#شوف #قصتي تقترح عليكم قصص #واقعية و قصص #حقيقية لأشخاص راسلونا بش نحولو تجربتهم لقصة #مصورة.
الجرء الأول • شوف قصتي : غلطت مع بنت...
المهم نكمل لكم القصة, دازت سيمانة علا الكارثة لي درت, وليلى مابقاتش تتهضر معايا عييت مانحاول ولكن فكل مرة تتسد عليا الباب, مازعمتش نمشي عندها الدار حيت مخلوع بزاف, ماعرفتش واش عمي ومراتو عرفو بهادشي لي واقع ولا مزال, وخايف حتى لا تشوفني دير شي ردة فعل تتير الشبهات. خليتها فقلبي وسكت, ولكن كانت بحال العافية تتحرقني وتنحس بصدري تتيزير عليا بحالا واحل من وسطو سيف. مابقيتش تانعس بالليل, وهادشي دغيا بان عليا, لدرجة ان الوليدة لاحظات وبدات تتخلع عليا وحسيت بها بحالا عايقة بيا ولكن مامتاكدش تنحاول غير مانبينش وصافي. عرفتو لي خايب بزاف فالقصة كاملة؟ وتيجرحني بشكل خيالي؟ هو النظرة ديال الثقة لي تنشوف فوجه عمر , وخا مابقاش عمي تيجي عندنا هو بقى تيزورنا كل نهار. مورا العرس ملي تلاقينا كان فرحان حيت مشا للعرس وباقي فيه الحال حيت مامشيتش انا وليلى, بقا تيعاود ليا على العرس وهو فرحان وعاجبو الحال وتيكوليا عرفتي شنو زكلتي؟ كانو شي بنات من عائلة العروسة قرطاسات وحتاجيتك اصاحبي تكون معايا تزعمني. هو تيهضر وانا تنحاول مانشوفش ليه فعينيه وفالداخل تنضارب مع راسي نكول له ؟ لا بلاش ماعارفوش كيفاش غادي يتقبلها. وفاللخر ماتنزعمش نصارحو وهادشي تيزيد يتقل عليا. وفالويكاند لي مورا داكشي لي جرا, تاصل بيا وعلمني بلي غادي يجي يدوز معايا الويكاند فالدار,بقيت ساكت تجمدت فبلاصتي وقلبي بدا تيضرب وفشل لساني مابقيتش قادر نخرج الهضرة, كتليه ماغانكونش فالدار غادي تبقا بوحدك مع الوليد والوليدة وختك ليلا ايلا جات معاك, كال تا مالك مسطي فين كاع غادي تمشي بالسلامة. وبصح ماعندي فين نمشي عرفت راسي غادي غير نزيد نغرق ونحصل راسي...
مازال ماشتركتي فالقناة يوتوب ؟ هاهو رابط الاشتراك : bit.ly/chtirak
بغيتي تابعنا على فيسبوك ؟ هاهو رابط الحساب : bit.ly/choof9issti
10 сен 2024
