صريح جدا: هذا ما أنفقه مترشحو البكالوريا على الدروس الخصوصية ..! 

أنا ماعندي مادرت ليكوغ بابا ميت وأحنا قيسنا وقيس رواحنا نقرا وعندي ثقة في ربي ودعوات ماما أن شاء الله ننجح ونفرح ماما لي يفوت منا يدعليلي ربي يوفقني

الأغرب أن الأستاذ في الثانوية يعمل مع التلاميذ بشكل سطحي لا يهتم وأثناء دروس الدعم يصبح استاذ آخر يتفنن ويعطي كل طاقته لماذا. ? حرام عليكم حللوا رواتبكم خافوا من العاقبة

والله ملي طلع وليدي للبيام وانا نحكم الذراري في داري ونخلصلو فليكوغ وهذا العام عندو الباك ان شاء الله ربي يفرحو ويجيب معدل تع طب

والله غير كنت نشد دراري باش نخلص ليكوغ وان شاء الله يفرحني وليدي خاطرش تعبت بزااف وان شاء الله تعب الاولياء مايروحش خسارة😢😢😢😢

يارب معدل17 لصاحبة التعليق آمين 🤲🥺 أدعولي نجيب الباك ب 17 و نفرح ماما 🥺🤲 و بابا في قبرو 🤲🥺

أنا جامي درت ليكوغ وجبت المعدل 17.88 والحمد الله

انا ماما وبكل فخر تخدم ميناج وتسلكلي ليكوغ يارب يارحمان يارحيم يارزاق ارزقني فرحة بكالوريا هذا العام ونفرح بابا في قبرو ونفرح أمي لعزيزة لي تعبت عليا خاوتي ادعولي بنجاح هذا عامي ثاني

أنا ندير ليكور في قالمة الحصة ب10الاف تاع الابتدائي والمتوسط وتاع اليسي ب15الف والحمد لله عندي تلاميذ بزااف ومستواهم ماشاء الله "إرحموا من في الأرض يرحمكم من في السماء "

الله لا تربحهم المعلمين تع ليكور عراونا حطينا بنك تع دراهم استغلونا لنكرهو كون ماجاش لازم والله مانخسر والديا 🥺ان شاء الله ياربي ندي لباك ونفرحهم وكلشي يهون 🥺🥺

الأساتذة لي يستهزاو بأقسام النهائي خاطر التلاميذ دايرين لي كور يلقاوها على قلبهم يولو الحصص يفوتوهم تمسخير و يغيبو كيما يحبو... الطلبة اصلا لوكان لقاوكم تقرو من قلبكم و تفهموهم مليح مكانوش يديرو لي كور (الا من رحم ربي) على كل حال ان شاء الله كل واحد فوت العام هذا يفرح والديه

انا اصلا جامي درت ليكور و ديت الباك ب 14 ، يا ودي كاين كلش اليوم الانترنت وحدها تجيب بها الباك ، انشاء الله النجاح لجميع المترشحين

والله غير سنسلتي بعتها على جال ابني وان شاء الله يفرح وينجح يارب وكامل المترشحين يارب🤲🏻🤲🏻🤲🏻

سوف تحاسبون ايها الاساتذه الثانويه اجبرتوا الطلبه على الدعم ..فقط الله يعاون الزوالي

انا ماما وبابا خدموا طول العام على جالي كي ميناج و طعام وكي بابا يخلصلي ليكور تعبوا بزاف وان شاء الله تعب تاعهم ميروحش فالباطل و ربي يحفضهم على صبرهم و تعبهم على جالي والبيام باذن الله فالجيب وحبكم والديا 🩷🥹💞

والله معظم الاساتذة كارثة في المدرسة لايدرسوننا وفي مدارس الدعم يتحول لاستاذ أخر من أجل المال اين القانون ليمنع هاذا والله لاحول ولا قوة إلا بالله

عجز اللسان عن التعبير يجب القيام بالمراقبة الفجائية للأساتذة أثناء تأدية مهامهم واتخاذ الإجراءات الصارمة ضد اشباههم

