🌋 نار لم تحرق سيدنا إبراهيم 🔪 سكين لم يذبح سيدنا إسماعيل 🌊 بحر لم يغرق سيدنا موسى🐋 وحوت لم يأكل سيدنا يونس. قل : لن يصِيبنا إلا ما كتب الله لنا 🤲 فكن مع الله و لا تبالي 🤲 يا رب فرج على كل من ضاقت به الدنيا. يا رب يشفي مرضانا يارب إرحم جميع موتانا. آمين آمين يا رب العالمين 🤲 شكرا على مروركم العطر طيب و يا رب يفرحهم و يسعدك قلوبكم طول حياتكم إن شاء الله🤲❤
لكان تديرها غادي يتفضح و يتزوج بيها علنا لانو غادي يجبروه يتزوج بالبنت او يدخل للحبس يعني مافيهاش مخرج من الاحسن تسكت و دير روحها ما علبالهاش و تجمع شوية دراهم و تدير مشروع لروحها سواءا خياطة او صنع الحلويات و تخدم على روحها كي تعرف روحها بلي جمعت دراهم صحاح تطلق من عندو و تروح عند والديها او تكري و تتهنى من لعذاب لان السكوت على ماراه يديرو زوجها مش ساهل راها تتعذب مليون مرة و ما يعلم بيها غير بي و ربي يفرج عليها و يعوضها خير
لا لا ماتواجهيهش خليه هكا دايرلك الحساب اما الا عرف بلي عرفتي يتبدل في المعاملة ويرجع يبات عنذها بلا حساب ويمكن يخرج عليك مرة وحدة شوفي اختي تعاملي معاه كأنو مكان والو وحاولي تسحبي منو سوارد وتخبي ولو حتى دسي بالسرقة متخليش يعيش الاز
انا انقلك ماتواجهيهش اذا واجهتيه تجي تشاركك في كل شيء خليها في الخفاء احسن ممكن نزوة فقط ويرجع لك وحدك راكي باينا انسانة عاقلة تجاهلي الامر واصبري واتجهي لله سبحانه وتعالى اكثري من الاستغفار وقول لا حول ولا قوة الا بالله
😨صراحة تفاجأت من رد فعل صاحبة القصة لما كتشفت خداع زوجها اي وحدة في الحالة العادية كانت تروح وتتهجم عليه لما ايروح الهديك المراة او تخبر الشرطة او تخبر امها ،،او، ،،،او. ،،،، لكنها تمللك شجاعة فولاذية شهر كامل صابرة فعلا امرأة فحلة ماحبتش تتسرع به ماتخربش دارها عليك بالحوقلة مئات المرات في اليوم 👍🏻 كنز ومعجزة في تفريج الهم لا حول ولا قوة الا بالله
نتمنى سكاتها مايدورش عليها لأنو الراجل لي يخدع يدير كل شيء قادر يخليها على الزيرو كي مدارش قيمة لولاده وخان زوجته قادر يديلها رزقها ويعطيه للخاينة تاعه
«لي فات انكشف ريح» مليح كي شدت روحها ، لازم لو تخميمة هذا الراجل، و التدخل ما تكونش وحدها. و قبل المواجهة، اضمني حقوقك ، خبي ذهبك، كواغطك، دراهمك و الدار اذا أمكن. كلشي راه في السر، ما راكيش عارفة نوع العلاقة مع هذه الخداعة. بالنسبة للتدخل ، شوفي الشخص المناسب لي يفدر صح يوقف معاك ، اخ او خال او عم . يوم تقرري تكشفيهه، اوقفي لو عند باب الدار . دقدقي، اكشفيه ، بصح ما تفضحيش الحالة برا ، بينياو بلي فقتي، و ارجعي لدارك بهدوء. حاسة بلي ما راكيش مفرطة في زوجك . ربي معاك. .
عسيه كي يدخل عندها طبطبي دخلي وواجهيهم مع بعض شك لكبير كان يخون فيك وراجلها حي وكي مات انا نضن راه متزوجها مدام دراهمو ميبانوش راه يصرفهم عليها مال واجهيه وخيريه بينك وبينها ربي يفتح عليك
ماشاء الله عليك الاخت صفية حكاياتك راءعة وانت اروع والله كل يوم نسمع غير في حكياتك .أما صاحبة القصة لازم المواجهة باه إبان الصح والسكوت على الحق شيطان اخرس وهذا حقك ولازم تدافعي عليه موش حرام والا عيب .سلام صفية ربي أهنئك ويعطيك الصحة .
