ايوب كنت كنتفرج في فيديو اليوم 29 avril 2024 و طلع ليا هد الفيديو قديم بعد مروور السنوات اكيد نظريتك تغيرت لامور و نبغي نقولك را عندك افضل اب فالعالم كيفكر لبينوا و بين الله قبل اي شيء
حتى انا طلع ليا لاسف خاص الأبوين لا يتحكمان في الشعبة سواء كانت علمية ولا أدبية وإعلامية لان التلميذ كيلقى راحته في المادة لكتعجبه كون تركه يمشي لمكناس يدرس
هذا الأب يسمى شخص عصامي اي انه قام بتكوين نفسه بنفسه خويا حمد الله ان عندك واحد الأب وحتى واحد الام من ذا الشي الرفيع لكن الأب ديالك أب نادر وكيخاف عليكم وباغيلكم غير الخير
تفرجت في قصة حياتك واستافدت بزاف منها عرفت بانني غادة في الغلط مع ولدي فرضت عليه بزاف الحوايج واليوم انا كنقول ليه دير أولدي لي بغيتي شكرا اولدي بزاف تكلمتي على بزاف النقط مهمة ،
سلام خيا راه الحاجة لمعارفش هي انك عندك واحد الحجة لمعارفهاش عندك واحد التقنية فالتصوير راءعة والمنطاج تقدر تمشي بعيد فهاد المجال ومقدمة راءعة لدرجة لقيت راسي كنعود الفديو بدون مانشعر تبارك الله عليك ومسيرة موفقة
لي أمنيتو زيارة مكة المكرمة والمدينة المنورة ويشوف مقام النبي صلى الله عليه وسلم يارب نزوروه جميع في القريب العاجل حبيبتي ومتبخلوش عليا بزيارتكم وتعليقاتكم ديرو أبوني لأختكم حطيت فقناتي وصفة رائعة لمحاربة تجاعيد الوجه والعنق لوجه مشرق وحيوي بمكون لن يخطر لكم على البال......ووصفة بريوش بطريقة مختلفة سهل ولذيذ مغتندموش إذا جربتوه ...وعندي وصفات لترطيب الشعر الجاف والخشن..لمنع تساقط الشعر لزيادة الوزن لتقشير البشرة لإنقاص الوزن الزائد خطوات تقشير البشرة......زوروني 🙏🙏🙏🤲🤲❤❤❤
السلام عليكم ورحمة الله, حياك الله اخي أيوب. قصتك مؤثرة وفيها عبر كثيرة, وانا اريد أن انصحك نصيحة كأخ, مادمت تحب الغناء, فيمكنك استغلال صوتك في الإنشاد, فالأغاني تكون حرام اذا توفر فيها أمرين: - إما الكلام الذي يُقال في الغناء نابي ومخل بالحياء أو مخالف للشرغ, - أو حينما تتوفر المعازف والموسيقى. لكن اذا كان الغناء أو الشعر أو الإنشاد بكلام مقبول وليس فيه ما يخالف الشرع فهو جائز, شرط ان لا يكون فيه موسيقى, فيمكن ان تعوض الموسيقى بآهات بشرية آو صوت الدف فهو مباح. والله اعلم
تبارك الله عليك ولد أختي العزيز بكيتني والله بزاف ديال الشباب عايشين هاد الواقع الله يوفقك ويعطيك ماكتمنى فحياتك ويعطيك لنويتي فقلبك يا رب ويسهل على جميع الشباب
خويا أيوب فيديو ديالك بكاني بزاف بزاااف بزززززززززاف حسيت بيك أنا بغيت نقرأ لكن الأب الله يسمح ليه ضيعني وكنت نقرأ ب اجتهاد لكن تحرمت من حبي للعلم ونرفع راسي ومنكونش عالة على المجتمع أنا كنحس عندي طاقة كبيرة مملوؤة بالشغف لللحياة لكن جلست فدار ما امرأة خمسينية لا هدف لها فالحياة من تنعس تفيق تنظف البيت تطبخ حتى مرضت العادة الشهرية كتجيني بحريق فحال تاع ولادة هذاك الألم كان فقط انفجار شهري لما اعانيه في صمت رهيب ،لكن طامة الكبرى هي ديال 2020تخطبت لواحد سيد وهو كان زواج تقليدي دازت الخطوبة كلشي راضي على كلشي توكلت على الله ،لكن بعد ما وجدت للعرس خياطة وووو سيد لكان معاية مزيان وعلى ألف خير قرر يبتعد عليا فاخر لحظة بدون سابق إنذار،حسيت براسي تهرست مت وحييت الف مرة كنشوف نظرة العائلة ليا بشفقة مسكينة معندهاش زهر ،وأنا كنكره ناس او الأقارب يشفقو عليا صراحة حسيت براسي اه بصح أنا فاشلة ،لحد الآن كنحس براسي مكسورة للآخر ياربي تفرج عليا وليت كنخاف من ناس من الغد من نعاس وكوابيس ،لشاف ما قلت يدعيلي يتغير حالي لافضل حال