الوالدين مساكين بكيت والله ربي يفرحهم

للاسف مشي كل واحد يقدر يدير دروس دعم انا عن نفسي نقول بلي لازم الوزارة تعاود النظر فالاساتذة لي يجي يدخل تعليم بالك ليسيات اخرين فيهم اساتذة الله يبارك اما انا لي قراوني هذا لعام خاطيهم التعليم الا استاذة تاريخ واسبانية ربي يحفظهم انا الاخرين صح متربيين ونحبهم لكن الحق يقال مايقروناش والو تخيلو استاذة ماتعرفش محل جمل حتى نصحولهم حنا تلاميذ عيب والله وزيد تلاميذ يقرو برا ويديرولنا فوضى حنا لي ماعندناش وين نقروا لا عندك دراهم تدير برا بلع فمك خلي لي ماعندهش يقرا فقسم وبالتالي بعض اساتذة خاطيهم تعليم والبعض الله يبارك وتلاميذ تاني لي مايكونوش مهتمين داخل قسم ويشوشوا على اخرين واش نقولكم ربي يهديكم و ربي ينجحنا ان شاء الله

أنا صراحة كنت نزيد غير فالهندسة الكهربائية عند استاذة ماشاء الله جامي تحاسبك على الدراهم ولا العكس تزيد لنا غير 100الف للشهر وديفوا نقراو كثر ملي نخلصو ربي يكثر خيرها

انا مدرتش دروس خصوصية كامل و الحمد لله جبت باك وكملت في الجامعة الحمد لله

عقبت الباك تاعي في 2010 مكانت عندي لا انترنت لا دروس خصوصية من الكتب برك وجبت الباك ب 13 قريت فالجامعة وضك راني فالدار لاخدمة لا والو 😂

يديرو دروس خصوصيه على خاطرش الأساتذة في شبه منعدمين في الثانويه دائما غايبين يخلصوا و غايبين والله ما سامعين بيهم لوكان جات رقابة و مزيرينهم ما يديروش هذا الشئ ولكن راهي سايبا التلاميذ مساكن مخلينهم يتخبطو وحدهم و نهار الامتحان يحرقوهم حسبما الله ونعم الوكيل

مفهمتش علاه يكلفو فرواحهم انا والله غير بقراية فدار وليوتوب ديت 18حتى فليسي كنت نريح فلخر ومنتبعش اصلا ادوها من عندي خاوتي حاول تقرى وحدك ولا مفهمتش عفسة روح لليوتوب فيه كلش 💝💝💝وبالتوفيييق

انا استاذة وافتخر لاني نخدم لصدق وبضمير في القسم وما نديرش ليكور حتى ومانيش لاحقة ظروفي صعبة بصح فرحتي كل عام كي نشوف تلاميذي نجحو الدنيا وما فيها..يا رب نجحلي كامل تلاميذي هاد العام وكل تلاميذ الجزائر

نرجو من الوزارة إعادة النظر في نقاط التحصل عليها في بكالوريا في حالة رسوب طالب يجب الابقاء على نقاط التصل فيها عشرة وأكثر ودخول المرة الاخر في المواد الغير متحصل عليها فقط

النتيجة : ناجح💯... 🤲اللهـــــــــــــــــم حقق هذه الأمنية لكل طالب وطالبة ...ولنا في الثانوية والمتوسطة أحبة....فيارب نجحهم ؛ ووفقهم ؛ وأكرمهم ؛ وحقق لهم أمانيهم واجبر بخاطرهم ؛ وأسعد قلوبهم وقلوب والديهم.....بنجاحهم وتفوقهم .اللهـــــــــــــــــم آمين يارب العالمين 🤲🇩🇿... وصل اللهـــــــــــــــــم وسلم على محمد ﷺ 🪴🕋...

الجزائري مسكين يصرف بدون توقف غياب كامل والمعلمين ربي يهديهم 😊

على الدولة مراقبة الأساتذة لي مايجوش للثانوية وجر الطلبة للدروس الخصوصية حاشا لي يخافوا من ربي ربي ينجحكم كامل وتفرحوا الوالدين 🇩🇿❤️🤲

والله غير بكيت على الآباء....والحمد لله اوليداتنا راهم مقدرين التعب تاع اولياءهم

عجز اللسان عن التعبير 😢 ربي يهدي هذو الاستاذا😢😢😢😢😢

انا ولادي في 18,5مليون في 3اطفال تعبت زيرت وخبيت دراهم ميقروش فالمسايد الجزائرية ولوكان تروح بريفي نيفو زيرو يطلعولك النقاط ونهار الامتحان والو تحت المعدل ربي يجيب الخير وراهم المسوولين حطمو ولادنا 😢

عندي أختي ولافامي تعنا كي جوزو الباك بلاليكور و مشاء الله يديو معدل18 ،هما يعاونو رواحهم في الدار ،وزيد كاين اليوتيوب فيه أستاذة مشاء الله يشرحو بالفهامة .

