صريح جدا : واش من كلمة توجع قالوهالك و ما نسيتهاش ؟ 

الكلمة لي سمعتها وجعتني بزاف كي قاتلي روحي راكي عاقر والله العظيم غير نكتب ونبكي ادعولي ربي يرزقني بالاولاد راني 6سنين بلا اولاد ادعولي يرزقني يارب العالمين وربي يهديها

أكثر كلمة سمعتها أو وجعتني و تقعد توجع طول عمري هي جبناك من بيت و كوزينة عايرتني بيها عجوزتي . وبعدها ببضعة سنوات فرج علينا ربي ب 2 ديار والحمد لله ولينا خير منها

غاضني لي قالهم قالولي يا فقير ضحكة ممزوجة بدمووووع.ربي يهديهم وانا نقولو يا بابا لعزيز راسك مرفوع وخدام الرجال سيدهم.ومالقري منعرفوش والله قسم قلبي وانا نجاوبهم في بلاصتو ونقلهم حسبي الله ونعم الوكيل فيكم.

كاين كلمات بزاف وجعوني مي كلمة و صرخة طفل في غزة( وينكم يا عرب وينكم يامسلمين).

ولد يتيما عاش كريما ومات عظيما صلى الله عليك يا حبيبي يارسول الله ❤❤❤❤❤❤❤❤❤❤

الكلمة لي جرحتني وقسمت ڨلبي وقهرتني ووجعتني وماننساهاش طول حياتي حتى يتغطى وجهي بالكفن.(((( لوستي قالت لراجلي طلقها ماجيبش ذراري وماعندك معاها لا طفل لا طفلة علاه راك شادها عندك.))))) 😢😢😔😔😔😔😔😔😔😔😔😔😔😔الصراحة أكثر حاجة جرحتني ومازال الجرح ينزف. علاه أنا كرهت الذراري علاه أنا مانيش حابة نولد علاه ياك هاذي حاجة ربي سبحانه عز وجل.

لي سب ربي عز و جل و محمد رسول الله صل الله عليه وسلم تترك أثر كبير في نفسي و قلبي .

أكثر كلمة مؤلمة سمعتها في حياتي و لم استطع نسيانها هي صرخة رجال غزة. و نساء غزة.. و أطفال غزة وهم يقولون :حسبنا الله ونعم الوكيل في العرب.. و في الحكام العرب و في جيوش العرب... فهل هناك كلمة أكثر وجعاااو ألما من أن يشتكيك عبد مظلوم إلى الله تعالى؟؟؟...

انا نحمل كلش الفقر و نقدر ظروف زوجي حملت و مزلت حاملة بصح هذي المرة كي سب والديا كرهتو و مقدرتش نزيد نتعامل معاه راني قاعدة علجال ولدي معنديش وين نروح بطفل عمرو ثلاث سنوات. حسبيا الله و نعم الوكيل فيه

قالوا و قالوا و مزال يقولوا بصح ربي كاين يمهل و لا يهمل حسبي الله و نعم الوكيل في كل ظالم

دواء هادا السؤال .هو في كلام الله قال الله تعالى. واصبر على مايقولون واهجرهم هجرا جميلا . اذا خاطبك السفيه فلا تجبه . فإن خير في إجابته السكوت .

" وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ فَسَبِّحْ بِحَمْدِ رَبِّكَ وَكُن مِّنَ السَّاجِدِينَ "✨

عايروني بالمرض 💔 خطرة واحد برا قالي عمية حسبنا الله ونعم الوكيل في أي إنسان جرحني و الله ما نسمح لا دنيا ولا آخرة

الكلمة الطيبة أكثر من دواء ❤

واش نقول واش نخلي انا وحدة عايرتني باليتم خطراكش والديا ربي يرحمهم و عايرتني بلعقر انا جبت لاولاد وهي لي عقرت بصح منيش سامحتلها لا دنيا لا اخرة

قال الله تعالى: ﴿ يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ ﴾ [الحجرات: 11].

