صريح جدا: هذه هي تكاليف الأعراس لإتمام "نصف الدين" عند الجزائريين.. 

الكل يشتكي بصح الكل راضي بالصالة الغالية و الأكل الفاخر و التصديرة و التصاوير و …. و مادام الناس راضية ما غادي يتبدل والو ربي يهدينا

صعبو الحلال و سهلو الحرام الله يهدينا

احسن واحد هدر هو لي قال عشرين. مليون بزاف حسين عونه ربي يقدر الشباب و يوفقهم ان شاءلله

من يمر من هنا يصل على النبي صلى الله عليه و سلم اتكون حسنة جااااارية ت

لي معندوش مشي لازم العرس ولكن المهر للمراة لازم من حقها عيب تقولو مدلي بنتك باطل ومنبعد يقلها جبتك باطل وزيد تسكنها مع داركم وتحمل معاك المشاكل

عندي أواخر هدا الشهر دعولي ربي يقدرني يالخاوة الله يحفظكم

كاين حوايج مافرض ما سنة بل من اسباب التعسير قال رسول الله صلى الله عليه و سلم لو جائكم صاحب الدين والخلق فزوجوه وقال إظفر بدات الدين ، ربي يسر على إلي طالب الحلال يارب

الله يبقي الستر على المؤمنين و يرزق الناوي ما نوى❤❤❤

ميخموش 200 تروح تستثمر بيهم وتتزوج ب عشاء خفيف وتربح

سلام عليكم خواتاتي خوتي دعولي ماما ان شاءالله تصحلها دار وتعيش في دار نقية راهي في غبينة انا اختكم عند الله

اللهم ارقني الزوجة الصالحة يارب

لا يغير الله بقوم حتى يغيروا ما بأنفسهم 🤲 ربي يصلح حوالنا و يلطف لقلوب ببعض

لاتهم التكاليف بقدر مايهم الإنسان لنعيش معاه يكون متخلق ويخاف ربي ربي يرزقني زوجاً صالحاً في القريب العاجل إن شاء الله

اللهم اغفرلي ولوالدي وللمؤمنين والمؤمنات والمسلمين والمسلمات الأحياء منهم والأموات

ملي عادو الناس يديرو العرس في القاعات ولا الزواج غالي العروس تدي شرط عادي

في 2023 تتزوج تخرجك من الدين مش تكمل نصف الدين😂😂😂

صرف 100 مليون باه تزوج تكون لباس بيك تولي فقير تطلب وش دارهالي روح نشري سيارة خير وخير نخرج في لفار

والله مايهم التكلفة قد مايهم أنها تكون صالحة وملتزمة ربي يرزقني الزوجة الصالحة

صلو على النبي 🌹

الصالات منعرف شكون عمرهم متلحقش حتى تريزارفي او لفواياج منعرف الطيارات شكون عمرهم نعرف وحدة جابوا عروسة غلطت مع وليدهم دارولها العرس او كلش او كي راحوا يزوجوا خوه حبوا يحرموا بنت الناس من حقها او هي فالصح تستاهل كترمن العرس بسكوا شريفة عفيفة الوغ من هذا المنبر عزوا رواحكم او خلي الراجل يتعب على جالك باش يعرف قيمتك او مليه ميعيروكش موراها اقولوا جبناك باطل😉

اشكالية كبيرة بسبب الغلاء الكبير فمعظم الفتيات لاتتزوج وهذه الحقيقة المرة الا من حالفها الحظ فكل شيء أصبح لا يطاق بسبب غلاء المهور والتكاليف الزواج التي لا تنتهي بسهولة فمعظم الشباب لا يريد الدخول في متاهات لا حل لها

شعب له القدرة على صرف كل هذا المبلغ من أجل المظاهر و إرضاء المجتمع بحجة تقديس العادات و التقاليد لا يحق له التكلم حول غلاء المعيشة لأن الذي يصرف كل هذا المبلغ مستعد لشراء أي منتج مهما زاد ثمنه

هذا البلد يقهر الرجل في عمر 35 منش متزوج من عدم فرص العمل تبالك يجزائر

الصوالح لي هدروا عليهم كااامل ميهموش راهم زيادة ماشي لازم ينداروا لي حب يعيش ربي ومهني الراجل يخير بنت فاميلية لي تهنيه وتقف معاه ولمرا تاني تحسن عون الراجل ولي يحب يعيش لناس لازلموا دراهم بزااف وانا نحوس على راجل لي فيه الخير ماشي لي عندوا الخير

كل شي فسد هنا في البلاد وكل شي صعاب وكل شي قضاو عليه ، حلم الشباب ، الزواج ، المستقبل ، أمل الوحيد عند هاذ الشباب باش يبني مستقبلو هو الهجرة والهربة

خديجة هى الحب الأول الذى مازج قلب محمد صلي الله عليه وسلم، أحبها بكل جوارحه، سطرت فى قلبه ومخيلته اسمى أنواع التفانى والتضحية للحبيب، عاشت أيامه حلوها ومرها، قال عنها النبى الكريم: «أفضل نساء أهل الجنة خديجة بنت خويلد، وفاطمة بنت محمد، ومريم بنت عمران، وآسية بنت مزاحم امرأة فرعون».صدق رسول الله صلى الله عليه وسلم.