رب ينجح جميع المترشحين للبكالوريا ويفرحوا الأولياء تاعهم يا رب العالمين

حسبي الله و نعمة الوكيل في مدارس الدعم و الاساتذة الي راهم يزيدوا في دروس الدعم

والله ليكور في وقتنا أصبحت مودا إلى جانب الدورات.. و في أغلب الأحيان لا توجد نتيجة أين هو الخلل مقارنة بالسنوات الماضية التي لم تكن توجد فيه لا دورات و لا دروس خصوصية و النتيجة تكون مرضية

حسبنا الله و نعم الوكيل في استاذة العلوم الطبيعية كانت دايمن تتغيب و كي تجي تمد ملخصات فقط مما جعلني اتطرق الى دروس الدعم . طاحولي تقريبا عشرين مليون بصح مشي خسارة في ولدي ربي ينجحه و ينجح جميع الممتحنين يارب العالمين

واقيل غير انا لي فعام الباك تاعي كنت نبكي بالخناين والشهقة باش منديرش ليكور دارنا كانوا يهبلوا فيا باش ندير وانا مشي حابة برسكو نعجز نوض بكري ونعجز نروح وحمد الله قريت وحدي وتفوقت بمعدل جيد

السلام عليكم اخواني انا من جيهتي راني نوكل ربي على الاساتذه لي في القسم ميقروش الدراري ويحوسو غير على ليكوغ ولاو يشوفو في التلميد دراهم حسبى الله ونعم الوكيل فيهم ميخموش في الأولياء لي ملحقوش مساكن باش يوفرولهم ابسط الاشياء 😢 ربي يهديهم نشالله وين راهو الاستاد تع بكري لي يقري من قلبو ولي مفهمش يديرلو الاستدراك 🎉ليت تلك الايام تعودو يوما

كانت عندي تلميذة جامي دارت لكوغ قتلي نحل غير البكالوريات جابت 17 وراهي ذك طبيبة الله يبارك

المشكل فالثانوية والله ما يوصلوا المعلومة بحوسوا برك يكملوا البروغرام و فلي كور ما يعاودلكش الدرس يعني ما تديش أقصى ما يمكن .

انا والله مخي حبس ! علاااش تصرفو لهاد الدرجة ؟ دير ليكور ف مادة وحدة ولا زوج اخطيك م الدورات اقرا ف دااااار اقرا كاين مواضيع كاين يوتوب انا شخصياً درت ليكور ف محاسبة و رياضيات بسعر معقول و تعبت مليوتوب و مواضيع ف الدار و كنت نسقسي شيوخا عفسة مانفهمهاش كنت نحل بزاف و الحمدالله محاسبة خدمت و رياضيات شويا ماشي بزاف بصح الحمدالله جاوني ساهلين و المشكلة يقولك خلصنا و ما خدمناش !!! اين عقولكم و اين التوكل على الله

اللي يحب يدير لباز في الرياضيات يتبع تمرن اكثر مع الاستاذ شريط

كل واحد ورايو بصح والله وليت نشوف من غباء انك تروح من دورة لدورة من جمعية لجمعة و تسرف و تجري خاصة ادبيين تدخل لبنك بكالوريا فيه كلش اقعد كسر راسك وقرا وحدك يعني علاه خسارة هاذي وكان مكانش كاين وسائل ومواقع تواصل نقولو

يارب نفرح والديا هذا العام 😭😭😭😭دعولنا ننجح في شهادة البكالوريا 2023

السلام عليكم، نصيحة للجميع. اقرا وحدك لا دروس دعم لا والو. و تقدر تجيب معدلات خيالية. انا الباك مدرتش قاع ليكور و جبت 15 فلباك .. تقدر تقرا وحدك فدار كولش كاين فاانترنت و السلام عليكم.