اكثر كلمه قاستني هي ياالقبليه بنت براراك مننسهاش قاع ومزال للدوك مقدرش ننساها يابنت برارك واعره والله يعيروك بفقرك حسبي الله ونعم الوكيل وكاين كلمات بزاف بزاف

اكثر حاجة توجع كييعايروك باللقمة اللي يعطوهالك

أكثر كلمة وجعتني قالوا عمات ولادي وخذي على خونا مسكين اك المرأ والطفل على ولدي المعاق وسلفتى تركبي فى طوموبيلتي انا منعفسهاس كنا رايحين من ولاية لولاية و الحمد لله فرجها ربي

الكلمة فعلن رصاص تحطم الشخص المشحون وضعيف الثقة بي نفسه او كان ظالم وتحسن من عنده ثقة فى الله يعفو ويصلح نفسه

انا عندي مشكل في المشي تاعي يعايروني مهبولة ويضحكو عليا 😢توجع بزاف حسبي الله ونعم الوكيل فيهم

الواحد قبل مايخرج كلمة لازم يدير حساب لانو اذا خرجت مستحيل ترجع فرفقا بلقلوب ❤❤

راه عمري ربعين سنة كلمة واحدة جرحتني بزاف وعمري ننساها استاذ الرياضة كان يعيرني بالسمنة قدام التلاميذ وكامل يضحكو علي 😢وعمري ما نسامحو ليوم الدين وكل مانتفكرها نحس بنفس الالم رغم السنين استاذ زقاو عمري مانسامحك ليوم الدين 😢

اكثر كلمة وجعتني هي عجوزتي نهار باتت عندها بنتي قاتلها تستعرفي بيا انا فرشتلك مطرح ماشي كيما يماكم تفرشلكم تشوالق انا مكانش عندي مطارح نفرش ماطلات فوقهم كوفرطات مهم يدفاو ولادي بصح دنيا دوارة وربي يفرج والكلمة عمرها لا تروح 😢

اكتر كلمة وجعتني هي قبل العيد الكبير قولت لراجلي اشرينا كبش قالي تاكلي الخرا حشاكم والله اكتر كلمة وجعتني والله مانسمحو

لا اله إلا أنت سبحانك إني كنت من الظالمين

من حديث سهل بن سعد - رضي الله عنه - قال: جاء جبريل - عليه السلام - إلى رسول الله - صلى الله عليه وسلم - فقال: يا محمد، عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس

عندي عامين زواج ومزال مجبتش ذراري ، مننساش لي قال عليا زوجو من بعدك او راهم بولادهم وانت مزال ؟! حسبنا الله و نعم الوكيل فيهم 😢

المشكل انا الي نغلط في حق روحي اللهم ردنا إليك ردا جميلا

قالولي سمينة و يضحكو وووو حطموني و حاولت انتحار كنت صغيرة قاسوني في نقطة ضعفي حبست حتى قرايتي حسبي الله ونعم الوكيل خلاوني عشت وحدي جبدت على المجتمع تحطمت نفسيا حاليا عمري 30 و ام لطفلين و مزالت ثقتي بنفسي مهزوزة بزاااف ومزلت نحارب و نحاول ننقص في الوزن الحمدلله مي غاضتني غير قرايتي حبست علاجال اشخاص ميستاهلوش حسبي الله ونعم الوكيل

اخواني ..قولو كلاما طيبا للناس لا تسبوا من فضلكم...ان الله سيسال عن كل شتم قلناه في حياتنا ...و يكتبه عتيد(ملك يكتب السيئات في كتفك الايسر) فاستغفروا الله حتى تمحى السيئات

غي لبارح لوستي قاتلي انا راني بسكنتي شوفي نتي قلبك ماشي مليح ربي ماعطاكش نوكل عليها ربي

أكثر حاجة وجعتني كيف قالولي باباك طيشك واش تتوقعي منا

اكثر كلمة وجعتني بعد موت أمي قالي شيخي بالزعاف يماك ماتت مدزيديش طروحي لداركم خلاص😢😢😢

مرض وليدي مرض واااعر بزاف ومزال مابراش ان شاء الله ربي يشفيهولي عايروني معناولي وجرحوني بلي ربي جابهالي في كبدتي وراه يعاقب فيا حسبي الله ونعم الوكيل

اكثر كلمة وجعتني كي يقولولي نية بزاف حتى وليتي بهلولولة ومعلبلهمش بلي راني صافية كي الحليب😊

قلت لختي سلفيلي فاميل اومبعد نرجعهالك نسيت دراهمي جبدتلي باكي تاع دوصو ميل تبحري بيه قاتلي عندي ومنصرفش على جالك بكاتني وحسيت روحي 😢...

اكتر كلمة وجعتني. انك عاقر. وكلمة اخري من صديقة عمري. قالت روحي سبيطار مهابل. حسبيا الله ونعم الواكيل في كل وحدة جرحتني بقصد اوً بغير قصد. ويوم القيامة تلتقي الخصوم.

لعاصميين ماشاء الله نغمة مميزة . شحال تعجبني تحياتنا ليكم.

