شور | ألطاف الزهراء | الملا أحمد الخليفة 

قصيدة | الطاف الزهراء
إستشهاد السيدة الزهراء عليها السلام
الملا | أحمد الخليفة
الشاعر | أبو تراب الأحسائي
مكساج و توزيع | قاسم حمادي
مونتاج | علي حسن - علي سمير
تصوير | علي الشافعي
موكب أولاد مسلم ابن عقيل - ام الحمام
-------------------------------
متوضي اِبـْحبّـﭻ و اِلـْضلعـﭻ
وجهي اِمْوجهه اِوْ رافع يمناي
يل غيرﭺ مالي اِبـْهل دنيه
عشتي اِبـْعيني يا ضي عيناي
اِلـــِﭻ ناذر اسنيني اِوْ حياتي
يــمن ذكرﭺ اِيـْطهـّر لي ذاتي
معـﭻ افني عُمري اِوْ ما احاتي
آنه اِلـْ(بالمهد) ﮔـالولي مَرّه حرز لليوم اذكره يا زهره يزهره
و آنه اللي نذر نذروني باسمـﭻ بس خليني يمـّﭻ كل عمري اخدمـﭻ
يا زهراء يا زهراء يا زهراء يا زهراء
-------------------------------
ناقش فوﮒ ضلوعي احروفـﭻ
و اَنْسَاني لاﭼن ما انساﭺ
يا أول أنفاس اِبـْريتي
و أول خطوه اِبـْدربي ويّاﭺ
انـــــه اِلـْبسمـﭻ الناس اعرفتني
و انه اِبـْحبـّﭻ امي رضـّعتني
و عله هالولايه كبـّرتني
يل كلما ألوذن لـِﭻ في شِدّه تنفك اعته عُقده يا سر الله وحده
ما اشوفـﭻ ضلع و اِمْهشمه بابه انظر لـِﭻ سحابه اِوْ لغز الله اِبـْكتابه
يا زهراء يا زهراء يا زهراء يا زهراء
-------------------------------
يا باب الله اِلـْما عُمْرَه انسد
هاﭺ اخذيني اِلـْعالم معناﭺ
يا لاهوت القدره المكنونه
يا كنز الله اِلـْما حد يدناﭺ
يظـل اِيـْسبّح اِبـْطرواﭺ ﮔـلبي
يَـهَـل لو رضيتي يرضه ربي
اِوْ لو تـَيَّهِت الـﮕـاﭺ ﮔـُربي
عطفـﭻ و اشكثر جامع شتاتي يا صومي اِوْ صلاتي بس حُبّـﭻ نجاتي
آنه اللي ولا اسوه لي قـِيـْمه بفضلـﭻ يا العظيمه داخل اغله خيمه
يا زهراء يا زهراء يا زهراء يا زهراء
-------------------------------
ما تسوه الدنيه يا الزهره
اِبـْلا لطمه اِوْ دمعه اِتـْهل اِعْليـﭻ
اِوْ لو اعمي اعيوني اعله امصابـﭻ
ما اشعر عيناي اِتـْوفـّيـﭻ
لـَــوَن ما اموت اِبـْنص عَزيّه
احـس اِمْقصّر اِوْ حـﮕـّﭻ عليّه
اِشحلو اِبـْماتمـﭻ طعم المنيّه
اِشْتسوه العيشه لو ما صدريْ اَرضّه يل قبليتي فضّه بس قبليني لحظه
بس انتي الأمل و انتي الوسيله و اذنوبي ثجيله غيرﭺ مالي حيله
يا زهراء يا زهراء يا زهراء يا زهراء
-------------------------------
آنه اللي بألطافـﭻ عايش
و اِلـْغيرﭺ ما مد يوم ايديه
بس اطلب منـّﭻ هالطلبه
بيـﭻ اكثر دلاّلي اتعلـﮕـيه
امــــل عايش انتظره و اريده
اطــب حضرتـﭻ عندي عقيده
اِبوكت المهدي يطلع و ايدي بايده
ياخذني الوكت و اِبْشوﮔـي ارجع اتنه المهدي يطلع و نور الـﮕبّه يلمع
و ارفع رايتي اِلـْفرض الزياره و احرم بالمناره مع كل الحياره