هاذوك لي قالولك ماشي حاجة جديدة انا نقوللهم كاين بزاف بنات مايعرفوش الحلوة بالصح نديروا ثقة في ام وليد ونحبوا نتعلموا من عندها..... بارك الله فيك على المجهودات وواصلي
الله يحمرلك وجهك كما راكي محمرتلي وجهي مع ناس داري و راجلي يا ام وليد انا عروسة جديدة ونقرا تعلمت كلش منك ربي يخليك ويحفضك وانشاء الله تفرحي بولادك وربي يخليلك راجلك
أنا مفهمتش لي تجي تحكي حياتها وتقول معنديش وانا مسكينة فالاخير تقولك ديرلي ابوني باش نسڨم حالتي يا ناس الأرزاق بيد الله ماشي بابوني معندوش و فاتح قناة حاط فيها غير الهاي والتصوير واش نقولك ياو الشكوى لغير الله مذله
مايهمش الحلوة جديدة ولا قديمة ...أنا وحدة من الناس راني نتعلم من عندك وماكنتش نعرف نطيب لغريبية ...نتي قبل ما تمديلنا الجديد تعلمينا كفاش نصلحوا القديم وهذا هو الصح ...شكرا ام وليد.
نقولوا جديد حبوه والقديم لاتفرط فيه،والله فكرتينا بحلوة زمان الغريبية هايلة وبنينة،وشهادة نشهدهالك اي حاجة ورتيهالنا درتها وخرجولي كامل بنان وملاح وحتى حاجة مافزدتلي.روعة.يعطيك الصحة.Bisou.
انا لبارح درتها و عمري في حياتي ما جربتها جات روعة و ذوب فالفم و يعطيك الصحة و ان شاء الله ربي يشدلك في وليداتك مدابيكم اصحاب التعليقات متڤعدوش تشكلوا كي تجربوا وصفة ڤولوا لخوتاتكم جات بنينة باش ڤاع نجربوا وصفاتها و منخافوش و صح فطوركم و تعيدوا بالصحة
اول تعليق ليا لام وليد انتي لي خليتني ندخل الكوزينة سهلتيلي كل الأطباق لي كنت نشوفها صعيبة تستاهلي كل خير ربي يجازيك و حتى هاذ الغريبية جربتها و خرجت هايلة و صح ذوب فالفم ،ربي يوفقك
يا ام وليد اليوم راكي الله يبارك عندك 7ملاين مشترك واش تقولي للناس السلبيين اللي قالولك وصفاتك مش حاجة جديدة وجاوبتيهم في هذا الفيديو، والله استفدنا منك بزاف نجاحك كان في بساطتك نتمنالك نجاح فوق نجاح
ام وليد عندي شهر رني نشوف وصفات او درت البريوش والمعمول او ديول او بيتزا او بزاف وصفات جاوني روعة او كملي هكذا لان الناس لا يعجبها العجب او حنا مسلمين لازم نكونو نتميزو بالبساطة لان الرسول محمد عليه الصلاة والسلام كان يحب البساطة .نتبعوا واش قال الله او هذا دليل لكي لا تتبعي الذين معندهمش الرضا بالبساطة.❤❤❤👍👍👏👏👏
جزائرية حرة صدقوني انا اعتبر أم وليد امرأة تاريخية مكانتها مثل حسيبة بن لو علي ولالافاطمة نسومر وغيرهم من عظيمات الجزائر اخرجتنا من الجهل إلى النور نورتينا الله ينورك
اللهم اميييييييييييييييين يا ربي العلميين ربي ايكملها ما رها تتمنى انشاء الله والله انا ولات عندي كي ادكسيونار اي المنجد اي وصفة نحتاجها انراجع وصفات ام وليييد.روعة حاجة ما ولات اصعيبة سلاك الحاصليييين والله احنا في تلمسان انموت اعليها ونهدروا غير اعليها وعلى وصفاتها الناجحة مشاء اللهbonne continuation et merci encore mille fois.
يعطيك الصحة انا عروسة جديدة وعمري في حياتي مدرت البقلاوة اول مرة درت وصفة تاعك جاتني روعععععععععععععععععععععة راجلي دايما اقلي ديريلي بقلاوة ونديرها لانها ساهلة الله يسترك ام وليد اويعطيك ما تتمناي واصلي راكي في القمة انا كنحب وصفة نكتب ام وليد حتى لوكان نعرف ديك الوصفة والبارح درت البغرير تاعك وعطيط لعجوزتي قاتلي يعطيك الصحة عمبالي كي تقراي متعرفيش والو مشكورا
يعطيك الصحة حبيبتي و اللي قالو ماشي حاجة جديدة يروحويشوفو الجديد في مكان آخر .. و الله تعلمنا من عندك بزااف ووصفات غير مكلفة الحاجة لي تخدمي بيها تلقايها دايما موجودة في الدار انا وحدة من الناس وليت كي نشوف فيديو تاعك نحضر بعدها مباشرة لانو مايكلفنيش .. ما شاء الله عليك و طريقة الشرح كذلك ... ربي يجازيك و رانا نستناو المزيد من عندك .. حظ موفق
حبيت نقول إضافة فقط باللي هاد الناس اللي راهم يقولو ماشي جديد الغيرة هي اللي راهي تنطق فيهم لأنه وراء كل إنسان ناجح ومجبوب كاين بعض الطفيليات وكثرة النقد أكبر دليل على نجاح الرائعة والمتميزة دائما أختنا الغالية أم وليد ألف شكر لك بفضلك رانا نتعلمو كل يوم حاجا جديدة إن شاء الله كيما فتحتيها علينا ربي العالي يفتحها عليك من بابو الواسع واللي يحب أم وليد يقول معايا آمين
نضيف حاجة لكلام ردا على الاخوات انه هناك الكثير من المبتدءات لميعرفوش لا لقديم ولا جديد فشكرا للاخت ام وليد وربي يعطيك واش تتمناي انا وحدة من الناس تعلمت منك الكثير ام عبد الرحيم
