شيله يازين المنشد فهد المسيعيد الشاعر سطام سلمان المنيجل اهداء للجمهور العزيز 

يازين يامشغل ن بالي
طالبك انا لاتخليني
ارفق علي يابعد حالي
ياشيخ كل المزاييني
شف كيف الاقدار يالغالي
تجمع قلوب المحبيني
مريت صدفة على فالي
مافيه شي بينك وبيني
الـغـيد يازيـن الامـثـالي
تفداك ياكامل الزيني
ادخل على الله ترا مالي
الا انت ياداعج الـعـيني
قبلك انا دالهن سالي
مافيه مخلوق مشقيني
ليت لي جنحان واكفخ عن العالم واشوم
لاجل يصفى خـاطـر اللـي زمـانـه كـدرَه
مـايـغثـك فـالـبشر كود نـقّـال العــلــوم
كـل علمٍ يـارده .. فـالـمجـالـس صـدرَه!
مـايحـب الـنمّ غـير الردايا والـرخـوم
السـنتهـم بالـفـتـن والـسمـوم امـخـدرَه
الـردي مـايـرتـفـع لـو رفعـته للـنجـوم!
والـكفو لو هب صلف الـهوى ماحـدرَه
والرجال اهل الوفـاء والوجاهه والعزوم
امـحشومـه عنـد كـل الـمــلأ وامـقـدرَه
وحنا راس القوم وان واجهوا القوم قوم
كل فعلً يرفع الراس ناخذ ندرَه
قسمنا بصيت الفعايل من خيار القسوم
ودوم أسامينا بكسب الجزال امبدرَه
مايخوفنا كلام و لا تضعفنا هموم
و مؤمنيننً باللي الله علينا قدرَه