صدقتي انا شفت معاملة العاملين بالمستشفيات الحكومية كوم وماعملة مرضي السرطان حاجة تانية خالص معاملة كلها رحمة ومعاونة وتخفيف عليهم ربنا يباركلهم ويصلح الناس كلها
كلامك صحيح ومعهد الاورام فى فم الخليج برده الناس كويسه بس احنا كمرضى لازم نقدر ان الموظف ده له ظروف زينا وبيتحمل منا ومن غيرنا مواقف مرهقه جدا وبيقابل اشكال والوان ربنا معانا ومعاهم الدور والباقى على عيادات التأمين الصحى منتهى السوء وتدنى الخدمات وحاجه قرف ياريت يقدمو ربع خدمات معهد الاورام وياريت منظومه الصحه بمصر تبقى فى مستوى معهد الاورام والشكوى لله
الكلام اللي اتقال أن تامر ضرب فرد الأمن بالقلم فالراجل رد له القلم وده رد فعل طبيعي اي حد مشهور شويه بقي بيدوس على الناس عموما ربنا يرحمه ويفك كرب فرد الأمن يا رب
والله يا لوزة أنا قلتها قبلك، معاهد الأورام عموما العاملين فيها في منتهى الأدب، وغلابة جدا!! لأنهم عارفين مدى معاناة المرضى ومرافقيهم وصعوبة مرضهم فمش هيبقوا هما والمرض عليهم!! كلهم بيقولوا يعني هو احنا ضمننا صحتنا، ماهي الناس دي كانت كويسة وزي الفل وفجأة ربنا ابتلاهم والدنيا اتقلبت على دماغهم الله يكون في عونهم ويشفيهم ويجعل صبرهم في ميزان حسناتهم!! هو اللي حصل ببساطة ان الفنان الله يرحمه كانت زوجته تعبانة، مدخلها علشان تكشف، عاوز يتجاوز دوره، العامل بيقوله مينفعش فيه ناس جاية قبلك ولازم كل واحد يدخل في دوره!! الفنان الله يرحمه قاله دي تعبانة مش هتقدر تستنى، هو صعبانة عليه زوجته ومنفعل، عادي بتحصل!! العامل قاله ماهو كل دول تعبانين برضه، يعني هما جايين يتفسحوا، التزم بدورك لو سمحت!! حصلت بينهم مشادة بتحصل عشرات المرات كل يوم!! لكن الفنان الله يرحمه هو نفسه كان مريض قلب، وكان عامل قلب مفتوح من فترة قريبة ومفروض كان هيعمل عملية تانية كمان، الإنفعال كان خطر عليه قلبه متحملش، حاولوا إسعافه لكن أمر الله نفذ، وأجله كان انتهى في اللحظة دي!! تعددت الأسباب والموت واحد!! كل واحد مكتوبله هيموت إمتى وفين وازاي، قدره كده!! الله يرحمه ويصبر زوجته ويشفيها ويعافيها ويشفي كل المرضى يا رب.
اكتبوا علي الفلوس ثوره المفاصل وانشروها في كل حته مسانده غزه يبدا بتحرير مصر و الدول العربيه المحتله. لايك عشان التعليق يترفع.وغيروا صور حساباتكوا الي ثوره المفاصل واكتبوها في الشوارع
مش بالطول والعرض اختي الفاضلة ياريتك عرفتي تفاصيل اللي حصل ربنا المرة دي فرد الامن كان مختلف فتعاملو مع المريض او اهل المريض الأمر لله ومن حقك تتعاطفي مع فرد الامن او مع اي شخص لكن الحق حق الله اعلم باللي حصل وربنا يرحمنا من دا زمن ويرحم تامر ويدبر أمر بناته
طيب مستشفى الاورام فرع دمنهور برده الأمن محترمين جدا ولا بياخدوا حاجة لكن الدكاترة والممرضات مافيا بيدخلوا مرضاهم ومعارفهم الأول ويسيبوا ياعيني باقي الناس في الآخر في مواجهة افراد الأمن ال بره وكذا مشكلة حصلت مع افراد الأمن بسبب الممرضات والدكاترة وخاصة في العيادة بتاعة أخذ العينات ياريت لو مسؤول يراقب دائما المعهد ده لأنه آخر مهزلة والله