الدمعة تجيك على بلادنا وولاد بلادنا

معليش هذا واجب الأولياء مع ولادهم بسماح عليهم ربي يوفقهم و يسدد خطاهم نسال الله لهم التوفيق و السداد و نجاح يتبعه فلاح رغم ان بعض الاولياء حرمو روحهم من اشياء كثيرة و تعبو في سبيل تعليم ابناهم لكن هذا ماشي خسارة فيهم الله غالب البرنامج مكتظ و الاساتذة ما لحقوش في الليسيات يكملوه و كان لازم الدعم خارج المؤسسة ربي يعوض جميع الاولياء و يفرحنا بنجاح اولادنا و هذي هي السعادة اسال الله العظيم رب العرش العظيم أن يصلح شباب المسلمين و يوفقهم لما يحب و يرضاه

الحمدلله ربي يحفظ اساتدة ولدي درسوهم كما ينبغي وكملوهم البرنامج والثانوية حرصت على تقديم الدعم مجاني في الايام الاخيرة ما درسناش ليكوغ وربي ينجحهم ويفرحنا

لا إله إلا الله الشعب فعلا يعاني والأساتذة ربي ينتقم منكم

الميهم إنشاء الله تنجحو وتفرحو ولديكم هذيك الفرحة وحدها ان معيشتهاش مي والله نفرح معكم كل عام ربي وفقكم

الي معندوش مسكين واش يدير ربي يكون مع التلاميذ الزواولا وربي يفتح عليهم ابواب النجاح بلا دروس خصوصية

راحو كامل دراهم في الدروس الخصوصية جاب الباك ب15 دخل لجامعة وكمل قريتو وراهو شاد الحيط صاحبو ماقرا ماتعب دار حرفة راهو خدام ما شاء الله ورايح يتزوج

هذا الفيديو لازم يوصل للرئيس ولوزير التربية والتعليم حول هذا القطاع الموازي لقطاع التربية والتعليم ووضع حل

الحمد لله لم ادرس ابدا بدروس دعم ولم اصرف قرشا واحدا عليها توكلت على الله ونعم بالله

ربي يحفظ جميع الامهات و الآباء و يطول في اعمارهم❤

قريت ليكور 4 اشهر ب800الف وابعد حبست 6اشهر وانا نخلص 400 الف انترنت فالشهر 2ملايين و400 والحمدلله

نشاء. الله. دراهمهم. ميروهوش. خسارة. ويتسهلو. معهم. في. في. التصحيح. ويرفعو. النسبة. هذا. العام. وينجحو. ولادنا. كامل. وكذالك. لعاودو الباك احرار. نشاله يلحقو. الاختصاص. لراهم. حبينو.

انا رابح بوعكاز من ذوي الهمم (ذوي احتياجات خاصة إعاقة حركية) صراحة انا جوزت باك تاعي في 2017 نظامي عادي في ثانوية مع عاديين كنت من انجب طلبة انا جامي درت كور انا كنت في ذيك فترة آنذاك مريض وبزاف وطول عام وانا نعالج في معدتي نقرا في شهر 15 يوم وباقي فراش مريض ومرات شهر كامل ما نحضرش وحمد لله تعبي ما راحش في مهب ريح ونجحت بكالوريا دورة جوان جوان 2017 آداب وفلسفة وحققت حلمي وتخرجت ماستر قانون اداري جامعة المسيلة دفعة 2022 ونستنا في فرصة توظيف بصفة دائمة في قطاع عام في منصب يلائم قدراتي الجسدية او فرصة للعلاج اعاقتي باه نمشي على رجلي مع علم انني معاق حركيا على كرسي متحرك و الحمد الله على كل حال

إن شاء الله تنجحوا وتفرحوا كامل والله يعوض لكم كل الخير اتكلوا عليه فهو لا يضيع أحد

الجواب الأن الأساتذة كلهم إلا بعض منهم لايقدمون ما يكفي التلاميذ داخل القسم ولا يشرحون الدرس بطريقة جيدة ولايقدمون التمارين الواجبة لكل الدرس أي التي يمكن أن تساعده في الحل التمارين في الإختبار رغم كل تركيز الداخل القسم أنا لا أجد مايكفي الدراسة 😢 نسبة الدراسة التي أتحصل عليه أحيان هي %1 داخل القسم أي أتحصل على عنوان الدرس فقط إلا مع بعض الأساتذ وأما بواسطة إنترنت والدروس خصوصية ٪99

حسبنا الله ونعم وكيل والله نشفا بروف كان يقريني كي نقولو مافهمتش يقولي ارواحي ديري ليكور كيما زملائك 😅 مي كل واحد وظروفه في دنيا هذي 😢 والله قريت وحدي ونجحت والحمد لله و ربي يرزقني بخدمة إن شاءلله 🤲🏼

