اول مرة سييتها كنت مولات 19 سنة، وش نقولك جات تهببببببببببل، و دك رني 23 و رح نزيد نديرها ف هاد رمضان 2022، ان شالله، ربي يتقبل الصيام و القيام، ادعولي ربي يوفقني رح نسوتني هاد العام و نتخرج ♥
انا يوم وقوف عرفة ماما راحت و طولت درت شربة تع ام و ليد نغس مقادير بصح ديرتها فيرميسال و درت بوراك وقليت بطاطا و ليسكالوب و درت زوج انواع شلاظة وخدا بزرودية و وحدا نوغمال وانا في عمري 12 و ختي كامت معايا تخدم عمرها 14 انا من جزائر و شكرا ام وليد
البارح اول يوم رمضان و اول يوم نطيب ماما راهي غايبة والله كنت خايفاااا منبعد جاتني لنييييينة و كامل دوبلاو لي بول و زيد درت لوبيا سوتي ديالك يااااااي بنة ولا اروع 😍😘😘ربي يحفظك 💕
هكدا نديرو الشربه في جيجل بدات صح صح بنييييينه يعطيك الصحه. يا ام وليد يخصها فلفل حار يطلق الريحه يزيدلها البنه اكثر مبعد ماطفي عليها جربوها ومتندموش👍👍👍👍👍👍👍👍😘🌹
للأسف هذا أول رمضان بدون أمي اللهم اشفيها يارب من مرض كورورنا وعافيها .لذلك راح نتعلم طياب كل شئ لازم عليا لانو مكانش لي يستكلف بأخي ملغيري ادعولي وادعول لامي ديالي يشفيها وربي يقدرني على بعدها يارب
من فضلك أختي أم وليد ياريت تقدمينا نصائح فيما يخص أنواع التتبيلات الخاصة باللحم والدجاج بالإضافة إلى البهارات الخاصة ببعض الأطباق الجزائرية المألوفة اشهر رمضان الكريم وشكرا
ام وليد يعطيك الصحة شكرا بزاف على قاع وصفاتك او لي راهم يقولو شربة لحراير او يتباهو انا حبيت نقولهم حاجة برك مدام انتوما حراير واش دخلكم تشوفو او تحوسو كيفاه طيب الشربة او الوصفات الاخرى ياخي انتوما تعرفو 😜
@@hanane3800 وي جربتها خطرة عجبتني و عجبت راجلي خلاص مآ بقيت درت حتى وصفة أخرى ديما هادي من رمضان لي فات.. كي ندير شربة فريك ديما هادي لي نعتمد عليها 😎 بنينة و خفيفة هايلة ♥️
نموت عليك والله في عمري 19سنه متزوجه حبست قرايتي من تزوجت من 😂 على دبك نقلهم مشي ماما لي علمتني نطيب ام وليد يعطيها الصحه حتى راجلي كي نطيبلهوحاجه يقولي بنينه تاع ام وليد 😂يعطيك الف صحه وصحا عيدكم
سلام عليكم يعطيك الصحة و ألف صحة عجبتني بزاااف شحال كنت نخاااف منها ملي تزوجت عندي 4 اشهر و انا نتهرب لراجلي م الشربة لكن جربت ديالك و جات تهبل برك زدتلها باقة معطرة ( قصبر و نعناع و ورشة كرافس ) يعطيك الصحة 😍😚😙
الله يعطيك العافية ،ام وليد . تحياتي وتقديري لك من اخت مغربية في فرنسا. تحياتي لاخوننا الشعب الجزائري ومبروك عليكم لعواشر .إن شاء الله تعالى يدخل عليكم وعلى الأمة الإسلامية رمضان المبارك بالصحة والعافية.
انا مالوقت اللي تزوجت وانا نديرها هكذا تعلمتها على عجوزتي وكانت جي بنينة وكي عشت في فرنسا وليت نطيبها بهاذ الطريقة جيني سامطة خاطر خضرتهم والقصبر تعهم سامطين ماشي بنان كيما تع بلادنا
كيما قال مصطفى برك ماتشوف في المزوقة شوف شويا في المعلقة فهمتوها ولا لا شوية من غذاء الروح الكرش الكرش الكرش اخواتي لاتزعفو انا والله نحبكم تغتنمو كل الوقت صلو الضحى فهي تعادل اكثر من 100صدقة وتبعد عليكم البلاء وغضب الله عزوجل
السلام عليكم ام وليد كنت دايما حاصلة في الشربة كيما نديرها متجيش مليحة وزوجي متعجبوش لكن جربت طريقتك جات هايلة وزوجي كلا كامل البول نتاعو وزاد وقالي جات مليحة وكون تشوفيني شحال فرحت وكنت ميتة لاني اول مرة تجيني الشربة هكذا رب يفتح عليك ملي وليت نتبع وصفاتك وليت منخافش الكوزينة وليت نحس روحي امراة تاع دار لانك تبسطي كل حاجة نتخيلها صعيبة بارك الله فيك ام وليد
السلام عليكم وصفة مليحة مزجتي فيها بين شربة الخضار و شربة فريك والله فكرة مليحة للتحايل عاى اولادنا لاكل الخضر الملاحظة الوحيدة هي انو اللحم سواء غنمي او بقري منمرقوهش بالماء البارد لازم يكون سخون او دافىء فقط الدجاج ممكن نمرقوه بماء من الحنفية عادي
ربي يعطيك ماتتمناي يا اختي ام وليد كل وصفاتك ناجحة الشربة هادي البارح درتها جات هااااااايلة تبعت كامل الخطوات كيما قلتي والله حمرتيلي وجهي ربي يعطيك صحيحتك اليوم راني درت متوم على طريقتك مور الفطور نقولك النتيجة مع اني مقتنعة تماما بلي بنين من ريحتو و المنضر تاعو نتمانلك كل خير ربي يسجيلك ولادك وربي يحميك من العين مزيد من النجاح حبيبتي😙😙😙😙
شكرا حبيبتي على وصافتك الرائعة انا جربت زلابية البنان جات روعة وادا حبيتي ديريلنا زلبية الي تجي حمرة او برتقالية او تكون بدون صبغة وسلميلنا على وليدك وليد ربي يخليه لك
السلام عليكم ورحمة الله وبركاته، اللهم صل وسلم على نبينا محمد وعلى آله وصحبه أجمعين. ما شاء الله وصفة رائعة، موالفة ندير الشربة بطريقة مختلفة، لكن هاذي الوصفة تخرج بنتها وحدها، تهبل، جربوها لبنات متندموش، بارك الله فيك اختي ام وليد. 💙👍😘
Amal Osamah سلام عليكم ختنا راه لحق رمضان قلنا نجيو عندك نعاونوك شوية ونزورو بيت الله الحرام واش قلت؟ يعنداك راني نقسر معاك حبيبتي ادعيلنا إن شاء الله كامل نزورو الكعبة و ربي يغفرلنا ذنوبنا
السلام عليكم أم وليد انا من متتبعيك الأوفياء نبغيك بواف من ولاية وهران متزوجة زوج بليدي من ولاية البليدة دايما ندير في رمضان غير حريرة وهران ولكن هاد مرة جربت شوربة تاعك في هاد رمضان وخرجتلي هبال بارك الله فيك سوفيتيني لانو زوجي يحب شوربة تاعهم ♡♡♡♡