اكيد ربي سبحانه وتعالى كيمتحن الايمان ديالك والصبر ديالك وانتي مؤمنة داكشي علاش ومزال غادي يعطيك اكثر ملي كتسناي غير خلي يقينك في الله واكون خير تحياتي لك
الرجوع إلى الأصل اصل، المهم خديتي تجارب في الحياة و استفدتي منهم ونت باقي صغير غادي درك اي حاجة بغيتيها مديرش غي الحرام، وتهلى فمراتك راها بنت الناس وسمع كلام والديك ومغاديش تخيب انشالله
قصة واعرة ومأثرة ولكن الحمد لله عندك عقل زوين كتعرف كيف تتحكم فيه وتنقد راسك من من مخاطر الحياة فتبارك الله عليك ومزيد من التألق وسلامي للوالدة العزيزة ولوفاء الغزالة وتحية من طنجة
احسن قصة خصهة فريدة بورقية ؤدير لينة فلم او مسلسل اللهم يسر ليك ؤكمل عليك بلخير ؤ يعطيك من حيت لا يحتسب ⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻⚘👍🏻👍🏻👍🏻👍🏻👍🏻⚘⚘⚘⚘⚘⚘⚘
سبحان الله كنحس بواحد راحة زوينة بزاف ملين كنسمع القرأن شكون بحالي🥰سلام أنا فعمري 37 سنة وممزوجاش ووالديا ماتو شحال هادي خوتي كاملين مزوجين وعايشا معاهوم ولكن والله مكيحملوني وكيكرهوني و كنحس بهم ...ويلا طلبت شي حاجة منهم هاديك هيا لخرا ليا كيبقاو يسمعوها فيا شهر وصراحة درت هاد القناة باش نتعاون بيها ونخرج واخا بعدا نكري غي بيت معا الجيران ...الله يخليكوم عاونوني بشي أبوني... كونت بغيت نخروج نخدم ولكن مقديتش حيت عندي واحد ليد كتحرق ليا مني كنشقا بها حيت تهرست منها من كنت صغيرة 💕💕💕شكرا مسبقا نلي عاونوني 💕
يا ولدي الله يفرحك ويجعلك الخير فكل خطوة درتيها اول مرة كنكتبلك تعليق وخى كنتبعكم دائما انا كنخاطبك بقلب ام عنداك تحساب ان رضاك لوالديك غدي تندم عليه بالعكس راك غادي تجني دائما الثمار ديالو واعرف انك اليوم مسؤليتك تضاعفت انت اهربت من تحكم والديك ولكن طاحت فجمهور كبير كيتحكم فيك واغلب جمهورك ضد هاد المسار لي تفاجأ بيه فلك الاختيار ارضاء الله اولا والديك وجمهورك ام ارضاء نفسك وان النفس لامارة بالسوء
ولدي أيوب أنت انسان مربي ومخلاق وعطاك الله ولدين محترمين وزوجة صالحة اما الاقدار والأرزاق عند الله راك مزال صغير ان شاء الله غدي تحقق أحلامك كلها ونتا في وصط عائلتك ماشاء الله عليك الله يحفظك من كل سوء يارب العالمين
الله سبحانه وتعالي يبارك فيك يا ابني انا من المتتبعات من المانيا أنتظر كل يوم جديدك ولدي إبن واحد عمره ٢٣ عام وأتمنى من الله عز وجل أن يكون مثلك فاستمر والله الموفق
ايوب انت راك كبرت بزاف في عيني انا من الاول كنت نحترمك وكانت عندك انت وعائلتك وبالاخص وفاء مكانة كبيرة في قلبي ولكن نقوللك الحقيقة انا نهار لي شفتك حطيت الاغنية بحال لي تصدمت منك وما تقبلتهاش وما قبلتش نولي نتفرج عليك فيديوهات مازال ولكن هد الفيديو بكاني بكاني بزاف وحسيت انو ظلمتك وكنت وحدة من لي جرحوك بالكلام القاسي انت انسان كبير في عقلك لانك عرفت كيفاش تسيطر علينا بفيديو واحد وحكيتلنا قصة حياتك كنت صريح جدا معانا نطلب منك السماحة وبغيت نقوللك انت انسان موهوب في المونطاج والتصوير حاجة واعرة بزاف وما شفتش شيء واحد لي يصاوب بحاللك نتمنى لك التوفيق في حياتك ونتمنى من قلبي انك توصل لمبتغاك وربي يوفقك
😢زوجي توقف علي العمل اقسم بالله بغيت منشوفش الجنة لا كدبة والله معندي لا زيت لا دقيق 😔كنمشي ناكل مع عكوزتي فتحت هاد القناة نعون بها راسي 😢لي عونتني بغيت الله يفتح ليها ابواب الجنة 😢والله تا محتجة لقناة قلبي كيتقطع وصابرة شي كيعوني شي كيعيرني عفاكم عونوني والله يجزيكم بالخير لي عوني بغيت الله عمرو يخيبو بغيت الله يسهل ليه ما صعاب.