الزواج في وقتنا هذا صعيب ياسر لعدم توفر منصب العمل ودخل ضعيف.

بصح لحضت ڨاع راهم يقولة صالة وصالة مراهيش شرط تنجم دير في الدار ولي عنده ضيق يكري سكنة برخص يدير عرسه فيها حنا عنا في الغرب ليمعندهش يدير خيمة ويخرج شباب عرس

الله يبارك 😍

اقلهم مهراا أكثرهم بركة

على قدر المستطاع لا يكلف الله نفسا الا وسعها.المهم الهنااااااااء وخلاص.

أنا ليا الدراهم هدوك يخبيوهم للمستقبل تاعهم

صاحب الشابو الحمراء الأخير هذاك هو الرجل الجزائري المؤمن الحر الفحل الشهم لأن بناتو أغلى من أي شرط او مهر ..اما الباقي يبيع في بنتوا .منبعد سوا ترجعلوا مطلقة او تعيش حياة زوجية اقل ما يقال عنها انها مقودة

والله عندي طفلة نعطيهلوا يستحفظ بها هذا الاخ لحوي لهناء

بلا سكنة لا زم على اقل 200مليون با تقدر تتزوج الله يفرج على الجميع الشباب خاصة لحوس بناء أسرة مسلمة محافظة

غي 40 50 مليون بزاف

كل واحد واش يهدر كلش صعاب لمهم الله يقدرنا ان شاء الله

نتزوجو فالجنة إنشاء الله

شكليات و مظاهر فقط ، في عوض أنا نصرف مية مليون فلماكلة و الشعر نروح نزيد عليهم شوية مصيرفة وراك شريت دار و يبقالك الصرف تروح بيه voyage de noces اللي يعرف يجيري دراهمه و يخدم بمخه يقدر يعيش أما اللي تهمه المظاهر باش يعجب الناس هذاك عايش تحت الأرض 👍🏻

سلام واﷲ غير دفع فيا 500 نتاع صداق فقد ورانا عايشين غاية الحمد لله 😊😊

يا ربي ارزقني الحلال

التمسو ولو خاتما من حديد لازم البساطة باش ماتكونش الخسارة 😊😊😊😊😊

كل ما راهو يغلى الشىء كلما راهم ازوخوا او بدعوا الله اكون في عون الشباب شاب اومازلوا صغير من كثرة التخمام

الزواج الصح في اختيار زوج صالح يخاف ربي سبحانه التكاليف الزائدة بزاف ماعندها فايدة

كل واحد على حساب جيبو

إنسان شهار صعيب عليه مع لعادات وتقاليد لي رانا نمشيو عليها بزاف ربي يرزقنا لحلال هذا مكان ❤

هذاك لي دار عرس ماركا ...كان في وقتو الكبش لغالي ب5 ملاين ...و بقية المشتريات أقل سومة من تاع ضك ...بصح ضك كلش رجع غالي ...ربي مع الزوالي

ادعولي بزوجة صالحة عجلا غير اجلا ولكم بمثل

دوق زواج رخاص مثوم والشربة با لحم مجمد والحلوة رجعت با قلبلوز و كورتاج با الورد اسطيناعي وتبياش تاع لعروس با لكليراتين وشهر عسل في تونس با 40 الف دينار. رولي

ياحصراه على يامات السطح و عراف النخلة 🌴 كاس حليب و تمرة 🫘 الركيزة و ساسها 🏚 وكي راب الساس الركيزة وهنت و السلام 😊

الاخ تيعي تزوج كلفاتو بين تلشرط و العرس ووو عشرين مليون . و لكن عندو دارو وحدو . و الحمد للله متهني . لا تبع تقاليد لا عرس . تبع لحلال .

كل واحد يدير عرس على حساب الإمكانيات نتاعو. الناس تفرعنت بزاف.

