* ملاحظة : نسخك للمحتوى او إعادة رفعه يعرض قناتك للإغلاق
إشترك في قناة نواف البقمي | القناة الرسمية .
/ @oa.7u
Snapchat : nawf1516
cutt.us/asoPX
Twittwr : N_binmunir
cutt.us/3rSCA
قناتي في التيليجرام /
t.me/joinchat/...
نواف البقمي - القناة الرسمية ( حصرياً ) 2021
_______________________________________________________________
كلمات الشاعر :
فالح أبو عضيدة
اداء :
منير البقمي
تصميم قناة :
نواف البقمي | القناة الرسمية
الأبيات :
النوم ما والف عيوني والسهر ملعون سيد
حارب عيوني لين بان الصبح والليل انقضى
وين الخوي اللي ليا احتجته ماخلاني وحيد
ما يقطع اوساع الفجوج الا خويٍ مرتضى
واليا تنفست الهوى من نسمة الصبح السعيد
كنه يسوي للهموم اللي على صدري نضا
انا ابدويٍ عن غرامه لا يميل ولا يحيد
ايعامل افكار القصيدة امعاملة عوص النضا
اتلها وقت اللزوم بصوت مخباط اللبيد
وارضي بها اللي هاقيٍ بي ويتباشر بالرضا
كيف اتغاضا واصرف الانظار عن شرد القصيد
واللي يدور طيحتي مبطي وجفنه ما غضا
الفكر لجل الشاردة متقمصن دور البريد
والصدر له شهرين من كثر الطواري مافضا
مانيب فاضي لجل افضفض للقريب وللبعيد
مشغول في رسم الطريق امن البسيطة للفضا
ما يحيي اقلوب الرجال اللي مثل حيد الجليد
الا مشاريه الرجال اللي مثل جمر الغضا
الرجل ياخذ له نصيب امن اسهم المجد التليد
قدام بكرة تاخذه من بيته اسهوم القضا
من لابنى في الماضي امن المرجله قصرٍ مشيد
عيبٍ عليه ان ماخذا الجايات في الماضي قضا
سلم على اللي كل يوم ايحط له مجدٍ جديد
الشيخ صالح بن جري حلال عسرات القضا
جمايله فالمسلمين اكثر من اموال الوليد
من طيبه اليا اجتمعت الصكات خلاها عضا
من لا كسب حضه مثل صالح عسى عمره مديد
عز الله انه بالحضوض اللي تسامت ماحضى
صيمدعٍ لازادوا الضيفان ترحيبه يزيد
عينه على الضيفان ويرحب وترحيبه لظا
يمناه لا مرت رصيده راحت اكوام الرصيد
قنابلٍ ثارت وصارت فالفضى نار وشضى
لا جاه من حده زمانه بين حيد وبين حيد
يافرحة المسني بشوف البراق لا منه نضا
اليا بغيت اتعرف جدانه هل الفعل المجيد
شف حاضره في كل محضار وتعرف اللي مضى
بكره ليا حول على اهل الصفر محوال العقيد
سوى سوات السيف ابو حدين لا منه مضى
هذا السليس اللي بوقفاته يفيد ويستفيد
محضوض والعتبان في مثله وشرواه احضضا
اخوانه بوقت المهمه وادي سيله عنيد
ماهم بوسمٍ درجته المزنه امع ارضٍ فضا
لا راحت الاموال في الماجوب مرواح الفقيد
قالوا على الله حرف عين وحرف واو وحرف ضا
برقا وروق اللي يفكون الضديد من الضديد
هم والله اشيوخ القضا لا عدّوا اشيوخ للقضا
20 сен 2024