أكثر كلمة توجعني نهار يقول ...علاش حنا ولاد الشهداء...وانا بابا وليد شهيد تربى يتيم و نتفكر كامل الشهداء بلي اصبحو يتعايرو ولادهم هوما ضحاو في جال هولاء الناس....للعلم بعد الاستقلال الدولة لبست الايتام ابناء الشهداء كامل كيفكيف هذه هي السبة الله يرحم الشهداء

صحافة التفاهة 😢😢😢 ان العين لتدمع وان القلب ليحزن على وضعنا هل ننتضر من هولاء تحرير فلسطين

الكلمة مرآة الذات فمن نطق عسلا التحية تقدير ومن تكلم دنسا فدنيانا بنك عملته أفعالنا

اللي قال عايروني بالفقر نقلو كل الدنيا فانية وما تديرش على قلبك والله لو كنت نعرفك نساعدك بكل ما لدي رغم انني بعمر 16

قال تعالى «ما يلفظ من قول إلا لديه رقيب عتيد»

كلمات كثيرة مزقت قلبي أولها من زوجي انت ماخلقكش ربي انت زرع شيطاني وكلمات أخرى تحرق وجداني من امي ربي يهديها

الله يهدينا يارب العالمين ❤

تحية كبيرة لناس العصيمة ناس امحضر وبلد الله الله عليكم

أكثر حاجة توجع هيا الظلم من أقرب الناس ليك وكل يوم يشوفولك شوفة متاع شفقة خاطر مزال مكتبش ربي في المكتوب

يقول الرسول صلى الله عليه وسلم لاتقل بلسانك إلا معروفا وقال أيضا الكلمة الطيبة صدقة أثر الكلمة عميق في النفوس ماذا سيجني من جرح شعور الغير إلا السيئات المؤمن الحقيقي الذي يخشى الله لا يتلفظ بكلام جارح لأنه ليس من الدين سامحهم الله

اكثر حاجة وجعتني ويعطيه الصحة وليد عمي لي قالي حمارة ماتعرفيش تقراي درت قلب وكل مانجوز اختبار ندير صورتو بين عينيا ونجحت بتفوق وعندي ماستر مهندسة بناء وحمد لله حققت حلمي بمعايرة

الكلمة لي وجعتني يا المطلقه حسبي الله ونعم الوكيل

حسبنا الله ونعم لوكيل 💚💚💚💚

انا بالعكس كي نكون عارفه روحي باللي ما ظلمتش انسان ويوكل عليا ربي في الباطل كيما يقولوا الدعوه بلا ذنوب في راس مواليها تذوب وثاني واحد يوكل عليك ربي في الباطل وانت ما درت له والو ما ظلمتوش دور عليه هذيك الدعوه قادره تخرج فيه الانسان بالنسبه ليا الانسان لي ما يقبلش الاعتذار ما عندوش ثققافه لأن الاعتذار من شيم الكبار ، وخلق من أخلاق الأقوياء

اكثر كلمة جرحتني هي انو تعايرت بالطلاق و قالولي بلي راني كون جيت مراة راني منيش مطلقة عمري لا ننساها. تعايرت من لقريب ليا و من لبعيد حسبيا الله و نعم الوكيل

حسبي. الله ونعم الوكيل. كلمة. معندكمش. الرجال. بكتني. بزاف. معليش. الموت. كاينه. الله. يرحم. ابي. واخي.

اوقسم بالله غير يهبل هذا تع الصحفي .السيد يقولو قاستني كلمة حسبيا الله و نعم الوكيل او هو يقولوا هذي الكلمة غضاتك . يرحم والديكم كثرو شويا من التكوينات لعلى و عسى

انا سمعت بزاااف كلام يجرح كون نحكي مانسكتش

الي مشي مربي هو الي اعاير بتربية

المواطن الي هدر في الاخير ماتمرضش روحك على جال كلمة هذي مادام ماغلطش معاه ربي او غفور رحيم .

