على كل الماكلة نتاعها و خاصة الحريرة رجال و سقساو شكون دارتها نهار عرسي هذي طريقتها مئة بالمئة و ما عمري ما بدأتها و لي ولا يذوق الحريرة نتاعي مايصدقش المهم بدون إطالة في الكوكوت نضع لحم الخروف ضروري لحم الخروف او البقر ماشي لحوم بيضاء مادابيكوم يكون فيه العظام مع شوية زيت على حساب ربع كأس شاي و حبتان بصل شوية كبار حبتان طماطم كبار فنجان صغير عدس حبة بطاطا من متوسطة إلى كبيرة حبة قرع اخضر متوسطة اونصف حبة كبيرة حبتان جزر متوسطتان الا ممكن نصف علبة طماطم حب تباع في المحلات و ملعقة كبيرة مملوءة جيدا مركز الطماطم كاسان شاي حمص مرطب ثلاتة عيدان كرافس نصف ربطة قسبر عادي و شوية قسبر لي فيه الورد نقلعوا غي الورد نتاعه و نرميوه في الكوكوت اما العيدان الا حبيتو تضيفوهم قبل ماتطحنوا الحريرة نحيوهم********* و نصف كأس شاي أرز( مهمممممم جدا )* فلفل اسود رأس الحانوت زنجبيل فلفل أحمر شوية كروية شوية كبابة ملح حبة كنور البقر و نضيفوا الماء حتى للفوق و خاصها طيب على نار قليلة كي يطيب الكل نتخلص من اللحم و عيدان الكرافس و عيدان القسبر نتاع الورد الا ضفتوهم و نطحن الكل جيدا بالميكسور و نصفيوها مليح غادي نجبرو بزاف بقايا الخضار و العدس هذي خطوة مهممممممممة نصفيوها جيدا هنا نضيفة الماء على حساب نصف لتر و نخليوها تغلي هنا نطحن شوية قسبر مع نصف علبة الطماطم حب اللي بقاتلنا او الا ماعندكش استعملي طماطم عادية قشريها و طحنيها مع القسبر(مهممممممممم جدا) وضيفيهم كي يغلى الكل خلطي ملعقتان كبار فرينة مملوئيين جيدا مع كاس شاي ماء نخلطوا مليح و ******نصفيوها جيدا *******و نضيفوها بشوية للحريرة و حنا نخلطو و نضيفوا اكيد شوية من كل التوابل لي درنا في الاول ( لاخاطرش زدنا الماء) المهم ماخاص الحريرة تجي تقيلة كي تضيفوالفرينة و الماء شوية بالشوية و نتوما تخلطوا كيتشوفوها عقادت و القوام نتاعها عجبكم حبسوا و وزيدو حبة كنور هنا تقدرو تزيدو تشيشة او الشربةاو تخليوها هاكا غير تغلاشوية طفيو عليها و بالهناء والعافية الا دارتوها هاكا ***و التوابل كانت طازجة ****و القسبر*** و الطماطم*** نوعيتهم جيدة و الله العظيم غادي ماتصدقوش الطعم الخيالي نتاعها قدموها مع الليمون الطازج ادعيولي معاكم
chayma channel stp khti golili mafhamtakch ? ?نصف علبة طماطم حب واش راكى تقصدى بيها؟ ؟؟يعنى نصف علبة طماطم مصبرة؟ ؟؟ علبة صغيرة ؟متوسطة؟ ؟؟ و لا الكبيرة ؟؟؟؟
انا اول مرة نطيب لحريرة انا من الشرق نديرو شربة مي ملي درت هاذي الوصفة وليت نحب لحريرة احسن من شربة وراني معتمدتها هاذي سنوات ونقلك يا ام وليد ربي يحفظك ويسعدك ويوفقك
يعطيك ام وليد ربي ابارك فيك ان شاء الله و الحريرة نتاعنا تقريبا نفسها برك حبيت نمد نصيحة كي نديرو الفرينة مع التوابل و الماء نزيدو شوية خل تقريبا مغرف صغيرة باه الفرينة تنتحل مليح و ماديرش كعابر و نزيدو نصوفوها باصفاية تاع الحليب باه تولي ليس و نعقدو بيها الحريرة
كاين ما تقدرش تشري اللحم الغنمي تبدله بالدجاج و تعمل معه جومبو دجاج لكن الثوم لا افضله في الحريرة افضله في البركوكس كل واحد و مذاقه احترم و لحب الفرينة ما تعملش كويرات اصفيها و يرميها و انا ارمي الحشيش معا
