لااعلم مافي بيوتكم٠ولكن أسأل الله إن كان فيها "مريضا "ان يشفيه وان كان فيها "مهموما "ان يفرج همه ،وإن كان فيها "مديونا" أن يقضي دينه ، وإن كان فيها مبتلا أن يعافيه وإن كان فيها" ميتا "أن يرحمه ويرحم موتانا وموتاكم ويجمعا بهم في الفردوس الأعلى
اوووو جيش أم ريتاج فطنتو شوية 😅ربي يخليكم و حتى أنا ربي يرحمها اخت عجوزتي نموت عليها وتموت عليا تجيني طول وتفرح الاولاد بالحلوى كانت اعز الناس ربي يرحمها
والله نموت عليك هدرتك طيبتك تواضعك فحولتك قناعتك النصاءح الي تمديهم عسل علي عسل ربي يعطيك واش تتمناي ويعلي مقامك في الدنيا والاخرة ويعيشلك وليداتك وراجلك ويطول في عمر امك ويرحم باباك دعوة منالقلب في هذه الايام المباركة
اني عند يما ومتكية في بلاصة بابا الله يرحموا 😢الدار بلا بيه ضلمة يدخل يهز يخرج يهز كل خير يجيبهولنا كما ليام هذو يجيب لاكرام يجيبلي كل ساعة باطة😢😢 وخلي وخلي يقولي بردي بيه قلبك أنا كي نجي لدارنا نخدم كلش التنظيمات والترتيب والفرز ...ويقولي يابنتي بزايد نهار كامل انت حك حك 😢😢الله يرحمو ذرك لامن يجيب لامن يدخل 🎉😢😢يما مريضة محبيتش نبين توحشت بابا الدموع حاكمتهم ربي يتقبل عليك الصداقة عليك وربي يقدرنا نكونو بارين ليهم بعد الموت
ربي يرحمو ويوسع عليه نشاله في هادو لعواشر كي قريت كومونتار نتاعك بكيت بابا هكدا تاني كي نروح دارنا ميخلي مايجيب ولادي ميخليهمش ربي يخليه لي واحد ماهو حنين عليا كيفو ادعولو في هاد لعواشر ربي يحفضو ويطول في عمرو
حبيبتي وشراك بكينيني انا ماما طردها بابا رانا بين نارين ماما قعدت عندي وعند اختي وبابا عايش مع مرتو الثانية رانا كل يوم بين نار انا واخواتي ملقينا مانديرو ربي يصلح الحال.ربي يدوم ارزقك ويبارك في اولادك
❤❤❤❤اه اه يا لحبيبة لغالية راكي اختي وحبيبتي فكرتيني في اليتم والله ما نحب نبكي قدام ولادي وزوجي راني تربيت يتيمة لا ام لا اب من الصغر وخاوتي لا علاقة تاع نساهم وربي يخليهم كيما يقولو لابغات ودار بابا مسكرة ما فيها حتى حد كي نحب نروح ندخل نلقا غير لحيوط ونسا الخاوة في الحوش فنجان قهوة ما تشوفيهش منهم المهم انا ما نتمناش الشر لحتى واحد والفت اليتم والفت ما عندي لمن نروح نرد غربتي لولادي وراجلي والحمد لله زوجي معوضني وربي حنين كريم وربي يرحم والدينا كامل ويخليلك ميمتك ونتصدقوا وندعيولهم وراكي دايما مكفية وموفية نحبوك ونحترموك يالحبيبة اختك الاستاذة ام محمد ❤❤❤❤
الله يبارك الإنسان لي شبعان من عند ربي وأنت ربي عطاك قناعة من عندو ربي يكثر من مثالك انت تمديلنا الطاقة الايجابية واليوم مديتيلنا درس رائع على إكرام الضيف ربي يعيشك لوليداتك ❤❤❤❤❤❤
ربي يرحم باباك و والديا احساسك راني فاهماتو لخاطش مريت من هذا الطريق فقدان الاب و عامين بعدو الام الحنون و رغم الدار عامرة بخاوتي بصح والله ما نقدر نروح نمرض كي نلحق لبابنا و هما مكاش في الدار 😭😭😭 ربي يرحمهم و يرحم كل موتى المسلمين🤲
والله يا ام رتاج انا امي ماتحبنيش نزورها على خاطر ولادي تخيلي نروح زيارة غير والمناسبات وهي لوكان تلقا كيفاه ماتجيش مع انو عندها غير ولادي انا برك لدرجة تقولي نت أرواحي ولادك حتى رجعت مانروحش خلاص كاين لي يبكي على دار باباه بعد موت الوالدين وانا والدي عايشين وانا محرومة من دارهم ومن لمتهم قلبي واجعني كل عيد وانا نبكي رجعت كي نروح نحس روحي ثقيلة خطوة للور وخطوة القدامى يا ناس وين شفتو ام ماتخبش بنتها تزورها مع انو ما ندخل فيهم ماوالو كاني برانية عليهم ساعات نحلف نقول حتى بالتليفون مانعيطش بصح مانقدرش وهي لوكان مانعيطش انا لا علاقة وخلي وقلبي راهو مدمر يا ام رتاج للدرجة هذي لقلوب قسات
