بغض النظر عن إن الإيد لو مغسولة هتبقى أنضف مليون مرة من الملاعق لأن الأيدي أقل في نقل الجراثيم لكن هل أنتي بتقدمي حاجة زي العيش لأي حد بأدوات مطبخ ولا بإيدك؟، لأن في الثقافة المصرية عموما في أكلات بتتقدم بالإيد أصلا اللي غلط هو وضع ملعقة في الفم وبعد كده أحطها في الحلة، لكن مادام الملعقة نضيفة عادي يتحط بيها من الحلة وبعد كده أستخدمها في الأكل ده غير إنها عدلت بس الفرخة بصبعها مش أكتر وهى قرفت من إن الرز والطبيخ اتحطوا على بعض بنفس الملعقة وده أصلا اللي بنعملوا لما بنمزج أكلنا ببعضه ده بصراحة كان نفخ
معاها حق، مفروض يبقى فيه مغرفة في كل حلة، اللي عاوز منها يغرف في طبقه ويرجعها الحلة، لأنه ازاي يحط المعلقة في بقه ويحطها في الحلة اللي غيره هياكل منها!! أما مسألة انه يلمس الأكل بإيده ففي البيت بين الأسرة ممكن التجاوز عنها لو غاسل إيده قبل الأكل ومش بياكل بإيده مباشرة، يعني بياخد الأكل بإيده لطبقه لكن بياكل بمعلقة أو شوكة!!
كنت اعرف واحدة كده لو حد سلم عليها تطلع مناديل مبللة وتنضف ايدها ولا يمكن حد يسلم عليها ويبوسها وكانت تقعد تعتذر أن دي حاجة غصب عنها بس كنا بنحترم دا اوي وبطلنا نلمسها
مش فاهمة ليش في ناس مستغربة وليش بقولو وسواس قهري ومطلعينها بالمسلسل على مايبدو هيك مع انه غلط دة وعي للنظافة والصح مش وسواس فرقت اي اما اغرف لحد بمعلقتي عن ان ياكل فيها من ورايا ولا ياكل من صح الشوربة الي كل شوية احط المعلقة ف فمي وارجعها فيه واغرف تاني فرقت اي؟
طب دي حقيقه مش وسوسه … حد يغرف من ملعقه هو بياكل منها ومطلعها من بوقه ولعابه عليها ده منتهي القرف معاها حق … اساسا الاكل بيبوز لو لمسته ملعقه تاكل بيها
هي النظافه بقي يتقال عليها حاجه غريبه الايام دي ؟ ما هو فعلا مينفعش تحط المعلقه في بقك وبعدين تحطها في الخضار او اي ماكولات سايله . لازم يكون في معلقه للغرف . انا لو حد عمل كدا في اكل قدامي فعلا مش هاكل منه . بنتعب جدا في حياتنا بسبب حفاظنا علي مستوى معين في نظافة الاكل وبنعمل مشاكل كتير في المطاعم بسبب حاجات بنعترض عليها العمال بيشوفوها حاجه عاديه . زي مثلا مينفعش العامل يتكلم وهو بيغرف لنا طلبات الاكل اللي هتتقدم لنا . لان وارد جدا وهو بيتكلم يخرج من فمه رزاز ينزل في اكلنا . طبعا لو قلت للعامل متتكلمش وانت بتغرف الاكل هيقول علينا مجانين . وحاجات كتير جدا بالشكل دا . حياتنا صعبه وبنعاني جدا . مثلا لو انا باكل عند حد وطلب مني وقت الاكل امسك الريموت واقلب القناه او اوطي الصوت بحكم اني اقرب حد للريموت فاما ارفض او اعمله اللي طلبه بس بقوم اغسل ايدي قبل ما اكمل اكل لان الريموت فيه كمية ميكروبات وقاذورات لا يعلمها الا الله بسبب كمية الايادي اللي بتستخدمه . والفلوس نفس فكرة الريموت بالظبط . لو هاكل في مكان تخطيطه غلط وخلي التواليت قريب من مكان الاكل فدي عندي مشكله كبيره لان لو انا باكل وحد حب يدخل الحمام فهي حاجه من اتنين اما اطلب منه ياجل الحمام حتي اخلص اكل ودا لو في عشم بينا او اني اتوقف عن الاكل واقوم وابعد عن المكان دا واقول شبعت لان عقلي بيقولي ان الغازات اللي هتخرج من بطنه هتتطاير وتنتشر في المكان كله وطبعا الاكل هيكون له منها نصيب . معلش هو عقلي مقتنع بكدا ومهما تحاول تقنعني بعكس الكلام دا مش هقتنع حتي لو اظهرتلك اني مقتنع . دا بس عشان اريح دماغي لان الامر عندي محسووووم . دي عينات من حاجات الناس شيفاها بسيطه لكن احنا بنعاني حرفيا في حياتنا لاننا بنعتبرها مش بسيطه خاااالص
