يا ختي عندك الحق في واش قلتي لكن كيتكون الشرية مليحة انا زوج ملاين منهم كلشي ءالكراء والكهرباء وفتورة الماء ومصريف البيت وعندي ثلاثة اطفال يدرسو وانا امهم وانا ابوهم لانو ابوهم متوفي الله يرحمو والله يااختي منقدرش نخبي بلعكس راني دايرا حتى الدويون وصرف منقدرش نخبيه ولادي لازم كل يوم ومنقدرش نحرمهم والحمد الله
قصدك ..ادمان الهاتف النقال؟ شكون يخدم لك الشغل؟! نظمي وقتك و التليفون خليه بعد صلاة الظهر.. شوفي شوية و أمبعد ديري القيلولة ..و مع لعشية كامل كي ترمي عشاك..ربي يوفقك حنونتي 😘😘😘
واالله ياختى عندي مدة نوجد بيت الحزين راني كملت حتى قفة رمضان كملت اساسيات و كمليات زدت درت شحيحة حبيت 3 مليون حتى كيشاف رجلي واش وجدت هاد شهر تبدل كان يعطيلي 5ملأيين دورك يعطيلي مليون كل 10ايام راهي تلفاتليكيفاش نسرق قوليلي كيفاش نقسم مليون في 10ايام و شكرا فريزة
و عليكم السلام حبيبتي الغالية 🥰😍♥️ ماشي لدرجة الحرمان حنونتي 😍♥️ القاطو نصنعوه فالدار احسن و الغداء برا كذلك ..السكريات و المشروبات الغازية ضرهم اكثر من نفعهم..من الاحسن نستغناو عليهم و دراهم نلموهم
حبيبتي ربي يوفقك لما يحبه ويرضاه ,ويبارك لك في تعبك و بالتوفيق 😚❤❤🌹👍مشكلتي ولادي مايخلوليش الصرف 😖 مانقدرش نحرمهم ڨاع وفي نفس الوقت لازم تمديلهم حتى ولوكان نطيبهلم حاجة مع القهوة
أمين يا رب العالمين 🤲 ربي يحفظك و يوفقك أنت ثاني حبببتي سوسو 😍♥️😘 بالنسبة للاولاد ما نحرموهمش و ما نتلقوش الحبل ثاني ..لوكان نساعفوهم ما تفراش...القاطو و السقايط ما ينفعوهمش..بالعكس يوخذولهم سنانهم..انا هدرت على المرأة الكبيرة ماشي الاولاد .كاينة هي تحب تاكل السقايط..تحاول تستغنى عليهم..و تلم و دير التاويل..الكرش غرارة و رباطها عقل..و الاولاد نعلمولهم الحصالة..و الله غير طريقة جيدة لتحمل المسؤولية من الصغر..ربي يوفق الجميع
@sosofitness ههههه..ربي يحفظك حنونتي 😘😘😘 مكراشة و جي عليك يا الفحلة...المهم الوحدة تعرف كيفاش تسير دارها و حياتها..ربي يوفقك ان شاء الله و يحفظ لك وليداتك يا رب 🤲
السلام عليكم حبيبتي الغالية 🥰😍♥️ ابداي مع اولاد الجيران..خاصة راه قريب الفروض و الاختبارات..أطلقي الهدرة انت و خاوتك..ديري اعلان ..ديري صفحة فالفايس بوك فيها رقم خاص بالعمل و ليس المحادثات الشخصية..الخ...ربي يوفقك حنونتي..ربي يرزقك من فضله الواسع 🤲
@@user-bq6uw8hq6l والله يا ايوتة ما تشكري حاشاك منين يدخل ليتوالات يسيحل الدم ملي جات الكورونا عندها عامين ودخل للمستشفى ودارولو الدوا التاعها جاه هذا المرض وزاد معاه فقر الدم وش نديرو الحمد لله هكدا ولا اكثر ربي يحفضك مول بيتك واوليداتك ويكمل كريشتك بالخير ان شاء الله تعالى
السلام عليكم أختي الغالية 🥰 😍 ♥️ ما تزعفيش مني بالصح نسقسيك أنت وين تكوني يا لالا كي يطيح؟! اذا تتحملي المسؤولية و تعسيه صح و اذا تعرفي روحك دوري منا و لهيه..غير أخطيك..ولاد الناس أمانة لازم نحافظو عليهم...كوني قوية و مسؤولة💪
السلام عليكم حبيبتي الغالية 🥰 😍 ♥️ نعطيك مثال بسيط..عندي في فاميلتي زوج خاوة باباهم توفى..الله يرحمو..واحد قعد في دار باباه يعني الكونتور تاع العائلة و الثاني هبط التحت و جرا على الكونتور دارو وحدو و باسمو..تقوليلي كيفاش؟ لانهم دارو الفريضة و خرجو الدفتر العقاري و الدولة بينت نصيب كل واحد فيهم ..و السكنة تاع الورثة على اسم باباهم و ما زالهم مع بعض..ضرك مانيش عارفة الوضعية تاعكم ..شوفي من خلال هذا المثال كشما فهمتي و خبريني
اختي كاين اللي يكون باباه دايرلو عقد هبة يقدر يمضيلو الموافقة على الكونتار تاع الكهرباء وتولي باسمو يعني باسم الابن،يعني في ميزك شكون يبغي يخلص تريسيتي على لوخر لوكان ماتكونش الدار ديالو،فهمتيني،وكاين حالات أخرى كيما اللي يطلبولو ورقة الاقامه في دوسي،وهاد الورقة يديروها بكاغط الضو باتفاق مع اللي رآه موافق على الإقامة معه في نفس السكن مثلا بغيتي يعطوك سكن في ولاية أخرى لازم تعملي إجراءات تبين راكي ساكنة فيها من خلال فاتورة الكهرباء او بغيتي يعطوك إقامة في الجامعة تكون قريبة ليك،لازم تجيبي شهادة الإقامة من عند فاميلتك يضمنك انك ساكنة معاه بكاغط الضو يخدموهالك،حاجة أخرى مانعرفش سقسي😊