خلوني ارتاح كم لي فاقد الراحه
اضحك وانا عبرتي في الصدر مخنوقه
بيني وبين الوناسه ضاقت الساحه
والابتسامه ثلاث سنين مسروقه
دورتها والسعد ما هبت ارياحه
كذاب من قال مطروده وملحوقه
حاولت تعديل ميل الحال واصلاحه
والله له المشتكي في حال مخلوقه
يون قلبي ورا قفله ومفتاحه
يا مل قلبً يتل الهم معلوقه
سبحان ربٍ خلق لي عين فضاحه
من شافها قال كبدي ليه محروقه
صدري تعشعش عليه طيور نواحه
الضيقه اللي تمره وقعت فوقه
بغيت حظي يقوم وينهض جناحه
ومن يوم ماهز ريشه طاح بسبوقه
عزيز قوم مقامي لابس وشاحه
يسوقني مع وجيه الناس واسوقه
لاشك مامور باحزانه وبافراحه
وماني لحالي على أطباق مطبوقه
كم واحدٍ للسهر عينه بمرجاحه
يسمع بحلو المنام و وده يذوقه
خلاص ماعاد عندي نفس مزاحه
يا ثقل همي ودمي يبست عروقه
قلبي تسلط عليه الضيق واجتاحه
قام يتمرد عليه ويسلب حقوقه
الشاعر اللي ما يملك غير مسباحه
من يشتري بأرخص الاثمان طاروقه
رايكم + لايك + أشتراك + نشر
وترقبوا كل جديد بإذن الله
تويتر | Twitter
/ rami_gard
انستقرام | instagram
/ rg.m7
سناب شات | Snapchat
/ rg.m7
1 окт 2024
