* ملاحظة : نسخك للمحتوى او إعادة رفعه يعرض قناتك للإغلاق
إشترك في قناة نواف البقمي | القناة الرسمية .
/ @oa.7u
Snapchat : oa.7u
cutt.us/asoPX
Twittwr : oa_7u
cutt.us/3rSCA
قناتي في التيليجرام /
t.me/joinchat/...
نواف البقمي - القناة الرسمية ( حصرياً ) 2024
_______________________________________________________________
كلمات الشاعر :
مبارك بن عبيد
اداء المنشد :
جفران بن هضبان
تصميم ومتابعة :
نواف بن منير
الابيات :
غاب القمر ونكفت القمرا عن اطراف النفود
(ولولا )المشاعر والهوا المكنون ماحرك قلمّ
اضيق من سجع الحمام اليالقاء فيه وعود
(ودّله) ليامني عطيت الوسع وسلا ونسجمّ
ياذيب ياذيب الغنم ياللي على الشاوي تعود
ذيب الحشو ماهوب يقنع لو لقاء فرقة غنمّ
يضوي ليارح المساء لونه مثل قلب الحسود
ويغيب لابوجت له القمرا وكلن محتزمّ
والصدق مفتاح الوفا والصبر تاليه امحمود
ورجل ياصل لنجوم البيض لامنه عزمّ
والصمت عن بعض الكلام اخير من بعض الردود
بعض الكلام اشيل فيديه الحسوفه والندمّ
وراسن مايذعر (بالحمايا )ماورا هراس فود
ووجهن (مايثني) دون ربعه لا شداد ولا وسمّ
يامرحبا رحبن يعم الحفل والزايد يزود
يامرحبا ترحيبنا اللي مثل برق الوسمّ
عند ابلجن ترحيبته فضفافها بن وقعود
وضيفان خطلان اليماني قدرها بن وشحمّ
يابو سعد رحب بضيفانك وجعلك فالوجود
وكشخ ببشتن في طرفّه اعداك تذعن وتخدمّ
حنا نعرف انك سليل امجاد وانك نسل عود
والمجد والله ونعم والعود والله والنعمّ
عودن عزاوي راسه الطيب توردك العدود
ونفاح جوده يغني الفقران يوم الله قسمّ
سعد سعد سعّد الرفيق وفزعته تجلا الضهود
ولياحضر ودلا برايه كل منعورن بلمّ
هاذا الرفيق اللي نماري به ونرقابه سنود
ونشوش مع ذكر اسمه الطيب وياحي الاسمّ
من ربعي اللي ذكرهم براق وسماهم رعود
وفعولهم سم الكبود اللي من الغبن اتهكمّ
يومن لطاغي تزرجاله ولديره حدود
لياتعزونا ببن مرزوق نعمر ونهدمّ
حنا البقوم اللي حوافر خيلنا تاطا الحشود
لاصاحن البيض الحراير ونطلن سود الثمّ
مروين مذلوق القنا ومشبعة بطن الحود
يوم المنايا تاكل الشيخان وتكب الخدمّ
اذوادنا ترعا الحدود ورمحنا يرعا الكبود
وعطة عزاوينا تجذ الروح وتجذ النسمّ
حنا مقر الجود يومً الفقر مامعه جود
نكرم ونعطي ونتجمل فالنشاما من عدمّ
والله وتالله ماعلينا لحتمى الميقاف زود
وانا العظام اللي سهوم ايماننا اتفرء العظمّ
23 сен 2024