الله اوفقك اخويا أيوب تستاهل كل خير نتا أو ختي وفاء نعمة الزوجة الحمد لله هي حداك غاتساندك أو حتى الوالدين ديالك الله اعمرها دار رآه غير خايفين عليك بغاو تكون حسن منهم الله اخليهم ليك اخويا وتهلا فيهم رآهم أحسن نعمة أو برضاهم غادي توصل بإذن الله
Lah ysahal 3luk akhoya fahyatak m3a waldak ou wafaa walah l3adime kata3ajboni kamlin l3aila ou l walid ou lwalida lah ykhalihomlik ou lah yarhame papa f had nhar
بالتوفيق والنجاح إن شاء الله خويا فحياتك فيديو أكثر من رائع ولاكن حاجة وحدة لي معجباتنيش أنك عارف الموسيقى حرام أو باغي تمشي فهاد الطريق لا خويا حنا منبغيوش ليك التهلكة بالعكس نبغيوك تعيش مزيان فالدنيا و الأخرة ماشي وليديك لي منعوك من الموسيقى لا الله لي منعها عليك حيت مافيها خير ليك أما وليديك غي سبب أو كلنا غي سبب أما آلله سبحانه وتعالى هو لي كاتب لينا شنو غادي نعيشو سمح ليا طولت عليك ولاكن تندوي معاك من قلبي تحية إحترام وتقدير لكل أفراد أسرتك
اخي ايوب سمعتلك من اول الفيديو حتى كمل ونقولك الخير في ما اختاره الله ربي يخليلك والديك ووفاء وابنك واصل في اليوتيوب نستناو منك المزيد 👍👍👍وبالتوفيق تحيات اختك جزائرية مغتربة بفرنسا 💓
الله يحفظك ويسعدك ويوفقك ويحميك من كل شر و مكروه ويجبر بخاطرك ويبعد عنك شر الخلق مابعدت السماء عن الأرض يا ولدي أيوب المرضي ولد المرضي والمرضية وحفيد أمي لالى حادة الطيبة الخلوقة الغالية على قلبي من أربع سنوات أول عائلة محترمة تبعتها ولازلت قناة مربوحة ❤❤❤❤❤❤❤❤❤
و عليكم السلام ورحمة الله وبركاته خويا ايوب انا مدام حليمة من الصويرة اقسم بالله الا عاودت الفديو شحال من مرة بدون شعور اولا تحية تقدير و احترام للأب العصامي المحترم اللي خاصك تفتاخر به بزاف و الكفاح ديالوا باش يعيشكم أحسن عيشة و تحية حب للأم المكافحة الصبورة لي وقفت صامدة فجانب الأب رغم مرارة الحياة ثانيا المسامحة للوالدين لي وقفوا فتوجيهك نفس القصة عشناها للأسف مقريناش فالشعبة لي ختاريناها بسباب الولدين و التوجيه ديالهم ماشي اختيارنا هذا مشكل كبير كنتمنى من الوالدين يردوا بالهم لان التوجيه للابناء و ليس للاباء ثالثا هذه هي الحياة تتحاصرنا اشياء عديدة كتفشلنا داخليا المجتمع التقاليد التربية ....... للأسف حاجة لي خاصنا نحاولوا نبدلوها حنا الجيل الجديد واخا تربينا عليها و صعيب الطبع يغلب الطتبع لكن نحاولوا مع وليداتنا حيت الدنيا كتبدل و عصرنا ماشي عصرهم و جيلنا بعيدا 1000 مرة عنهم المهم المحافظة على الاحترام و التربية الحسنة والمبادئ، الاخلاق خامسا عندك واحد النعمة ديال الزوجة الصالحة،العفيفة لي واقفة بجنبك دائما و محترماك و راضية بك و بظروفك و للأن الله يحبك رزقك بنعمة الابوة لي شحال من واحد محروم منها الله يحفظهم و يخلهم لك المهم