الاخ لي سبولو يماه قاسني بزاف باين وليد عائلة ولي سبو ماعندوش ذرة تع رجولة

ماما توفات كان جرح جديد وخويا حوس على دهب 😢😢😢

وَقُل لِّعِبَادِي يَقُولُوا الَّتِي هِيَ أَحْسَنُ ۚ إِنَّ الشَّيْطَانَ يَنزَغُ بَيْنَهُمْ ۚ إِنَّ الشَّيْطَانَ كَانَ لِلْإِنسَانِ عَدُوًّا مُّبِينًا (53) وقوله ( وَقُلْ لِعِبَادِي يَقُولُوا الَّتِي هِيَ أَحْسَنُ ) يقول تعالى ذكره لنبيّه محمد صلى الله عليه وسلم: وقل يا محمد لعبادي يقل بعضهم لبعض التي هي أحسن من المحاورة والمخاطبة. كما حدثنا خلاد بن أسلم، قال: ثنا النضر ، قال: أخبرنا المبارك، عن الحسن في هذه الآية ( وَقُلْ لِعِبَادِي يَقُولُوا الَّتِي هِيَ أَحْسَنُ ) قال: التي هي أحسن، لا يقول له مثل قوله يقول له: يرحمك الله يغفر الله لك. وقوله ( إِنَّ الشَّيْطَانَ يَنـزغُ بَيْنَهُمْ ) يقول: إن الشيطان يسوء محاورة بعضهم بعضا ينـزغ بينهم، يقول: يفسد بينهم، يهيج بينهم الشر ( إِنَّ الشَّيْطَانَ كَانَ لِلإنْسَانِ عَدُوًّا مُبِينًا ) يقول: إن الشيطان كان لآدم وذرّيته عدوّا، قد أبان لهم عداوته بما أظهر لآدم من الحسد، وغروره إياه حتى أخرجه من الجنة.

ههههه انا يعايرو حتى للصباح كلامهم يدخل من يخرج من .لي يعاير نعايرو السن بالسن و العين بالعين و البادئ اظلم.

أكثر.كلمة.هي.انو.عايروني.باطفال.والحمد.لله.ام.لطفلين.رب.يحفضهملي

نعطيهالكم مالآخر إذا كان القريب ضرك بالكلام و قاسك ما تتعجب إذا جاتك مالغريب . الغريب تقدر تكسرلو وجهو أما إذا جاتك مالقريب صعيبة .

لكلمة لتوجعت منها بنت عمي قاتلي حنا علاش ياك ربي لموت باباكم وخلا بابانا عايش ويماها استشفات فينا كي والدينا ماتو💔

نشكر قناه النهار وهذا البرنامج لكي يتعلم الاخرون الكلام الذي يخرج من الفم يجرح اكثر مما يجرح السكين ويقتل في بعض الاحيان اكثر من تقتل الرصاصه الانسان لذلك نتجنب الكلام البديه الفاحش او تضحك على انسان ممكن في بعض الاحيان هو افضل منك باي كلمه اقول كلمه لهؤلاء الناس الكلام الذي تحسه انت يؤلمك ويجرحك لا تقوله للاخر ولنربي انفسنا ولو كنا كبارا لان الله سبحانه عز وتعالى يقول ل ان الله لا يغير ما بقوم حتى يغيروا ما بانفسهم

كلمة معلمة لما رأت نتائجي الجيدة و لم يعجبها الحال لاني كنت من الفقراء

لي قالولو حسبيا الله واثرث فيه هذا انسان يخاف ربي وهذي كلمة واعرة للي يخاف ربي.

الحاجة الواعرة نهار تتعاير بالضروف...و راها عاجبتني كي بدات تتبدل الضروف

ولله انا من الوسط الجزائر وعندي متزوج 30 سنة في الغرب الجزائر ي خطرات نكون في وستهم يقللك انت برنية بصح انا عندي شخصية قوية نقول انا جزائريه حرة وين نحب نعيش راني في بلادي العزيزة حنا. كلنا جزائرين خليكم من الفتنة

سبحان الله وبحمده سبحان الله العظيم و استغفر الله العظيم رب العرش العظيم رب العالمين و صلى الله و سلم على سيدنا و حبيبنا و قاءدنا و قرة أعيننا محمد صلى الله عليه وسلم وعلى اله وصحبه اجمعين يارب العالمين عدد خلقك و رضى نفسك و زنة عرشك ومداد كلماتك

كان يقريني استاذ قالي امام زملائي لاه راك مخيط صباطك بسيلان وزملائي ناضو يضحكو على انني فقير

حسبنا الله ونعم الوكيل 😢

اكثر كلمة وجعتني في حياتي هي اخرحي من داري والمشكل هذا الكلمة هذروهالي ناس قراب مني ربي يهدينا

أكثر كلمة توجع سمعتها للأسف من عند أخي ربي يهديه

انا اللي قلت كلمات مؤلمة..ان شاء الله اللي جرحته يسمحلي ...ماناش ملايكة حنى حنا ياما جرحنا ناس مش غير هوما يجرحونا.

