البارحه كن السهر والشعر والليل الطويل ثلاثةٍ تشملهم القسمه وانا صاحب كرم الكل منهم من نتاج الفكر حصّل له حصيل على مقولة من حضر له قسمةٍ فليقتسم يابو ربيع من همومك لا تحط ولا تشيل صدرك لا ينقل شي غير القلب الابيض والنسم كل الدروب اللي توديني لزومك درب سيل والسيل دربه ما اختلف في صيف والا في وسم خلّك من اللي طول عمره ما عرف درب الجميل كنه يهوديٍّ دروبه ما تمر به الحرم مايدخل العقل الجنوح اللي على المنطق دخيل ليا عطيت القوس باريها عرف يبرا السهم الاعجمي لو يلبس البسّام والثوب الاصيل مهما تنكّر تدري ان اصله وفصله من عجم اللي يقولون الاثر يبقى ولا يمكن يزيل اِلي سنين وكنّي انهاهم عن عبادة صنم ما فالحرم جرّه لشخص الا ابراهيم الخليل غيره يمرونه ولا يبقى لهم جرة قدم مهما يزوّر مستحيل يكون للبصمه بديل لو ينجح التزوير في عملات والّا في ختم الحاجه اللي طعمها احلى من شراب السلسبيل لا صار ماهي مستحقّه مالها ذوق وطعم المدح في اللي يستحقونه ما يحتاج لدليل الحق يملك هيبة السلطان والفعل يخدم الاد ذايب محتمين البل ليا هاب الذليل ومتيّهين الحايل اللي ما تهج من الشحم ستر العفيفه قبل لا يستر معنّقها الجديل بالسيف والّا حربةٍ ما تاقع الّا في لحم نوماسنا حواتم الهيلا هل الفعل المهيل اللي لقبهم يعتبر بشتٍ على قد الجسم على صدى التاريخ يوم الشي يذكر بالمثيل تشبيههم في حاتم الطائي عطاه اكبر دعم حنا عتيبه نذبح الحايل ونلطم من يعيل تاريخنا ما فيه لا منّه ولا حبة خشم نطرب على صوت العزاوي والنخاوي والصهيل واهل النغم ما يطربون الا على صوت النغم يوم اكثر الاموات يدفن بالهدوم بْلا غسيل كم من تواريخٍ دفنّاها جمر وامست فحم لو غيرنا ما يومنون بشيٍ اسمه مستحيل من الثقه بالله ما نومن بشي اسمه عدم الله خلقنا في يد معزّي كما السيف لصقيل والله خلقنا درع لمحمد وسلمان الحزم ليا ذكرت انّا قبيله وحده ومن ذا القبيل حاولت اخفّف من غروري بالمبادي والقيم ما ودي اسهب في كلامٍ يجرح الخطّر واطيل ما مستريح من العلوم الجارحه غير الاصم الطيب في بعض المواقف يجرح القلب العليل كم جرحٍ ليا شم ريح الطيب سبب له شمم اليوم حنا في حفل واغلى فرح واعز ليل والحفل يِزرع في بساطه طيب ما يِزرع لغم حفلٍ من الهيبه يجسّد صورة البيت الظليل بيتٍ لو الاهرام تهدمها الهبايب ما انهدم يا غازي ربيع مقر الجود والخلق النبيل من صار مثل ابوه والا مثل جده ما ظلم اشتلت هم المرجله من حين جاء فالعظم حيل ووقفت للدنيا وقوف اللي يؤدون القسم الطفل يوم يحنّك يذوّق من التمره قليل والا انت يابو ربيع محنّك على كسب ونعم فالمجتمع يطلع علامه فارقه في كل جيل وانته علامه فارقه في مجتمع والا في امم فرقت عن غيرك مثل ما يفرق الشهر الفضيل عن باقي شهور السنه من حل والا من حرم والمرجله قطار يوم الادمي عابر سبيل واللي يفوته موعد الرحله يبا يبطي عظم والشهره اسرع من شبوب النار في روس الفتيل ومهما تكون الشهره مهمه ترا المضمون اهم علامة التوثيق ماتعني ثقه والله وكيل لو نجمة التوثيق ما يعطونها غير لنجم من بيض فعلك نجمة سنابك تعوضك في سهيل وغيرك خذا نجمة اسراييل وتلحّف بالعلم فالح الغنامي
ونعم بالمادح والممدوح ورغم مكانة فالح في قلب كل محب للشعر الجزل وقوة شاعريته الا اني ادركت ان ليس كل شاعر محاورة يجيد شعر النظم ، وعلى الرغم من جمال هذه القصيدة الا انه فيها ابيات شاطحة لاعلاقة لها بالقصيدة واتمنى انه عرضها على ناقد قبل نشرها حتى يحذف الابيات الغير متوافقة او ملائمة لموضوع القصيده
يستاهل ابو ربيع وربعه المدح ومن حصل شي يستاهل والرجل يفعل والاجواد تكفيه وذكر الحيا والطيبين يبين وكفو كفو وصح السان فالح مبدع كعادته وانشهد علامه فارقه (غازي)والي يدل انه حديث الساعة 👏🏻
🔴لا اله الا الله عدد كل شيء وملء كل شيء🔴 ⚡️⚡️الطيب في بعض المواقف يجرح القلب العليل .كم جرح ٍ إليا شمّ ريح الطيب سبب له شمم⚡️⚡️ ♦️♦️♦️♦️♦️♦️♦️♦️♦️♦️♦️♦️♦️
@@Alharthii اتيت بآيه من القرآن ، وانت صرحت من عندك 😁 عندما يكون مثل غازي وتصرفاته في سناباته من اظهار كل مايخص زوجته وزواجه من يدينها الى فستانها الى هدايها الى غرفة نومه بالفندق ، وتخللها حديثه هو واصحابه عن حبوب منع الحمل واسهابهم في الحديث عن انواع حبوب منع الحمل في مجلس رجال يفترض ان يكون حديثهم ماتعلمناه من ابائنا واجدادنا من حديث الرجال والذي لايتطرق لامور تخص المرأه .. ثم يأتي شاعر يمدح في هذا الشخص فيعتبر شاعر غاوي .. ومن يتبعه غاوي الشاعر يحمل رساله ساميه وبايمدح الا من يستحق المدح .. وشكرا يالمفتي 😉
@@user-vy2th9bp6g يبن الحلال لو قلت كلامك ذا من اول كان ما قلت لك شي لكن انت كتبت ايه من القران ولا وضحت واللي بيشوف تعليقك بيقول هذا يقصد الشعار كلهم لكن هالحين انت صحيح وكلامك صحيح ومازلت في الصف الامامي 😂