نحاول نلخص قصتك انها تجربة بحال بزاف تجارب الشباب المغربي الله يسر لك امورك و يرزقك من حيت لا تحتسب مشاء الله عليك فالمونتاج خطيييير و الله الا احسن فديو عربي في اليوتوب شفتوا فالمنتاج الله يوفقك ياربي تكون هذي بدايتك في عالم التكنولوجيا و المعلوماتيات و تكمل قرايتك فهاذ المجال و دخلوا من واسعوا و تكون شركة في المونتاج و يكون مشروع بزيادة الرزق و حتى هوايتك الله يكمل عليك فيها الا كانت هادفة و كلمات محترمة و حبذا لو تكون دينية باش ربي يحلل لك الرزق اخيرا استسمح على الإطالة و الله من حبي لك في الله و العائلة الكريمة الطيبة سلامي الحار للوالدين و زوجتك و مرضي الوالدين عمروا يخيب الحمد لله تحية صويرية
بداية الفيديوا راءعة جدا جدا جدا او الطريقة او الصراحة باش كتهضر كتدخل الى القلب بدون استئذان شوف اولدي حقيقة التوجيه من حق الطالب ليس الولدين لكن في بعض الاحيان يقدر يكون الطالب خاطء كما وقع الولد ديالي كان عندو الرياضيات او العلوم مزيان فيهم او اختار القنون العربي او متدخلناش فيه لكن منين خدا الإجازة وحل مبقاش داكشي لي بغا او وحل لان زوجي غير ساءق طاكسي معندوش باش يدير ليه محل ديال نتير ولديك الله يخليهم ليك واقفين معاك او حمد الله عطاك زوجة عاءلة واقفة معاك فعلا هاد الفيديوا خاصوا يطلع لطندوس او فوق طندوس لأنه فعلا فيديوا في منتهى الروعة 🎉🎉🎉🎉🎉
اش بغيت عندي اولدي انت كتحكي قصتك وانا تنبكي فعلا تاثرت . قصة فيها استفادة وعبرة . بامكانك تمشي بعيد مع الارادة والعزيمة خصوصا بجانبك زوجتك ووالديك. راك واعر وقوي سوف تصل وتحقق احلامك. شكرا لك حكيت لنا قصتك. بالتوفيق
انا من طبيعتي مايعجبونيش هاذ نوع من لفيديوات ولكن ديالك بديتو و مقدرتش نبدلو حتا كملتو برافو خويا أيوب و متشوف غي لي مكتبها ليك الله vous êtes un homme comme ça 👍
تاثرنا ببالغ الاسى والحزن قصة عن حياتك ولكن في نظري اتبع نصائح الوالدين لان فيها خير وبركة ويكفي اننا نستمتع بفيديوهاتك الرائعة انا احترم رايك واحترم راي جمهورك لان الوالدان لا يريدان لك الا المصلحة .فنرجو لك العون قصة مؤثرة ومبكية.
قصتك مؤثرة جدا وفيها رسالة لكل اب وام انه يتفهموا أولادهم ويعطوهم فرصة يجربوا الأشياء البحبوها طالما ما فيها ضرر للانسان. انت لست وحدك في هذا الأمر حيث كثير من الشباب والشابات عاشوا ما عشته انت وهدمت أحلامهم ليس لان اهاليهم لا يحبونهم ولكن لان المجتمع لا يرحم والأهل يحاولون حماية أولادهم ولا يريدونهم ان يتعرضوا لأي أذى حتى ولو بكلمة. ملخص القصة انظر للجانب المشرق من المسألة ربنا أعطاك وفاء التي صبرت معاك وربنا أعطاك أسامة واكيد بعد أن أصبحت اب تفهمت معاملة والدك لك حيث اي اب يحب أن يكون ابنه احسن منه. ربنا يحقق أمانيك ويخلي ليك الوالد والوالدة واسرتك الكبيرة والصغيرة.