@@oumritgebatniyaكيفاه عرفتي سحر تفرقة والله العظيم لاتقولي ماليس لك به علم تحاسبي امام الله والله العظيم كاين والدين سامحهم الله مدايرين واحد كبدة واحد رية كاين والدين قاسين اكثر من الحجر
والله يعطيلك ربي علا حساب قلبك وربي راه يرزقك بكل الطرق لانك انسانة متربية والدليل نتاع التربية تهزيه من الام ياختي هندة ربي يحفضك نشاله ام ملاك طمين يالحبيبة
ام ريتاج انا متتبعة جديد عندي شهر ملي نتبعك فيديواتك اكل شفتهم نموووت عليك والله غير طااااااقة ايجابية تعجبني الضحكة نتاعك ديري لي تحية في فيديو نتاعك الجديد معاك روووزة
بعيد الشر عليك ربي يخليك لولادك وتفرحي بيهم يارب ليتم صعيب انا عشت بلا ما ربي يرحمها ماتت صغيرة وخلتنا في هاذ الدينية واللحمد الله ربي يخلينا بابا ويطول في عمرو
ربي يجعلها صدقة مقبولة على الوالد نتاعك ربي يرحمو و عليك و زوجك و اولادك مكاش كيما الثدقة و الكلمة لحلوة خاصة لناس كبار هما البركة ربي يطول في عمرها و يشافيها❤❤
ام رتاج اسمحيلي قلتي لوكان الموت تخير اني خيرت نموت انا ويبقى بابا على جال خاوتي وخواتاتي ونسيتي ولادك كي تموتي انت وين تخليهم بعيد الشر عليك وعلينا وان شاء الله نكبرو ولادنا ونوصلوهم لبعيد
ربي يعطيك قد نيتك. يا ام ريتاج اختك ام انيس من المسيلة دايما نتبعك ومنعلقش ربي يفرحك ويبارك لكي في عمرك وولادك. ويرحم الاب تاعك وامي وجميع اموتى المسلمين ويحفظ الاحياء
ام ريتاج ادعي لباباك وصدقي عليه تلقاي حتى انت اللي يصدق عليك خطرة اخرى ربي يرحم باباك ويرحم بابا واحمدي ربي كي عشتي مع باباك حتى كبرتي انا بابا مات والله ما نشفا عليه وما نعرفو كي مات خلاني عامين ونص في عمري المهم اللي حي ربي يعيشو واللي مات ربي يرحمو نتلقاو فالجنة ان شاء الله
شكرااااا صديقتي الغالية 🥰 على كلامك المعسول و النصائح لي تمديها من قلبك الطيب الضيف كي يجي يجيب البراكةمعاه كي راح ضيف الغفلةراحت النيةوحلاوةالدنيأ اه بكيتيني الله يرحمك ياميمتي الغاليةوربي يرحم الوالد تاعك ويرحم جميع موتى المسلمين ويجعل قبورهم روضة من رياض الجنة يارب 🤲 شكرااااا على كل كلامك لي فيه راحة نفسية روحي ياهنودة ربي يعطيك كل خيرات الدنيا يارب 🤲 ربي يحفظلك زوجك ووليداتك وكل اهلك ويطولك في عمر ميمتك ويخليها تاج على رأسك يارب 🤲 بالتوفيق حبيبتي ❤
❤❤❤❤❤ كلامك موزون ربي يتقبل عليك في العشر ذي الحجة ربي ايحطهملك في ميزان حسناتك يارب العالمين الدنيا مادومش دايم ربي سبحانو اكثرو من التكبير هذه الايام ايام الله ربي يتقبل منا ومنكم الصيام والقيام❤❤❤🎉🎉🎉🎉
ام رتاج انا معنديش أمي ربي يرحمها مزال بابا حي بصح عندو مرتو وااولادها تكرهني ومتحبنيش نروح عند بابا حرمتني منو وهو حي راهو في قلبي نتوحشو بصح الله غالب منروحش 😢
حبيبتي ام ريتاج ربي يفرحك ويقضيلك وش في قلبك ويرحم الوالد تاعك في جنته الواسعة ورحم كل أمة محمد صلى الله عليه وسلم ام رتاج من فضلك ادعيلي ربي يفرج عليا ويفرحني 😢😢😢 والله كي تضيق بيا نتفرج فيديوهات تاعك تريحي القلب والله
مساء الخير حبيبتي ام ريتاج ربي يوفقك حبيبتي ربي يعطيك ما تتمني وربي يرحم باباك ويجعله من اهل الجنه يا رب العالمين وربي يوفقك وربي يحفظك يا حبيبتي❤❤❤❤❤❤
نحبكم ام ريتاج على بساطتك وجهيلي تحية ففديوهاتك ام اية من الجزائر ودعيلي دعوة خير نبرا ان شاء الله نموت عليك وعلى ماعنك ❤لبسيطة شكرا❤ ندال نكترلك ليجام