أدعو لخويا يجيب الباك 40 دعوة من غريب مستجابة

أنا جوزت الباك في 2006 😍 علابالكم شحال صرفت دراهم 🤔🤔🤔 00 دج 😂😂😂 مادرت ليكوغ في حتى مادة 😉 والحمد الله جبت الباك ديالي 😘😊💪 ربي ينجحكم كامل إن شاء الله 🤲

انا صرفت تقريب عشرين مليون كل شهر ميتينالف و درت غير عربية و كان موضوع متناول الجميع و فلسفة واش رشخولنا مطاح والو 😢 دراهمي راحو هكاك و درت تاريخ و جغرافيا و سوجي جا في متناول الجميع الثورة الجزائرية و لكن الفلسفة معامل 6 صدمونا والله

الكل يسارع و يتهافت للنجاح في امتحان الدنيا و لكن و للاسف غافلون ان اختبار الآخرة

هلكنا بالكور ❤لو كان يعملونا مدارس خاصة ونخلصو ويضمنو نجاح اولادنا راح يكون احسن من لكوغ ❤❤❤شكون معايا

دعوة التلاميذ إلى الاجتهاد و المثابرة و لايحتاجون بعد ذلك إلى الدروس الخصوصية.القرار بين أيديكم أيضا التلاميذ و الأولياء

الصح في الارادة في القدرات اما ليكور مجرد بريستيج برك حاليا العالم تطور الناس راهي تتعلم مهارات خيالية فقط من الانترنت فمبالك مجرد امتحان تلقى مئات الكتب و القنوات اللي تفهمك احسن من استاذ ليكور اللي ممكن نفسو يقريك في القسم و ماتفهمش عليه

تحية والف تحية للوالدين صح ينحو من فمهم ويعطو أولادهم بأس ينجحوا الله ينجحهم ويفرحو والديهم

الأستاذ ماعلابالو بوالو يجي يدير الدرس تاعو و يدير تمرين خفيف ظريف و يروح هذا حرام عليهم و خاصة للشعب العلمية ماكاش لي علابالو بيك لازم الطالب يبحث و يدير تمارين و هو أصلا ماداش المعلومات الكافية من القسم لحل التمارين في المنزل علا هاكا بزاف طلاب يكرهو و يحبسو مايقدروش يكملو

كي ليوم نشفا استاذة فيزياء في الثانوية كي كان عندي الباك... وخدة. كانت تجي تقري فوق القلب، مترحمش التلاميذ لي يكون مريض وعندو ظروف تخليه يغيب، ومتحبش تشرح. مرة زميلتي مفهمتش حاجة، سقساتها والاستاذة بهدلتها قالتلها نتي جايحة متفهميش هذو الامور والساعة كامل وهي تتمسخر بيها.... الادهى والامر هذي الاستاذة كانت تقري عندنا وفي نفس الوقت تقري في بريفي.

لحظة ادراك ان والله ما صرفت دورو و لا حضرت حتى حصة تاع ليكور و لا دورة و لا شي .... كل ذلك و ساتحصل على علامة ممتازة باذن الله

التلميذ اللي يحب يتعلم المهارات الرياضياتية في الرياضيات يتبع تمرن اكثر مع الاستاذ شريط

صح والله أنفقنا بزاف وحد الاستاذة فالشريعة نقولولها فالقسم فهمينا تقولنا بسيف ما تفهمو روحو لليوتوب ما وليناش ندخلولها اصلا نشالله يارب ننجحو و نفرحو والدينا هذا مكان 🥺❤️❤️

وانا حبست القراية في 1 ثانوي لضروف مادية . و ضك راني قاعد لا خدمة لازدمة لا منحة بطالة . وناس راهي تصرف 10 ملاين غير ليكور . حسبنا لله و نعم الوكيل.

