من الدقيقه 4:30 ابن فردان قال كلام كبير جدا جدا يدل على نزاهته ..اهم من الاحداث اللي فالمقطع ويشكر بن قبلان على تجاوبه وفهمه للي قاله بن شفلوت وبن فردان .. بيض الله وجيهكم يا صبيان عبايد ..وصدق من قال العوايد والسلوم تسنها عبيده ...من غير قصور في مطنخ قبايل قحطان الباقيه وغيرهم من القبايل .. اتضح من كلام بن فردان ان الملايين التي تدفع في اصابه او قتل ان جزء منها للمصاب او اهل المقتول , والجزء الثاني للمصلحين الذين ياكلونها خلف الكواليس وعلى مصائب الناس ودمائهم وجثثهم .. اعرف مشائخ من قحطان ومن القبائل الثانيه ومعروفين جدا يسيرون في هذا الطريق وكانهم خنازير لا تاكل الا على الميتتات والفضلات ..ولا اود ان اذكرهم . لكن الطيبين اللي لهم ذكر طيب بنذكرهم وفيه ناس واجد مثلهم قد لا اعرفهم : ال شفلوت في ذمتي انهم بهذي الامور انقى من القماش الابيض ولاهي غريبه وهو مشرعين ابوابهم لقبايل عبيده وقبايل قحطان والقبايل الاخرى وللطرقي حتى اللي ماله لزوم من بن شفلوت .. ال قرمله معطيهم الله وال سعود ولاهم في حاجة هذا الامر القبيح . بن فردان عايض القنطاش ال لبده ال سعيدان ال حشر وغيرهم كثير من اهل الخير من قحطان وغير قحطان
انا قاري تعليقك مبطي ولاحد رد عليك اول شي هاذي سلوم وعوايد يمشون عليها قبايل عبيده ثاني شي هو يقصد ان فيه قضايا ثاني صارت للناس من عبيده وعطو عطا اكثر من ذا العطا وقضيت ذولا اكبر من ذيك ثالث شي هو مايقصده بدراهم ولا شي هو يقصد انهم مستهينين به وقبيلته ولونه على قولتك يحب المال كان خذاها لاكنه عف منها والسلاام .
يعني ألحين لو ما اصطلحوا بيدشوا حرب . ترى المسألة محسومة الحرب ما في يدهم و الحكومة بتحل المسألة في محاكمها لو ما اصطلحوا . فبدل كل هالمسرحيات روحوا لمؤسسات الحكومة وحلوا مشاكلكم.
ابو غتره بيضاء يقول المال وسخ دنيا والله سبحانه وتعالى يقول في كتابه الكريم المال والبنون زينة الحياة الدنيا الله سبحانه وتعالى قدم المال على البنون وهذا يقول وسخ دنيا لا حول ولا قوه الا بالله
اللهم لا شماته ليت الحكومه تنفي هاذي الملافي التي. قام يتدرئ فيها من يريد ان يعمل الي براسه وصار المعتدي والجهال وغيره يعرف ان مهما فعل من شي انه سوف. يتم ملفاء وتنتهي القصه ( ومن امن العقوبه اسا الادب ) لكن المفروض يعاقب من ب الشرع والصلح. لايكون الا بعد العقوبه.
الله يصلح الشباب الطايشين اللي سحبو ها الشيوخ وهالشيبان المطاليق على ما قال بن قبلان كل يوم وانتو في مراغه .. الرجل يمسك نفسه ويكظم غيضه ويتعوذ من ابليس
ماانشب العقال الا الجهال والدنيا ذا حالها عسى الله لايبلانا ولايبلاكم ولو ماتدخلو الشيبان بيجلسون الجاهل في شره ومشاكله وتكبر الفتن ولاعادهي مخلصه ولابينشب فيها الا العقال ... مانقول الله المستعان وعسى يصلح شباب المسلمين اجمعين
اللي يتكلم الرجال ذا منهو يا رجاجيل انشهد ان الله عطاه بسطة فالجسم ولسان دليل الله يزيده عافيه وعلماً غانم ماشاء الله تبارك الله ما سمعته قال كلمة غاوية والكلام يجي نفس ماهو يبي سبحان الله ان خاويت ال الجرو كلامهم حاد وهم كفو ويعرفون لكن ماهم بمثل الرجال ذا مصيبه في ذمتي ويقدرونه ويحبونه ربعه
اولا .. علوم الرجال الغانمه ماهي تخلف .. ثانياً .. مكارم الأخلاق مثل الشجاعه والشهامه والنخوه اوصى بها الإسلام .. ثالثا .. إذا أنت رخمه و رمه ومتربي تربيه نواعم لا تتابع مقاطع الرجال .. تابع مقاطع تناسبك وانت فاهم قصدي ..