شيلة|| كلمات: باسـم الجبيـري & أداء: عايـض الجبيـري 

حفل زواج/ مرزوق بن حمدي الجبيري
كلمات/ باسم الجبيري
أداء/ عايض الجبيري
"الكلمات"
يا مرحبا بالضيوف أهل الوفاء والكمال
بعداد ماهلت الغيمة بهمالها
نستقبل اضيوفنا الغالين من كل جال
في حلةٍ تكرم الضيفان بدلالها
حلة سفير المكارم والفعول الجزال
حمدي نعده من الفرسان وابطالها
له سيرةٍ قدرها ينحط فوق العقال
تكتب على مخرج غميقه ومدخالها
لعيون مرزوق بن حمدي كريم السبال
ننحت بيوت الذهب ونشيل موالها
الله يتمم لك الفرحة على كل حال
في ليلةٍ يا عسى فال السعد فالها
حي الله اخوانك اللي يعتلون الطوال
فرحتك لو كان فالمريخ ترقى لها
احزام جنبك ليا جات الحمول الثقال
تركي لها وعنك يا مرزوق تشتالها
ناسبت سالم عريب الساس شيخ الرجال
القامه اللي عسى الفردوس منزالها
اقفى وعقب رجالٍ تشبهه فالخصال
عياله اللي تهز الارض وجبالها
من روس قومٍ عزاز ومجدها لا يزال
هذيل يشهد لها التاريخ بفعالها
واليا مدحنا الجبيري زان كل المقال
آلابه اللي فعول الطيب تهوا لها
افعالها تقتدى في سلم والا قتال
في ماضي اسلافها وفي حاضر اجيالها
والشيخ بن سالم المقدام لا قال طال
المعضلات الصعيبه يفتح اقفالها
شيخٍ ولد شيخ صيته من جنوب وشمال
تعيش يا فارس الراية وخيالها
وآلاد شوق القروم اهل السيوف الصقال
في روسهم مرجلة والفخر يزهى لها
هيبه كما هيبة اللي لابسين البدال
اللي تصون البلد من جالها الجالها
خامسهم احمد ولد عالي عظيم الفعال
قرمٍ يشيل الحمولة يوم يركالها
ما نمدح الا رجال أفعالها راس مال
على دروب الوفاء ما تقصر أحبالها
هذي حقايق عن الابطال ماهي خيال
نقولها وبيض الله وجّه من قالها