حاولي تقراي القرآن يوميا و تختمي كل سمانة و قيام الليل و الدعاء و الصدقة بواش تقدري و كثرة الذكر اكثري من الحوقلة و الاستغفار و الصلاة الابراهيمية و دعاء ربي اني لما انزلت الي من خير فقير و ربي لا تذرني فردا وانت خير الوارثين و ربي يرزقك بصلاح زوجك عاجلا غير آجل يا رب 🥰😘😍😘
انا من راىي نخليه على هواه ونعمل حالي معلبالي بولو ونحيله غير دراهم وندير مستقبل ولادي لوكان تواجيه قادر حتى يطلفك ويخليك انتي وولادك ظايعين قادر يحبس عليك حتى المصروف امالا اتغداي بيه وبيها قبل ما يتعشاو ببك كثري عليه الطلب تاع المثروف وكولي شوي وخبي شوي هذا هو الزمان مبقاش الامان الناس ولات غدارة
السلام عليكم ورحمة الله وبركاته، انا في رأيي ما تواجهيهش لانه اذا واجهتيه احطك قدام الأمر الواقع ... و تولي انتي ماشي مليحة و مستحيل يعترف انه غلط ،... الرجال هاكذا لما تفضحيهم ازيدو يتمردو... ياك ناس بكري يحكيو على امراة هكذا راجلها متزوج عليها و ماقاللهاش و كي مات الناس جاو اخبروها انه متزوج.... قاتلهم علابالي ولكن كنت مخاليا الموضوع سر و عايشة سلطانة ..... طول عمرو و هو محّن اخبّي و ماشي عايش هاني مع الثانية ...و نشوفو ادير المستحيل باش ما نفيقش !!. كي راهو مليح معاك اختي و الله مكاله تواجهيه خليه يقتلو غير تأنيب الضمير و زيدي في الانوثة ديالك ... و الكلام الحلو.... و خليه عمرو ما يحكيلك باش تبقاي انتي العزيزة ..... واقتليه غير بالكلام انت بابا انت كلش في حياتي. ... و اذا قدرتي قوليلو جاوني الجيران حبو يخطبو امراة عاشور قالو مازالها في دارها و بغاوني نروح معاهم و شوفي ردة الفعل ديالو، و زيدي قوليلو انا قلتلهم ماضنيتش تقبل راجلها عام ما قفلوش..... اكيد اذا قبلت غير باش تبروفيتي في هذا الخطاب ... مستحيل تكون نسات راجلها ياك كانت تقول راجلي كبير ....الخ و لكن كانت تقول نحبو نموت عليه و ما نصبرش عليه ، ..... خليه احس بلي تمسخرت بيه ! ..... و احرصي على أنه ما افيقش بلي علابالك كاينا حاجة .... ربي افرج عليك اختي ، و حبيت انقلك انه ماكانش انسان ما يغلطش في هذه الدنيا ....و راجلك باينا عزيزة عليه و ما حبش يكسر خاطرك كي ما خبركش كاين رجال و الله يتزوجو و حتّى اخونو عيناني قدام نساهم و ما علابالهم بحتى واحد حتى من ولادهم ما يحشموش... و كذلك لازم تعرفي انه ربما استعطفته..... و هذه نفطة ضعف كثير من الرجال ....ضعف المرأة ارجعهم ما اخموش.... لذلك قتلك أعلاه بينيلو انك والو بلا بيه ! لا أدري ان كنتي تعرفين قصة اُمُ ذَرْ؟ ... كان زوجها احلى زوج من معاملته لها و صدقه و كان مسيحي من كثرة صدقه طلّقها ذات يوم كي يتزوج بأخرى (لم يخنها ) و بالرغم من ذلك بقات تهدر فيه غير الخير و لم تنسى حسن عشرته و ذهبت تحكي عنه لعائشةرضي الله عنها ..... حتى قال النبي صلى الله عليه وسلم لعائشة كنت لك كابِ ذر لام ذر غير انني لا أطلق ! .... علابالك مع من تزوج اب ذَرْ ؟ مع امراة وجدها في الطريق مستضعفة ترضع طفلين في حجرها !!!!!!!!!!! غاضتو طلق مرتو و تزوجها ليحميها !
والله رايك في القمة والمستوى والراي السديد من الاحسن ميفيقش وتتعامل معاه وتقتلو بتانيب الضمير وتتهلا في دارها واولادها خير من اولي اقلك نهار ليك وعشر ليها
باينة راه مزوج بيها ..اتأكدي عقد ولا فاتحة...لوكان خيانة ساهلة .قولي راهي اشاعة رجال راهم يدخلوا لهاذيك الدار وحابين يحاوزو الكراية وقوليها غير لراجلك.باش ماتديش ذنوب وقبل متواجهي ....حبسي الإكتئاب اتغلبي عليه اصبغي ..تزيني ..إمشطي ..... تغنجي وتلوعبي في لكلام..وبقاي كوفي روحك...هو يقول علاه راهي تتبدل ..ربما كشفتني....آواه لالا لوكان حكمتني....اتلقايها. ...روحي لدارهم سقسي عليها ....وقوليلها او لأمها ....حبت نوري بنتك لفاميلتي مرفه مطلق وعنده ولد واحد وعنده الخير والطومبيلات...و. و... وراجلك ماتخبريهش تمتم ..قوليو من بعد بسمانة ..رحت طليت عليها .. زارتني في المنام ..قلت نديلها صداقة ونسقيي لوجه ربي.....يبدا يتويوس منها ..مع الهدرة تاع رجال راهم بدوروا في هاءيك الدار..يقلك هاذي تاع مادة
وراكي معاه نرمال 😢 يعطيك الف صحة وينور عقلك بيما هو احسن ليك ولولادك نتي حاولي تجبدي راجلك منها قبل ماتبينيلو بلي راكي فقتي بيه شفتي الزواح لي يكون بلا رضاء الوالدين 😢هك يكون