علاش الصالة....وعلاش الحلويات كلها مرض......احسن حاجة مهر العروس....هذا حق ....تقدر بثلاث كباش تفوت عرس ماشاء الله.....الهدف هو التشهير....بأن هذا البنت تزوجت من فلان .....دار وحدها ماهيش ضروري...ولو انها مستحبة......لكن مليح العروسة تعيش بين اهل العريس تعرف عاداتهم..تتعلم منهم .... لازم تنسى عز والديها.....باش تقدر تتأقلم مع جو العائلة الجديدة ...تتعلم روح المسؤولية.. عائلة الزوج عليهم ان يعاملوا زوجة الابن كيما بنتهم.....والا رايحة ترجع لوالديها.... المشكل راه في عائلة الزوج

ياو نساء تاع هاذ الوقت باطل ما نتزوجتش بيهم

راكم داخلينا غير شحال . تكاليف 😅😅😅

من هاذي الاراء تفهم ان اغلبية الشغب قاتله الزوخ

والله خواتي مادرو والو يجيب مرته يدها الدارها وصاي لا العرس لا شكيل

حنا عطاني حقي ومكان لافاليز لاعيد صغير لاعيد كبير لامهيبات لا تكسار رأس والله عرسي درتو فالكورونا جاز حمد لله دراهم تاع لاصال وتصديرة درتهم ذهب وتاع لاصال تاع راجلي عمر بهم الدار من كل خير أنا درت فدار عرضة ياربي قيس 20واحد لقريب فلقريب ودرنا عشاء خفيف ولبسة قفطان وكراكو وخلاص وهو دار غير عشاء خفيف بيناتهم مادرتش تصديرة داني بلاغوب بلونش عند ي 3سنين زواج والله نعمة وحمد لله وبراكة من عند ربي

مشو كون يتفهمو يشرو طونبيل والا بلاصه تاع تراب يبنو😢ها مشو خير على الاخير بغيت ارضاء الناس يتم العرس تنلقاهم كارين

نخسر عليك 50 مليون؟! ما تتمنيكوش، دوك النساء الي تخسر عليهم، عقلية الزوخ و الجهل

تصرف 150 مليون و من بعد تلقى روحك تدور في المحكمة 😕

🤲🏻🇩🇿❤️

قال رسول الله صلى الله عليه و سلم ..أقلكم مهرا أكثركم برك بشرط ان يكون الرجل يصلي والمراة تصلي..🎉

زادوا فيها بالمظاهر وغير يعاندوا في بعضاهم

والله انا شخصيا سهلت لي خطيب بنتي ماشرط والوا بالعكس سهلتلو كلش وربي يعلم لي كانت نيتنا صافية قلنا هاذا وين بدأ يخدم المهم يكونوا متفاهمين حبينا نعاملوه مثل ابننا لكن يماه قالتلك رايحين يدوه عليا رغم ان بنتي خاطبينها مدة 4سنين ماجابولها والو حتى لمهيبة قلتلهم ماجيبوهاش المهم طلع الرجل بلا شخصية والحمد لله الخير فيما اختاره الله لحقنا لوقت الا حبينا نسهلوا على الرجل يقولوا بنتهم فيها حاجة ولا حبينا نساعده يقولك راهم حبين يحطوه تحت يدهم الا شرطنا يقولك هادوا طماعين والله غير حارنا في هاد العباد المهم ربي يرزق كل واحد على حساب نيته

قال رسول الله صلى الله عليه يا و سلم يا معشر الشباب من استطاع منكم الباءة فل يتزوح ، قال رسول الله صلى الله عليه و سلم ولو بخاتم من حديد او ببعض الايات

Moi les environ d'Alger centre j'ai 50 an mazalni cilibataire

من قل مهرها كترت بركتها

صالة بعشرين كارثة انا ثلاث ملاين كرية عندنا ومنيش دنكري نديرو فدار

روحو دوها اوروبية و غير بخاتم فضة و حلاطارط و زيد معها بونوس الزين و لكواغط و لهنا خير ما تتزوج ب 200 مليون وتقعد تجري وراها عند الطالب والفقيه و السحور و قاع الناس يحوسوا على عليك باش ترد لهم دراهمهم😂

ماتنساوش باللي كلش راه غالي

بالله سوال تكلفة الزواج المتوسط كم دولار تقريبا لاني ما اعرف فرق العملة

لا حول ولا قوه هذ لبلاد تيهونا بي مشاكل الدنيا

في الجزائر تكثرو غي الحلوة خسارة الدراهم

اخي الدين كامل مافيهش نقص الزواج سنة الاوالين على من أستطاع للحديث الرسول صلى الله عليه وسلم قال يا معشر الشباب من أستطاع منكم الباء فل يتزوج

سبحان الله ناس أصبحت تحب المادة وكل هذا البعد عن الدين سواء رجل او إمرأة جعل قتلنا...عودوا الى تسهل حياتكم 🌞

