لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
منقية مذهلات
لٰ ناصر عيد الشيباني
الكلمات :
طارن علي طاري يبشر بالجديد
وانا ليا منه طرا لي ما طرا
ما اقول وين اللي يردون القصيد
آقوول وين اللي يردون البرا
شروا عديمٍ ما يفكر فالرصيد
اليآ عطى واليا عزم واليا شرا
راسٍ يروس الروس ويضد الضديد
ويرجّع اهل الوضح بعده في سِرا
جاب الغزايز واعلن ليوم الوعيد
وجينا نماري به وخلق الله ترا
[[اقدم يا ناصر عيد والناموس أكيد
يا منومس عتيبه من طويق إلـ كرا]]
فالصاهد اللي ما يجيه الا العنيد
آنت العنيد ان شافك يعوّد ورا
ضلوع صدرك فالمداحم من حديد
واسمك يطيّر عن منافسك الكرا
صبِّحهم بوضحٍ مثل لون الجليد
وظهورها تاخذ من النير وحِراء
ومشاربٍ مثل كموم اهل الصعيد
خطرٍ يجيها في تحكمها زرا
ما عبّثوها فالشبوك اهل الرديد
قومٍ ذممها بين بيع ومشترا
قوّس عرانين ٍتقول هلال عيد
شافوه قبل سدير كل اهل القرى
نسقٍ فريد وزينها زينٍ فريد
في ساحة التحكيم ما معها اخشرا
لو اني اسهب في وصايفها تزيد
[[ياللي تنافس مذهلات ألم ترا؟]]
سندٍ تهوز المزن لا طِق اللبيد
ثروة بلد تمشي على وجه الثرا
اقدم وشوّش لابتك يا ذخر عيد
والاد مشيب كلبوهم في حَرا
قبيلةٍ ميقافها ميقاف حيد
خصيمهم يبطي وجرحه ما برا
محازم الهيلا هل البأس الشديد
اعتيبه اللي لنواميس اسفرا
في كلّ عام انجدد المجد التليد
آلمجد إله في ضفنا ضل وذرا
إنقول وإنطول وْنحقق ما نريد
وتاريخنا في راس قمه ويعرا
مركاضنا في نجد ما جاء له نديد
يدري به اللي ما كتب وَلا قرا
من يوم بقعاء في مهدها ما نهيد
ما نقلع الا روس أكابر و أومرا
22 сен 2024