شيلة: لاتخليني كلمات: سلمان النصيف اداء: منير البقمي 

وين احصل عافية قلبٍ فقد عافيته
والحزن يلعب ب صدري والحمام يغني
ياحبيبي وش بقى ل رضاك ما سويته
كل ما قربت منك ب عذر تبعد عني
اخر ظنون الغلا بيجيك لو ما جيته
مير هالمره ياليتك ماتخيب ظني
لا تخليني ترى العاشق لياء خليته
يكره الدنيا ب سرعه كيف؟ لا تسالني
القلم عنا يديني مثل ما عنيته
لين صرنا كل واحد ل الوصل متعني
ارسمك طريق وصلٍ جبته و وديته
والرسم ما هوب من طبعي ولا فني
مستحيل انساك واسمك ما يوقف صيته
الله يطعني على شانك تعال اطعني
من بعدك الوقت ما يرحم ولا حبيته
كل حاجه فيه تاقف ضد ضحكة سني
لا الفجوج توسع الخافق بعد ما ادميته
ولا الديار الامنه تقدر بعد تمني
حتى صاير بيتنا عقبك الياء طبيته
كنه يقول اخذ حزنك معك واطلع مني
رايكم + لايك + أشتراك + نشر
وترقبوا كل جديد بإذن الله
تويتر | Twitter
‏ / rami_gard
انستقرام | instagram
‏ / rg.m7
سناب شات | Snapchat
‏ / rg.m7