مكاش قاع لي تفكر كلمة تجرح بصح ننساوها كي رانا بعاد على ربي وهي يسبلك ربي لي خلقك

الرجل أخلاق طيبة والمال الحلال

بعيد عن ما نراه من اهل غزة كاين لي عايرني بالفقر لأنه يرى نفسه اغنى مني و كاين لي مريض و عايرني بالمرض و كاين لي عايرتني بانجاب البنات و هي جل ذريتها بالبنات ربي وكيلهم و كلهم من الاقربين و لي تقهر لي قاسك بكلام في عرضك و قذف فيك حسبي الله و نعم الوكيل فيهم قاع

قالولي. مزعوقه. قليله. صحه لازهر. لا. والو. مي. دك. سمنت. وليت. ورده وشابه. هذي. لي. غاضتنى

اكثر كلمة توجعني قالتهالي صحبتي انا عمري محبيتك كنت نمشي معاك غير باش منجرحكش و هنا قطعتني

الأخير عند الحق الكلمة الواعرة كي يوكل عليك واحد ربي سبحانو صعيبة😔 اما الأخرين نورمال واحد كي يقولك فقير ولا معندكش دراهم

فت على مرى قالتلي الشر هذا وانايا انسان طيب ولد خالي قالي معقد لذرك يوجعوني وكاين وكاين لو نهدرهم منخلصش عند الله يلتقي الخصوم

انا نقول حسبي الله ونعم الوكيل..و نخليها في قلبي

أنا للكلمة لي وجعتني عيبوني بالمرض 😢😢

Tellement il m ont fais du mal et parler derrière mon dos alors que je suis droite et correcte ça m a touché bcp a l époque mais actuellement j emmerede tout le monde et je calcul personne j ai étudié j'ai travaillé je me suis marié et j avance et a chaque fois il me disent par exemple cela parle de toi j ai le sourire et je calcul pas par allah ijibli haqui tout ceux qui ont parler de moi rahoum ikhalssou

عيروني بالمرض في المدرسة لمدة 40عام مقدرش ننساهاوجات من المعلمة تاعي وتلاقيت بها وقلتلها منسمحلكش مدى الحياة لاني مريضة وعلجلها مقريتش حطمتلي حياتي

راني بزاف نتألم و من شدة الألم مقدرتش نقول واش وجعني

اكثر كلمة وجعتني روحى ديرى حياتك من انسان كنت نشوف فيه زوجى المستقبلى

كاش نهار سقسو الناس اذا حشوهالك كي كنت صغير تعييو ولاغير تعييو الردائة وين لحقت ملقيتوش واش اديرو جياحة شحال عندك الدراهم وقتاش بكيت وقتاش جاتك خريت في سروالك اذا كي كنت صغير بلت في لفراش زيدو مزال 😂😂😂😂

انشاء الله ربي يحرمني من الذرية وميرزقنيش بيهم

انا والله كلمة تدخل من تخرج من مانديرش قاع حساب في راسي الحمد لله

لا يؤلموني اي مخلوق أتألم عندما انا اجرح مخلوق لا اتالم لانا الله موجود ولا أتألم ولا ؤبالي لكثرة الاغبياء 😊😁

الفايدة و الحصول سنة 2080 نكونو كاملين تحت التراب😢😢😢😢😢

الحاجة لي باقية في قلبي كي عجوزتي تفضل سلفتي عليا و تقولي هديك و هديك بورتو معلبلهاش بيهم هادي غير حاجة من الحوايج لي راني داستهم في قلبي حسبيا الله هو نعم الوكيل مرضوني و ما لقيتش كي ندير باش نسلك منهم على جال ولادي

اكتر.كلمة.وليدي.بالتوحد.قالولي.متعرفيش.اتربي.احنا.صغار.عليك.ونعرفو.انربو.ربي.يحفضلي.وليدي.هو.الدنيا.😢😢😢😢😢😢😢😢😢😢😢😢😢😢😢

كلمة خامجة والله مدرت والوا في حياتي وتهمنتي اخت زوجي وهدرت فيا ڨاع فاميلتها ووهران ڨاع سمعت بيا لي يجي تدرلوا فيا وهي ويماها لي هي عجوزتي وقالت لمرت لوسي عيريها كي تهدر معاك ويما ماتت بالسرطان هدروا فيها وقالوا بلي لي يشد سرطان الرحم لي يكون يخرج مع رجال حسبي الله ونعم الوكيل حتى صحبتها عايرتني قدام الناس الخامجة وانا بنت العاصمة وراني ساكنة في وهران عند الله تلتقي الخصوم والله منسمحلها الى الملتقى عند الله

قول وش هي الكلمة لي قالوهالك ومقاستكش ممكن تلقى في الذاكرة نتاعك وقول وش هو التصرف لي قامو بيه ومجرحكش كل التصرفات توجع😢

علاه تديرو موسيقى😢