انا ام في عمري سبعة وخمسين والله حيى بكيت حيث فكرتني براسي لحقاش تخليت على بزاف ديال الاحلام غيرهكاك والله حتى بكيت ولكن اىحمد لله تنحقق احلامي في وليداتي الله يخلي لك اولدي اسامة وتشوفوهكيفما بغيتو والوالدين ماتعاتبهمش لانهم كيخاف عليك وهانت ولتي راجل وقد المسؤولية الله ينصرك ويبعد عليك شر الخلق امين يارب
تبارك الله عليك فيديو في المستوى تحية كبيرة لك على هذا الموضوع وانك فتحت قلبك فعلا الكثير من الشباب سيستفيدون من قصتك واحتراماتنا لك على تقديرك لوالديك وفعلا الوالدين هما الرباح ولكن في الحقيقة لازال الوالدين باقيين ماكيعرفوش بان الانسان او الطفل بصفة عامة يبدع في ما يحب اما الموسيقى في نظري هي تعبر عن المشاعر وتغذي الروح فحين نغني على الام مثلا نستشعرها اذا كانت توفت ونعرف قيمتها اذا كانت على قيد الحياة والمواضيع كثيرة الحرام هو الاشياء اللتي تخدش الحياء اما الفن عل العموم اذا كان هادفا فهو تربية الله يوفقك ولا تتنازل عن التكنولوجيا اللتي كانت اختيارك لازلت شابا لاتستسلم ربما تبدع فيها امنى لك التوفيق وتستاهل النجاح
رب يحبك كي بعدك على الغناء وعمره لكان لغنا يوصل للفلاح لا في دنيا ولا في الاخرة يا اخي كمل قرايتك ودير شي مشروع مربح و تقولش والديا دخلو فيا و ظلموك رب نجاك من طريق ضلالة وصلي و احمد ربي على نعم لي راك فيها
السلام عليكم خويا أيوب الحمد لله ليهداك الاخ ديالي حتى هو كان مبلي بسباب اصدقاء السوء ليضيعوه نتمنى تدعيولو بالهداية هو وجميع وليدات المسلمين وجزاكم الله خيرا
خويا احمد الله أو شكر ربي أعطاك أحسن أب وأحسن أم اهتموا بيك أو كانوا خايفين عليك ممكن نخطأوا ولكن دايما تنبغيو الأحسن لولادنا الأب ديالك عندو سمعة طيبة و مسؤول وانت محظوظ أن عندك أب هكذا أما راه كاينين ناس محسينش بيهم والديهم ولدوهم وخلاوهم يتعذب في الحياة هي فعلا اللي دزت منو خلاك عندك واحد الشخصية زوينة اجتماعية محبوبة مشهورة تدخل لقلب المشاهدين تنحسوا بيك قريب لينا لأن والديك خدموا على هاد الشخصية وخا تتحس انت أنهم دخلوا في مسارك ولكن رباو ولد تمنى كل أم يكون عندها ولد بهاد الشخصية تنظن نك أنت الابن الأكبر و دائما الآباء تيبغيو لابن الأكبر يهز المسؤولية و يكون راجل هي فعلا الموسيقى خليها هواية ولكن حرفة بوك لا يغلبوك باباك فرش ليك الأرضية وانت لازم تعاونو أو توقف معاه هذا ماشي عيب ولكن حتى هو محتاج لقدراتك و زعامتك وانت محتاج منو تجربتو أو الحنكة ديالو أو رزانتو هذا كلام من أم تتمنى واحد نهار تشوف ولدها راجل أو فارض وجوده مثلك بارك الله فيك والله يحفظك ويحفظ ليك والديك أو مراتك أو وليدك سمح لي طولت عليك ولكن كلام من القلب
الموسيقى الى كانت هادفة وكلمات نظيفة وكتعالج مواضيع اجتماعية و أخلاقية فهي حلال لان الشباب دابا مايمكن تشدو بالدروس الدينية خصوصا هذ الوقت للي طاغية فيه الانترنيت انا بعدا أولدي كنشجعك والله يسر امرك بشرط يكون الوازع الديني حاضر عندك باش تحلل رزقك وضيف معاه مشروع او حرفة كتقنها باش تعاون راسك والله المعين