والله العلي العظيم مخصرت الف راك زوالي الله غالب والحمدالله قريت صباح وعشيا وفليل ضك قريب نكمل شعبة علوم والحمدالله معدل لي حاب نجيبو رانر قريب نتحصل عليه ♥

دروس الدعم تتعب نفسيا وجسديا وماليا وكلش بعد الوقت لي تروح فيه وترجع اقرا فالدار وصوارد ليكور سلك بيهم لانتارنات فتيليفونك واشري بيهم مكسرات باه تقوى وتقدر تقرا

غي انا جامي درت ليكوغ وربحت الباك ب 14 وكملت قرايتي و ني نقري وهدا يرجع الاستاذ المادة الاساسية محاسبة كان يمد كلش شاعنده و يزيد جهد و يوصلنا لمعلومة و ني نقري ودايراته قدوة حابة نولي كيفه انشالله و نمد كامل واش عندي

ربي ينجحهم كامل إن شاء الله يفرحو هما والوالدين تاعهم ياارب

انا لول لعام لي فات عڨبت لباك والله غير خسرت دراهم كبيرة بصح الحمدالله نجحت وفرحت والديا

لماذا القانون لا يمنع المدرسين من اعطاء دروس خصوصيه لماذا المدرس لا يعمل عمله لماذا اولادنا يجب ان يدفعوا للمدرسين لكي ياخذوا دروس خصوصيه هذا ممنوع ويجب ان تكون حمله ضد هؤلاء في اقرب وقت

الحمد لله ولادي في 4 واحد فيهم مادارش ليكوغ وربحو الباك العام الأول تاعهم وبنت بيام ربحت بامتياز العام لي فات هي وختها الباك بتقدير جيد جدا كثر خير أساتذة اليوتيوب

ان شاء الله ينجحوا كامل وربي يخلينا ولدينا

انابنتي درتلها ليكوغ رياضيات ومحاسبة 10 ملاين وخلي الفرنسية والانجلزية والعربية والله ماخصارة في بنتي ربي ايفرحني بيها وينجحهم كامل تعبو بزاف بنتي درك راهي على ورقة المتحان ربي يذكرها بما حفضت ادعلها بالتوفيق

حنا زمان نجوزو الباك بلا ليكور ونجيبوه انا جوزتو1998وجبتو انا الاولى في الثانوية الله يبارك بلا ليكور وراني للضرك بلا خدمة هههههههه😅😅

اتقوا الله يا اشباه الأساتذة هذي دنيا فانية خافو ربي و نقصوا في الاسعار كاين لي مستواه ضعيف لازم يدير ليكور باه غير يربح و دروك حتى لي مستواه ما شاء الله راه يدير على جال المعدل الموزون ارحموا الوالدين يرحمكم ربي (منيش نهدر على كامل الاساتذة ) و المدارس تاع الدروس الخصوصية مهمتكم تنظموا هاد الدروس مشي تزيدو فلاسعار و تستغلو الطالب خاصة مين يقرب الباك (منيش نهدر على الكل ) و ربي يفرحكم ❤

ادعو لأختي تجيبو دعوة 40 غريب مستجابة 🙏🙏

وقيل غير انا و خاوتي لي ربحنا لباك بلا ليكور.. بويا مكنش يقد يوكلنا و يشريلك قش و يزيد يخلصلك ليكور مم حنا كان علبانا بيها تسما مكناش نڨلله ديرلنا ليكور.. كنا نقراو فدار و مل يوتيوب و الحمد الله ربحنا و فرحناهم 💙

يشفوا الوالدين مساكن🥺

دراهم الحرام يرحوا في الضلام هذي هدية للاساتذة. اما الاولياء ربي يكون معاهم

ربي ينجحهم ويفرحو اولياءهم ان شاء الله

الاب لي قال عندي سيارة أجرة نقولو ربي ينجحهم وتفرحو بيه انشاء الله

تحية لكل الآباء و الأمهات لي يشجعو أبنائهم و يدعموهم باش يقراو إن شاء الله تفرحو بيهم ❤

الحمد لله بنتي راهي السنة الرابعة إبتدائي خوفتوني صحاب الباك لازم ندير شحيحة لابنتي من درك

انا ضك والله مخلص فوق 5 ملاين 😞 ومزلت نخسر للأسف الشديد ويقولك القراية باطل

ربي يحفظلي بابا ويما وجداتتي وخوتي كاملين

آكلي السحت استغلوا التلاميذ و أهلهم حسبنا الله ونعم الوكيل

أنا 17 مليون بيام انشاء الله ننجح يارب ونجيب البيام

لم أصرف سوى اشتراك أنترنت ، و الحمد لله. نجحنا. دون دروس خصوصية.

الله المستعان الاهم ان نحقق ما يرضي الله التوكل على الله العمل السعي الصبر اللهم وفقنا لما تحبه وترضاه اللهم الجنة واعلها اللهم الطب اللهم رضاك والجنة امين