اخواتي الله يمسيكم بالخير والسعادة انا باذن الله راح أتقدم وتتزوج من الجزائر وانا من مصر صراحة مو فاهم الأرقام اذا فى حد يعرفني كم بيكون بالدولار والله يكتبلكم السعادة فى الدارين وادعولنا بالبركة والتوفيق ❤

الله يهديهم ،حنا مليكات تسوقو علينا تزوجت بالقليل حمدلله عندي 3 دراري ،مدلي 5 ملاين وانا لي شريت لخواتم ومدتهملو وصحبو مدلو عجمي 😅وصحبو لآخر كرالو صالة ، واحد آخر عونو باش شرا شمبرة ب 24 مليون وخلي وخلي عرس زواولا يخرج هايل ودوك حمدلله راني بداري وبطمويل ودراري ربي يسترهولي ويخليه لولادو❤

قديش يعني بالدولار او باليورو ؟

علاه هذا ابزوخ والفوخ غرفة ونوم وعشاة الحلال لا عرس لاوالو هديك الخسارة يروحو يحيبو عمرة ولا تحويسة في البلاد ولا تونس

ضرب لنا رسول الله ﷺ، مثلا في أمر الرجل أن يزوج وليته و يزوج وليه.

قلت ل ماما منديرش تصديرة كلاتني 🙂 شغل لازم عادات و تقاليد

150 نروح في بوطي والباقي نصرفه اورو

طلبنا غير لهنا مع كاش ولد فاميليا مالقيناش الرجال تاع الصح 🤔🤔🤔

نخدم حياتي كامل منجيبش 100 مليون معنتها برنا و سلام

ان شاء الله يارب يرزقنى راجل ونزوج هبرت ههه😊

هل بقي زواج في القوة الضاربة شهرية منحة العار متى يتزوج و متى يتحصل على سكن و متى يتحصل على وظيف هذا اذا لم يتم اقصاءه دولة غيييير هاك دولة عصابات قوة الضاربة غلاء الاسعار و و و ضعواااا حملات الزواج على ظهر القوة الضاربة

واحد تزوج بالخبز والكشير راه سعيد جدا عند اطفال والحمد لله التمسوا ولو خاتم من فضة والله صاحية نهدر بالصح القناة في الدنيا

اللي على قدو تبانلي عشات حلال بينو او بين فاميلتو غير فالدار او ايحيب مرتو،و المهر ايكون على مقدورو غير مبلغ رمزي برك،او يشري شمبرا و ربي يهنيه

شامبرا تتع enfant ماجببهاش بستة ملايين شامبرة تاع كوبل ب8 و الله ماتشد عام

ياليتني عشت في زمن الجواري 🤔🤔🤫🤫

حق رب غير كيما زوجنا خونا فوق 200مليوم بنات ليوم ميرحموش

صعبوا الزواج جدا.......لذلك إنتشر الفسق والرذيلة

كيم تخسرش كامل بصوالح الدار و الشمبره و العرس قد قد 50 حتى 60 مليون او زيد على حساب المنطقة مثلا عرس في القبائل عندهم أعراس بسيطة جدا اما الاعراس في الجزائر و وهران و خاصة الشرق الجزائري

لا تشترط البنت لكن لا يقدرون ذلك الحسن بل بمجرد تكوني في بيته قد يستعبدونك يشتمك و لا يحترمك و قد يطالبك بالمال.

لتزوج مبروك ولعاقبة لينا لا زواج نصف الدين هذي معلومة خاطئة ليس لها صحة بتاتا وليس مذكورة اطلاقا هذه احاديث متداولة في مجتمعاتنا فقط وشكرا

الناس لازم تفهم بلي لعرس حرام ولي عندو شك يروح يبحث عند اهل العلم

يا خوتي اللي عندها دراهم في هذا الزمان يروح يشري سيارة والله احسن من الزواج والله أنا عندي 41 سنة اعزب و الحمد لله ♥️ وموظف في الدولة 🇩🇿 جامعه المال واريد الان اشتراء سيارة انشاء الله ❤❤❤❤

اضمنلي إمرأة صالحة ندفع مليار و قليلة و حتى المرأة متقدرش تضمن الراجل الصالح و مع ذلك يدومندو عرس ، ذهب ،شروط كنوع من الضمان المادي لبنتهم من جهة و من جهة اخرى تفاخر في الدنيا. تخيلو تولي مساواة حقيقية في المجتمع الجزائري و الراجل ميخلص والو زيادة على المرأة سواء في العادات و التقاليد او حتى في ما بعد زواج كالمنزل و سيارة ...كلش النص بالنص 🤝 نعيشو غاية 😊

لاه بكري كاين الصالة من ديرش الصالة ندير حاجة خيففة